فضفضه ويوميات اصحاب نوبات الهلع

سلامتج حبيبتي نبع الوفا ألف سلامه عليج
:( ما تشوفين شر إن شاءالله ... بالنسبه للبكاء
يوم البكاء العالمي حتى أنا بكيت اليوم كثير .. بس ارتحت
تدرين ليش لأن الأيام اللي مرت علي و أنا فيني نوبات هلع
متكرره و الله حتى البكاء كنت ما أبكي آخاف أبكي يزيد الخفقان
أو الدوخه .. صرت أحس إن البكاء نعمه سبحان الله ..
ما قلتي لي انت تستخدمين أدويه ؟!!!

المشاركة الأصلية كتبت بواسطة ابو هلع

اهلين اختي وسهلين ومرحبتين امين ويشفيك يارب اي والله معاناه صراحه النوبات امس حصل لي موقف ونا اسوق السياره الله يهديهم مو منظفين الشارع ونا ماشي بنشرت السياره معي والكفر انفتح فتح ولما نزلت بلشت كيف اغير الكفر لان السياره معقده شوي فيها حساس ونا اغير الكفر بصعوبه صراحه جاني اجهاد غريب وتعب ودوخه الله لا يعودها ونا اعتبره مجهود مثل الي يركض ثلاث ساعات بدون توقف صراحه استغربت لكن ومع ذلك مافكرت بالموضوع بزياده وحبيت اذكر لكم الي حصل معي والحين انا بالدوام واموري طيبه :))))


انا والهلع مالك غير تمشين بالكلام الي مقتنعه فيه انتي يعني اذا قررتي توقفين الدواء هذي قناعه داخليه وما تدرين يمكن اذا وقفتي الدواء ترتاحين اكثر وان شاء الله هذا الي بيصير :))

مساء الخير ابوهلع كيف الامور اليوم ان شاء الله افضل؟ ماشاء الله عليك اخوي من واضح كلامك عن حالتك انك الحمدلله بتقدر تسيطر عالنوبات بدون دواء وبالذات هالفترة من ترك الدواء اتوقع اللي بتحسم النتيجة،اتمنى لك الشفاء العاجل الذي لايغادر سقما وللجميع.
والله موضوعك شجعني من البداية على ترك الدواء مع باقي الاعضاء عندما قررنا الاستغناء عنه وانا في الطريق ان شاء الله ولكن لا اخفيك خوفي الشديد من الانتكاسة اصبحت عندي عقدة ههههههه اه والله،احيانا كثيرة اتردد لحظات اقول ساستغني عن الدواء نهائيا واواجه الهلع ويا أنا يا هو واحيانا اتذكر متاعبي معه فأقول لا مشيت هذا المشوار كله واخطأ كما اخطأت اول مرة وانتكس واوسوس قد تسوء حالتي اكثر ولاينفع حتى الدواء معي فلم لا ابقى على هذه الجرعة الى ماشاء الله،واحيانا اخرى افكر ان استعمل فقط المهدئ عند اللزوم،والله حيرة مابعدها حيرة،اللهم افرجها علينا.حقيقة البروزاك دمر نظام نومي ارق شديد اصابني منه.

المشاركة الأصلية كتبت بواسطة ساره دبي

ولكم نبع الوفاء منورة اختي :)

هنــــادي و انا و الهلـــــع

وينكم لا تغيبون كثير ... اشتقت لكم :(

صح سوال عام ... اول ما استخدمتوا دواء اول اسبوعين عذاب
ثم تحسن تدريجي بس خلال هالتحسن تكون بعض الاعراض موجوده
هل تختفي مع مرور الوقت ؟؟؟؟

هلا هلا بالحلوين كيفك سارة احب اسمك جدا،هلا بدبي دار الحي هههههه،على فكرة انا من مواليد ابوظبي اعشق الامارات عشق جنوني بقيت فيها للمرحلة الثانوية اجمل ايام حياتي قضيتها فيها،آآآه ياسارة ذكرتني بالذي مضى.
احيانا اتغيب لظروف وان شاء الله لانغيب عن بعض كتير،حبيبتي الاعراض بعد اسبوعين لشهر تقريبا ان شاء الله بتخف كتير الى ان تختفي،تجربتي انا يمكن كل شخص مختلف عن اﻵخر شعرت الحمدلله بعد شهر تقريبا باختفاء الكثير من اﻷعراض ولكن كان يأتيني شعور كأن نوبة ستداهمني ولكن الدواء يقضي عليها سريعا فاشعر بخفقان سريع وينتهي واكثر عارض الى اﻵن يزعجني هو ضيق النفس ليس كالسابق ولكن فترات يهجم علي وينغص حياتي ،لكن اطمئني سترتاحين كثيرا من الاعراض وستختفي مع الوقت خاصة انك ذكرتي انك شعرتي بتحسن من البداية اذا استجابتك للدواء ممتازة والحمدلله،كم الجرعة التي تتناوليها وهل تاخذين مهدئ؟

