|
|
|
 |
|
 |
||||||||
|
||||||||||
 |
 |
 |
||||||||
| ملتقى التجارب الشخصية للحالات الأخرى في حياة كل منا لحظات ومواقف تنقله إما إلى الأحسن و إما إلى الأسوأ، شارك معنا بنقاط التحول في حياتك فقد تكون نقاط تحول للأخرين |
 |
|
|
أدوات الموضوع |
10-09-2008, 12:10 AM
|
#1 | ||||
|
مراقبة إداريه سابقه
|
][ تجربتــي مع الكثـافة الحسيــة :) ][
 قريت وايد عن الكثافة الحسية ,, وكيفية انشائها في العقل ..ويمكن استخدامها بعدة طرق ,, قبل شرح الطرق .. نبدأ بتعريف الكثافة الحسيـة , الكثافة الحسية : هو أن تنشأ موقفاً سعيداً وتستشعره في عقلك وتعيش لحظاته بألوانه ورائحته وتفاصيله ,, وتخزن هذا الموقف في عقلك .. وتكرره في اليوم مرتين او اكثر .. طبعاً كل هاي مقدمة ,, حق اللي مايعرف شنو معنى الكثافة الحسية لاني ربطت هالشي بالوااقع,, يعني قلت دامنا برمضان والاجواء حلوووة وروحانيه صرت كل يوم بعد الفطور اغير ديكور الغرفه ,, واسكر الليتات وافتح الابجورات او شموع او اي شي ,, وارتاح في غرفتي لين اذان العشاااء.. طبعا اسوي هالشي كل يوم بعد الفطــووور .. واخذ قيلوله في هاذي الاجواء الروحانيه .. وخصوصا برمضان يكون الجوو غييير .. اتحسون بأمان مو طبيعي المهم انا يوم ارووح انام بليل احس برعب شووي .. غيرت الديكور نفس مااسوي بعد الفطور حسيت ان الحين المغررب ..وحسيت برااحه وامان مثل ما احسها بعد الفطوور ووقت اذان المغرب والصلاة .. ونمت بهـدووء .. :) وموقف ثاني بعد تكرر مرتين كنت في يوم مستااااااااانسه حدي وقاعده مع شخص عزيز علي المهم كنت متعطرة بعطر .. والله لين اجي اشم العطر اللي رشيت منه .. اتذكر الموقف بتفااااااااصيله واستشعر السعادة نفسها واتذكر الموقف بالوانه وكنه توه صار الموقف مع انه صار له سنييين وعندي عطرين يذكروني بمواقف حلوة مرررت علي ..  =) اللي ابي أقولــه ,, إن ممكن تمر علينا مواقف واحنا باحسن حالاتنا ولازم نخزنها بعقووولنا بأي طريقــة .. عن طريق الشم .. او اللمس او باي طريقه كاانت .. ونقدر نسترجعها متى مااحتجنا نتذكر هالشي ونحس بسعادة حتى واحنا بقمة أحزاننا .. ممكن هالطريقة تساعد اللي فيهم اكتئاااب / رهاااب يعني مثلا الرهابي يتخيل ويستشعر الموقف لمده 30 ثانيه ان هو قوووي .. وشجاع ومايهاب الناس ويتخيل انه القائد عليهم ويلقي كلمه ع الناس ويخوض كل المواقف اللي يخاف منها,, وفي نفس الوقت ( يقرص) إيده ,, حيث انه كل ما شعر بالخوف .. يقرص ايده .. عشان يسترجع مشاعر القوة والشجاعة,,( هذا المثال مأخوذ من شريط للدكتور صلاح الراشد) وبهذا الشي ممكن تخف الحاله واايـد .. ويشعر الانسان بالقوة والسعادة والحيويـة ,, =) دمتـم بأحسـن حـال يارب ,, تحياااتي ; الدنيا حــلوة ,, احلووت ايامي وايامكــم ياااارب خخخخخخ المصدر: نفساني
|
||||
|
|
11-09-2008, 04:57 PM
|
#2 | |
|
مستشار
|
موضوع رائع اختي الدنيا حلوة
وهو مفيد في تحسين المزاج او تخفيف الحاله النفسية خاصة اذا ما قرن ب تمارين الإسترخاء العضلي والتنفسي الف شكر |
|
|
|
|
18-09-2008, 06:47 PM
|
#3 | |
|
عضـو مُـبـدع
|
يعطيييج العاافيه يارب
