|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
02-09-2009, 11:45 PM | #1 | |||
عضو
|
الموت هو الحل
السلام عليكم
بدايتي كانت بدايه صغيره وهي التفكير بالموت وبعدها الله لا يوريكم اللي جاني ظيق بصدري لدرجه ما اقدر اتنفس وصداع يوميا من 6 سنين وتجيني نوبات هلع تستمر 5 ساعات كل يوم او يومين وجلست مع نفسي وقلت يا احمد انت خلاص هذي حياتك راح تصير كذا على طول صدرك ضايق والصداع والهلع ورحت للبقاله وانا ابي اخذ موتي واللي هو حبل ولحد الحين اذكر لونه برتقالي ورحت للبر ابي ااموت لان خلاص ما في شي اعيش علشانه مستقبلي احسه كله هم وغم والله والله والله اني احس واحد يتحكم فيني ما ادري عن نفسي ونص الطريق جاني شي احسني توني قاعد من غيبوبه الله نزل رحمته علي وما يبيني اموت وقاعد اسولف بصوت عالي انا وش جابني للبر بالظلمه الحالي وجلست اطالع للحبل واقعد ابكي ليش تسوي كذا بنفسك حرام عليك ايلا متى وانت كذا وبعدها رحت للبيت ونا مو مصدق اني فلت من الموت وقطيت الحبل وانا يالس ادعي الله بصوت عالي يارب انك ترجعني مثل اول ولمعلوميه اللي جاني هذا يوم خلصت الثانويه وانا الحين عاطل سبع اسنين وتوظفت وما كملت ثلاث شهور وفصلت من الظيق اللي يجيني والهم والنوبات اللي ما تخليني اجلس بدوامي تعبت والله والله والله اني تعبان وبحياتي ما رحت لدكتور نفسي ولا اكلت حبوب نفسيه انا عايش بقريه كئييبه وما اعرف شنو اسوي خايف ترجعلي الحاله والله اني خايف لان محد يحس فيني اشكي لهليواخواني يقولولي انت ما فيك الا العافيه ملينا منك لا تجي تشتكي لانهم ما يعرفون اللي فيني بس الله هو اللي حاس فيني ليش ما يغير حالتي والله اني اصلي واصوم احس الله غاضب علي وما يحبني وانا بحياتي ما سويت شي يغضب الله بس تكفون تكفون تكفون لحد يطنشني اعتبروني اخوكم لا تخلوني ارجع للا نتحار ابي اعيش وسالفت الانتحار اللي صارتلي اول ايام رمضان ادري اني طولت بالكلام بس مو مني من اللي بداخلي و امانه لحد يطنشني المصدر: نفساني
|
|||
|
02-09-2009, 11:56 PM | #2 |
عضو جديد
|
الله يصبرك يااحمد والله انك قطعت قلبي بس ادعي ربك وكثر من صلات الليل انشاء الله راح ترجع مثل اول واحسن وانشاء الله راح الاخوان اللي بالمنتدى راح يفيدونك الله يشفيك
|
|
03-09-2009, 05:43 AM | #4 |
عضومجلس إدارة في نفساني
|
اخي الكريم ..
