زواج السعوديه من غير السعودي ( الأجنبي ).

[مخطوبه]

المشاركة الأصلية كتبت بواسطة حكايه

ايوا

غرامه للسعودي وترحيل للاجانب

دا الكلام قاله صاحب ولد عمي يشتغل في الشرطه
لانه كنا نبغا نملك ونتزوج بدون موافقه
لكن لمن استشاروه قالهم اصحكم تراه مشاكله كتيره
ف خافو اهلي و رفضو فكره الزواج بدون موافقه
منشان كدا قاعدين نستنا المعامله

كم غرامة السعودي اذا تعرفي
و الاجنبي يترحل حتى لو كان مقيم ولالا

[اجمل انثى]

المشاركة الأصلية كتبت بواسطة يارب يسر امري

ماكنت ابغا افتيكلك
بس من تجربة اختي القددددديمة اللي لها تقريبا 6 سنوات ماشاء الله
بس اذا محد جاوبك للان
راح اقولك
اعطوهم موعد المحكمة حددتو بنفسها ع حسب جدولهم اكيد
بس قالولهم الموعد اختياااري مو اجباري
ويسالو العريس سواء كان اجنبي او سعودي لانو هو اللي بيدفع مهر وكدا
فسالوهم العريس جاهز للموعد دا ولالا

وان شاء الله الاسبوع دا تبشرينا انو حولو معاملتك للمحكمة ياااارب
والله ييسر لك وييسر لي ويفرجها علينا جميعاً آمين يارب العالمين

لو احنا نحدد الموعد ممتاز عشان ابغى اخليه بنفس عيد ميلادي

[طآل انتظآري]

كيف يرحلو اﻻجنبي من مواليد السعوديه ومقيم فيها
و زي ماقالت مخطوبه هل عندك خلفيه كم الغرامه !!

[حكايه]

ايوا ترحيل حسبي الله عليهم حتا لو من المواليد

الغرامه 100 الف

طبعن هالشي قاله واحد يشتغل في الشرطه وموثوق فيه

[لحظة عتاب]

المشاركة الأصلية كتبت بواسطة لحظة عتاب

يسعد مساءكم عندي سوال وياااريت تفيدوني فيه وانا متابع مواضيعكم من زمان وربي يفرجها على الجميع انا كنت مقدمه على معامله وانرفضت باامارة مكة بسبب العمر وقدمت استثناء للداخلية ورجعت المفروض بالموافقه للامارة وجلست بالامارة تقريبا 3 اسابيع وحتى كتير اوقات نتصل عليهم ويقولو متوافق عليها المعامله وبعدين اتفاجئت انها راحت محافظة جدة .... بس انا عندي سؤال الناس اللي جاتهم موافقات وهما بجدة من وين تحويل المعامله من امارة مكة ولا من المحافظة حقت جدة وياااااريت الرد وربي يفرجها على الجميع ..... حتى لما طلعت من امارة مكة وراحت المحافظة اتصلت على الامارة وقالو طلعت من عندنا بالموافقه خلاص بس قال المحافظة هي اللي تحول للمحكمة مو الامارة عشان المحكمة في جدة كل منطقه ولها محافظتها ...ياريت تفيدوني علما انا في جدة

يعطيكي العافية لحظة تفاؤل وربنا يكتبلك الخير ويسهل اموارك ... لو في احد من جدة وجاتو موافقه يااااااريت يفيدني ضروررررري التحويل للمحكمة من امارة مكة ولا من محافظة جدة يااااريت الرد اللي عندو خبر

[زهرة جده]

المشاركة الأصلية كتبت بواسطة اکرم

من يوم 28 من شهر الجاري الين يوم 18 شهر ذوالحجه.. کله اجازات رسميه

هذي تقريبا اجازة المدارس بس اجازة الدوامات والدوائر الحكوميه اخر دوام يوم 30 واول يوم دوام يوم 13

[مالنا رب سواك]

اليوم رحت للقسم النسائي وقالت لي المعامله عند الموظف الفلاني خلي احد من اهلك يروح
راح لهم خطيبي وجلسو يمرمطوه يقول عند موظف 2
قالهم انا متاكد ان المعاملة عند الموظف ....اخر شي دخلوه عنده قاله تعال بعد 10 ايام
هم يدامو بالاجازة
فوضنا امرنا الى الله

[اجمل انثى]

تم تحويل معاملتي من الداخليه للامارة بتاريخ 14- 11 للحين مابينت في الامارة 21e11e1q
اكرم اش صار معاك طلعت معاملتك من الداخليه

[زهرة جده]

بشرو ايش صار معاكم اليوم في احد صار معه شي جديد طمنونا
احس ماصار في تفاعل زي اول

[مخطوبه]

المشاركة الأصلية كتبت بواسطة زهرة جده

بشرو ايش صار معاكم اليوم في احد صار معه شي جديد طمنونا
احس ماصار في تفاعل زي اول

انا لسه اليوم ابدا مشواري من جديد
قدمت المعامله اليوم بمحافظة جده

[زهرة جده]

المشاركة الأصلية كتبت بواسطة مخطوبه

انا لسه اليوم ابدا مشواري من جديد
قدمت المعامله اليوم بمحافظة جده

الله يسهلك ياررررب ويسهلنا جميعا وتفرج

[زهرة جده]

مانفسي تجي الاجازه
انتو زي ولابس الاحساس هدا عندي

[حكايه]

وانا كمان صرت اكرهه الاجازات
زي احساسك يازهره
ترا النفسيه تعبت خلاص
الله يفرجها علينا جميع

[حنين الطيب]

زهرة جده ماراح خطيبك يوم 16 ؟؟؟؟؟

[متوهق]

مالي وقت مقددم المعامله

الحاله تحت ااجراء

الاداره المركز الشامل

وش يعني محد جاوب تونا جديد عندكم :(