|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
24-02-2004, 01:56 PM | #1 | |||
عـضو شرف
|
يا عالم .......ياهووووووو
يا ناس وش أسوي ساعدوني::5 .... قصتي وما فيها إن ..........
شغالتنا عرت علينا و قالت فجأة إنها بتسافر ... طبعا ما قلنا لها شي و خليناها تسافر ... لكن طلب شغالة ثانية يتطلب من 3-4 شهور على الأقل لذلك اضطرينا أنا و أمي و خواتي إنا نشتغل في البيت على ما تجي الشغالة الثانية ... طبعا ما تغير علينا شي لأن حنا من وجود الشغالة و حنا كل وحده تسوي شغلها بروحها ... بس إللي زاد علينا تنظيف البيت و الغسيل و المواعين المشكلة .. إن قبل سالفة عيد الأضحى إللي تعرفونها كان المطبخ علي .. و كنت أنظف عدل .. على أساس قول الرسول ( بالمعنى ) إن إللي يبي يسوي عمل فاليتقنه ... , صرت مع الدوام ما أنام إلا من 3 -4 ساعات في اليوم لأني أشتغل و أدرس و أشبك على النت .. أمس إللي صار.. مواعين الغدا غسلتهم كلهم إلا جدرين كان فيهم تحكك ( الأكل المحروق في قاعة الجدر ) نقعت الجدرين و قلت على ما أشبك عندي 2 ساعتين ( مثل ما هو موجود في جدولي تنظيم الوقت إللي مسويته )..... و بعدين أنزل أغسلهم شبكت ساعة , الساعة الثانية قلت بريح لي شوية و كوكت الساعة عشان تصحيني لكن من كثر ما أنا تعبانه نسيت عمري بالنوم , ورنت الساعة سكرتها و كملت نومي ... و نسيت سالفة الجدور , لكن إللي صار , إن البيت كله قلب ضدي فوق ما هم قالبين من السالفة القديمة إللي انتو تعرفونها , المهم : فجأة سمعت صوت خواتي يكلمون أمي بصوت عالي يحتجون على سالفة الجدرين ... وخاصة صوت اختي الأصغر مني الملسونة و من بين الحديث سمعت و هم يقولون لأمي خلينا نروح نفزعها من نومها عشان تغسل الجدرين ... شان أمي تقول : لا لا تقعدونها ( على بالي في البداية إنها تبي راحتي) ... لكن بعد هالكلمتين إللي قالتهم .. قالت : عشان باكر نخليها تغسل كل الصحون عقاب لها .... أنا ما همني كل الكلام لأني كل يوم قاعد أغسل الصحون ... لكن الكلمة إللي بكتني ... هي عقاب لها لا و اليوم بعد **وطة النقعة إختي الأصغر وحدة إللي ما فقصت من البيضة اللي ما ينسمع لها حس قامت تصارخ علي ... إيه مو صغرت بعينها ... الكل يصرخ بوجهي الكل من غير استثناء ... هذا إللي خلاني أبكي زيادة وعلى طول دخلت عليكم في المنتدى .. السالفة توها صايرة ودموعي تارسة وجهي .... كنهم ماخذيني من الشارع ما كني بنتهم .... سبحان إللي ما ينسى , سبحان إللي ما تغفى عينه ... كل هذا عشان غلطت مرة , وش صار انقلبت الدنيا لا و المصيبة الأكبر اختي العودة إللي كان عليها امتحانات مؤجلة في الجامعة كانت تدرس للإمتحان يوم تسافر الشغالة , و كنت أقول لها : خلي شغلك علي انتي بس درسي لإمتحانك عدل هذي لك السنة الأخيرة قدمي فيها زين وبعد ما امتحنت نست كل إللي سويته , و على سالفة أمس هي إللي غسلت الجدور من بعدي و قامت تتحلطم , وش صار على جدرين زلزلتوا البيت ؟ صدق من قال : إذا أكرمت الكريم ملكته , و إذا أكرمت اللئيم تمرد هالناس ما فيهم خير حتى لأهلهم ... تشوفهم برة مع أصدقاؤهم زي السمن عالعسل ( مثل ما يقولون اخوانا المصريين ) و عندنا النفس شينة .... يا عالم خيركم خيركم لأهله و الله أدري إني أذيتكم بمشاكلي ... لكن تحملوني وش تبون يجي من وحدة مينونة و معقدة و مريضة نفسيا ؟ شوروا علي بالسافة إللي صارت الله لا يحرمنا من مشورتكم ::5 المصدر: نفساني
|
|||
|
24-02-2004, 03:08 PM | #2 |
( عضو دائم ولديه حصانه )
|
السلام عليكم ورحمة الله وبركاته ..