من يرزقك ومن يغدق عليك نعمه من اعطاك البصر والسمع اتعلم اخي الفاضل انه لو وزنت اعمالك الصالحه كلها حتى لو كنت مقيم الليل صائم النهار لو زنت جميع اعمالك بنعمة واحده وهي البصر لرجحة كفة البصر ولما كفت اعمالك امام هذه النعمه كيف بالله عليك هي نفسية من سلب من هذه النعم كيف نفسية من ابتلاه الله بالشلل فتجده لايستطيع ان يبوح بما في نفسه لايستطيع ان يتواصل بمن حوله انظر الى نفسك وعظيم نعم الله عليك انت عبد من عباد الله يبتليه الله ليرى صدق سريرته ويرى ثباتك وتعلقك بالله .. لماذا يبتلينا الله ؟؟ ماذا يريد منا ؟؟ ان الله غني عن عباده فماذا مطلوب منا في الحياة ؟؟هو شيء واحد فقط التقرب الى الله بالعبادة ودعاءه بل التضرع له في السراء والضراء (ربي انه مسني الضر وانت ارحم الراحمين ) (واذا مرضت فهو يشفين )(نَّ الإِنسَانَ خُلِقَ هَلُوعاً * إِذَا مَسَّهُ الشَّرُّ جَزُوعاً * وَإِذَا مَسَّهُ الْخَيْرُ مَنُوعاً * إِلاَّ الْمُصَلِّينَ ) هذا هو حال الانسان الهلع والفزع فان مسه الخير اطمأن واذا مسه الشر جزع وهلع وخاف لكنه استثنى طائفه واحده هي المحافظه على الصلاة وكثرة الصلاة اقرب مايكون العبد من ربه في الصلاة فهي دوائك وهي علاجك .. نصيحه لك اخي الكريم دع البشر فهم لايملكون لك من الامر شيئا وعليك بمن له الامر كله اعلم يارعا الله ان الله رحيم رحمن لطيف حتى في ابتلاءاته اذا ايقنت يقينا قلبيا بانه لاكاشف الا الله وانه لطيف بك حتى في محنتك وشدتك زال همك وفرج كربك .. عليك بابواب الخير واشغال نفسك بالمفيد النافع اسمع لبعض المحاظرين الذين بسماعك لهم تستريح نفسك وتسعد بكلامهم واحذر عدوك الاول الشيطان ووساوسه فهو عدوك الاول والذي توعد بان يقعد لعباد الله ليفسد عليهم دنياهم واخرتهم فتجده يأتي يقول لك لا تستفيد الله لايحبك وتاره انظر لا يستجيب لك وتارة يقول لك ماذا استفدت من عبادته تعب مجرد اياك ان تصغي لهذه الوساوس وعليك بالثقه بالله العظيم .. واخيرا (لا يسأل عما يفعل وهم يسئلون) لا نسأل لماذا يا الله لكنه سيسألنا لماذا ياعبدي .. اسأل الله العظيم رب العرش العظيم ان يشفيك اسأل الله العظيم رب العرش العظيم ان يشفيك اسأل الله العظيم رب العرش العظيم ان يشفيك |
|
03-09-2009, 07:42 PM | #5 |
عضو
|
وعليكم السلام هلا والله أخوي أحمد :)
وربي حااسه بكل اللي تعااانييه وادري بمراارته انا مثلك عاانييت اللي عاانييته واكثر والله انا من يومي بالمتوسط وانا اعاني منه والحيين بتخرج من الجاامعه ولازلت مصاابه فييه لكن مااكنت اعرف شنو فيني الابعد كممن سنه بس الحمدلله من عرفت شنو فيني وطبقت الاشيااء اللي بقولها لك وانا في تحسن كبيروالحمدلله وحبيت اقول لك ترااك انساان مبتلي والله يحبك ومشتاق يسمع صووتك وانت تدعي و في نوعيين من الابتلااء الله يبتلي الانساان بالخييروالشر يقول المصطفى صلى الله عليه وسلم (عجبت من أمر المسلم كله خير، ان اصابته سراء شكر فكان خيراً له وان اصابته ضراء صبر فكان خيراً له". ... يبتليه بالخير ويختبره فييه والواجب علييه يشكره لأنه هواللي انعمها علييه ورااح يزيييده من هالخيروان مااشكره واعترف بالنعمه راح يزييلها منه ويبتلييك بالشرر عشاان يمتحنك تكفر والا تصبر !! وادري الصبر مرر لكن لاصبرت ووثقت بربك وظنييت فييه خير رااح يكفر ذنووبك وبكوون معااك وبفرج عنك ورااح يبدل هالضييق اللي صبرت فييه كل ماتتنمااه وفووقه بعد لكن لاقعدت تقوول ياربي انا دعييت ودعييت بس مااستجبت لي ليش!! هذا مايجوز لكن لو فوضت امرك لربك وظنيت فييه خير راح يستجييب لك يقول الحق سبحانه