هل هذا مرض نفسي او جنون

هل هذا مرض نفسي او جنون

السلام عليكم انا وصلت مرحله تجيني فكره او افكار تقول انت مريض واول مابدء افكر تجيني اعراض المرض يعني اعراض قويه لدرجه اروح للطوارى والعيادات ويوقول مافيك شي وماصدقهم اقول هذا شاف وجهك وعرف انك موسوس مايبي يعلمك عشان ماتخاف وكل مره اسيطر عليه يدمغني ويحط الحق علي تخيلو وصلت لمرحله ماقدر اذبح احد بلعبه تكسر خاطري الشخصيات فصلت من دوامي اخاف احد ياذيني او يضرني لو صار شي بالشارع مع احد لو كلام اقول هذا بيجيب مسدس ويطلق عليك النار مادري كيف اشرح لكم مللخبط مشتت حتى حقي ماقدر اخذه مستلف من شخص فلوس وادفع له بالاقساط ومره من الاشهر كلمته وعطيته مقدم 3 اشهر دق علي بعدها بفتره قال الاقساط حل عليك ماعرفت ارد عليه رحت دفعت له وكل شي تحويل مسجل باقي شهر ويحل القسط انا اعاني مادري تفهمون علي ولا زي الدكاتره تناظروني على اني مجنون اذا قلت لاحد يقول انت فيك فصام ويطقطق علي ويضحك تخيلو كنت مزوح وراعي سوالف الحين كلمتين على بعضهم ماقولهم وفوق هذا كله وسواس المرض ماهو راضي يهدني ويخليني اعيش فقدت طعم الحياه نوم ماقدر انام زي العالم حتى اكل صرت مااكل اخاف ودي اصيح بس ماتطلع البكيه تصير زي الغصه بحلقي اشكي لله كل شي يوجعني ويألمني تجيني فكره براسي تقول انت بس تاخذ حاجتك وتنسى الدعاء والصلاه معليش سؤال صار سالفه ملخبطه هل انا مجنون ولا لا

المصدر: نفساني

هلا اخوي وليد الله يشفيك ويشفي الجميع،لا تتعب نفسك روح لدكتور نفسي وهو بشخص الي تعاني منه والف سلامة عليك ،الحلول الحمدالله موجوده بااذن الله الواحد الاحد