يا حليلك يا ضحا ..ذكرتيني بايام المراهقة ..._ الله يصبرك عليها _ مرررررة شيييينه ... حبيبتي كل اللي مطلوب منك انك تروحين لمامتك حبيبتك وتوضحين لها موقفك من الموضوع - بهدوووووووووء ومن غير عصبية - وماما اكيد بتتفهم وتتراجع عن قرارها ...تراها ما تعرف الغيب وعن خططك ...ولا درت عن الضغط اللي انتي حاسة فيه ...بس انتي ممكن انك توضحين لها علشان تعرف وتتفهمك اكثر .. وأختك الصغيرة لاتردين عليها ..عشان ما تصيرين أصغر منها ...وأختك الكبيرة بيني لها بهدوء انك ما كمنتي متوقعة منها هذا الرد فعل ...بس حطي في بالك يا ضحا انك ما تتحسفين الا على الردى ...عمرك لا تتحسفين على شي زين سويتيه أو قلتيه ..ومصيرها تستحي وترجع ... والله يعينك أختك المحبه رسيل |
|
24-02-2004, 03:33 PM | #3 |
عـضو شرف
|
اختي رسيل مشكورة على ردك
لكني كم مرة أقول لأمي هذا الحكي ...( طبعا قبل السالفة ) لكن هي دايما تقول .. كبري عقلك و تفهمي ... و اختك في سن خطرة ....... .......... الخ من هذا الكلام و يعني أنا مو بسن خطرة ... يبوني أسوي شي ما يتوقعونة عشان يعرفون هم شنو كانوا يسوون ؟ لكني أخاف من ربي , ما أبغى أروح لذاك الطريق و على فكرة من يوم كنت صغيرة كانوا يكبروني , اختي الكبيرة كانت دايما تتخانق معاي , و لمن أروح و أشتكي لأمي , دايما تقول لي كبري راسك , و خليك انتي العودة , هذي السالفة من يوم كان عمري 5 سنين , دايما أنا العودة , مهما يكون , كله أنا العودة ليش كذا ما أدري |
|
24-02-2004, 04:20 PM | #4 |
عضو نشط
|
حبيبتي douha لاتحطين في خاطرش ولاتزعلين ....
أجل حتى أنا كل شي في البيت على راسي عن الكذب صحيح أمي مدللتنا مانغسل اماعين الا في النادر ولا النظف معها الا في السنه حسنه علشان دراستنا طبعا.... بس لين بغت شي كله أنا صحيح أنا الكبيره بس مومعناته كل الأومر تتوجه لي أوبس وأختي مرتاحه .... بس الحمد الله أنا الحين كل شي أسويه وكل شي أعرف أدبره مومثل أختي ربده وماتعرف تسوي شي مع أن عمرها الحين16 والحين أمي منبطه كبدها منها يعني هذا الشي صار من صالحي... ونصيحتي لش سوي الي عليش وأهم شي يكون ضميرش مرتاح وفي النهايه أنتي الي ربحانه...... والله يوفقش ... |
التعديل الأخير تم بواسطة ملكة سبأ ; 24-02-2004 الساعة 04:22 PM
|
24-02-2004, 05:31 PM | #5 |
عـضو شرف
|
اختي ملكة سبا
حنا نشتغل عشان ما عندنا شغالة ... ما نقدر نخلي أمي تشتغل لوحدها لكن أنا مو أكبر وحده .... ما قلت شي عن الشغل ... لكن مهما يكون على الأقل يقولون كلمة طيبة ..... أوكي لا يقولون شي لكن على الأقل يعذروني ... مو كلهم شايشين علي صح كلامي و إلا غلط |
|
24-02-2004, 05:41 PM | #6 |
عضو نشط
|
عيوني أنا أقدر لش مساعدتش لمش ....
لكن عيوني الي أبي أفهمك أياه أن مالازام تنتظرين من احد اي شكر المهم انتي راضيه عن نفسك وبس وحبيبتي صدقيني ان امك مو قصدها تضايقك واكيد انها تحبك حيل ... لكن امهتنا مايعرفون يوصلون لنا محبتهم بطريقه الي نفهمها... وصدقيني لو امك عارفه ان هذا بيحز في نفسك لهاذي الدرجه ماقلت كذا....... ومثل مايقولون هونيها وتهون..... وطالعي مصايب غيرش تهون مصيبتش عليش... |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|