اخواني اصحاب رهاب الساح ونوبات الهلع ، استفسار

اخواني اصحاب رهاب الساح ونوبات الهلع ، استفسار

السلام عليكم


اخواني المصابين برهاب الساح ونوبات الهلع حبيت اسألكم سبق وأن سافرتوا لأماكن بعيده وبالطائرة وما الاحساس اللي حسيتوا فيه
وهل حصلت مواقف محرجة لكم خلال السفر وهل داهمتكم نوبات الهلع خلال السفر سواءً كنتم بالطائرة أو في الدولة اللي سافرتوا لها واذا داهمتكم النوبات وش الطريقة المتبعه في هذي الحالة ،،
انتظر إفادتكم شفانا الله واياكم ،

المصدر: نفساني

اخوي انا عندي رهاب ساح ونوبات هلع لكن الي ينطبق علي ماهو ضروري ينطبق عليك صدقني اعرف شعورك انت محتاج احد يطمنك ان الموضوع بسيط فلا تسأل اسئله كذا وتكون سلبي وتحط احتمال اصابتك بنوبة هلع بالطريق او بالمدينه الي راح تسافر لها واي عضو بيجي الحين بيكتب لك تجربته راح تعيشها وتتخيلها وبتصيبك لذلك لو تتوكل على الله وهو خير حافظ ان شاء الله ما راح يصيبك شي وبالنسبه للتصرف الي لو صابتك نوبة هلع لا قدر الله التصرف ما راح يختلف طنش + تذكر انها مده بسيطه وراح تعدي على خير ولا تفكر ولا تحاتي وبس انا عني صراحة مره رحت المدينه بالنقل الجماعي 20 ساعه ههههههه لك تتخيل الموقف الي كنت فيه علماً اني م استخدم دواء انهلعت طول الطريق ولما وصلت الحمدلله ما صابتني اي نوبة هلع ودعيت الله انه يسهل لي طريق الرجعه لدرجة اني رحت ادور مكتب طيران ابي اوصل اسرع لكن ما حصل مع ذلك تسهلت الأمور ورجعت وكان طريق الرجعه اخف نوعاً ما ، وقبل لا اروح يا اخوي ما سألت كنت صاحب التجربه وصاحب الأعراض يعني ما جتني من تأثير كلام قريته ، لذلك اتمنى انك ما تقيس نفسك على احد وتتوكل على الله وان شاء الله ما يصيبك شي .

حتى وان حصلت نوبة الهلع في السفر لن يحدث شئ ابدا

ما اسوأ شئ قد يحصل وقت حدوث نوبة الهلع ،،، دعني افكر ممممممممم،، لا شئ

توكل على الله وسافر ،، واذا لم تكن رحله مهمه ف عالج نفسك عند طبيب نفسي واترك المهدئات التي استفسرت عنها في موضوع اخر ف أنت لن تحتاجها اذا عالجت نفسك

قدامك العافيه