تجمع مرضى الفصام وثنائي القطب اسأله وتبادل خبرات

المشاركة الأصلية كتبت بواسطة جيداء معن

هو بدايته كان فقط يشك باخوي انه مهكر جواله وانه يتصل ع اصحابه يقول لاتمشون معه ومن هالكلام بعد كذا تطووور صار يشك باكثر من شخص بعدين صار بكل الناس واذا طلع يفكر انهم يتكلمون عنه وانه احد مرسلهم يراقبونه وصار مايطلع ابدااا من البيت صرف له الدكتور ابليفاي اخذها 3 اسابيع وارتاح شوي لكن فجأه وقف ورفض مرررره يكمل جلس ثلاث اسابيع بدون دوا كان يمشي اربع وعشرين ساعه مايصلي ولايتروش وماياكل الا ناااادرااا نحف مرررره وديناه دكتور ثاني صرف له ابر رسيبدال كل اسبوعين مره اللي صار بالبدايه تحسن شوي صار ياكل ينام مايمشي يتكلم شوي معانا بعدين صار يتخشب كثييير كم ساعه يوقف مايرد علينا ويفك لين وصل مرحله تخشب كل اليوم مكانه مايرد ولا ياكل ويطالع كانه مايعرفنا مره تعب وديناه طبيب ثاني قال الطبيب اللي صرف له الابر هذي مجرم لانها قويه عليه غلط
المهم عطاه ابره مادري وش اسمها جانا من المستشفى يقول وش صاير وين العالم اللي كانو هنا كانو يعذبوني ويستحقروني قال كل اللي يحس فيه طبعا اشياء غريبه يقول انه صلى للجني و بعدها بعالم الجن بدو يعطبونه ويهينونه ويتكلم عن احداث مثلا الشخص الفلاني كان هنا بيتنا وسوا كذا وكذا وناس مشاهير جو له وانه تحول لكائن ثاني وانه ركبو له شكل جديد وانه طلعت روحه يتكلم عادي كلامه موزون وطبيعي بس يقوب عنها مقتنع انها صارت نقول له انها مجرد ارهام يقول معقوله مصدووم بس كان فرحااان يقول الحمدالله اني رجعت من هذاك العالم وكان متحمس مره بيطلع ويشتري وبسوي وراح تروش ( له شهرين ماكان يتروش ) المهم بعدها بكم ساعه رجع لوضعه صاااامت نناديه مايرد ونام بعدها صحي وضعه متحسن شوي بس يتكلم عادي لكن مايقول وش يحس فيه ابداااا ودايم ضايق ومتكدر ومايطلع ولايصلي والحين علاجه انفيجا 3 ملجم واقنعته امس وافق لكن خايفه من باقي الايام ماياخذه والدكتور يقول مجبووورين تتصرفون معه ياخذه

الله يشفيه ويعافيك ، لاتشيلون هم خلوكم مقتنعين اقتناع تام ان اي تصرف من اخوك هو غير مدرك له فلا تزعلون منه او تنظرون بنظره تعاطف او شفقه او خوف .

اخوك يحتاج احد يتابعه هل ياخذ العلاج ولا ويحتاج دعم من الأسره لاتحسسونه انه مريض وتعاملونه بهذي الطريقه عادي سولفي معه طبيعي ، المشكله الي وصلت اخوك لهذي المرحله بسبب انه ترك الدواء فقط من غير استشارة طبيب ، انتبهو له وتابعوه اذا اخذ الدواء او اي شخص فيكم يتكفل هو ويجيب له الدواء يوميا وياكله قدامه .


انصحكم بالبرفسور عبدالله السبيعي في مركز ادراك في الرياض .

المشاركة الأصلية كتبت بواسطة جيداء معن

السلام عليكم
اولا اتمنى للجميع الشفاء العاجل يارب
اخي مصاب بالفصام لكن غير مستبصر بمرضه عارف ومدرك انه مريض لكن احيانا يرفض ياخذ العلاج مدري وش الطريقه المناسبه كيف نقنعه اذا رفض وغير كذا كان سابقا يتكلم عن اوهامه وافكاره طبعا مقتنع تماما انها حقيقه مهمااا ناقشناه الحين صار ابدا مايقول وش يحس فيه كل ماسالته يقول مافيه شي اتوقع وصل مرحله يظن اننا بنضره ومايبي تكلم يخااف كيف اتصرف معه !!

