|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
04-09-2014, 03:30 AM | #1 | |||
عضو نشط
|
انا غير عنكم ولا ايش اللي فيني ؟؟؟ وفي معلومه جديده بصراحه خوفتني؟؟؟؟
السلام عليكم
كيفكم مع نوبات الهلع اللي مادري انا مصابه فيها ولا انا ايش اللي فيني بالضبط ؟؟ وللأسف قرأت معلومه بصراحه تخوف ولا ابي أخوفكم بس ابي أتاكد منها لاني من يوم قرات عنها وانا ميته خوف بس راح أقولكم الأعراض بعدين اذكر لكم المعلومه ،،، انا مشكلتي في تسارع نبضات القلب توصل 130 كاني وحده في سباق الجري وادوخ ولاعاد اقدر اتكلم وأحس خلاص باموت طبعا متى تجيني أقوى ثلاث حالات اواجهها اذا صحيت من النوم مباشره تتسارع النبضات عندي وبصعوبه ارد النفس وأحاول أهدي نفسي مع اني توي صاحيه من النوم المفروض تكون دقات القلب هاديه مابين 60 الى 70 والحالة الثانيه بمجرد ما اكل ياااالطيف قلبي نط كانه أرنب يجري وخفقان بعد ويبي لي ساعه ارجع لوضعي الطبيعي عشان كذا نقص وزني لاني ماعاد اكل كثير وصرت اخاف من الاكل الحاله الثالثه اي مجهود خلااااص انكتم وقلبي يفرط مني حتى لو صلاه يعني مو اني اكون جالسه مرتاحه تجيني نوبة هلع لا الا في حاله وحده يجيني هلع وهي العذاب الثاني اللي ينجينا من عذاب جهنم اللي لما يجيني خفقان فجاه في أمان الله اقرا كتاب ولا اتفرج على التي في يصير في هبوط في دقات القلب يعني كذا يوقف ويرجع يخفق بقوه هذي معاها ضيق تنفس شديد وطبيعي اخاف لاني احس قلبي وقف ونقص الأكسجين عندي يعني مالها دخل بالهلع بعدها طبيعي اخاف وأفكر وأقول يارب ماتجي مره ثانيه السالفه اللي لخبطتني وشكيت انه مافيني نوبات هلع وانه شكله عضوي مو نفسي رحت للدكتور استشاري الصدر عشان اعرف ليش على اقل مجهود يجيني خفقان او تسارع في دقات القلب كشف علي وأخذ أشعه الصدر قال الإشعه سليمه وحجم القلب طبيعي لكن انا مستغرب هذي ثالث مره تجين ودقات القلب عندك عاليه مو معدلها طبيعي فوق 100 مع انك مرتاحه لازم نعرف السبب قال تحليل غده قلت توي سويتها سليمه قال نبي نسوي تخطيط القلب بس هذا عند دكتور القلب وحولني عليه وموعدي الأسبوع الجاي ان شاء الله ومحتاره وودي اطلب تخطيط القلب بالجهد وخايفه لانه انكتم مرررره وقلبي يرجف اخاف يصير فيني شي ومايسعفوني انا ما أنكر ان فيني وسواس الموت من اصحى لحد ما انام وانا افكر فيه وأقول الله يستر ما اموت الان ولو احس بشي اجلس أوسوس بس ليش في هذي الحالات قلبي مايتحمل احس مالها دخل بالهلع تعبت والله انا احب الحياه واحب الفرفشه والوناسه وودي اكون مثل الناس بس المشكله اذا سويت اقل جهد تعبت يعني اللي اعرفه انه نوبات الهلع تجي فجاه او تجي في مواقف معينه انت تكون اصلا خايف منها لكنً انا اللي تجيني بسبب انه لما اسوي جهد حتى لو خفيف اصلي أتوضا أرتب غرفتي اتعب تقولو طالعه درج واجلس ارتاح بعدين أكمل أتوقع هالشي ماله دخل بالهلع ؟؟؟ المعلومه اللي بسببها طقتني ام الركب انه الأدرينالين لما يرتفع بقوه ممكن يسبب نوبات قلبيه ويتوقف القلب لانه يكون بسبب السرعه غير قادر على ضخ الدم وممكن يصيبه خلل ويتوقف انجنيييييت لانه المعروف ان نوبات الهلع تكون بسبب زياده إفراز الأدرينالين مادري هذا المعلومه بتزيد الطين بله ولا بتساعدنا نوقف نوبات الهلع عند حدها عشان ماتذبحنا ؟؟؟ طيب وش التناقض يقولون العبو رياضه والمعروف انه تزيد من إفراز الأدرينالين وهذا يساعد القلب على تقوية عضلته وانتظامه ؟؟؟ وجا ببالي اللاعبين اللي ماتو بسكته قلبيه في الملاعب قلت اي صحيح هالمعلومه لانه في لاعبين كثير ماتو في الملاعب اكيد بسبب الجري والقلب يدق بسرعه ومن قوة النبض وقف ؟؟؟ لعبت فيني الأفكار رايحه جايه ؟؟؟؟ وانا متضايقه وماني عارفه من جهه هالمعلومه صح ولا لا ؟؟ ومن جهه ثانيه هل انا فعلا أعاني من نوبات هلع وتحسون مثلي ولا عندي أساسا لاسمح الله مشكله في القلب بسبب انه مايتحمل اي مجهود ؟؟؟ المصدر: نفساني
|
|||
|
04-09-2014, 04:20 AM | #2 |
عـضو أسـاسـي
|
هدي هدي اعصابك ياامي قلبك يدق بسرعه بسبب الخوف والتوتر طبيعي حبيبتي وباقي اعراضك التعب والهبوط فجأه والله تجينا دايم خاصه لمن نكون مبسوطين
|
|
04-09-2014, 12:28 PM | #3 |
عضو نشط
|
ماشاء الله عليكم ماتشجعون ابدا انه الواحد يسال او يفضفض !!!! عموما يعطيكم العافيه وشكرا ام شجاع على الرد كويس لقينا احد يرد علينا لله ي محسنين ؟؟؟؟
|
|
04-09-2014, 01:07 PM | #5 |
عـضو أسـاسـي
استغفر الله العظيم
|
حبيبتي من المعروف بالخوف والتوتر نبضات القلب تزيد
لتخافين اختي ولا توسوسين اللي عندك وسواس الموت ونوبات هلع وكلها ناتجه من القلق العام |
|
04-09-2014, 02:01 PM | #6 | |
عضو نشط
اعوذ بالله من الشيطان الرجيم
|
اقتباس:
اختي مي سلامتك هذا كله من القلق النفسي و افكار متراكمة عليك - هبوط دقات القلق بسبب الشريان الابهر و ليس قلب - تسارع دقات القلب بسبب القلق و التركيز المفرط في الجسم و الهلع و الخوف و التوتر كل هذا يسبب زياده دقات القلب و الطبيب لا يعرف انك تعانين من اضطراب الهلع و يمكن هو لا يعرف اضطراب الهلع - و الادرينالين نادرا ما يسبب الموت - انتي تعانين من اضطراب الهلع و هذا واضح توقفي عن القراءة التي تسبب الهلع لك |
|
|
04-09-2014, 02:30 PM | #7 |
عضو نشط
|
اختي مي شافاكيرالله، انا في بداية الهلع كنت متلك اخبرني الدكتور وقتها انه لازم اشرب كميات كبيره من الماء بسبب عصب اسمه
النهي العصبي طبعا انا لم اصدقه هههه. لكن صرت اشرب ماء دائما وما انام وانا جائعه وسبحان الله راحت لحالها واخبرني الدكتور ان هبوط الضغط يسبب زيادة النبض القلق والتوتر بيعملو كل شي حاولي ابعدي عن كل شي يوتر |
|
04-09-2014, 03:08 PM | #8 |
عضـو مُـبـدع
|
اختي مي معلؤمة جدا صحيحه فعلا وسبق وقلتها اسمها الموت المفاجي او السكته او s.c.d اؤ s.c.a وهي،موت القلب بسبب وقف النبض المفاجي ويتبعه الموت بسبب انقطاع التنفس خلال ثماني دقايق معروف هذا طبيا ويصيب من عمر العشرينات والثلاثين و الاربيعين اكثر شي . والسبب بعد اراده الله هو كهربا القلب الرجفان البطيني او متلازمه lq او، مرض كامن بالشريان التاجي او مجهود قوي جدا
