رجيتـــــكمـ ساعدوني ..

رجيتـــــكمـ ساعدوني ..

السلام عليكم ورحمة الله وبركاته..

الله يجزيكم خير ساعدوني .. لأني تعبـــانه وتعبت من نفسيتي اللي كل يوم تتدهور..
راح أقولكم مشكلتي من البدايه حتى النهايه وأتمنى أني اجد عندكم المساعده يااارب ..




أنا كنت أحب واحد من عيلتي واتفقنا على ان يجي ويتقدم لي وهذا الطلب اجاا منه قبل لايكون مني ..
المهم ظليت أكلمه يمكن لمدة 4 شهور لكن كل ماجبت له سالفة انه يتقدم لي كان يتهرب بكل الوسائل ويقولي انتظريني شوي وجاااي لك ..
وظليت وظليت حتى قالي في النهايه لاتفكرين لمجرد التفكير اني راح أجي وأتقدم لك ..!!
طبعاً انا التزمت الصمت وسكرت ..
ظل يلاحق فيني وانا ماأرد ولا أي حاجه .. حسيت اني انتهيت رحت لخالتي وقلت لها عن كل اللي صار
وانتهت المشكله وكلمته ونهيناها وحاولت أني أنساه ..
غيرت رقمي لكنه قدر انه يجيبه وظل يدق علي لين استسلمت ورديت عليه .. وقالي انه متحسف ومو قادر ينساني وغير هالكلام
وانه راح يجي أكيد يتقدم لي ..
انا من غبائي صدقته وسمعت كلامه وظليت اكلمه يمكن لمدة أسبوع.. ولكن في النهايه اكتشفت انه ينتقم مني لأني خبرت خالتي عن كل شي .. بعدها عرفوا خوالي بالموضوع كله وخالاتي وصار موقف وشجار في العيله وفي هذي اللحظه جاني انهيار عصبي ورحت المستشفى والحمد الله طلعت منها ..
بعدها حسيت ان الحياه بدأت تصير ظلمه في وجهي وكل يوم عن يوم تسوء حالتي النفسيه ..
حتى جاا يوم وحاولت الأنتحار أخذت 50 قرص من الحبوب وابتلعته وماحسيت بنفسي الا وانا في المستشفى وطلعت من المستشفى بعد أسبوع تقريباً والحمد الله ..
بعد هالشي حسيت ان جسمي كل حين يضعف .. وإني تعبانه بالحيل..
صرت عديمة الثقه في نفسي بعد ماكنت مغروره في نفسي .. صرت عصبيه بالحيل .. وأحياناً تجيني حاله غريبه ..
فجأه أحس اني أعصب على شي تافه وأحس اني جسمي يرجف بالحيل وريقي ينشف ومو قادره أبلع أي شي وبعدين ينزف دم من خشمي ..! وهذي الحاله يمكن جاتني ثلاث مرات ..
صرت متوتره .. وماأنام الا يمكن 3 ساعات في اليوم بس .. يجيني أرق مو طبيعي أحس اني تعبانه لكن ماأقدر انام أبد ..
صارت شهيتي قليله ماآكل ولا أحب آكل .. وإذا أكلت أحس يجيني غثيان .. دايم راسي مصدع.. دايم احس ان شي خانقني .. أحس أن جبل على صدري ..
وغير كذا صايره حساسه بشكل مو معقول .. ماأتحمل أي شي .. مع اني جامعيه لكن أحس ان ماعندي هدف في الحياه..
أخاف من بكرا .. أخاف من المستقبل .. أخاف أحلم بشي حلو أو اني أفقد انسان غالي عندي ..
أخاف حتى أضحك وبعد الضحك يصير شي يخليني أبكي..
دايم أذكر الأمور الحزينه اللي مريت فيها من قبل.. تعبت من نفسي احس اني تغيرت بالحيل ..
ماأنام الا والدموع مغرقتني .. أحس ان حالتي النفسيه تعبانه.. تعبااااانه بالحيل..

أستشرت أحد المتخصصين نفسياً قال ان فيني قلق نفسي ونصحني اني أراجع طبيب نفسي.. لكن صعبه اني أقول لأهلي ودوني طبيب نفسي ..

وأنا أتمنى أن أحد المتخصصين في علم النفس يعطيني بعض الخطوات او المور اللي تحسن من حالتي .. لأني بجد احس تعبت من نفسي أبغى أرجع مثل قبل ..



