فهمــوني شصـار فيني تكفووون

فهمــوني شصـار فيني تكفووون

السلام عليكم ورحمة الله وبركاته ,,

مشكلتي انا تغيرت ! انا مو انا

استحي من الناس على اخاف منهم مادري مو فاهم نفسي
لما اشوف ربعي واسولف معاهم اعرق تعرق شديد من الخجل او الخوف هم ما ادري

ف ماقمت اطلع وتعبت تعبت تعبت اقول شهالنفسيه وسوست انها عين او حسد لاني وسيم وكان شعري طويل ف كانو يقولولي قص شعرك لا يحسدونك

المهم وبعد فترة من الوسوسه رحت عند شيخ يقرأ علي ومابانت فيني اعراض العين او الحسد ,,


ف كلمت اخوي بالموضوع وقلتله انا فيني هالمشكله , قالي من النت اقطع النت واطلع معاي ,

تركت النت وطلعت وقمت اروح واجي وكل يوم لااااازم يصيرلي موقف واحد على الاقل يخليني اعرق ..

لدرجة ياجماعه لما نوقف عند اشارة بالسيارة اعرقق وارتبك واتوتر , ف احترت والله

والحين حالتي زادت سوء

للعلم هالحاله ماصارلها سنة فيني

وكرهت نفسي وقفت حياتي

اشوف بنت ارتبك واعرق ,مجمعات ما اروح , طلعات اماكن عامة ما اروح , دوانيات ما اروح , ما اروح مكان , مناسبات مستحيل اروح لو المناسبة عندنا اتهرب
حتى ربعي قلتلهم عن المشكله الي فيني ع ساس ارتاح لما اطلع معاهم ,

ولي يومكم هذا ياجماعه والله قاعد افكر اهاجر برا الديرة بس عشان ارتاح

ياجماعه ودي ازور طبيب نفسي اليوم قبل بكرا بس نفسيتي ماتسسسسسسمح نهائياً

اول ما ادش العيادة رااااح اعرق وانحرج تجيني النفسيه
وراح اطلع ماراح استحمل

ف تكفوون ياجماعه شوفولي حل والله انا مو انا مثل ما كنت

حياتي وقفت

دراااستي بكملها ماني قااادر كل الي كانو معاي مخلصين دراستهم والي بالجامعه والي يدرس برا والي موظف ,, الا انا بمكاااني تكفون ياخوان شوفولي حل ابي حل :(


المشكله الاكبر اني اذا طلعت مكان عام وارتحت وصرت عادي انسان طبيعي , ! !

لما ارجع البيت انام , اقعد ثاني يوم كأني ماسويت شي يرجع كل شي فيني ,

اخواني انا واثق من نفسي وواثق من مظهري بس الي قاعد يصير شنو ,,

وجزاكم الله الف خير ولو في دكتور ادق عليه يجيني بمكان واكلمه .. فيدوني الله يجزاكم خير

المصدر: نفساني

اذا في واحد بالكويت يعاني مثل ما اعاني بتواصل معاه يمكن نوصل لحل بتكلم مع احد يحس تعبت من السكوووت.الي عنده استعداد لا يخجل لان اثنينا نفس الحاله وكل واحد فينا بيعذر الثاني .

وشكراً

لا مافيك الا العافية بس لاتوسوس000

ليش ماترووح دكتور نفسى والله ترتااح00

انشالله مافيني الا العافية ,

وتركت الوسوسة والافكار من فترة وحسيت بتحسن خفيف , لكن مو ذاك التحسن

برجع مثل ماكنت قبل شلوون ,

واختي ودي اراجع طبيب نفسي بس ذكرت السبب بالموضوع

لو تعرفين دكتور مثلاً اكلمه وانتواعد بمكان وانحل المشكله من غير لا فتح ملف ولا خرابيط ولا مواعيد .. اكون شاكرلج .. واسألي الدكتور الي اتعالجين عنده هل ممكن يساعدني ..


والف شكر على اهتمامج وردج على الموضوع ..

اوكى بكلملك بندق ورونالدو ويساعدوونك ان شاء الله 00

فهموونى شصار 00ادخل ع ملتقى نوبات الهلع00كتبت موضووع لك00وبيساعدوونك الشباب الكوويتيين00بليييز ادخل ابيك

السلام وعليكم

هذي اعراض رهاب اجتماعي 100 بالميه

مشكله الدكاتره المعروفين اللي عندهم عيادات راح يعطونك مواعيد بعيده شوي يعني بعد 20 يوم او شهر ...وعادي ممكن تتفق معاه انك تقابله برا العياده ومن غير اسم او ملف او اي شي يزعجك

وبالتوفيق يارب

مشكوووور رونالدو يعطيك العافية

الله يعافيج يا ليان

ما سويت اي شي يستحق الشكر

هذا واجبنا بالمنتدى انساعد بعض وننصح بعض ...ونهتم بكل الاعضاء

أخوي الكريم ابدأ بتجريب الحية النفسية واقرأ النصايح اللي أنا كاتبتها فوق بشريط الإهداء استمر عليها ما تقطعها أبد وصدقني ماراح تشو إلاَّ العافية.

ابدأ وخبرني الأخبار الزينة.

دمت بسعادة

انشالله بجربها ,

ويعطيك العافيه على المرور ,,



ودي

أختى الكريم حالتك نفس حالتي تقريبا
لييش خايف انك ترووح من الطبيب بالعكس لكل داء دوااء انت فييك ارهاب من النوع القوي الي يخليك تبعد عن البشر بشكل تام ...
فأنا أعالج عند الكتور عبدالله الانصاري معالج بالادويه ولله الحمد فانا حالتي افضل عن ذي قبل
اتمني لك الشفااء للجمييع
واي استفسار فانا في الخدمه

الله لا يوريكم

انا ما راح اقول الا الله يشفي كل مريض

والله ان شفيت من هذا المرض الي دمر حياتي ساكرس حياتي كلها لخدمة مرضى الرهاب

ولو كنت من جدة يا اخي كان والله ما ترددت اتواصل معاك لاني تعبت والله

الله يشفيك

رهاب اجتماعي والغالب يعاني منه وأنا منهم

أحياناً أتمنى وضع لافتة مكتوب عليها (احذر لا تقترب, لاتتحدّث معي ... إلخ )

أسأل الله لك الشفاء ولي ولكل من يعاني من هذا المرض

أختك انتظار

مثل حالتي اخاف من الذهاب للاماكن العامه والاجتماع مع الناس


الله يشفيك ويشفينا

حسبي الله ونعم الوكيل