قصـتي الغريبـه مـع الهلـــع

قصـتي الغريبـه مـع الهلـــع

السلام عليكم ورحمـة الله وبركـاته

حبيت اكتب لكم قصتي الطوويلـة جدا مع الهلـع

والمشكلـة والي زاد الي فيني / اني ماكنت ادرري ان الي فيني هلــع كنت احسبه مرض خبيث والعياذ بالله

بدايه السالفه

بيوم من الايام وانا افرفر باليوتيوب كالعاادهـ

لقيت مقطع يتحدث عن نهايه العالم .. الله لايسقيه هالمقطـع .. :(

المهم كان بالمقطع يتكلم واحد ويقول انو بتاريخ كذا وكذا راح تحدث زلازل بجزيرة العرب ماسبق لها مثيل

وكاان تقريبا باقي ع كلامه اسبوعين .. وتصير هالزلازل

انا بصراحة قلقت .. وماخفيكم اني والعياذ بالله كنت انسان ضعيف ايمان وماكنت محافظ ع صلاتي

فكرت بيني وبين نفسي . حتى لو كان كلامه غلط .. الى متى وانا في غفلــة ؟؟؟

يوم القيامه حق ومذكور بالقران وانا لازم اتوب إلى الله

وبالفعـــل قررت التوبة وواضبت ع صلواتي بالمسجد وصرت اصوم اثنين وخميسسس

بس مشكلتي كاانت كل ماقرب اليوم الي يتكلم عنه هذاك الشخص ، كل مازاد قلقي اكثر واكثر واكثر

تخيلو لدرجة انو اذا احد شغل المكيف . اقول بيني وبين نفسي هذا صوت مكيف ولا صوت بدايه انهيار < وسوسه عنييييفة

جاء اليوم الموعوود .. وكنت متقرب الاحداث وكنت متوتر بعنف .. وانا اتصفح المنتديات قريت خبر كاذب يقول فيه

ان وكاله ناسا شافت مذنب يسقط .. وقتها ماعرفت شسووي من جد خفت وقلقت ...

كل هذا وانا بس متوتر ومامريت ب اي حاله هلع

المهم عدت هالسسسالفه ونسيت منها تدريجياا .. والحمد لله لازلت محافظ ع صلاتي وصيامي

بيوم من الايام اول يوم عيد الاضحى الصباح

وانا اصلي بعد مارفعت من الركوع حسيت بدووخه وكني كنت راح اسقط ع وجهي

قطعت صلاتي مفجووع وخفت وتوقعت اني بموووووت

جلست اتشهد ورحت عند امي وفجعتهاااا وانا جالس بحضنها اتشهد

ودوني المستشفى وكالعادهـ . المستشفيات يطلعون فيك اشياء ماهي فيك

جلست فتره وانا احس بـ الم براسي وانا اقول شكله سرطان .. لان الدوخه ماتفارقني والصداع شديد

وجالس افكر ب هالموضوع

ياريتني عرفت ب هاللحظه ان الي فيني هلع بس للاسف وانا مادري الموضوع تطوووور للأسوئ

وبمره وانا اصلي بالمسجد وانا ساجد دق قلبي بطريقه عجيبه وعجيبه جدا وتوقعت اني راح اموووت

ومن بعدها وسوست

وصار كل تفكيري هو ب الخفقان الشديد الي صار لي واول مره يصير معي كذا

رحت المستشفى وسويت تخطيط قلب وطلع سليم

شلون سليم وهو يدق بعنف ؟؟ كل هالاشياء مريت فيها وانا مادري انها حاله هلع

مريت بكل تجارب الهلع الشديده والخفيفه

واقوى حاله هلع مريت فيها قبل شهر كنت ماشي بالطريق ودق قلبي بطرريقه ياعالم تخووف

وكان بطني يعورني وقتهاا . خلاص حسيت اني راح امووووت

وبعدها دورت بالنت لين لقيت هالموقع الي ريحني كثيرررر

وعرفت انو الي فيني هلع ...

