لاغبت جبت وعادتي لاغبت مارجع بالهزيل

لاغبت جبت وعادتي لاغبت مارجع بالهزيل

الشعر في شرعي فكر .. والفكر بالشرع الاصيل....نهج العقول الناضجه والعاقلين أدرى بها

مـو شـرط مـن يكتـب شعـر يـدري عـن بحـور الخلـيـل ....الــلـــي يـــــداوي عـلــتــك لا تـبـلـشــه بـأسـبـابـهــا

احد(ن) على الحنده حدا .. وحد(ن) على الشله يشيل ....كلــن عـلــى مـــا يـكــرب بـيـوتـه يــمــس اطـنـابـهـا
علـى سبيـل اهـل المثـل مانـي مثـل اهــل السبـيـل ....الـلـي مـعـانـي حـضـورهـا تـشـبـه مـعـانـي غيـابـهـا
لا غـبـت جـبـت وعـادتـي لا غـبــت مـارجــع بالـهـزيـل ....ان جبـت اجـيـب الـلـي مـحـد قبـلـي بالشـعـر جابـهـا
تعشقنـي الفكـره بكـر .. واسبـق لـهـا الــوزن الثقـيـل ....الـلــي بـنــات افـكـارهـم مـبـطـي رمــيــت حـجـابـهـا
اهـيـم فـــي واد الـدهــا واروي حـديــث السلسـبـيـل.... يــوم ان غـيـري جـامـع(ن) كـتـب الشـعـر يـقـرى بـهـا
مـــا بـالـقـرايـه رايــــة(ن) بـيـضــا ولا مـنـهــا ذبــيــل ....لا روحـــت خـيــل الــطــرد تـبـكــي عــلــى هـذابـهــا
بعـض المعانـي وقعهـا اشطـر مـن السـيـف الصقـيـل.... يــوم السـيـوف مـــن الـهـلـع تـثـقـل عـلــى قضـابـهـا
ناس(ن) على الشعر دخلت والشعر بـي منهـم دخيـل.... يـقــول انـــا بـوجـهـك عـــن الـهـزلـه وعــــن كـتـابـهـا
ومـدام صــارت تشـكـي العـلـه مــن اسـبـاب العلـيـل.... قـــل للجـمـاعـه تـرمــي ثـيــاب(ن) مـاهــي بثيـابـهـا
ماهي بلحيه طشطشه سيل(ن) من العـارض يسيـل.... اسـقــى جــبــال المـمـلـكـه وسـهـولـهـا وهـضـابـهـا
فـان قيـل ابـو ظـبـي ابـرقـت وعـيـون اهاليـهـا تخـيـل.... قـولــو لـهــا عـيـنـي لـهــا مـبـطـي تــــرف اهـدابـهــا
مـسـاكـم الله بـــالادب والـــذوق والـشـعــر الـجـزيــل.... مـن شاعـر(ن) صـدره يسعـى مكـه ومـن يسعـى بهـا
شاعـر شمالـي وقفـتـه عــن لابـتـه تشـفـي الغلـيـل.... يـــدرى زعـلـهـا ويـحـمـى عـنـهـا ويـخـشـى عـتـابـهـا
فــي ميـلـه عقـالـه ثـقـه وبفطـرتـه صـبـر(ن) جمـيـل.... يـحـسـب مـسـافـه صـيـدتـه والـيــا رمــاهــا صـابـهــا
انـــا الـبـديـل لـعـمـر بـــن كـلـثـوم لـــو مـالــه بـديــل.... لا قـامـت فـحــول الـشـعـر تـفـخـر بـطـيـب انسـابـهـا
لا المستـحـيـل يـردنــي ولا ابـــن عـــم المسـتـحـيـل.... يـامــا كـســرت الـقـاعـده واخـلـفـت وجـــه اعـرابـهــا
صـدري ليـا عليـت عـلـى والـيـا استطـالـت يستطـيـل.... امـــا اسـتــوت لـــي كـلـهـا ولا بـــلاش اشـقــا بــهــا
عـنـدي قنـاعـه ظـلـهـا وافـــر ولا لـــي فـيـهـا مـقـيـل.... مامـشـي ورى قـالـو قـبـل واعـيــش فـــي جلبـابـهـا
مـا مـن ورى زرع المثـل فــي وقتـنـا الحـاضـر حصـيـل.... مــن طـبـق امـثـال الـعـرب هــذا الـزمـن يـبـلـى بـهــا
مــن ذل لــو قـالـو سـلـم .. يـبـقـى بنظـرتـهـم ذلـيــل.... مــا تسـتـوي الـقـمـه تـحــت رجـلـيـن مـنـهـو هـابـهـا
ايــه الشجـاعـه تغـلـب الكـثـره وانــا اعطـيـك الدلـيل.... الــذيــب يــــدرع بـالـغـنــم ولا يـحــسْــب حـسـابـهــا
جيـت بشمـوخ الوايلـي مـا جيـت مـن تـحـت الشلـيـل.... ولا ردنـــي عـــن ســاحــه الـشـعــار كــبــر الـقـابـهـا
لـو كـل مـن اسمـه جميـل مـن الـعـرب يطـلـع جمـيـل.... كـان اكـثـر اسـمـاء الـعـرب تحمـيـل صـفـات اصحابـهـا
ولاينـعـم بـظـل النخـيـل الـلـي تـحـت جــذع النـخـيـل.... الـشـمـس تـصـقـع هـامـتـه حـتــى يـحـيــن غـيـابـهـا
ولاطولـت عمـر آدمـي قـولـت عـسـى عـمـرك طـويـل.... طــــول الـعـمــار وقـصـرهــا رب الـعـبــاد أدرى بــهــا
رح ردهــــا عــنــي وانــــا بـاكـبــر عـواقـبـهـا كـفـيــل.... كـــان طـلـعـت كـذبــه فـانــا بـيــن الــعــرب كـذابـهــا

المصدر: نفساني