واهم شيء العائله نفسها تكون قويه يعني لاتحزنين عشان مرض اخوك ، تراه شيء بسيط ويتعالج الناس منه لاتصدقون النت انه مزمن او صعب او خطير او ممكن مرضى الفصام يقتلون او يرفعون سلاح كل هذي غير صحيحه ، الفصام الي عشته انا وششفته مع غيري هو درجات متفاوته حتى الاعراض مختلفه اختلاف تام ، مع دعم الأسره القوي ومع العلاج والمحافظه على الدين وذكر الله واشغال النفس بالرياضه مثلا او العمل. هذي جدا تخفف من اعراض الفصام ،

الفصام يحتاج رياضه رياضه ثم رياضه لانها تحسن الدورة الدمويه بالجسم خصوصا الدماغ وجدا يكون مفعول العلاج كويس معها ❤


وأعيد واكرر لاتحرنون ولا يصبكم اكتئاب بسبب مرض اخوك خلوكم اقوياء وراضين بالواقع تماما مافيه اعتراض . ترى فيه اطباء مصابين بالفصام وفيه مهندسين مصابين بالفصام ولديهم عائله واطفال الحمدلله . تابعو علاجات اخوك اول بأول وان شاءالله اموره تمام

الله يسعدك جواهر ويجزاك خير ويكتب لك شفاء تام
ان شاءالله حنا معاه اكيد ونحاول نعامله افضل معامله
بسألك انفيجا وش سبب لك اعراض لاحظت اخوي امس واليوم كله نايم وكسلان توه اخذ الدوا من يومين
انتي متى حسيتي بتحسن
هو مايتكلم عن وش يحس به كله يجامل مافيني شي بس انا احس عنده اوهام وهلاوس كثير مع انه اشوفه الحين يتصرف طبيعي بس انه مكتأب طول الوقت ويحاول يبين انه عادي مافيني شي
المهم انتي متى بدأتي بالعلاج بعد كم من بدايه الاعراض!
تحسين انه تأخرنا عليه ! لانه بداية الاعراض تقريبا قبل سنتين من اول نوبه تجيه قويه تهجم علينا وكذا لكن بعدها حس انه ممكن يكون غلط وهدا وصارت تجيه ع فترات متباااعده بس اذا صار موقف خلال هذي السنتين لكن مدري قبلها وش كان يحس

وينكم ياليت تكتبون كثير وتتكلمون وش يصير معكم عشان افهم حالة اخوي واقارن والله يكتب لكم الشفاء التام انه على كل شي قدير
وماشاءالله تبارك الله لما اقرا كلامكم ماشوف ابدا ان فيكم شي اسمه مرض بالعكس جدا مثقفين وراقين وواعين تحتاجون بس تزرعون الثقه بنفسكم انه ماااافيكم شي ابدااا ياليت اخوي زيكم يفهم حالته ويبحث ويقرا مع انه قبل كان جدا مثقف ويقرا ويتابع اشياء مفيده حتى بعد ماانصاب بالمرض لوقت قريب قبل شهرين وهو مافيه شي يقرا ويبحث ويقرا ع نفسه قران ومحافظ ع صلاته لكن بعد العلاج تغير مره احسه مو عارف حتى يبحث ولا يقرا عن حالته
الحين ابي اسالكم عندكم تفسير ليش اخوي مايتكلم وش يحس فيه حاليا !!
وكيف اخليه يتكلم عشان اساعده يتخلص من اوهامه
قبل الدوا كان يقول كل شي وكنت اناقشه وانه غلط تفكيرك وكان يهدا شوي ومرات يقتنع بكلامي الحين لاااا مايناقش ابدااا ولا يقول وش بباله مرات اقول ممكن عارف ان اللي يحس فيه مجرد اوهام ومايبي يفصح عشان ماننتقده ومرات احسه لا يشك فينا اننا بنضره وكذا تعبان وساكت كسف اساعده !!

المشاركة الأصلية كتبت بواسطة جيداء معن

الله يسعدك جواهر ويجزاك خير ويكتب لك شفاء تام
ان شاءالله حنا معاه اكيد ونحاول نعامله افضل معامله
بسألك انفيجا وش سبب لك اعراض لاحظت اخوي امس واليوم كله نايم وكسلان توه اخذ الدوا من يومين
انتي متى حسيتي بتحسن
هو مايتكلم عن وش يحس به كله يجامل مافيني شي بس انا احس عنده اوهام وهلاوس كثير مع انه اشوفه الحين يتصرف طبيعي بس انه مكتأب طول الوقت ويحاول يبين انه عادي مافيني شي
المهم انتي متى بدأتي بالعلاج بعد كم من بدايه الاعراض!
تحسين انه تأخرنا عليه ! لانه بداية الاعراض تقريبا قبل سنتين من اول نوبه تجيه قويه تهجم علينا وكذا لكن بعدها حس انه ممكن يكون غلط وهدا وصارت تجيه ع فترات متباااعده بس اذا صار موقف خلال هذي السنتين لكن مدري قبلها وش كان يحس

ويسعدك يارب 💕

من ناحية حبوب انفيجا انا ناسبتني اول الايام ممكن كان يجيني خمول وكسل وبس والان لا مافيها اعراض حمدلله .
وفيه غيري مانسبتهم الحبوب هو على حسب استجابة المريض للأدويه .