هلا حبيبتي انا و الهلع و انا احبكي كثيرا
و الامارات كلها تحبج من بوظبي الى الفجيره :)
الحمدلله رب العالمين على كل حال ... نفس الشي
ياتيني احساس بان نوبه سوف تهجم علي ثم
بعدها خفقان و رجفه ثم اشعر بهدوء
الحمدلله ... انا اخذ حبة واحده سبرالكس
بدات بنصف حبه لمدة اسبوع ثم رفعت الجرعه
الى حبة الطبيب قال لي استمري على حبة واحد لمدة شهر
سنرى خلال الشهر مدى التحسن ... الله كريم
ربي يشفينا يارب و يعافينا ان شاءالله ... انا الحمدلله اشعر بتحسن
لكن فترة الصباح ياتيني قلق ....يستمر معي الى منتصف النهار تقريبا
الله يرحمنا برحمته يارب

صبحكم الله بالخير

المشاركة الأصلية كتبت بواسطة ساره دبي

هلا حبيبتي انا و الهلع و انا احبكي كثيرا
و الامارات كلها تحبج من بوظبي الى الفجيره :)
الحمدلله رب العالمين على كل حال ... نفس الشي
ياتيني احساس بان نوبه سوف تهجم علي ثم
بعدها خفقان و رجفه ثم اشعر بهدوء
الحمدلله ... انا اخذ حبة واحده سبرالكس
بدات بنصف حبه لمدة اسبوع ثم رفعت الجرعه
الى حبة الطبيب قال لي استمري على حبة واحد لمدة شهر
سنرى خلال الشهر مدى التحسن ... الله كريم
ربي يشفينا يارب و يعافينا ان شاءالله ... انا الحمدلله اشعر بتحسن
لكن فترة الصباح ياتيني قلق ....يستمر معي الى منتصف النهار تقريبا
الله يرحمنا برحمته يارب

اهلين سارة الحمدلله انك في تحسن وان شاء الله للمزيد والشفاء التام،كلها امور طبيعية اللي بتمري فيها ستنتهي تدريجيا وان شاء الله ماتحتاجي يزيد لك الجرعة،مارسي تمارين الاسترخاء والتنفس فهي مفيدة جدا ولاتنتظري مفعول الدواء اشربيه وانسي ،والله مفكرة لو غيرت الدواء احول ع سيبراليكس فالجميع يمدحه،طمنينا عنك ياعسل.

صباحك سعيد ملئ بالامل والتفاؤل اخي الشاكر

هلا حبيبتي انا و الهلع تسلمين يارب
ان شاءالله ما احتاج يارب
بصراحه انا مرتاحه على السبرالكس الحمدلله
طبيبي يقول انه يناسب معظم الفئات نسبه قليله
اللي ما ناسبهم .... الله يتمم لنا الشفاء على خير يارب

المشاركة الأصلية كتبت بواسطة نبع الوفاء

حياك أخوي --هو تقبلها أو تجاهلها شيئ رائع بس يعتمد على الشخص نفسه وقدرته على هالشيئ

والمعدة انصحك حاول تشخص ايش عندك بالظبط يمكن من الادويه هي السبب!! وخفف الأكل الدسم ..اترك القهوة كم يوم

واحكم بنفسك اتوقع اهي السبب__

انا اليوم في اسوا حالاتي لدرجة ابكي ومنهارة ومتضايقة كرهت الدوام ومش قادرة انقذ نفسي من هالموقف

بس الحمدلله صرت أردد (لاإله الإ أنت سبحانك إني كنت من الظالمين )

والحمدلله خفيت وهدت نفسي

سبحان الله الشخص اذا كان متضايق من شي او مزعجه شي فجاه يحس بالتعب والانهيار وترا البكاء نعمه وتخفيف للالم يعني مرات انا ابي اصيح مو قادر ابي شي يخفف علي مو قادر لان ادري ان البكاء بعدها راحه ولو قليل

لانه تفريغ للكبت الداخلي وخاصه للحساس او الي عنده قلق وهلع يعتبر غير لان النفسيه عنده تعبانه
لكن ان شاء الله تكونين بأفضل حال طمنينا عليك الحين

المشاركة الأصلية كتبت بواسطة ساره دبي

هلا ابو هلع يعطيك العافيه و عساك عالقوه ....

