|
فرط التعرق والعصب السمبثاوي
السلام عليكم ورحمة الله وبركاته
انا سجلت عشان اقول موضوعي الي لاحظت مافي مواضيع كثيره عنه في الانترنت اولاً انا بدأت معاناتي يوم سويت جلسة علاج بتقنيه اسمها الميرا دراي كان عندي فرط تعرق في الابط صراحه الجلسه نجحت وصرت اتعرق بشكل خفيف ولكن بعد تقريباً 3 اشهر من الجلسه ابتدأت المعانات صار عندي تعرق تعويضي بين الفخذين وعشان المنطقه مكتومه دايم ومع الرطوبه صارت تسبب لي فطريات كل ماعالجتها ترجع وصراحه تعبتني نفسياً وأثرت فيني بشكل ماتتوقعونه قاعد استخدم ادويه وضربت بوتكس خففت من المعاناه بس باقي اعاني صراحه حالياً افكر اسوي عملية تدبيس العصب السمبثاوي القطني الخاص بتعرق المنطقه السفلى بس المشكله احد الاعراض الجانبيه المحتمله للعمليه للرجال هي انو ممكن تفقد القدره على الانجاب < طبعاً مو أكيد بس في احتماليه كبيره ودورت وقريت في الانترنت مواضيع باللغه الانقليزيه ولقيت دكتور استشاري مخ واعصاب سعودي قال لي انه يسويها وصراحه خلال الشهرين هذي ممكن اسويها مع انو ممكن برضو تسبب تعرق تعويضي في البطن او الظهر او الصدر بس صراحه راح تكون ارحم من التعرق من الفخذ والفطريات الي له تجربه مقاربه يعطينا رأيه والي يفكر يسوي اي عمليه للتعرق صراحه انصحه اذا يقدر يتحمل على نفسه ويعيش حياته لايسويها عشان ما يطيح في مشكله ومعاناه اكبر
|
05-02-2022, 03:38 PM