لاتكثرين اسئله على اخوك بما انه ياخذ ادويته معناته مقتنع انه مريض ويحتاج علاج ولاتشكين فيه انه خايف منكم ومايبي يتكلم ممكن يكون خجلان ! ممكن ردة فعلكم قويه تجاه افكاره وتنصدمون وممكن ماعنده افكار او هلاوس . ماتقدرين تقولين او نقولك عن حالة اخوك وهل فعلا مختفيه الهلاوس منه او لا لأن الأغلب هنا الاعراض تختلف والفصام درجات متفاوته بعضهم يتقبلون العلاج بسرعه ويتشافون وبعضهم يستمرون سنوات على العلاج وماتختفي الاعراض .

لاتحققين مع اخوك ، ممكن تسألينه كل فتره عن حاله وهل عنده عرض جديد اذا قال كويس خلاص لاتكثرين اسئله عليه طبيعي الاعراض مابتختفي بيومين بس اهم شيء استمرو مع العلاج الدوائي وكذلك دعم الأسره ولاتخلون عنده وقت فراغ اذا استمر ع العلاج اسبوعين قولو له يدخل نادي مع احد اخوانك او لحاله . لازم ينشغل بوقف فراغه

وبخصوص ان الاعراض كانت ظاهره من سنتين وتوكم تعالجونه طبعا هذا تأخير لكن مو معناته انه ماراح يتعالج بإذن الله يرجع طبيعي

هو الأن بصراع مع نفسه فلازم جو الأسره يكون مُستقر وكويس.


ان شاءالله قدرت افيدك

وشكرا لك

ماقصرتي جواهر وجزاك الله خير
مااكثر اساله ابدا بس ودي انه هو يفضفض عشان يرتاح
بعدين باين انه عنده افكار لانه احيانا مثلا يقول جيبي لي مويا لما اجيب له يتركها ويشرب مويا ثاني وماياكل الحين من اكل البيت لازم نطلب من برا
بخصوص الانفيجا متى تقريبا بدا تختفي عندك الافكار وهل حسنت نفسيتي من ناحية الاكتئاب !

المشاركة الأصلية كتبت بواسطة جيداء معن

ماقصرتي جواهر وجزاك الله خير
مااكثر اساله ابدا بس ودي انه هو يفضفض عشان يرتاح
بعدين باين انه عنده افكار لانه احيانا مثلا يقول جيبي لي مويا لما اجيب له يتركها ويشرب مويا ثاني وماياكل الحين من اكل البيت لازم نطلب من برا
بخصوص الانفيجا متى تقريبا بدا تختفي عندك الافكار وهل حسنت نفسيتي من ناحية الاكتئاب !

بخصوص الانفيجا والافكار ، حاليا مختفيه الافكار وكل شيء ،

اكثر شيء طول معي هو فكرة التخاطر ممكن جلست شهر ونص مع الانفيجا بعدين راحت هالفكره ، كنت اعتقد ان افكار الناس توصلني او افكاري توصل للناس عن طريق التخاطر ، واحيانا يجيني حزن مو حزني وكنت اعتقد ان هذا حزن امي مو احساسي واروح اسال امي وألاقيها فعلا حزينه من شيء ، بس مع الوقت والعلاج خلاص ماصارت تجيني هالافكار والأحاسيس و طبعا مع الرياضه ، الاكتئاب والطفش يجي من جلسة البيت لكن اذا طلعت ورحت نادي او اتسوق مايجيني شيء يعني كل فتره وفتره خلوه يغير جو .

وماشاءالله عليك ياجيداء والله يكثر من امثالك ، واضح انك حريصه على اخوك وشايله همه بس انتبهي يجيك انتي اكتئاب حاولي تكونين قويه ولاتخافين من المرض الي عند اخوك ، هذا ابتلاء من الله وتكفير لذنوب اخوك .