وتعالى في حديثه القدسي: "أنا عند ظن عبدي بي إن ظن خيرًا فله وإن ظن شرًا فله".. رواه مسلم . وكل التفكير الغلط من الشيطان يقعد يوسوس عليك شفت الله ماينفعك هذا انت تصلي وتصووم ولا اغضبته بس مااستجااب لك ان خلييت للشيطان مجال في تفكييرك راح تزييد حالتك للأسوأ! والواجب عليك ترضي بقضااء الله وقدره ومحد بيعطيك وبيمنع عنك الخير غييرربك فانت كثر من الدعاااااء وثق فييه ورااح تلقى كل خييير باذن الله ابيك الحين ياأحمد تطبق الأشياء اللي بقولهالك اول شي اللي فيك هذا مرض اسمه نوباات هلع هو يجييب الضييقه واختلال الانيه يعني تسووي شغلات ماتحس بنفسك فييها واكتئااب وماافي هدف بالحيااه ولايهمك احد وتفكر بشغلات كللها غلط وتحس بغربه وكل شي اسود بهالدنيا اهلك تحسهم اغرااب عنك تحس نفسك وحيييد بهالدنياا بس مافي مرض الا وله علاج بفضل الله انت تطبق الأشيااء اللي بهالرابط ورااح تحس بتحسسسسن مستمرر ورااح تتشاافى باذن الله :) http://www.nafsany.cc/vb/showthread.php?t=51786 والله معاك وانا معاك والكل معاك والله يشفيينا ويشفييك انشالله :) |
|
04-09-2009, 06:43 AM | #6 |
عضو نشط
|
السلام عليكم ورحمة الله وبركاته
هلا اخوي احمد والف سلامه عليك وماتشوف شر يارب اخوي ترى كلنا في الهواء سوا وياما عانينا واتعذبنا وضاقت الدنيا بوجهنا بس ربك كريم رحيم بعباده وصدقني مافي احد دعاه من صميم قلبه وخيبه او مااستجاب له بس اتمنا منك وزياده على كلام الاخوان اتمنا منك انك تروح لدكتور وتاخد علاجات وصدقني بالبدايه راح تتعب بس والله بعد فتره بتحس بفرق كبير ولاتسمع لكلام احد ربنا ماانزل داء الا وانزل له دواء وكلنا بناخد ادويه ومتوكلين على ربنا وبندعي ربنا يهونها علينا وتزول مننا النوبات هذه للابد اتمنا تاخد بنصيحتي وفي اقرب وقت تروح لدكتور بس اختار دكتور فاهم ومشهور عندكم لانه في دكاتره الله يستر عليهم بس فاهمين الطب غلط :) ملحوظه اخيره == عليك بسورة البقره حاول تقراها كل يوم لفتره وتشوف النتيجه كيف ترى مجربتها والله انها خياااااااااال مااتتوقع كيف تحياتي لك ويارب نسمع عنك كل خير |
|
04-09-2009, 06:44 AM | #7 |
عضو
|
مشكوره يالامل على الرابط ويعطيك الف عافيه
انا خايف من شي واحد وهو الانتحار والله والله اهلي يقهروني وما يحسون فيني لدرجه ما ينادوني الا يالمجنون وكلامهم لي هو اللي راح يخليني اترك الدنياء والله كل يوم ابكي من الهم و انشاء الله راح يستجيب دعائي الله ويرحمني ويرجعني مثل اول وامانه لا تحرموني من ردودكم |
|
04-09-2009, 01:13 PM | #9 |
عـضو أسـاسـي
|
للا لا لا لا لا احمد إلى هنا وقول ستوب للشيطان ووساوسه
ادري اصعب شي لما اللي حولك مايحسون فيك انا مايعرفون حالتي الحين وشو له اعور راسهم اعاني بروحي ولاجاني القلق تقلب لوني وجحظت عيوني وقمت لغرفتي اشغل نفسي بأي شي احمد غيّر حياتك اعمل لك نظام معين يوميا تمشي عليه ترى ماذبحنا وهبل بنا غير الفراغ لاتقول خلاص حياتي توقفت لاتقول مقدر ثق ان كل اللي هن عندهم مشاكلهم والله ويمكن اكثر منك انا وحده الهلع شيّب راسي مره اغلبه وكثير يغلبني انت اذا حليت مشاكلك الصغيره اللي تتعبك بيخف الهلع عليك مرررررررررررررره دور لك عمل بمكان ثاني غير قريتك الكئيبه السعي في بحث الرزق شي فضيل اخوي انا انصحك انك تستخدم الدوا والرقيه توكل على الله واستخدم احد الادويه النفسيه الله يشفيك |
|
04-09-2009, 08:58 PM | #10 |
عضومجلس إدارة في نفساني
|
يارب ارجوك اثلجتي صدري بردك هنا اني المس تقدما منك واتمنى لك الصعود اكثر وعليك بالمصابره والاستمرار ..
