رحمتك ياربّ ..

رحمتك ياربّ ..

السلام عليكم و رحمة الله و بركاته

قبل كمن يوم كتبت موضوعي اني تشافيت من وسواس الوضوء و الصلاه ، و أحس اني استعجلت :(
ف رد لي الوسواس بقوه !!

والله الصلاه صارت جهاد و أكثر
كل تفكيري كيف بصلي الصلاه اليايه كيف و كيف

ما احس براحه ابداً احس اني متضايقه وايد بس ماشيء حل
احس يومي كله يمر و انا اترقب الصلاه و اخاف منها
الوضوء قصه طويله

قبل كنت صح اعيد تكرار الوضوء لكن ما كان الأمر يخوفني
الحين اتوضأ و احس اني ما توضيت
لازم لازم اتوضأ ثلاث أو أكثر عشان اطمن قلبي اني صدق توضيت
غير الافكار و الكلمات اللي تي في قلبي و احس انها طالعه مني

والله الشيء يتعب وايد :(

ودي بس اصلي مثل ما كنت اصلي في السنوات اللي طافت ، ودي اعيش نفس هايج الايام كل شيء تغيّر :(

من أمس و أنا أحس اني في ضيق و في خنقه ماعرض شو العلاج الله يستر بس :(


#مُجرد فضفضه !!

المصدر: نفساني

انتي تعاني من وسواس الصلاة ولا من وسواس الموت

اختي ا-السويدي
علاجك بيدك انهي الفكره بقوتك واراداتك
في معنى الحديث عندما اشتكى الصحابه
للرسول عليه الصلاة والسلام من الوسوسه
قال فلينته بمعنى الوقوف وعدم الاسترسال
مع الفكره الوسواسيه
اذا وسوس لك فالوضوء لاتلتفي ولاتعيدي مره مرتين ثلاث طنشي
مع التكرار والمداومه بتنتصري وقيسي على ذلك الصلاه اذا وسوس
انك ماكبرتي لاتلتفي له تجاهلي وكملي عادي الحل بالتجاهل التام
الله يسعدك ويريح بالك

كثرة الاستغفار وكثرة قراه القران .. تريح النفس كثيرااااا

بالاضافه الى عدم الاسترسال ورا الوسواس لانه بيستمر
بيضغط عليك بقوه خليه يضغط بكل قووته مره ومرتين وثلاث مرات صدقيني انك تتغلبين عليه

شوي لنفسك جدول انه خلال هذا الاسبوع من هذا الاربعاء الى الاربعاء القادم مااعيد لا وضوء ولا صلاة ادخلي في تحدي مع نفسك

اتمنى انك تجرربي هالتحدي

الله يمن عليك بالشفاء العاجل ياااارب

ادعي الله هو ابتلانا وحده قادر ع الشفاه

كلها وسواس تذبحنا لازم تغلب عليهااا

الله يديم عليك وعلينا نعمه العافيه

تدرين انا كثير يجيني اني ماكبرت
او اني ماقريت التشهد الاول في الركعه الثانيه
بس ما ارد عليه واطنشه واكمل صلاة ولا اعيدها ولمن اسجد اعي ربي يتقبل مني
شوي شوي فكني الحمدلله بس الحين صار يجيني وسواس الموت من اكبر للصلاة وصرت اخاف اصلي
بس ما ارد عليه وجاهد نفسي