رجيتكـــــــــمـ رجاااا لاتتركوني ساعدوني الله يجزيكم خير.. أنا مؤمنه بالله وماأفارق القرآن لكن أحياناً ماأقدر أسيطر على نفسيتي ..





انتظركم ... لاتتركوني ...


تحياتي لكم ..

المصدر: نفساني

هلا حبيبتي شوق

نورتي المنتدى

=( تضايقت وايد .. على حالتج

حبيبة قلبي ,,

خلاص .. حان الوقت انج تبتدين حياتج وتعيشينها


اهو لو كان يحبج صج .. جان تمسك فيج وتقدم لج


هو لو كان يحبج صج .. جان ماانتقم منج ..

وهذا وانتي وحده من اهله

عيل لو غريبه شبيسوي !

حبيبتي

الحمدلله انج اكتشفتيه على حقيقته

والمفروض تتقوين

مثل ماهو عايش حياته

لازم تعيشين حياتج انتي بعد

روحي الجامعه وانتي رافعه راسج

كملي دراستج , وارفعي راس هلج فيج

خلج ويا الناس اللي تحبينهم , صديقاتج , هلج , اطلعي معاهم

لاتقعدين بروحج علشان ماتفكرين باللي صار ,,

وتأكدي ان من ترك شيئا لله عوضه الله بنفسه او باحسن منه

تقربي من ربج

حطي كل يوم سورة البقرة

واقري كل 3 ايام سورة البقر

وصدقيني الله بيبعد عنج كل هم وغم

اللي صار وياج

حاولي تنسينه

والحمدلله انها جات على هالشي وما لعب عليج اكثر من جذي

وتمادى



بس حبيبتي ماقلتي لنا؟

شنهي الاعراض اللي تحسين فيها ؟؟؟

ومن متى ؟؟

وكم صار لج وانتي بهالحاله ؟؟

ومثلا يوم تقعدين وياا الناس اللي تحبينهم .. وتنسين همج ..

تستانسين ولا مب حاسه باللي حولج كلش؟


بانتظار ردج :)

مشكوووره حبيبتي على الرد ..

وكلامك كله صح .. وعين الصواب..

المشكله ان انا في هالحاله مو من فراقه أبد.. بالعكس انا فرحانه كثير اني اكتشفته على حقيقته وأحمد ربي ليل ونهار اني مااخذت انسان حقير..
لكن اللي حاز في خاطري انه لعب فيني وخلاني ولا شي.. أحس نفسي ولا شي..
مع اني نسيت هالسالفه .. صدقيني نسيتها بالحيل وماافكر فيها أساساً..
لكن من صارت وانا نفسيتي تعبانه صدقيني مو عارفه شلون أفهمك..
يعني نفسيتي تعبانه مو لأني أتذكره.. أحياناً أسأل نفسي أنا ليه زهقانه أو وشو فيني لكن ماعندي جواب.. أحياناً أبغي نفسيتي تكون عاديه لكن مو بيدي.. غصب عني تصير نفسيتي تعبانه ..
صايره حساسه كثير لدرجة أني مااتحمل اي شي او اي كلمه على طول أبكي ...

أخاف أني أحلم وأفرح وفي النهاية أصعب فوق باحلامي وأطيح آخرتها ..

صدقيني أجلس وأسولف مع أهلي عااادي أضحك معهم لكن ماأحس اني أضحك من داخل أحس ان فيني شي..
وأحياناً اذا اجتمع معهم ماأقدر أخفي اللي بداخلي أظل حزينه حتى وان أخفيت الحزن والهم ..

وحتى ربعي في الجامعه بالعكس أضحك وأتكلم معهم لكن مااحس اني فرحانه من الداخل..

دايم يجي في بالي كل الناس اللي فارقتهم .. كل الناس اللي أحبهم وفارقتهم أذكرهم .. دايم أذكر كل الأمور اللي صارت لي..
وأشتاق للي فارقتهم بالحيل..
أحس اخاف اني أتعلق بأي احد علشان ماأفارقه ..



طبعاً هالسالفه ابتدت من سنتين ولكن الحدث الأخير صار من 4 شهوريمكن ..

طبعاً احساسي لايوصف أحس ان الدنيا كلها علي.. أحس بثقل على صدري مو طبيعي ولين ألحين هالأحساس..


صدقيني كلمة تعبااانه قليله مااقدر اوصف لك اللي في داخلي..
وخاصه اني مريت بظروف وفارقت ناس كثيره عزيزه على قلبي ولين ألحين انتظر لقياهم ..

