الرهاب ليس عين وحسد موضوع قابل للنقاش

الرهاب ليس عين وحسد موضوع قابل للنقاش

السلام عليكم ورحمة الله وبركاته طبعا هذا الموضوع من اختراعي وليس من طبيب ولا دكتور إخواني اولا صلو ع النبي ثانيا انا اكتشفت ان الرهاب والخوف سببه (( الشحنات الكهربائية)) طبعا قبل ماتكذبني خلني اكمل كلامي انا عندي اعراض الرهاب التاليه رعشه تحت العين والقلق والتوتر والرعشه بالجسم طبعا كيف اكتشفت انه شحنات كهربائيه والله لاحللت ولا كشفت مير انا سكني ب خميس مشيط وطبعا تعرفون ان السجود علاج للشحنات طبعا اذا طولت السجود وانا رحت اصلي قيام الليل مع احمد الحواشي طبعا تعرفون انخ يطول بالصلاه ف والله اللذي لا اله الا هو انه بعد طلوعي من الجامع انها ذهبت اعراض الرهاب و بمجرد ماجلست ع الجوال ساعات صرت اول مااتنرفز يجي الرهاب ومن خلال بحثي ان المصابين بالشحنات الكهربا يصابون بالخوف فيعطيهم الطبيب ماده مهديه اضن اسمها الدباككين وسالت لماذا فااجابني لان عندما يتنرفز الشخص المصاب بالشحنات يبدأ بظهور اعراض كثيره وفيه حالات متطوره يجلس فاقد للذاكره فاانا اتوقع بل اجزم 200% ان سبب الخوف الزايد هو الشحنات الكهربائية طبعا للي يككذبني يممكنك تجربة الاممر اولا لاتلمس جوالك الا خلال الحاجه مثلا ترد ع رساله وتنزله وخلاص .... ثانيا السجود .... يجيك واحد يقول ان الاستغفار والصلاة علاج وانا سبق ان قلتها فهو صحيح لان الله يقول للشي كن ف يكون ويشفي بطرفة عين سبحانه ... وماتشوفون شر واخيرا البلاء هو الجوالات سببت الشحنات للناس اتحداك تجيب لي شخص ماعنده جوال ومصاب بالرهاب والخوف ...

المصدر: نفساني

وطبعا حبيت اضيف نقطة وهي يجيك واحد يقول اذا دخنت او فعلت العاده يزيد الرهاب نعم يزيد لانها تهديك فتره محدده ثم تصيبك بالقلق ويبدا الرهاب والخوف بالظهور وبرضه عندمت تكثر من الكافيين يظهر الرهاب لانها ماده تسبب القلق

ولكم حريه النقاش في تصديقي او تكذيبي

أشكرك أخي على هذا الموضوع
فأنا والله لااكذبك وفي نفس الوقت اصدقك لأننا عجزنا والله احنا يالرهابيين نعرف السبب الحقيقي

ولكن أنت ذكرت في موضوعك ان اللي مامعه جوال مستحيل يكون عنده رهاب!
فأنا ولله الحمد والمنه أعاني من الرهاب منذ 22سنة يعني والبيجر ذاك الوقت ماطلع خل عاد الجوال
وطلبت العلاج عند الدكتور والجوالات ماطلعت وشاهدت أكثر من مريض بالرهاب وبعد كم سنة ظهر الجوال
انا ياخي مع الذين يؤمنون أن الرهاب سببه تحطيم الشخص نفسيا من خلال توجيه الرسائل السلبية مثل انت ماتفهم انت ماتقدر انت لست كفوء انت جبان انت خواف وهكذا
وجعل الشخص يشعر بأن ثقته بنفسه ضعيفة ولكن وضع تحت لكن خطين الشخص الوحيد الذي يتأثر من الرسائل السلبية هو الشخص الحساس فقط وياما وياما شفنا أشخاص اضطهدوا في صغرهم ولما كبروا مافي احلى من شخصيتهم بل فيهم من هو قائد ودكتور ومهندس ومذيع لماذا؟ لأنهم ليس فيهم الحساسية
أما نحن يالرهابيين أشخاص حساسين ولذلك أصابنا الرهاب
باختصار الحساسية مفتاح الرهاب
وشكرا لك

وعليكم السلام ورحمة الله وبركاته
انت تحكي عن تجربه بس شو اعراض الرهاب ككل ؟

الله يعطيك الف عافيه أخي على الموضوع
صدقت والله في كلامك
انا ابتكلم عن بداية الرهاب الاجتماعي عندي كان عمري وقتها 14 كان يجيني صرع في الليل اذا نمت واذا صحت من النوم احس راسي يبي ينفجر بعدين ذهبت الي مشايخ ومعالجين شعبيين لاكن بلا فايده وذهبت الى طبيب واخبرني ان معك شحنات كهربائيه واعطاني ادويه ولله الحمد تشافيت لاكن لاحضت على نفسي اذا احد من اخواني او اصدقائي يسألني أي سؤال يحمرر وجهي يجيني خجل شديد او اذا تكلمت عند مجموعه من الزملاء .
طبعا انا الان جالس اتعالج في دواء سيروكسات .
طبعا كيف جت الشحنات الكهربائيه في الرأس
كانت عندنا لعبة وهي فرك الاقدام في الفرشه 👞 أنا واخواني واذا لمست اخوي يطلع كهرب في يدي ⚡ وهكذا .

"فلا تخشوهم واخشوني" علاج الخوف من الناس أن تُحيي في قلبك الخوف من الله

امشي سيدا عالصراط المستقيم واشغل وقتك ابشي مفيد .

اتفق معاك100% الخوف والرهاب يزيدون مع الاجهزه الالكترونيه
والصلاة تشيل جزء كبير من الشحنات والطاقة السلبيه

كذالك المشي على التراب مفيد جدا لمرضى الصرع واللي عنده شحنات كهربائيه زايده

اتوقع والله اعلم سبب الرهاب الخبيث ممارسة العادة السرية
وانا لاحظت نفسي فاليوم اللي امارس فيه العادة السرية يزيد الرهاب اقوئ شي
واذا تركتها اسبوعين او ثلاثة تزبط اموري هذا الكلام قبل الزواج ، والدليل ان العلاجات النفسية تقتل الرغبة الجنسية لانها تثبط الهرمون المسؤول ع الرغبة الجنسية

الرهاب له أسباب عديده اما وراثه او نقص في مادة السيروتين او موقف محرج
ايضا له انواع اما ظرفي وهو بسيط او عام وهو متتتتعب انا اعاني منه
العلاج ايضا يختلف وعن خبره مع المرض ارى التعايش هو العلاج لاتكون اجتماعي بزياده ولا منطوي بزياده واجه عالخفيف ومشي حالك

الاخ اللي فوقي يقول العلاج الخوف من الله ونعم بالله
بس هذا مرض ولو نشوف الممثلات والمغنيات هم اكثر ناس ماتخاف الله وعايشه حياتها طول بعرض

خخخخخخخخخخخخحخ هوا في شخص اصلا مامعاه جوال الان حتى الاطفال معاهم.......عزيزي اعتقادك خاطئ