نسأل الله الشفاء لكم ولي

نسأل الله الشفاء لكم ولي

السلام عليكم والرجمة الله وبركاته


ياخواني انا اول مره اسجل بالمنتدى نفساني ورايت مواضيعكم التي ارتحت يوم قريتها كنت على باللي يجيني شعور بالنوبات اهلع انا وس

وانا دخلت المنتدى بصدفه كنت ابحث بقوقل عن مرض الهلع

انا قصتي من اول كنت عمري 18 سنه احس بشعور الموت والخوف والمرض فيني شي بس مادري كيف اوصفه لكم حس اني غريب بالعالم وحيانا احس اني في حلم

كانت تجيني خيفه يعني بالشهر مره لاكن زادة الحاله معي بعد وفاة امي الله يرحمها قبل ثلاث سنوات وانا الان عمري 27 سنه توفت الوالده الله يرحمها بين يدي وانا اشاهدها وهي تموت امام عيني امي الله يرحمها كانت عمرها في الربعينات من عمرها توفت وهي
طالعه من دورة المياه كرمتو وهي تتروش ( شور) وطلعت طاحت قدامي الله يرحمها وويسكنها فسيح جناته



وبعدها تعبت تعب شديد جدا واحس اني عايش في حلم مادري كيف اوصف شعوري وحس ان الموت قريب مني وخايف من المرض يجيني اذ جيت اباخذ شور اخاف واحس اني ابطيح واموت او يغما علي المشكله تجيني خيلات في مخي كيف اطيح في دورة المياه وصرت اخاف من دورة المياه وحس اني ابختنق ونفس يضيع وطلع من دورة المياه بسرعه واحس ارتعاش وقلبي يزداة سرعه دقات قلبي بسرعه

وتطورة الحاله تجيني نوبه وانا في الصلاه يجيني شي مخي يقول خلاص بتموت خلاص وغيرها وفي سياره وفي ديوانيه صرت اخاف من كل شيء
في مخي اشيا سلبيه وتخيلات مخوفها

رحت المشفى وتحليلات وتحطيط قلب يقولون مافيك شي اذكر انه يرتفع ظغطي شوي بس دكتور يقول هذا من تفكير و الخوف

تابع

المصدر: نفساني

والله يالجماعه المشفى ودكاتره يعرفوني من كثر ماجيهم

وكل شوي احلل واقول فيني شيء

طلعت نتايج مافي شيء

المهم تعبت تعب شديد وضيقه بالصدر حتى الاكل ماقدر اكل احس اني ابغص فيها حتى زوجتي تعبت معي

اذ جيت ابنام باليل يجيني خووووووووووووووف قوي جدا بدون اسباب

خووووووووف يقومني من نومي والله

رحت للشيخ وقرى علي يقول مافيك شي هذا وسواس انا اقول لا شكلي فيني مرض ماحد كشفها تعبت مره

وقالت لي زوجتي روح دكتور نفساني صرت افكر في دكتور نفساني المشكله اخاف من الحبوب نفساني اخاف من الادمان فيها وايضا اخاف اكل حبه ويجيني تسنج او اغماء علي او امووووووووت

كل ماروح اخذ علاج اخاف من الادويه وحذفها

والله يالجماعه حتى اللصلاه في الجماعه ماقدرة اصلي وحتى اذ اصلي لحالي ماقدر اذ صليت تعوذت من شيطان المشكله الافكار ماترووووووووح

المهم علمت واحد من خويايقلت كل شي من اول الى الاخير عن سالفتي قالي تبي نصيحتي روح الى عيادة ميد كير في دكتور سعودي الله العالم اسمه اشرف او شريف المهم تحمست ورحت في الصباح ودخلت العياده وانا خايف وقابلت الاستقبال قلت ابي دكتور نفساني سعودي نسيت اسمه شريف مادري اشرف المهم قالي في استشاري دكتور ماهر مصري وفيه سعودي استشاري قلت للمؤضف الاستقبال منهم الافضل قال نصيحتي روح دكتور ماهر مصري خبره من زمان اما سعودي الي وصاني خويي قالي توه جديد
المهم سميت بالله ورحت للدكتور ماهر وكان كويس جدااا جداا بس تشوفه ودك تقول كل شي في قلبك المهم علمته كل شي الي فيني

قالي كلام كثير قالي الي معك مرض الهلع مخك يستقبل افكار سلبيه وتجيك نوبه على طول المهم عطاني علاج السبراليكس لمدة شهر يقول تجيني بعد شهر