كذلك اغلب هالاسباب كامنه تكتشف صدفه اؤ بسبب الخفقان اللي يزيد عن 150 or 180 نبضه .. الاغما وتغير نبض القلب كلها علامات ع مشاكل في البطين .وكذلك svt يوجود متندي امريكي يجمع بالناس اللي اصابتهم السكته ونجوا منها بسبب عمل انعاش cpr خلال دقايق يحكون قصصهم كلهم وكلهم شباب بالغالب SCAA لاكن باذن الله الواحد كل شي له سبب وهم بالغالب اكتشفوا علتهم بعد النجاه من السكته باراده الله . |
|
04-09-2014, 03:17 PM | #9 |
( عضو دائم ولديه حصانه )
|
ماتشوفي شر أخت مي بس نصيحه لاتكثري البحث في نوبات الهلع أو أي شي يخص المرض النفس لأن والله تزيد الحاله ماتقل_وماشاء الله الأعضاء ماقصروا_
|
|
05-09-2014, 06:41 AM | #10 | |
عضو نشط
|
اقتباس:
الله يسلمك يارب بس انا مشكلتي مو الخوف انا اعرف الوضع لما اكون خايفه انا مشكلتي لما اسوي مجهود اتعب وتتسارع عندي النبضات ولما اجلس تهدا اللي اعرفه ان اكثر نوبات الهلع تجي فجاه هذا اللي شككني في وضعي انه يكون عضوي مو نفسي لاسمح الله وشكرا على التوضيح يعطيك العافيه |
|
|
05-09-2014, 06:45 AM | #11 | |
عضو نشط
|
اقتباس:
وهذا اللي مخوفني انا لي فتره من قبل لا أصاب بنوبات الهلع يجيني خفقان لدرجة اني احس بدوخه وضيق تنفس شديدددد جدا احس اني بيوقف قلبي فجاه اكون جالسه في أمان الله احس بلخبطه في دقات القلب واللي مخوفني انه مو مجرد احساس وبس لا يصير معها اعراض تخوف الله يحسن خاتمتنا ويعفو عنا فعلا الحياه نبضات في اي لحظه تنتهي بنبضه |
|
|
05-09-2014, 06:48 AM | #12 | |
عضو نشط
|
اقتباس:
ياعمري حاولت وانا اكثر وحده تشرب مويه والوجع اكون جيعانه بس لما أتذكر الخفقان اللي يجي بعد الاكل مباشره تنسد نفسي مع انه شهيتي بالبدايه جيده والحمدالله على كل حال يارب يكون تكفير ذنوب |
|
|
05-09-2014, 06:52 AM | #13 |
عضو نشط
|
والله ياقلبي ادري بس انا ابحث اكثر عن النوبات عشان اقدر احاربها وانتي عارفه احسن شي تعتمد على نفسك في علاج النوبات عشان ما تضطر لادويه ولا غيرها عشلن كذا تلاقيني ابحث في أعراضها وأسبابها
|
|
05-09-2014, 07:01 AM | #14 |
عضو قليل أدب ( موقوف )
|
أنا كنت أعاني من دقات القلب القوية السريعة
عطاني الطبيب دواء اسمه الأندرال ليهدي النبض ويمنع الخلل في النبض وفعلا كان الأندرال دواء ممتاز موجود الأندرال في مستشفى الطب النفسي لازم تروحين طبيب نفسي بأسرع وقت |
|
05-09-2014, 01:05 PM | #15 |
عضـو مُـبـدع
|
اخت مي فعلا زي ما قال الاخ ترا الاندرال او كونكور مهم جدا لحالتك وقد باذن الله يغيرها تماما حاصرات بيتا معروفه قد تقيك من شي كبير .... وبالنسبه للاخ هل انت مازلت مسمتر،ع الاندرال وكم الجرعه وشكرا
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|