صحيح ان الانسان يتمنى يعيش سليم وبصحه جيده لكن ممكن هالمرض يكون سبب او طريق لدخوله للجنه ❤

الله يسلمك يارب
والله الانسان يضعف ويحزن غصب وبحكم اني اقرب وحده له ماقدرت اتحلمل تعبت مرره بعد مرضه بس جالسه احاول اساعده قد مااقدر
لكن كله قضاء وقدر رؤوف رحيم وربي ارحم فيه مني وقادر ع شفاءه
بس والله لما شفت تجمعكم هذا وقريت كلامكم تفائلت الحمدالله انكم طيبين وفاهمين مرضكم وكل شي ماشي طبيعي
وفعلا افكار اخوي بالبدايه مثلك كان يقول انتي تفكرين فيني صح ودايم يفول انه فلان جالس يفكر فيني بس اغلبها غلط يتوهم لكم مااااايقتتع ابد انه يتوهم
بس اللي مخوفني انه اكثر منكم اعراض ووصل مرحلة مره فصل عن الواقع مع الابر بس مادري وش نوع الابره اللي عطوه وصحي وصار يتكلم وش كان يشوف ويحس
بس الدكتور قال لا هذي لو عطيناه دايم يدمن عليها مع انها مررره طلعته من جوه وكان مبسووووط وطاير من الفرحه انه طاب بس ماطول مفعولها
المهم بالله جواهر لاتقطعين هالتجمع كلامك يعطيني امل واحسك فاهمه ماشاءالله ربي يشيل عنكم كل مرض وحزن يارب
في شغله مادري احس هالمرض له علاقه بالمس والجن لانه اغلب المرضى يبعدون عن الدين وتجيهم اوهام اقرب للاشياء السيئه والنجسه ومن هالكلام طبعا مو الكل لكن كثير قريت نفس الشي
اوتجيه وساوس تكرههم باهلهم والناس اللي تحبهم
وش رايك انتي !

المشاركة الأصلية كتبت بواسطة رهاابي

فاقد ... ما تحس ان احد يعرفك او احد يمشي وراك اذا رحت مكان عام

مرحبا صديقي رهاااابي
اتمنى لك يوم لطيف

بصراحه صرت مثلك اذا قمت اشوف الدنيا لونها ابيض من الدوخه
وش السبب تتوقع ابليفاي ؟ لاني قبل ما ااكله ماكنت ادوخ

المشاركة الأصلية كتبت بواسطة فاقد صبري

مرحبا صديقي رهاااابي
اتمنى لك يوم لطيف

بصراحه صرت مثلك اذا قمت اشوف الدنيا لونها ابيض من الدوخه
وش السبب تتوقع ابليفاي ؟ لاني قبل ما ااكله ماكنت ادوخ

لا مب سببه ابيليفاي

بالعكس هو ينشطك

المشاركة الأصلية كتبت بواسطة جيداء معن

الله يسلمك يارب
والله الانسان يضعف ويحزن غصب وبحكم اني اقرب وحده له ماقدرت اتحلمل تعبت مرره بعد مرضه بس جالسه احاول اساعده قد مااقدر
لكن كله قضاء وقدر رؤوف رحيم وربي ارحم فيه مني وقادر ع شفاءه
بس والله لما شفت تجمعكم هذا وقريت كلامكم تفائلت الحمدالله انكم طيبين وفاهمين مرضكم وكل شي ماشي طبيعي
وفعلا افكار اخوي بالبدايه مثلك كان يقول انتي تفكرين فيني صح ودايم يفول انه فلان جالس يفكر فيني بس اغلبها غلط يتوهم لكم مااااايقتتع ابد انه يتوهم
بس اللي مخوفني انه اكثر منكم اعراض ووصل مرحلة مره فصل عن الواقع مع الابر بس مادري وش نوع الابره اللي عطوه وصحي وصار يتكلم وش كان يشوف ويحس
بس الدكتور قال لا هذي لو عطيناه دايم يدمن عليها مع انها مررره طلعته من جوه وكان مبسووووط وطاير من الفرحه انه طاب بس ماطول مفعولها
المهم بالله جواهر لاتقطعين هالتجمع كلامك يعطيني امل واحسك فاهمه ماشاءالله ربي يشيل عنكم كل مرض وحزن يارب
في شغله مادري احس هالمرض له علاقه بالمس والجن لانه اغلب المرضى يبعدون عن الدين وتجيهم اوهام اقرب للاشياء السيئه والنجسه ومن هالكلام طبعا مو الكل لكن كثير قريت نفس الشي
اوتجيه وساوس تكرههم باهلهم والناس اللي تحبهم
وش رايك انتي !

حبيبتي ربي يسعدك 💕

لا ماله علاقه لا مس ولا جن هذا مرض عضوي اساسا وليس نفسي .

الباقين اذا تقدرون تفيدون الأخت جيداء معن
كيف تتعامل مع اخوها او تذكرون تجاربكم وكيف تصرفتم لاتبخلون عليها

صامدة رغم المحن معجب بهذا

فاقد هل تحس بجفاف في الفم مع ابيليفاي

صامدة رغم المحن معجب بهذا

المشاركة الأصلية كتبت بواسطة رهاابي

فاقد هل تحس بجفاف في الفم مع ابيليفاي

بعض المرات