بس المشكله اني عرفت متإخرر

صارت تأثر فيني الاشياء الي تصير حووولي اذا قالو فلان مات انفجع وتجيني حاله هلع خفيفه

احيان تجيني الحاله بدون اي مقدمات عادي مااشي في طريقي وتجيني

وانا اكتب لكم الحين .. جااتني امي تقوول لي تعرف فلااان ؟ قلت ايوه .. قالت مااات

تخيلو من فجعتي ومن الي فيني بدل ماقول لهاا كيف ؟ قلت لها ليش ؟؟

سألتهابعدين كيف مات . وانا اقولبيني وبين نفسييارب تقولحادث يارب تقول حادث

شوي الا وتقول ليمات بسكته قلبيه

ياعاااالم ماقدر اوصف لكم شعوري وقتهااا

اناقلبي يدق بقووه . واحس بشئ ماسك عليه وضاغط عليه وخايف يوقف ب اي لحظه

وتجيني امي تقوللي كلاممثل كذا

لاحول ولا قوة الا بالله

والله ماعاد صرت اقدر اصلي في المسجد مثل اول .. صرت اصلي في البيت

ماعاد صرت اقدراطلع واضحكواستانس مثل اووول

اوسوس من اي شئ .. مثلا اذا قالت امي تعال اجلس معي .. اقول ليش قالت كذا اكيد اني بموت

ولو احد قال لي تحلمت فيك . يجن جنوني .. واقول له لاتقول ليوش حلمت فيني

غير الاحلام الي صرت اوسوس منهاااا

قصتي جدا غريبه بس دائما كنت اقول ما اصابك ماكان ليخطئك وما اخطئك ماكان ليصيبك

الحمد لله على كل حال

كملت الحين سنه كامله من الي فيني

واكثر شئ اخاف منه هو تسارع دقات القلب . الباقي اشوف انها هينه

ولا رحت عند اي دكتور نفسي لاني اخاف من الاثار الجانبيه للادويه

هاذي قصتي مع الهلــــع

اسأل الله الكريم ان يشفيني ويشفيكم جميعـا

المصدر: نفساني

الله يشفيك و يعافيك اخي

اغلب المرضى هنا لهم نفس الاعراض الي عندك و نفس الاحاسيس و الوساوس فلا تقلق .. كلنا مرينا بتجربة الهلع و نعلم تمام العلم مدى تاثيرها على حياة الفرد ..

اتمنى و ان شاء الله تجد الدعم الازم و النصائح المفيدة .. الي تساعدك على الخروج من هذه الحالة

انصحك تتجول شوية في هذا الملتقى .. فهناك مواضيع كثيرة مميزة و فيها معلومات لا باس بها عن الهلع و اعراضه و كيفية التخلص منه ..

اهلا بك معنا و اتمنى من الله ان يعافيك و يعافينا جميعا

السلام عليكم

كلنا مرينا بما مررت فيه اخي واحد من وسواس المرض

وتسارع دقات القلب والخوف من الاحلام والدوخة

لكن بتفاوت فقط ..لذلك ان لا تقلق وتخرج نفسك من هذه الورطة

قبل فوات الاوان ..وتبقى تعاني مثلنا ..

انت ما زلت صغير والمستقبل ما زال امامك

فلا تبالي بالاعراض..فانا مثلا اقول تروح الدوخة وكل شيء هين

يعني ضربات القلب بالنسبة لي لا شيء اي مقدور عليها ..هههههههههههه

شوف يا ابني هناك موضوع جميل لاحد الاعضاء الشباب من الله عليه بالشفاء

في الفضفضة في صفحة اعترافات فيها اشياء ساعدته على الشفاء روح وشوف لعلها تفيدك

ربي يشفيك

المشاركة الأصلية كتبت بواسطة امل الروح

الله يشفيك و يعافيك اخي

اغلب المرضى هنا لهم نفس الاعراض الي عندك و نفس الاحاسيس و الوساوس فلا تقلق .. كلنا مرينا بتجربة الهلع و نعلم تمام العلم مدى تاثيرها على حياة الفرد ..

اتمنى و ان شاء الله تجد الدعم الازم و النصائح المفيدة .. الي تساعدك على الخروج من هذه الحالة

انصحك تتجول شوية في هذا الملتقى .. فهناك مواضيع كثيرة مميزة و فيها معلومات لا باس بها عن الهلع و اعراضه و كيفية التخلص منه ..

اهلا بك معنا و اتمنى من الله ان يعافيك و يعافينا جميعا

مشـكورة اختي على ردك

وانا عارف انو الي فيني عباره عن هلـع واحاول اقنع نفسي بالشئ ذا

بس مادري ليش ماني راضي اقــتنع

وماني قادر اقول للي حولي انا يجيني هلــع . احس ماحد فاهمني ولا حاس فيني

ولمن دخلت المنتدى وشفت كير ناس يمرون بالي امر فيه ارتحت نسبياا .. وانا احسب اني انا الوحيد الي اعـاني

المشاركة الأصلية كتبت بواسطة ام رحمة

السلام عليكم

كلنا مرينا بما مررت فيه اخي واحد من وسواس المرض

وتسارع دقات القلب والخوف من الاحلام والدوخة

لكن بتفاوت فقط ..لذلك ان لا تقلق وتخرج نفسك من هذه الورطة

قبل فوات الاوان ..وتبقى تعاني مثلنا ..