مااقدر اني انسى لأني بس احط راسي على المخده على طول أتذكر كل آلامي وبعدها انام من البكي..


أبغى أتخلص من هالأشياء والتعب النفسي لأني تعبت وربي تعبت ..
مع ان السالفه ماتجي على بالي بس الأمور الثانيه الحزينه ونفسيتي تعبانه ماادري ليه ..؟




ساعديني ربي يوفقك ويسعدك ...

اممممممم

حبيبتي لازم تراجعين دكتور نفسي

يمكن انتي انولد عندج الخوف من فراق الناس

وخايفه تفقدين اي حد باي لحظة


هلج يدرون بهالشي؟؟

شايفين حالتج؟؟

حبيبتي جربي تكلمين الوالده بهالموضوع


؟ وان شاء الله تتفهم حالتج وتوديج عند طبيب نفسي


انزين ماتفكرين بالموت او شي من هالقبيل ؟؟

أشكرك اختي من أعمااق قلبي وربي يسعدك ويوفقك دنيا وآخره ..



أهلي مايدرون عن هالشي.. امي دايم تحس ان نفسيتي تعبانه ودايم تقولي لاتتعبين نفسيتك بأشياء تافهه ..

ومره خالتي تكلمت معي لأنها شافت حالة العصبيه اللي جات لي وقالت لي مايصير كذا..
لكن مامره صارحت اهلي بهالشي.. ومااظن عندي الشجاعه اني اقولهم أبغى أروح دكتور نفسي.. لا مستحيل ماعندي الشجاعه لهذا الشي ..


اما عن الموت لا ماأفكر بهذا الشي.. لكن دايم قبل لا أنام اقول جمله.. ياليت انام ماأجلس.. يمكن أقولها من تعب البكي قبل لاانام والتعب اللي أحسه ..
حتى يوم حاولت الإنتحار ماكان في بالي اني أبغى أموت كنت قاعده أبكي وفجأه حسيت اني تعبت بالحيل ومو قادره أتحمل ورحت واخذت الحبوب وفي المستشفى يوم جاني الدكتور النفساني سألني وقلت له ان مافكرت في الموت بمعناه فقط للتخلص من التعب اللي في داخلي..

صدقيني تعبانه بالحيل..
أمي ملاحظه ان اكل ماآكل الا القليل واذا اكلت أحس بغثيان ..





بس صعبه أقولها أبغى دكتور نفسي.. وتدرين نظرية الأهل للدكتور النفسي..
وخاصه ان امي تعرف السالفه لكن أبوي مايدري بالسالفه لين ألحين فإذا درى ان أبغى اروح دكتور نفسي بقول لي وش بلاك عشان تبغين تروحين ..؟



وهذي هي المشكله ..

عزيزتي شوق
لاتخلي واحد تافه زي هذا يخرب حياتك
كوني اقوى منه وبحول الله بتتزوجين سيده
وبتعيشين حياه حلوه وبتخلفين صبيان وبنات
وبتقولين كانت ايام الله لايردها
شوق اخيتي
مايصيبنا الاماكتب الله لنا قوي ايمانك بالله
ولاتفكري بالغد فهو في علم الغيب

ذاك اليووم ماقدرت اكل ولا انام
طقيت من الجوع اش سويت طلعت من البيت غيرت جو غيرت المكان
رحت لبيت اختي وتعشيت عندهم حاولت قد ماقدر انسى وحاولت ادخل معاهم با حاديثهم ومشي الحال

ياغاليه الحياه حلوه لاتضيعيها بشئ ما يستاهل كثير تصير هالسوالف
وبتعدي بحول الله انتي قدها

اهتم بدراستك واطلعي زوري زميلاتك روحي الملاهي تابعي برامج مفيده سوي اي شئ بحيث تكوني مشغوله يبعد عنك التفكير السلبي
والعصبيه وقلة الشهيه كل شئ بيروح حبه حبه

عارض ويزول بحول الله بشجاعتك

ليس بالضروره اذهب لطبيب النفسي فقط لاني
مريضه برهاب اوقلق ... الخ
بل ان منهم من يذهب ليخفف تراكمات وضغوط الحياه
لطبيبه النفسي ( فضفضه نفسيه)
تطورت الرؤيا لطبيب النفسي عن ذي قبل والبعض منهم غارق في جهله