تابع

تابع

قالي دكتور ماهر تاخذ العلاج نص حبه ليومين وحبه ليومين وحبه ونص ليومين حبتين على طول لمددة شهر

وحول لي علاج معالج سلوكي

استمريت بالعلاج او ثلاث ايام تعبت فيها شوي وضيقه زادة والحين الحمدالله بدا يخفف شوي شوي بس عندي مشاكل من قبل للحين مستمره هي رعشه في اخر الاصابع يديني مازلت مستمره

صباح الخير اخوي نواف... انا مثلك وصرت اتعب كثير واحس زوجي قام يتململ من حركاتي وقت النوبه ويقولي انتي تغيرتي منتي مثل اول انتي مرضتي صارت الصدمة 2 .. مادري وش الحل اخذت موعد عند شيخ وانا خايفه .. بس بعد ماسمعت سالفتك ارتحت شوي وتأكدت 100 بل 100 انو مرض نفسي

الحمدالله بديت اتحسن يارب يارب يارب يارب انك تشافيني وتشافي كل الي بالمنتدى والمسلمين اجميعا يارب ياكريم

انا احس حلقي يضوق وقت الاكل .. وتصير معاي شرقه احيانا .. المشكله انو الهلع يجيني اي وقت احيانا وقت النوم .. وبالاكثر عند الناس او اذا طلعت مكان عام كرهت الطلعه من التعب اللي يجيني .. يــــــــــــــارب اشفيني ويشفي كل من يحس بهالحاله المرضيه قولو امين ..

طب راحت هالحاله منك بعد الدكتور اللي رحتله..

مشالله الله يتمم عليك ويشفيني وكل الناس اللي في المنتدى وخارج المنتدى

هلابك عضوووووووو ه انا نفس حالتك افز اثناء النوم حتى زوجتي تحس فيني

اذ اباكل اخاف اغص وكم مره بغيت اغص حتى بريقي اشرق منه

بس الحمدالله الان بديت اتحسن شوي شوي بعد دكتور ماهر بس اهم شي عضوه حالولي تبعدي الافكار المزعجه من مخك اكيد تجيك افكار سيئه هي الي تجيب الحاله ابسالك سؤال ؟؟ انا ينشف حلقك مثلي

اختي عضوه حالي انك تبعدي الافكار المزعجه عنك كل ماتجيك تجنبي الافكار
هي صعبه بس تعوذي من شيطان وشغلي افكارك في اشياء اجابيه


ابيك تسويت الاسترخاء التنفس

ثلاث مرات باليوم

تنامين على ظهرك بالسرير واسترخي جسمك وغمضي عينك وفكري في اشياء حلوه واسحبي الهواء من خشمك بهدوء وكتمي الهواء ثلاث ثواني خمس ثاوني على قدرتك ان تكتمي ثم طلعي الهواء من فمك بهدوه مد عشر دقايق مفيده هذي جدااا يبعد عنك توتر والقلق مفيده حتى بالقلب وشراين

اتمنى لك الشفاء العاجل

اخوي نواف
قصيتك نفس قصة كل مريض هلع مع اختلاف السبب (الله يرحم الوالده ويسكنها جناته)
نصيحتي الذهبية لك استمر في العلاج السلوكي ولاتتركه حتى بعد ماتتحسن
ع الأقل سنة
انا استفدت منه جدددددددددددا يارب لك الحمد
حتى انتي اختي عضوة جديده روحي معالج او معالجة نفسية ترا فرق والله عن الطبيب النفسي مو ادوية وخلاص
تعالج تفكيرك من الجذور !!!!
اذا انتي من الرياض وحابة تتعرفين علي انا اتشرف بك
احنا مجموعة بنات من المنتدى هنا مع بعض بالمسن
ونتقابل في اماكن عامة وندعم بعض :)

الله يجزاك الف خير ياختي تهاني

انا عندي موعد بكرى مع معالج سلوكي

اهلين تهاني ماعندي اي مشكله بالتعارف معكم ... بكون اسعد انسانه ..

اخوي نواف كيف الحال.. انا نفسي اعرف كيف خفيت من هالشي .. انا اخذت اسم العياده منك واخذت موعد الله يسسر امورك مثل ماشجعتني .. بس ودي اتشافى لو شوي بس ممكن تقولي وش سويت ..

اختي روحي د. ماهر عيادة ميدي كير والدكتور جدا ممتاز ومريح واتمنى ان تساعدين نفسك مع الدكتور
والله يشفي الجميع