انت ما زلت صغير والمستقبل ما زال امامك

فلا تبالي بالاعراض..فانا مثلا اقول تروح الدوخة وكل شيء هين

يعني ضربات القلب بالنسبة لي لا شيء اي مقدور عليها ..هههههههههههه

شوف يا ابني هناك موضوع جميل لاحد الاعضاء الشباب من الله عليه بالشفاء

في الفضفضة في صفحة اعترافات فيها اشياء ساعدته على الشفاء روح وشوف لعلها تفيدك

ربي يشفيك

انا مشكلتي قبل النوبه / مقتنع تماما انها نوبه هلـع

لكن اذا جاتني انسى انها نوبة هلع وابدأ اوسوس

وصراحة مشكلتي انا فـي قلبي

لي فتره احس فيه شئ صاغط عليه

مو دايم احس كذا / بين كل فترة وفتره

واكثر شئ اول ماصحى من النوم

إن شاء الله يكون تكفير ذنوب لي ولكم

والله سبحانه يختبرر صبرنـا ،، الواحد اذا اصابته مصيبه لازم يعود نفسسه يقووول

إنـا لله وإنـا إليه راجعون

مشكوره على ردك

ههههههههههه جلست اضحك لما قريت انك كاتب توسوس لما احد يقولك حلمت فيك ولا امك تقول تعال اجلس معي، انا اتهاوش مع اي احد يقول حلمت فيك اقوله طيب وش اسويلك وخلني اشوفك قايل لاحد او تحاول تفسره ههههههههبس برضو الان صاير اوسوس على الاورام الله يبعدها عننا ومازلت موسوس فيها لان قريت عن ورم يتشابه مع الهلع وخفت الصراحه خصوصا لما ارتفع عندي السكر شوي، مع العلم ان ام رحمه طمنتني ان حتى هي يرتفع عندها السكر احيان يوصل 200
بس انا وصل 240 واغلب الاطباء يقولون عادي ولكن حاول تبتعد عن الضغط النفسي والسكريات شوي
انا من رأيي ياخوي انك تروح عياده نفسية واذا انت من الرياض روح مركز مطمئنه لانهم كويسين
انا اتمنى اني بالرياض واتمنى اني تعالجت من البدايه
والله يشفينا ويشفيك يارررب

هههههههههههههههه

هلا وغلا اخوي تركي

اي والله ان وضعنا يضحك من هالنااحيــة

وبخصوص العياده النفسيه ابدا مافكرت وان شاء الله ماروح عياده نفسيه

ابحاول اتغلب ع هالشئ بدون ادويه

وان شاء الله اقدرر

وبعدين انا قريت واحد من الشباب كتب انو تجيه نوبات هلع

الي هي سرعه دقات قلب وفززع

وبالاخير طلع عنده قرحه بالمعده

وبيني وبينك انا بديت اشك انو انا عنديقرحه بالمعده مو وسوسه لاا

بس لاني احس بالم براس المعده شديد . يروح ويجي

مع العلم ان عندي قولون عصبي

وقبل فتره يوم رحت المستشفى قال لي الدكتور ان عندي التهاب في القولون وجرثومة معده

وعطاني ادويه وخف كثيرررر الم القولون وماصارت تجيني نوبات هلع مثل الحين

ف ممكن قبل يكون فيني شئ نفسي

ممكن يكون عضوي وضروري اكشف ع معدتي ممكن فيها تقرح او التهاب

بس السؤال هناا كيف اعرف ؟

يعني يسوون لي ناظور ولا ايش ؟

لان الدكتور عرف ان عندي التهاب بالقولون بعد ماسويت اربع تحاليل وعرف منها ان عندي جرثومه معده والتهاب بالقولون