وانا جفت وحده كان عندها قلق من الامتحانات وانها تدرس وتشد حيلها بس لا يات تقدم تنسى الاولي والتالي فصاارت تلبس ملابس المدرسه وقت ما تدرس واليوم الثاني تلبسهم عشان تحس انها للحين في جوو البيت وجي |
|
|
|
|
19-09-2008, 06:59 PM
|
#7 | |
|
V I P
|
روعه موضوعك أختي الدنيا حلوة ،،،
وايد يينن ،،، شكثر حلاوته ،،، وبضيف لموضوعك ممكن الإنسان يحتفظ بأحاسيسه الحلوة عن طريق الكتابة،، مثل كتابة بعض الخواطر و الأشعار السعيدة ،،، تقبلي مني تحية معطرة بأروع العطور الشرقية ،،، |
|
|
|
|
16-11-2008, 03:31 AM
|
#10 | |
|
عضو جديد
|
أختي الغالية الدنيا حلووووووة جميل موضوعك جدا..وايضا اسلوبك ماشاءالله عليك حبيت أسألك اختي عن الكثافة الحسية أوطريقة الفيلم . . أنا الآن ..لدي هدف وهو ..أنا اتحدث بطلاقة المشهد..اتخيل اني اتكلم في حفل مثلا والناس تسمعني وتنظر الي وتشاهدني .....الخ الموقف الايجابي الذي يثير لدي الحماسة...؟؟؟ هذا هو اللي متعبني ..هل اتخيل موقف خاص فيني يكووون موقف جميل ويشعرني بالسعادة ومو شرط يكون له علاقة بالهدف اللي اريد تحقيقيه؟ أم اني اتخيل منظر شخص معروف لدي يكون قمة في الفصاحة والبيان واتذكره وهو يتحدث ..ثم أضع صورتي مكانه؟؟ أيهما الصحيح وايهما الافضل أفيدني جزاكي الله خير |
|
|
|
|
16-11-2008, 06:17 PM
|
#11 | |
|
مراقبة إداريه سابقه
|
هلا اختي ملاك الكون,, اي استشعري الموقف يعني اقعدي مع نفسج بمكااااااااااان هاااااااادىء غمضي عيونج لمده 10 دقايق وتخييييلي انج واقفه تشرحين للطلبة بطلااااقه واستشعري الموقف يعني تخيلي القاعه والطلبة والناس وموضوع الدرس وكرري هالشي مرتين في اليوم بيرسخ هالشي في عقلج البااطن وقولي لي ع النتييحة :) ؟ |
|
|
|
|
16-11-2008, 07:41 PM
|
#12 | |
|
عضـو مُـبـدع
|
معليش اتطفل شووي
اممم بخصوص التحدث بطلاقه انا ساعات لما يكون عندي مشروع واكون محضره له ومتدربه عليه كذا مره احصل نفسي وقت العرض حتى لو ماكنت مركزه فييه الا انه الكلام ينساب مني اصلا ماعرف شنو كنت قاعده اقول بس اهو نفس الحجي اللي تحجيبت فيه وكذلك مع النقاشات اجهز الكلام ولا يا دوري بالكلام اتكلم بطلاقه ليش لاني متجهزه وعقلي الباطن اهو اللي يقول الحجي اللي حافظته وشغله ثانيه اذا انتي تخافين من الناس والجمهور لا تطالعينهم طالعي فووق رووسهم ولا تركزين بعيونهم خلي نظراتج عابره انج تطالعين وماتطالعين والله يوفقج يااارب =) |
|
|
|
|
17-11-2008, 03:11 AM
|
#13 | |
|
عضو جديد
|
أختي ..الدنيا حلووة أشكرك على ردك الجميل واهتمامك .. لكن النقطة اللي ابغى افهمها مافهمتها لسا أنا الحين ضربت مثال الطلاقة على سبي المثاال فقط وبالنسبة للهدف والمشهد ..سهل ماعندي فيه صعوبة . لكن ..صلاح الراشد في طريقة الفيلم بيقوول استحضر قبل المشهد موقف يثير فيك الحماسة والمشاعر الايجابية سؤالي ..من فين اجيب الموقف؟ هل استرجع موقف جميل حصل لي أيا كان وليس بالضرورة يتعلق بهدفي؟ أم ..اتخيل منظر شخص فيه تلك الصفة التي ارغب اكتسابها ..؟ وبعد كذا اتخيل نفسي مكانه؟ أنا عارفة غلبتك معايا..لكن معليش استحمليني شووي جزاكي الله خير ورزقك الفردووس الأعلى |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
