برجاء الرد بخصوص دواء seroplex 10mg

برجاء الرد بخصوص دواء seroplex 10mg

السلام عليكم ورحمة الله وبركاتة
عندي استشارة
انا من اكتر من 8 سنين جاتني اللتهاب في المعدة
بسبب دواء عظام ولان مكنت اعرف اعرض المعدة
بدات تجيني حالة خوف من الموت والامراض الخطيرة
ومع الوقت جاني القاولون العصبي
وبعدها بسنة اتطور الموضوع معيا وبقت احس بفزع وهلع لمجرد خروجي للشارع
لدرجة اني قعدت اكتر من سنة منزلش الشارع حتي لو مع عائلتي
المهم من سنة ونص بس عرفت ان اللي عندي دة عبارة عن
حالة اسمها نوبات هلع وعرفت دة من خلال النت لن مرحتش لدكتور
انا كنت بروح لدكتور باطنه وكل ما اقولة بتحصلي حاجة غريبة وبخاف لما انزل الشارع واحس جسمي مرتبك يقولي دة من القاولون العصبي
المهم لما عرف انها حالة هلع دخلت علي النت وكتبلي احد الاطباء في احد المواقع علي دواء اسمه لوسترال 50 اخد حبة وقالي خدها لمدة شهرين لو حسيت بتحسن كمل 6 شهور
وفعلا حسيت بتحسن ملحوظ بعد الشهرين تحسن بنسبة كبيرة
كملت عليه لمدة سنة ونص وكنت بخاف اسيبة لترجعلي الحالة تاني
المهم من حدود اسبوعين الحالة ابتدت تجيني بشكل اقل من الاول طبعا وبتتحسن بسرع انما ابتدت ترجعلي بعد ماكنت خلاص نسيتها
المهم دكتور صيدالي قالي سيب لوسترال 50 وخد seroplex 10mg
ابدا بنص حبة 3 او 4 ايام وبعد كدة خد حبة كاملة
وانا دلوقتي خدت يومين نص حبة وبعد كدة بدات اخد حبة كاملة
وليا دلوقتي 9 ايام كامل باخدة بس مش حاسس بتحسن
السؤال هل دة عشان الدواء لسة جديد والجسم هياخد فترة عشان يبدا يتعالج من الحالة ولا هو كدة مينفعش واشوف نوع تاني ولو نوع تاني يكون ايه ارجع للوسترال ولا ايخد نوع تاني
وصحيح انا كان الضغط عندي مظبوط دلوقتي انا بقيسة كل شوية في البيت عندي بالجهاز مرة اللاقي 140 علي 90 ومرة الاقية مظبوط 125 علي 80 او 85
وهل دة ليه دخل بالحالة مع العلم اني مش باخد ادوية ضغط
وباخد دواء للقاولون دواء كولونا ولبراكس وموتليم
بانتظار ردكم الكريم وجزاكم الله كل الخير

المصدر: نفساني

الف سلامة على حضرتك اولا ال سيروبلكس هو نفس المادة الفعالة للسيبراليكس و هو يعمل مثل اللوسترال هو من مجموعة اس اس اراي التي تحول دون امتصاص السيروتونين بعد الإفراج عنه في نقاط الاشتباك العصبي بس كل المشكلة انه بياخد وقت اطول عمال ما يبتدى يدى مفعول مدة تتراوح من عدة اسابيع الى شهرين بالنسبة لادوية القولون مش بتاثر على الضغط و التوقيت البتقيس فيه الضغط بيفرق اذا كان بعد مجهود او لو مش نايم و طبعا فى حالتك قلقان و انت بتقيسه هتاخد قراءة مش مظبوطة و الجهاز بتاعك ديجيتال او زئبق او عداد بيبقى فيه تفاوت فى القراءة فالاحسن انك تثبت جهاز للقياس و تسجل القراءات ولو قلقان اعرضها على دكتور الباطنة بتاعك اخيرا انصحك بالهدوء و الذهاب لدكتور نفسانى لان حالتك سهلة بس ان انت تجرب ادوية نفسية من عندك او الصيدلى يوصفهالك دا غلط لان الادوية النفسية لازم تتسحب من الجسم بنظام معين و ربنا يعينيك و يشفينا كلنا