وانا شكيت صراحه ممكن الهلع الي فيني بسبب ياجرثومة المعده

يا بسبب التهاب القولون

اهلا وسهلا بك أخي الكريم ، وحياك الله نحن هنا نفيد ونستفيد ، أسأل الله بمنه وكرمه وعطفه إن يشفيك وان يبعد عنك كل أذئ ، في الحقيقه قرائة ما تم طرحه في السابق بتدقيق ، لدي بعض الملاحظات والتي بإذن الله تعالي إن تفيدك ، دعني في بداية الأمر أقول لك إن الابتلاء من رب العالمين ويجب علينا الصبر ، والتفائل بالخير ، ويتوجب علينا إن نراقب الله في كل شيء ، ويجب علينا إن ندرك بأن علم إلساعه عند الله سبحانه وتعالي ولا يعلم علم إلساعه إلا هو قال الله تعالى في صدر كتابه الكريم واصفا عباده المتقين ? الَّذِينَ يُؤْمِنُونَ بِالْغَيْبِ ? [ البقرة: 163-166 ] . ومن أمور الغيب التي اختص بها سبحانه وتعالى نفسه علم الساعة ، فلم يُطلع عليها أحدا من خلقه. قال تعالى: (يَسْأَلُونَكَ عَنْ السَّاعَةِ أَيَّانَ مُرْسَاهَا)
ولهذا لما سأل جبريل عليه السلام رسول الله صلى الله عليه وسلم عن وقت الساعة – كما في حديث جبريل الطويل – قال النبي صلى الله عليه وسلم: " مَا الْمَسْئُولُ عَنْهَا بِأَعْلَمَ مِنْ السَّائِلِ ". رواه البخاري. [1] كما روى الإمام أحمد وابن ماجه والحاكم، عن عبد الله بن مسعود رضي الله عنه، عن النبي صلى الله عليه وسلم، قال: " لَقِيتُ لَيْلَةَ أُسْرِيَ بِي إِبْرَاهِيمَ وَمُوسَى وَعِيسَى. قَالَ: فَتَذَاكَرُوا أَمْرَ السَّاعَةِ، فَرَدُّوا أَمْرَهُمْ إِلَى إِبْرَاهِيمَ، فَقَالَ: َلا عِلْمَ لِي بِهَا. فَرَدُّوا اْلأَمْرَ إِلَى مُوسَى، فَقَالَ: َلا عِلْمَ لِي بِهَا. فَرَدُّوا اْلأَمْرَ إِلَى عِيسَى، فَقَالَ: أَمَّا وَجْبَتُهَا، فَلاَ يَعْلَمُهَا أَحَدٌ إَِّلا اللَّهُ. ذَلِكَ وَفِيمَا عَهِدَ إِلَيَّ رَبِّي عَزَّ وَجَلَّ أَنَّ الدَّجَّالَ خَارِجٌ. قَالَ: وَمَعِي قَضِيبَانِ، فَإِذَا رَآنِي، ذَابَ كَمَا يَذُوبُ الرَّصَاصُ. قَالَ: فَيُهْلِكُهُ اللَّهُ "
هذا مختصر فقط عن علم إلساعه عند رب العالمين ويجب علينا نعلم إن الله عنده علم السموات والارض ، أخي الكريم هناك نقاط أود فقط إن تجاوب عليها وان تجلس مع نفسك ، لماذا ليس باامكأنك إن تقنع نفسك بأن ما تعاني منه هو (هلع) ؟ .. وعند مشاهدتك في اليوتيوب مقطع (آخر العالم) ، اقتنعة بمشاهدتك للفديو كامل ، لماذا نصديق شائعات ، للأسف كانت من أشخاص ليس لهم دين أو مله ؟ .. يجب إن نكون أكثر قوة وإيمان مع الله وان نبتعد كل البعد عن هذه الأفكار ، ليس بمقدورك إن تبتعد نهائيا ولكن لو تم ترتيبها وتم اعداد أجابه لكل الأفكار السلبيه ولتكن أجابه تقتنع من خلالها النفس ، أنا ارئ أنه باامكأنك التغلب علي هذه الأفكار ولاتحتاج إلي دواء فقط كل ماتحتاج له هو الرجوع إلي الله والدعاء ، الصبر والقوه ووممارسة الرياضه ، وتغيير المفهوم هي الأسباب التي بإذن الله إن توصلك للشفاء .. هذا مااود إن انصحك به أخي الكريم .. وأسأل الله رب العرش العظيم إن يشفيك والله ولي التوفيق والنجاح .

ونعم بالله سبحانه وتعالى

اخوي انا مؤمن بـأن الساعه علمها عند رب العالمين

واعلم انهاا تصيرر بـ غفلــه

انا الي خفت منه بعد مشاهدتي للمقطع / هو حدوث زلازل بالفعـــل ... وكنت خايف من هالشـئ

لانوكاان يتكلم بطريقه عجيبه ويوثق كلامه بـ اشياء تخلي الواحد يوسوس

وانا وقتها كنت انسان والعياذ بالله والله يغفر الذنب

ضعيف ايمان

لا اصلي الصلوات في وقتهااا وكثير معااصي ...

