لااعرف ؟؟؟؟ بالله ساعدووني رجيتكم

لااعرف ؟؟؟؟ بالله ساعدووني رجيتكم

سلام عليكم ورحمة الله وبركاته ...
صراحة ماني عارف كيف ابدا الموضوع ولكن رجا لو كان في اخصائي او احد مر بنفس حالاتي لايبخل برد او نصيحة او توجيه

الحالة اللي اشكو منها هي انه اذا مثلا كنت في مجلس عام وقام احد مدحني او ذمني
انا طبعي ماعندي اي مشكلة بس فيه شي متعبني اللي هو حركة فمي . احس فيه زي الارتجاف الغريب بفمي حتى اللي حولي يشعروا بالشي ذا . او مثلا كنت مبتعد عن الناس لفترة طويلة ويوم اجي ابغى اسلم احس بحركة فمي مااقدر اتمالك نفسي
يااخوان قسم بالله ماني عارف اش المشكلة ..
بسب هذه المشكلة انا مبتعد عن الناس والاماكن الاجتماعية لمدة 3 سنوات
الناس تسال عني اقولهم مشغول والا اي تصريفه
ياعاااااااااااالم ياناااااااااس وربي تعبان مااقدر اعيش بدون شباب وجلسات ورب البيت ماني عارف اش المشكلة
اذا فيه اخصائي او اي احد ممكن يرد عليه اكون له من الشاكرين
واذا اردتم مثلا توضيح اكثر بوضح يعني ممكن تسالوني وانا حاضر اجاوب على اي سؤال
بالله لاتتاخرون على الرد
شاكر ومقدر لكم ...

المصدر: نفساني

مافي ردود ولامشاركات ..........

عزيزي وكلهالله والنعم بالله ان الرجفة التي تحصل وخاصة في الخد وتشعرمعها بالخوف الممزوج بالخجل الشديدوقديصاحبها احيانارعشة في الاطراف عنماتقوم بعمل امام الاصدقاء واذاقال لك احدهم ويش فيك خايف اجتك عصبية السبب والله تعالى اعلم انك تتحاشى الاهانه ولاترضى بابسط الكلمات الجار حة في حقك وهذا طبعا من طيب اصلك وماتعاني منه والله اعلم هوارهاب الاجتماعي فعليك التوجه فوراالى اقرب عيادة نفسية ومواجهة الامربكل شجاعة والبحث عن العلاج وستزول كل هذه الاعراض باذن الله تعالى وقدحصل لي كل ماذكرت انفا
ولك شكري

مخضرم حبي تسلم وربي ...

اذا مااكلف عليك بس ياخي ترا انا من النوع اللي ماعمره راح لدكتور نفساني هذا اولا ،

يعني كيف اوصل لدكتور نفساني خصوصا انا كنت بالرياض وبعدين نقلت لجدة. يعني لو تقولي كيف اوصل لدكتور

في جدة .. وهل في غير هذا الحل ، وممكن توضح لي كيف كانت تجيك الحالة اذا ماتمانع واذا كان فيه حرج مافي مشكلة ..

الشي الثاني ممكن بس اذا مااكلف عليك يعني توضح لي اسباب الرعشة يعني هي ماهي رعشة بس كيف اقلك يعني مااقدر اتمالك حركات وجهي اذا واحد مثلا مدحني او ذمني وبالذات وبالذات إذا جيت بمجلس وبديت اسلم على الناس وبداو يسالون عني وعن اخبار ماادري اش يحصل لي لذلك بعض الاحيان اضظر اني اجي بدري العزومة عشان اتلافا هالحرج .... معليش بس احسك فهمت شوي من معاناتي

الشي الثالث بالنسبة لكلامك فيه جزء منه صحيح اللي هي رعشة الخد وانا احمد الله انه في واحد فهم وضعي بس بالنسبة لرعشة الاطراف الحمد لله ماتجيني (( للمعلومية انا شخص اجتماعي واحب الناس ومااقدر اعيش كذا بس هذه الحالة منعتني من الناس لمدة 3 سنوات ))

والله يامخضرم ماتعرف قد اش الفرحة لمن قريت ردك يعني حاس انه فيه واحد ممكن اقلها يشخص الحالة

شاكر لك اخوي واسف على الاطالة

نسيت بس شي ..

هل هذه الرعشة او الرجفة هل الناس يلاحظونها على ملامح وجهي ؟؟؟؟
سؤال ماني عارف جوابه صراحة ....