اسأل الله للجميع العافيه والتقدم والسداد ... |
|
04-09-2009, 10:50 PM | #12 |
عضو
|
مشكورين على اهتمامكم لي بس انا عندي احساس كبير انكم ما تحسون اللي فيني انا اختلف عنكم باشياء كثيره الدنياء مالها اي طعم عندي والحل الوحيد اللي عندي هو الموت ليتني ما منعت نفسي اول مره عن الموت وهذا اللي راح يصير بس ادعولي بالجنه انشاء الله والله يسعدكم بالدنياء واللاخره فديتكم ادعولي
|
|
04-09-2009, 11:01 PM | #13 |
عضومجلس إدارة في نفساني
|
ما فائدة دعائنا والرسول يقول بشروا قاتل نفسه بالنار ..
اي تعاسة تقود نفسك اليها اذا شقيت في الدنيا فنحن نقول هذه الدار دار شقاء وعناء وسأم وهي لاتساوي عند الله جناح بعوضه فلماذا يا اخي الفاضل تضيع اخرتك فتهلك في الدنيا والاخره ؟؟!! اعتقد انك اذا مت حصلت على الراحه انت واهم اذا متنا بدأ العناء والحساب والسؤال لن تستشعر بالراحه الا اذا وطأت بقدمك الجنه اما قبل فلا تصدق من يقول لك ان هناك راحه الذي يوهمك بانه مرتاح مبسوط في الدنيا فهذا يستخف بعقلك لايوجد انسان الا وفيه من الهموم والغموم والمصائب الشيء الكثير والعاقل الذي يرضى بقدر الله ويسعى جاهدا في هذه الحياة حتى ينال الراحه في الجنه ..راحة الدنيا تكون في العباده لله تعالى فقط اما الباقي تعب وعناء لاتضيع اخرتك بعرض من الدنيا زائل ... |
|
05-09-2009, 06:02 AM | #14 |
عضو نشط
|
احمد حبيب قلبي
روق وهد اعصابك واسمعني زين والله العلي العظيم اللي مر عليك وتحس فيه مر علي اقوى منه وتاكد انا ما اقولك هالكلام للتخفيف هذا واقع عشته فكرت في الانتحار لاكن الحمد لله عرفت ان رحمة الله اوسع مثل ماقالت لك اختي الامل ادخل هالرابط http://www.nafsany.cc/vb/showthread.php?t=51786 وهو من واقع تجربتي الشخصيه انت جربه وانا اضمن لك التحسن والشفاء بعد امر الله سبحانه وتعالى لا تتكاسل ولا تقولي انا مو مثل غيري بالعكس انت اخف من حالات كثير هنا جرب يالغالي وماراح تندم واي شي تبي تسال عنه او تستفسر انا موجود اخوك فيصل |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|