فـ خفت وقتهااا والله ان يإتيني العذاب بغته من حيث لا اشعر سواء زلزال او حادث سياره او مررض او غيره

فقررت التووبه ولله الحمد .. وكان سبب توبتي ندمي على مافااات من معاصي .. وتذكرت يوم القيامه واهوالهاا

اذا كنت خفت من مقطع باليوتيوب . لانو بروفيسور جالس يقووول انو راح تصير زلازل .

ليش مافزعت لمن قريت كلام رب العالمين الي عنده مفاتيح الغيب ويعلم مافي السموات والارض . وهو يقول والساعة اتية لاريب فيها

ليش ما اتوب قبل مايجي يوم ماتقبل فيه توبتي

يعني انافكرت بحاجتين

موضوع الزلازل . وقيـام الساعه

وصرت بعدها لمن اسمع ايات تتعلق بقيام الساعه تجيني حاله فزع

يعني تقدر تقول انو الموضوع تطور معي ،، والحمد لله اني نويت التوبه من قبل لاتجيني نوبات الهلع . لاني لو تبت بعد النوبه الشيطان بيوسوس لي وقتها اني منافق واني ماتبت الا بسبب مرضي

وانا والله ما دفعني للتوبه الا خوفي من رب العالمين سبحانه

يعني مايمديييييك توسوس يـآشيطـان .. مع نفسسسسسك

اشكرك أخي على ردك وكلامك عين الصواب

وصراحة عن نفسي انا ماصدق انو احد يكتب لي

احس ان ماعندي مشكلة اكتب صفحتين اعبر بالي بداخلي

الحمد لله على كل حال

والله يسعدك ويسعد جميع المسلمين والمسلمات

الطريف في الموووضوووع

لمن يدق قلبي بسرعه

اقول ليش يدق بسرعه اكيد بيوقف في اي لحظه

واذا دق بشويش

اقول ليش يدق بشويش اكيد بيوقف ؟؟؟

احسس قلبي ودهـ يطلع ويقول لـي / يـآخي وش تبي انت بالضبط ؟

اطلــع من حيـاتي يـآخي .. :(

معلييه معلييه استحملني يـآقلبي .. :(

انت شكلك تراقب دقات قلبك وتحسبها وهذا اللي خلاني اتدهور اكثر للمعلومية فقطعموما امراض المعده مو شرط انها تعمل هلع ومادام ارتبطت الحالة مع الهلع ف معناته عندك قابلية للهلع، الحق على نفسك وناخوك ترا علاج الهلع وهو في بدايته جدا سهل وبسيط وياخذ فترة بسيطه ويروح نهائي ، لاتنتظر وتسوي نفسك انك خلاص بتتعافا تلقائيا، انا مو جالس احطمك او اقلل من شأن قوة ارادتك ولكن جالس اتذكر نفسي فيك مع بداية المشكلة هذي والأن جالس اقووول ليييت وليييت
اخوي العلاج الصحيح هو:
1- التقرب الى الله ولكن انتبه من التشدد لأن اخاف عليك من الوسوسه وانا طحت فيها شوي ولكن الحمدلله لحقت نفسي وخففت شوي
اهم شي الرقية الشرعية او قراءة سورة البقرة كل يوم اول شهر وبعدها كل 3 ايام خلال فترة العلاج، والالحاح بالدعاء والصلاة في وقتها.
2- العلاج الطبي ومتابعة طبيب الباطنية عشان يخفف عليك التقرحات، وراح يسويلك إلتراساوند عالبطن هذي اشعة زي ايكو القلب وماله داعي المنظار لأن الاشعه راح تبين كل شي واتمنى انك تتابع مع مستشفى حكومي لأن الخاص انا ماتعبني غيرهم وهمهم الاول هو الفلوس، وحاول تعود نفسك على النوبات بالبدايه لأن بعد اسبوع من العلاج بترتاح ان شاء الله يعني لاتستخدم ادوية تهدي نبض القلب مثل مالعبو فيني المستشفيات الخاصة .
3- العلاج النفسي الدوائي والسلوكي وانا بأظمن لك بإذن الله خلال اول اسبوع راح تدخل هنا وتقول ياررررب لك الحمد والشكر وراح تسمعنا اخبار حلوه حالك حال الاعضاء اللي تشافوا من قبل ، بس مو تقطعنا زيهم وحاول تزورنا كل فترة وتفيد وتنصح الناس عن تجربتك.


