فضفضة لأصحاب نوبات الهلع

اهلا اختي ياسمين

اهلا مهدي مزال ما جاك النعاس

مازال اختي
كنلقى شوية د الصعوبة فالنعاس

السلام مهدي حتى انا منعستش البارح الله يدير لينا شي تاويل يارب الحمد لله على كل حال،كيصبحتي شويا بعدا

الحمد الله بخير اختي
انا ما عنديش مشكل مع النعاس ولله الحمد
فقط البداية كنلقى فيه صعوبة . ولكن غي نغمض عيني صافي كنعس الحمد الله

ماشاء الله اللهم بارك سعداتك انا يمكن حيت عاد بداني هادشي مزال ماولفت واش ماكاينش اعضاء مغاربة من غيرنا شفتهوم غابرين

نفس الملاحظة غياب اعضاء مغاربة
ولا يمكن غي انا وياك فالمغرب لي عندنا هاد المرض ههههه

كنشوف اعضاء مغاربة لكن فمواضيع ومشاركات قديمة ومن هذا المنبر كنوجه تحية لجميع الاعضاء المغاربة وكنقوليهم ضهرو وبانو عليكم الامان
اوجه ايضا تحية خاصة لجميع الاعضاء من جميع الدول الله يشافينا جميعا يارب

من كثرة الحالة لي فيا
طلع ليا اليوم الضغط ل 16 ودقات قلبي مجهدة
فات وقع لك بحال هاكة اختي ؟؟

الصراحة ما عبرتش الضغط كنخاف نجبد على راسي وسواس كتار من هادا اللي فيا ،اما مع انعدام الشهية والقلق والتوتر غير خليها على الله اخويا مهدي حاول تاكل الخيار راه مزيان للضغط الله يشافيك

لا هو الضغط ايلا كان السبب ديالو نفسي
يكون أخف و أسهل لما يكون سببه عضوي لا قدر الله

تا انا الشهية عندي ناقصة لكن بزز مني ناكل
لا نحصلو فمشكل اخر لا قدر الله بحال فقر الدم وغيره ....

قريت باللي قلتي تزاد عليك الاكتئاب ياك لباس اخويا مهدي كيبقيتي شويا هاد العشية

نعم اختي تزاد عليا هاد الايام الوسواس القلق .....
اليوم حسيت براسي ماشي نورمال . عبرت الضغط لقيتو طالع شوية

يارب تشوف من حالنا وحال جميع المسلمين

الله يشافيك اخويا مهدي ويريح بالك ردد هاد الدعاء ديما فنفسك قول: اللهم الطف بي وانزل علي السكينة ان شاء الله تولي بيخير اخويا

امين اختي

وانتي فين وصلتي مع المرض
واش قلتيها للوالدين ديالك ؟