تحدثي مع والدتك مع اخوتك الطبيبه النفسيه اختك الاخرى

اوصيك بالاستغفار

وماتشوفين شر

استودع الله امانتك ودينك وخواتم اعمالك

أختي الغالية شوق
في هالدنيا حنا مبتلين وممتحنين يمكن الله سبحانه وتعالى أراد اختبارك ويمكن أراد تذكيرك
حاولي تنسين القصة كلها وتوكلي على الله ( من توكل على الله فهو حسبه ) وثقي بأن الله سيأخذ بيدك في هذه المصيبة إذا أحسنت الظن
كوني قريبة من الله بالطاعات والابتعاد عن المعاصي وتوبي الى الله
ولا تنسي سهام الليل الدعاء أن يفرج الله كربك ويشرح صدرك ويبعدك عن الهموم
وعليك بقراءة سورة البقرة كل ليلة لأنها تطرد الشياطين وتشفي بإذن الله
وكدلك الإستغفار أنا جربته مع اني ما داومت عليه الا اني صرت أحسن من قبل
أرجو من الله أن لا يدع لنا ذنباَ إلا غفره ولا هماَ إلا فرجه ولا عيباَ إلا ستره ولا ديناَ إلا قضاه ولا مريضاَ إلا شفاه ولا مبتلاَ إلا عافاه ولا حاجةَ من حوائج الدنيا لنا فيها صلاح إلا أعاننا على قضائها
آمين .........

أختي الغاليه هيـــا ..


بصراحه كلامك يرد الروح ..
يدخل القلب ويشرحه .. ماقصرتي حبيبتي وربي يسعدك دنيا وآخره ياااارب ..

انا الحمد الله مؤمنه بالله وان هذا اختبـــار .. أحياناً أسوي نفس ماقلتي أطلع وأستانس وأرفه عن نفسي لكن بمجرد أحط راسي على المخده اتذكر كل شي كان محزن .. أحياناً أقدر أتغلب على هالشي وأحياناً تكون الحاله هي أقوى مني ..

وصحيح نفس ماقلتي مو شرط نزور طبيب نفسي لأن كل السالفه فضفضه عن مافي داخلنا ..

صدقيني أحياناً أكون تمااام وعال العال وشهيتي مفتوحه..
وأحياناً تكون نفسيتي مسدوده وتنقلب حالتي بشكل مو بإرادتي .. وهذا اللي مضايقني ان نفسيتي تكون تعبانه بدون ارادتي كذا فجأه..
لكن من يوم رايح من اتضايق ر اح أقرأ قرآن وأكيد راح أتغلب على هالحاله ..


حبيبتي ماتتخيلين شقد ان كلامك ريحني كثير .. مشكوووره وربي يقضي حوائجك كلها .. يــــــــارب ..




تحياتي لشخصك ..

أختي الغاليه خريف ..


كلامك جميـــــل ويدخل داخل الروح وريحها ..
كلامك عين الصواب .. الله يمتحنا سبحانه ولازم نكون واثقين منه..

الحمد الله ثقتي بالله كبيره حيل .. والحمد الله مؤمنه ان اللي صار وراح يصير بقضاء الله وقدره ..

لكن أحياناً الشيطان يوسوس للإنسان بأمور أعوذ بالله منه ..

أختي العزيزه مافي انسان يحب يكون بهالحاله ..

لكن وش نسوي لما يكون غصب علينا..

وربي ان اللي صار مايجي في بالي لكن تجيني حالة اكتئاب مفاجئه .. يعني فجأه احس اني متضايقه ومالي خلق أي شي..
ومالي خلق حتى أطلع وودي اكون لحالي..




آه صدقيني تعبت وأبغى اتخلص من هالشي..

أحياناً تشوفيني تمام وحالتي عال العال والأمل مالي حياتي..
وأحياناً وفجأه انقلب...