اختك الصغيره ؟؟ هههه يمكن اكبر منك بعد عموما اتشرف
تكون اخوي لي الشرف :)
تصدق عاد انا ما اعرف ابدل
التاير ااذا بنجر هههههه يطلع لي مسج
ف السياره اذا التاير بنجر بس عادي اقدر امشي فيه مسافة
50 او 100 كيلو على ما اعتقد .... :)
مشكلتي لما اسوق احس النوبه بتهجم علي :(
و اقعد افكر و اسرح يعني لو يجيني خفقان بسيط
اتم خايفه طول الوقت :( الله يعافينا يارب

المشكله التاير عندي انفتح نصين ونسلخ لان داخله فيه حديده كبيره مثل السكين يعني بنفس اللحظه قعده السياره

طمنينا عليك الحين شخبارك ياراعيه السيبرولكس :)

المشاركة الأصلية كتبت بواسطة انا والهلع

مساء الخير ابوهلع كيف الامور اليوم ان شاء الله افضل؟ ماشاء الله عليك اخوي من واضح كلامك عن حالتك انك الحمدلله بتقدر تسيطر عالنوبات بدون دواء وبالذات هالفترة من ترك الدواء اتوقع اللي بتحسم النتيجة،اتمنى لك الشفاء العاجل الذي لايغادر سقما وللجميع.
والله موضوعك شجعني من البداية على ترك الدواء مع باقي الاعضاء عندما قررنا الاستغناء عنه وانا في الطريق ان شاء الله ولكن لا اخفيك خوفي الشديد من الانتكاسة اصبحت عندي عقدة ههههههه اه والله،احيانا كثيرة اتردد لحظات اقول ساستغني عن الدواء نهائيا واواجه الهلع ويا أنا يا هو واحيانا اتذكر متاعبي معه فأقول لا مشيت هذا المشوار كله واخطأ كما اخطأت اول مرة وانتكس واوسوس قد تسوء حالتي اكثر ولاينفع حتى الدواء معي فلم لا ابقى على هذه الجرعة الى ماشاء الله،واحيانا اخرى افكر ان استعمل فقط المهدئ عند اللزوم،والله حيرة مابعدها حيرة،اللهم افرجها علينا.حقيقة البروزاك دمر نظام نومي ارق شديد اصابني منه.

هلا وغلا فعلا ابروزاك راعي ارق حتى الله يهديه يسبب خمول بس بالنهايه مثل ماقلت لك القناعه مهمه يعني لا تتركين الدواء الا وانتي مقتنعه فعلاً

اشخاص ان شاء الله يكونون بخير

فتى المدينه + ام جميل + اميره + تعبت من الالم واشخاص ان شاء الله ما اكون مانسيتهم لان الذاكره عنده للاسف بسرعه تسوي فورمات >_<

هلا والله بو هلع
راعية السبرلكس. ماشي حالها
اللهم لك الحمد و الشكر
في شوية حركات و اكشن
بس قد ما أقدر أحاول أطنشها
و اعتقد الدواء ساعدني. في المقاومة
و إن شاءالله خير و شكرا على سؤالك :)

السلام عليكم،،،هلا اخوي ابوهلع الله يسعدك ياشيخ انت الوحيد اللي تسال عني ،،،انا الحمدلله بخير انت اخبارك واخبار الهلع معاك ان شاءالله مافي هلع،،،وكيف المعده ان شاءالله احسن ،،واخبار اميره ونبع الوفاء لي فتره ماشوف مشاركاتهم ان شاءالله اخبارهم طيبه.

اهلين ساره وام جميل هلا والله ساره لازم في اكشنات شتسوين عاد المهم احسن من قبل واكيد التحسن كل يوم يزيد

ام جميل الله يسلمك لا تواخذينهم تحصلين الواحد كارهه نفسه من الهلع انا والله المعده مرات تمام ومرات لا بس دايم احس فيها نفخه والم بسيط براس المعده سشد ويروح لكن الحمدلله

والهلع الحمدلله الى الان تحت السيطره

انتي اخبارك واخبار المعده والقلق والهلع