انا متفائلك بالخير اذا سويت نفس الخطوات اللي قلتها لك، واعتقد الدكتور يحيى يوافقني في الرأي !

الله يسعدك يبو تركي

وردك صراحة من الاشياء الي تخليني اتفائل

وانامعك بالخطوات الاولى والثانية

بس الثالثه احاول سلوكيـاا

ياخي انا موسوس من الادويه لاني اقرى كثير بالمنتدى

الي يصرفون له علاج خطـأ . مثل حالتك

والي يدمن ع العلاج ومايقدر يتركه

والي مافاده العلاج وصاار يدور علاج ثاني

والي يتدهور اكثر واكثر بعد ماياخذ العلاج

....

وانا صراحة ما اخفيك اني يوميا احط يدي ع قلبي اشوف النبض

بس اليوم وامس احس بـ الم شديييييييييييييييد بالمعده

احس مثل الفجوه ببطني .. يعني مثل احساس لمن تكون مرا جوعان . حتى لو اكلت يبقى فيني هالاحساس

غير الغازات

واحس بـالم جهةة القلب . وقريت عنهااا انها مو من القلب . هي عضلة بالصدر بسبب ضغط الغازات

بس الوسوسه تخليني افكرهاا بقلبي

ان شاء الله راح اتبع الخطوات الي قلت لي عليهاا

والله يشفيني ويشفي جميع المسلميييين

ع فكرة يبو تركي

اناوانت مو متشابهين بالحاله بس

حتى بلون الخط كمان ههههههه

الله يسعدك

ياغالي انت من اي منطقة وانا بقولك عند اي طبيب نفسي تروح , وعلى فكرة الأخطاء اللي صارت معي مو من الطب النفسي وكانت من المستشفيات بالطواريء وواحد طبيب قلب حسبي الله ونعم الوكيل فيه عطاني الكونكور حق القلب وقالي استمر عليه , يعني الأفضل انك تروح طبيب نفسي وراح تقتنع من كلامه بإذن الله .
على فكرة الأدوية النفسية احسن مافيها ان مالها أثار جانبية مستقبلاُ وغير كذا اعراضه الجانبية اللي بالبداية كلها لمدة اسبوع تقريباً وتختفي والأعراض اللي دايماً تجي هي دوخه وغثيان وقلق مع بداية تناول العلاج فقط فقط فقط
انا مجرب ياخي بس ماستمريت عليها عشان اهلي شالوها مني ولكن الحين لما تعرفوا على ان الحالات النفسية لازم علاجها دوائياً صاروا هم اللي يقولون لي تعالج بالطريقه اللي تبيها وماعندهم مانع من العلاج الدوائي ..

المهم انت في اي منطقة الله يحفظك ؟

تصدق انا مثلـك

لمن قلت بجرب ردة فعل اهلي بخصوص موضوع الطبيب النفسي

قلت لهم انا ابغى اروح دكتور نفسي / ماحد اعطاني اي اهميــة

بس كني حسيت انهم ضد هالفكره

تسارع دقات القلب جايب لي الجنان

من يوم صحيت الساعه 11 الظهر .. لين الحين الساعه 1 الظهر . ودقات القلب سريعه ..

طبعا سريعه بس ماحس فيها الا اذا حطيت يدي ع قلبي . وبالحاله هاذي يجيني هلع خفيف

الهلع القوي يجيني لاصرت احس بدقات قلبي واعرف انها سريعه وسريعه جدا اذا صرت احس فيها بدون ماحط يدي ع قلبي . يعني تكون وااضحه جدا

انا في مدينه ابهـاا ...

وافكر صراحة قبل اروح لطبيب نفسي . اروح مستشفى لاجل اكشف ع بطني

وانا بين نارين

المستشفى الحكومي .. يعالجونك بدون نفس ويقولون لك اشياء ماهي فيك او العكس

المستشفى الخاص .. يطلع فيك ستين الف شئ وشئ . / مثل يوم رحت لهم عشان تسارع دقات القلب ودوني عند طبيب باطنه وطلع عندي

التهاب قولون

املاح في البول اكرمكم الله

جرثومة معده

والي جنني انهم ماكشفو ع بطني ابداابداابدا .. يعني ماسوولي ناظور ولا اشعه ..

طلعو الاشياء ذي بالتحاليل ؟ !