هلاحبيبي واناتحت خدمتك في اي لحضة ولاتتحرج ابدا فنحن في هذاالمنتدى اخوة يجمعنا الحب والتقديروالاحترام المتبادل امامشكلة الرعشة فهي صحيح كلامك ماهي رعشة بس تجي على شكل اهتزازات في اعلى الخد يصاحبها نوع من الخجل والاحراج المفرط ولاتضن انك لوحدك ممن يعاني منها
واماالعلاج فالافضل لك ان تستعمل علاج ليساعدك على تخطي هذه المرحلة وامابالنسبة لذهابك الى المستشفى فالامر كذهاب صاحب السكرالى دكتورالسكراواي مريض الى اي قسم بالذهاب الى المستشفى وفتح ملف ان لميكن معك وتزورالعيادة النفسية وهناك انصحك لاتكتم اي شئ عن الدكتو المختص لانه هو بيسوي معك جلسة يسألك فيهاعدة اسئلة وعليك ان تجيب بكل صراحة فليس هناك شئ اغلى من نفسك وليس لديك ماتخسره
فالنفس تتعب كمايتعب القلب
اخيروليس اخراارجومن الله لك الشفاءالعاجل غيرالاجل وكما قلت لك والله تعالى اعلم ان هذه الاعراض هي رهاب اجتماعي سيزول مع زوال الاسباب ومع العلاج ينتهىي باذن الله ويتلاشى وانصحك ان لاتشغل نفسك كثيرا فالمسأله اهون بكثيرمن اللي يعانون من الوسواس القهري والاكئاب المزمن وغيرهاشفى الله الجميع ولاتتردد في مراسلتي في اي شى فأنااسعد منك بالحديث معك
ولك اجمل تحية

الااناعندي سؤال كم عمرك الان
واتوقع عمرك مايتعدى العشرينات يعني 25اواقل صح ولالا
ولك تحياتي

وعن سؤالك الاخيرهل الناس يلاحضون هذه الاهتزازات فهم قديلاحضون ولكن لايفهمون لها اي معنى بتاتناكما يخيل لك

سلمت يديك ياصديقي ..

وربي انك جبتها يعني زي الاهتزازت في اعلى الخد بالضبط

اخر شي صديقي انا كنت الاحظ هذا الشي من عشر سنوات بس ماكنت اعرف انه رهاب وخرابيط يعني كنت احسبه شي وقتي وبيزول لكن طلع الموضوع مطول شكله

سؤالي الاخير كم ممكن تاخذ فترة العلاج وبالنسبة لعمري زي ماتفضلت 25
. انت ايضا ذكرت انه جاتك هذه الحالة هل كانت تمنعك يعني مثلا من الجلوس مع الناس او مقابلتهم ؟؟ بمعنى صديقي هل استعملت ادويه لأنه اخوك من النوع اللي يخاف من ذا الشي من كثر مااسمع واقرا عن الادويه هذه ...

شاكرررررر لك مروك وتواصلك

واسفين مره اخرى على الاطالة

الله يسعدك دنيا واخرررره يارررب ...

اخوي مخضرم اذا تسمح لي ممكن اعرض ايضا الحالة على الدكتور رعد
لاتحسب انه قلة ثقة فيك ، لا والله والنعم فيك ولكن من باب اخذ اكثر من استشارة
منتظر ردك

معليش صديقي مخضرم

ارسلت رسالة للدكتورر والله ماطاقني الصبر

انتظرت ردك ولكن يبدو انك كنت مشغول والمشغول عذره معاه

شاكر لك مرورك واهتمامك بالموضوع

هلاوالله اخوي وكلهالله هذا من حقك اخي العزيزان تستشيرمن تراه مناسبا وخاصة دكتورناالفاضل رعد فهوقد ترك جل وقته حتى يجيب علينا نسأل الله ان يجعلهافي موازين حسناته بل انني لاادعوك فقط الى الاستشارة بل للبحث عن العلاج
ولك جزيل الشكروالامتنان

وكلها لله كيف الحال واخبارك
حبيبي ودي اسألك عن ايش قال لك الدكتوررعد عن حالتك
ويقل لك من طول الغيبات جاب الغناين انافي انتضارك
ولك الشكر والود

تسلم يالغالي ,,
والله الدكتور شكله مشغول وانا مازلت بانتظار رده
دعواتك

أخي وكلها لله:

أعتذر على التأخير لأني طولت مادخلت المنتدى

وأشكرك على الاستشارة

أخي الكريم حالتك لاتسمى مرض وانما اضطراب بسيط

له علاقة بالخوف أو التوتر الاجتماعي

وكل ماتحتاجه هو أن لاتدقق على نفسك وبالعامي لا تحبّكها

فأغلب الناس لديهم درجة من التوتر الاجتماعي ولديهم حركة

يقومون بها أثناء التوتر وانت كل همّك هو هل لاحظوها أم لا؟

وتؤكد بأنها دليل على انك غير طبيعي وضعيف

والحقيقة هي انك بحاجة الى اليقين بأن هناك عدد كبير

من الحركات الانفعالية وكلها تعتبر طبيعية لو أرادها الشخص

ان تكون كلك ، وان ارادها واعتبرها غير طبيعية فستكون

غير طبيعية، فعليك اختيار ماتريده. وبالنسبة للناس فقد

يلاحظوا وقد لايلاحظو وربما البعض (وهم العيّارين) يلاحظ ذلك

وهؤلاء ناس لاتجعل لرأيهم فيك مجال لأنهم يعيّرون على

أكمل الناس ولا يملأ عيونهم الا التراب

وفقك الله أخي وبارك فيك وطمأن قلبك