ممكن احد يساعدني بمعرفه حالتي

ممكن احد يساعدني بمعرفه حالتي

السلام عليكم

انا بطبيعتي من كنت صغيره هاديه ورايحه بحالي ومااكون صدقات كثيره زي مانقول منطويه مدري ليش هذا بالمدرسه يعني اكتفي بصديقه
واستمرت معي هالشي الين كبرت مااتجرا واكلم احد الا الي يكلمني منطويه ع نفسي كثير وماحس احد قريب مني واحس محد يبيني

متفوقه بدراستي وذكيه وباره بااهلي الين اصبت بمرض مزمن من بعده جاتني حاله ان محد راح يتزوجني ويرضى فيني وكان هالشي كثير يتعبني كان عمري وقتها ١٣
الين كبرت وصرت اشوف اخواتي يتزوجون الصغار والي قبلي واكبر مني وانا موقف نصيبي بسبب مرضي كلهم يطلعون واجتماعيين الا انا منطويه ع نفسي كثييير وهاديه ولااتكلم

ماحب اختلط بالناس ولااسولف عادي اقعد مكاني لو طلعت عشر ساعات ماتحرك اظل بمكاني

انسسسسسى كثير كثييييرررر وهذا الشي يحرجني والناس لاحضته ماقدر اتوظف لان مااحفظ شي انسى الكلام الي ينقالي واحس بحزززن الحزن ملازمني من صابني المرض
الي محرجني لاحد كلمني بموضوع او دكتور كلمني انسى وش قال بعد مايخلص كلامه
تركيززز صفر وذا السبب الي مخليني للحين ماتوضفت اعاني كثيررر
احس مخي متوقف فاضي

احيان اطلع اقول انا ماعرف وش ابي ماعرف اتصرف كيف برد كيف اتعامل مع الناس وكنت اتوتر لكلمت احد من الناس
كثير اسوي اشيا واقول انا وش سويت ماني طبيعيه احس اختي الي عمرها ١٣ اعقل مني
احسني مو طبيعيه بعد ماكل الناس يقولون ذكيه احس صرت غبيه اسوي اشيا كن احد يتحكم فيني مو انا

قبل كم سنه من الضغط النفسي والوحده صرت اتهاوش مع اخوي بالبيت لدرجه لكلمته اعصب واقعد ارتجف انتفض من العصبيه والتوتر قعدت سنتين فقط وراحت مني

واصابني بعدها فهاااااوه وعدم تركيز ونسيان الي يخليني مقدر اتكلم مع احد ولااتوظف ماعرف وش ابي مالي هدف ولااحس بسعاده احس الحياه مالها طعم ماعاد صرت انبسط


طبعا تزوجت ومشاكل وقلق وعصبيه ست سنين وبعدها انفصلت

الان لي شهر اخذ بروزاك وجاني بعده برووووود مميت بس نايمه وماهتم بنفس ولافيني اتكلم
وانا انفعاليه وعصبيه وعاطفيه جداا وحساسه ابكي ع طول لكن مع بروزاك خفت عصبيتي وعاطفتي جاني برود
ماعرفت انا فيني رهاب ولا اختلال الانيه ولا اكتئاب ساعدوني ؟
مشتاقه اعيش حياتي انسانه طبيعيه تضحك وتنبسط واحس بطعم الحياه واحفظ وتركيزي يكون تمام

المصدر: نفساني

هذا نزول بالمزاج

اعتقد ان البروزاك غير متوافق معك لانه سببلك تبلد مع انه محفز

انا اشوف تغير الدواء افضل لـ سيرترالين او سيبراليكس عن طريق طبيب

اعتقد ان جرعة 10 من سيبراليكس كافيه في حالتك

راجع مع طبيبك

طيب هل البروزاك يسبب حكه بالجسم احس ممن بعده بدت تطلع بوجهي حبوب كثير وحكه بالجسم

ياليت اقدر امسح كلامي الي قلته بالموضوع


بختصرررها ابي حل للنسيان الشديدد وفراغ العقل وعدم التركيز والحفظ لانه تعبنييي
ودي افرح واضحك كأبه وحزن حياتي
حتا الي يكلمني انسى وش قال تعبت من هالشي

النسيان من القلق

والحبوب بالجلد اذا لم تكن طفح فهي ليست حساسيه ولو كان كذلك لظهرت في بداية العلاج الثلاث ايام الاولى

فيه بالقسم مواضيع عن النسيان وقلة التركيز
بالنسبه لي اشوفه اكبر مشكلة تواجه المكتئب

وفيه اخوان ذكروا تجاربهم بهالرابط وفي كثير زيك وانا منهم
http://www.nafsany.cc/vb/showthread.php?t=124089

http://www.nafsany.cc/vb/showthread.php?t=121273

جربتي الرقية الشرعية ؟؟؟؟؟؟

(ماندوزا): صح كلامك انا فيني قلق يروح ويجي وتوترر طول معاي

(مبهم): انا نفس وضعك بالظبط بالنسيان والفهاوه احس بغباء يحرجني

(لميا) :جربت الرقيه وظهرت اعراض وخفيت كنت اتعب كل فتره بعد الرقيه تحسنت من الامراض فقط

لكن النسيان والفهاوه والحفظ لا صصصفرر للاسوء

تحاليل تمام ولله الحمد وفيتامينات اخذ وتمام عندي معدلها كلها

ودي بعلاج واحد يريحني بدل التنقل من دوا لدوا
ودي اخذ فافرين بس مادري ينفع لي بخصوص التركيز والنسيان ولالا

ان شاء الله ربنا يكتبلك الخير وحقيقى الاخ ماندوزا ده جهبذ معظم تعليقاته واعيه جدا وتنم عن فهم كبير ..
اختنا الغاليه البروزاك ليس العلاج المناسب نهائيا لحالتك الافضل ان تتناولى لوسترال مع موتيقال او مع تيربتزول ..الفافرين ايضا جيد لكن لابد من دمجه مع مهدى
الافضل لوسترال مع موتيقال ..اما موضوع الحبوب فغالبا حساسيه عصبيه لانك عصبيه كثير فاما تتناولى دواء موسيدين او اى دواء من ماده اللواتادين او عليكى بدواء اتراكس هذا دواء للحساسيه ومهدى ايضا

حبيبتي الف سلامه عليكي ..ممكن تكوني محتاجه تغيير في طبيبك ..وسياسه علاجك..اذا شعرتي بطول فتره العلاج دون ادني تحسن..فلكل داء دواء..فقط الصبر ثم الصبر لكي ولي ولكل من يعاني من الامراض النفسيه ..

هذي بعض اعراض المرض الروحي
انا كان معاي نفس اعراضك نسيان شديد
وغباء وعصبيه شديده وبعدها اكتشفت ان معاي مس عاشق
وسحر لاتضيعي وقتك اتجهي للرقيه الشرعيه ولازم تكون طويله حتى تتاكدين وانصحك بقراءه سوره البقره يوميا
واداء الصلوات بوقتها والدعاء لنفسك بالشفاء
كمان شوفي موضوعي عن المس العاشق

يمكن نقص فيتامينات جربي سوي فحص فيتامينات ومعادن