ادعولي تكفوووون

اي والله يااخيتي شوق اقبلي على الله فلعل ماحدث لك خيرا بحوله العلي المتعالى فتكوني شوق اخرى ثانيه
اسعدي واسعدي من حولك ولاتكوني ضعيفه استحوذعليها الشيطان
فاحزنها واضعفها
كوني شئ حبيبتي حددي اهدافك في الحياه عندها لن يكون لك مجال لتفكري وتهتمي
مثلا عندك انا
قاعده بالبيت لاشغله ولامشغله وشغالتنا سافرت وماعندي هدف
مرررره
لكن انا بسويلي هدف بحول الله يقدرني على انجازه
وهو اني اشيل البيت على اكتافي يعني شغالتهم الجديده
حتى نومي موملكي يعني بحاول انام بدري عشان اصحى من النجمه
هدفي راحة اخوتي
لانهم ليهم مشاغلهم
ابغى اقدم شئ لاحدابغى احس بوجودي بقيمتي
يوم احط راسي عالمخده اقول يامحلى الراحه بعد التعب
واغيب في نومه طويله وعذبه
لاافكر في امس ولا بكره بس وينك يامخدة
لاتنامي الالما تقفل عيونك لاارادي عشان تحطي راسك من هنا تنامي من هنا
ولاتنسي ان الي صار معاك مكتوب منذ الازل شوق حيصير معاها
كذا
وهيا حتسيب الدراسه وتجلس حبيسة البيت هي اقدار اخيه
فارضي ترضي ربك
لما تكتئبتي اذكري الله كثير وحاولي تطلعي من البيت
اوتسولفين مع امك او خواتك افتحي مواضيع واقرائي قران
او استمعي له
استودعك الله

السلام عليكم ورحمة الله وبركته....
غاليتي شوق قرأت مصابك وقرأت للاخوات الذين وقفوا معك وما اجد كلمات بعد تلك النصائح...لكن سأذكر لك ....ليكن عندك صفتان العزيمه والاصرار...اياك الهزيمه النفسيه....اذا ذهبت الى فراشك لاتقولي لااريد ان انام ان حدثتك نفسك بانك ماتنامي فورا ضعي رأسك على المخده وقولي اريد ان انام وابدئي باذكار النوم فانها تشغل عقلك...
في البدايه سيكون هناك صراع كبير في نفسك....لكن ستشعرين براحه....وعليك بالنداومه قدر المستطاع على اذكار الصباح والمساء...فان لها فعل عجيب في النفس ....
استخدمي فكرة الايحاء يعني تخيلي وانتي مغمضه عينيك او مسترخيه استرخاء لا داعي لان تغمضي عينيك حسب نفسك وايهما ترتاحين ثم تخيلي انك في وسط ملئ وحولك الناس من اهلك واقاربك او اصدقائك وتخيلي نفسك تضحكين وانك مستمتعه جدا كرريها دائما ستعكس عليك بعد مده...تخيلي نفسك في موطن فرح وسعاده بين اهلك.....واستمتعي مع خيالك ....
اياك ان تذكري ولابلمحه عما مضى....انسيه قدر المستطاع....واشغلي فكرك بالقراءه النافعه والمفيده وعليك بالرياضه البدنيه ...والعمل في اي جانب لو في المنزل ...اجعلى هناك تفريغ لطاقتك تبعدك عن التفكير....
واخيرا هناك مشروب له فعل عجيب في الراحه النفسيه وله فوائد صحيه ويسمى عند العطارين(البردقوش)وعن تجربه يشعرك بهدوء ونشاط وراحه.....
او (التلبينه) وهي ايضا عند العطارين فانها تريح الفوءاد وقد وصى بها النبي صلى الله عليه وسلم....
ثم اجعلي ماحدث درس لك في الحياة وان كان قاسيا..لكن لتتعلمي منه لا ان تقعي فيه...
واذا اردت فنحن هنا معك ....فجميعنا يدا واحده....
تحياتي لك ....وللاخوات جميعا....
اسأل الله ان يفرج همك ويزيل كربتك.....

حبيبتـــي هيـــا ..

بصراحه مو عارفه كيف أشكرك على متابعتك لي... وربي ان كلامك يشرح الصدر ويعطيني امل كبير..

وربي يشهد أنكم ريحتوا نفسيتي والله والله ..
سويت اللي قلتوالي عليه.. صرات أطلع حتى اذا مالي خلق واغير جو وصارت نفسيتي أحسن..



أختي هيا .. شخصيتك رائعه والدليل انك صنعتي لنفسك الهدف علشان تكونين شخصية هادفه في المجتمع وبين اهلك كماان ..
ربي يخليك لاهلك مافي منك كثير..



أنا ألحين الحمد الله صرت احسن لكن باقي مشكله وحده وهي النوم ..
صدقيني ماأروح احط راسي على المخده الا فيني النوم بالحيل لكن حتى اذا نمت على طول بعد ساعتين أجلس..
وأكون مرهقه وفيني النوم لكن ماأقدر انام الأرق متعبني ..
او اني انام واجلس وأظل كذا طول اليوم ..
وهذي المشكله الوحيده اللي متعبتني..
أقرأ قرآن قبل لا أنام واستغفر الله والحمد الله هالشي يشرح صدري بالحيل ويطيب نفسي..


بصراحه مو عارفه كيف أشكركم ..
لاتتركوني تراني محتاجه لكم بالحييييل ..

ربي يوفقكم ويسعدكم دنيا وآخره يااارب العالمين ..


تحيه لروحك الراقيه يا هيــــا ..

غاليتي الأولى ...

ثقافتك رائعه .. كلامك درر .. أسلوبك راقي..
حديثك مفيد ويريح النفس ويسعدها ..
وربي أثلجتي صدري..
أستفدتي من كلامك كثير كنت من قبل ودي بأشياء مثل التخيل وغيرها وأشياء فيها معاني الأسترخاء محتاجه
كثير لمثل هذي الأمور ..
كمان استفدت من أسماء الأعشاب وانشاء الله بشتريها وخاصه اني سمعت في المرقدوش انه كويس كثير..
راح أسوي كل اللي قلتيلي عليه .. وبالحرف الواحد ..


حبيبتي ..
راح يكون عندي عزيمه وإصرار ..
أنا الحين الحمد الله قدرت أسولف مع ربعي واضحك معهم مثل قبل واحسن بعد .. وماأظل لحالي
لأني عارفه ان ظليت لحالي راح تجيني الأفكار .. أحاول اشغل فراغي بالأستفغار وذكر الله سبحانه
والحمد الله قدرت أسيطر على جزء كبير من حالتي النفسيه التعبانه ..
كمان قمت أشغل نفسي بالدراسه وأحاول اني مااجبس لحالي حتى دقيقه وحده..


صحيح تجيني حالات بسيطه لكن انشاء الله راح أقدر أسطر عليها..

وانشاء الله بحل مشكله الأرق لكن كيف ماادري ...



ربي يقضي حوائجك .. وتدون بسمتك..

ماراح انساكم من الدعااء.. كل من ساعدني هنا..
لأنو بجد وقفتوا معاي وقفه عمري ماراح انساها...




كوني بخير حبيبتي ..

تحياتي لرقيك ..

اختي شوق

عليك باكثر الاستغفار

شوووووووق .. حبيبتيـ
أنت انسانهـ رائعهـ ومثقفهـ وشابهـ في مقتبل العمر
لديكي الكثير لتحقيقهـ في حياتكـ
أنتـ فتاة جامعيهـ ..فاهمهـ الحياهـ ..واثقهـ في نفسكـ
أنتـ انسانه مرت بتجربهـ والتجارب أول طريق النجاح ..
التجارب تصقل شخصية الانسان وتجعله أكثر معرفة وخبرة في الحياهـ
انت تميزتي عن غيرك بأنك مريت بتجربه جعلتك تميزين بينـ الناس وتدركين تماما انه في الطيبين وفيه الأشرار.. وانه الدنيا فيها الحلو وفيها المر..
هذه التجربة ستجعلك أكثر قووة وأكثر صلابة وأكثر ذكاء وفطنة..
هذه التجربة هي نقطة قووة وانطلاقة لكي ..تبدأين منها الى طريق السعادة والنجاح
شــــــــــــوووق ..حبيبتي
انت قلت في كلامك ..كلمة زعلتني كثيير
قلتي ..انه هذا الشخص خلاني ولاشئ
..مااتمنيتك تقولي هذي الكلمة..ليه؟
لانه مافي انسااان في هذه الدنيا يقدر ييلغي شخص من الوجود الا نفسك انتي
اذا الدنيا كلها بمن فيها لا تسوى عند الله جناح بعوضة ..فمن هوو ذلك الشخص الذي سيستطيع ان يصل الى شووق ويجعل منها ..لا شئ
شــــــــووق ..انت قوية بايمانك بالله وبتوكلك عليه وبثقتك بنفسك.. وبارادتك وعزمك



شـــووق ..نصيحة من محبة لكـ...


ذلك الشخص لا يستحقكـ فانتـ جوهرة ثمينهـ لم يحسنـ تقديرها
فدعيهـ وشأنهـ ..وسامحيهـ لوجه الله تعالى ..وسامحي نفسكـ انت
ايضا حتى تهنأي بحياتكـ ..وعيشي حياتكـ بالحب والكفاح والنجااااح






أختكـ
ملاكـ الكووون