اعراض غريبه ترعبني

اعراض غريبه ترعبني

السلام عليكم ورحمه الله وبركاته
اول شي ادعولي الله يشفيني وارجع نفس قبل بالي مرتاح لا اخاف ولا أخشى الموت لانو صرت جاطه ايدي على قلبي وخايفه باي لحظه ممكن يوقف قلبي ..ومرات احس انه عندي مرض عضوي
تبدا قصتي يوم العيد يعني انا جديده عالموضوع المهم كنت بالسياره رايحه عند الأهل الا فجأه حسيت باحساس غريب جدا حسيت انه ايدي مو ايدي يعني مافي احساس بالايدين كانني فقدت الاحساس فيهم شوي وبعدها انخنقت وما كنت قادره اتنفس وخفت خوف شديد وحسيت انه هاي هو موتي..شيء غريب فجأه بدون لاسبب انقلبت حياتي من هالموقف ..وقتها فزعتتت فزعه قويه وخوف ورجفه ونزلت عند الناس الي رايحه عندهم مو قادره اتنفس ابدا ...المهم من يومها وانا حالتي حاله الحمدلله..صرت دايمم خايفه ومتوتره انو اموت باي لحظه وطبعا الام بالجسم كله وكان الالام بالراس والرقبه وعظام الصدر..وصعوبه بالنوم وخنقه كبيره بالصدر ..وكآبه مو طبيعيه ..وغصه بالحلق..وكنت اقعد مع الناس واقعد افكر انو شو حتكون رده فعلهم لما اموت ..وصرت شبه ميته ومعذبه بالتفكير ..الي كان يطمني شوي انه كنت اقرا مواضيع ناس نفس اعراضي بس انا مرات الشيطان يلعب علي واقول لا مستحيل هاي اعراض نوبه هلع هاي اعراض اكبر من هالشي هاي يا اعراض موت او مرض او عين..المهم الافكار كانت تلعب وتدور براسي لدرجه يصيرلي صداع شديد ويبدا التفكير اكيد هالصداع الكبير يدل على مرض خطير ...الخ..المهم ايامي كانت تمر كلها شبه بعض مو مسترجيه اقول اي شي لاهلي كنت اقول لصديقتي وهي كانت تتكفل فيني وتتكلم معاي ومرات تحاول تغيرلي جو ..وانشغلت بكورس صيفي الحمدلله من الجامعه يعني 50٪‏ خفيت من الحاله ..يعني صارت نفسيتي كويسه ومافي شي اشتكي منه الا من اعراض جسديه وشويه اكتأب المهم فيه مرا حسيت ضلوع صدري اليسار فيه الم عاد انا صرت اقرا بgoogle وتوسوست انه معي جلطه بالقلب واروح عند الدكتور ويسوي لي تخطيط مافي شي والقلب سليم.الحمدلله وكان تجيني دوخه وتعب ووجهي اصفر سويت تحليل دم مافي شي وطبيعي والدكتور قعد يقلي انتي متوسوسه ومافيكي شي..وانا مو مصدقاه وافكر اروح دكتور مرا ثانيه بس مو قادره اقولهم الي حاسه فيه ..المهم مرت الايام والاعراض تختفي وفيه مرا كنت بالسياره مخلصه متحان بالكورس وسعيده كنت ورحت ابلع الا ماقدرت حسيت فيه شي ومن بعدها صرت افكر بالبلع وكيف ابلع وليس ما ابلع وفيه شي والله ما اكذب عليكم احس وقت البلع بصداع وكأنه روحي بتطلع صرت..ورجع التفكير ورجع الخوف ولكن بشكل اقل..ولكن احس بشي عالق ببلعومي..المهم قاعده احاول بكل جهد اني انسى واضحك واعيش حياتي ولكن الواحد يتملل بخصوص انه هالاعراض دايمن موجوده..وفي شي صار يصيرلي متاخر هو انه فجاه احس شي غريب داخلي شي سخن وقلبي يصير يتبض بسرعه شي صعب التفسير ولكن مخوفني جدا ..ولما يجيني بعدها اقلب ويصير بداخلي كتمه وتعب نفسي وارجع افكر..اليوم صار موقف غريب طبعا جاني وانا قاعده عادي اسولف واضحك رفة بالقلب وزاد النبض وسخونه بجسمي اليوم صارلي وامس صارلي يعني شي جد يخوف..ورحت نمت وبصعوبه وصحيت من النوم على وجع باسناني مبكي قمت ورحت امشي ادور لي على مسكن فجأه حسيت بدوخه وكان روحي بتطلع من جسدي وكأن الدم مو واصل لراسي وقعدت شوي قبل لاوقت وارتحت وانا والله خايفه من هالاشياء الي بتصير معي
دعواتكممممم ياحماعه الله يفرجها علي ويعطيني العافيه والصحه ويبعد عني جميع الامراض.
معلومات عني:
عمري :20
انثى
كنت احب الحياه واتبع حياه صحيه واجتماعيه ودايمن بالي مرتاح ومبسوطه بس يوم للي صارلي حاسه كانه شي تغير فيني وما عدت نفس قبل وخاطري ارجع....
قبل سنتين امي توفت فجأه ..الله يرحمها
وهاي كانت مجرد فضفضه لانه مافي الي افضفضله ومافي الي يفهمني

المصدر: نفساني

يا اختي مو لحالك انتي تعاني في ناس كثير وانا واحد منهم،،بس الضاهر انو حالتك مو كبيرة ولا خطيرة انا اضن انو عندك قلق زائد وتحسس مفرط لنفسك،،حاولي تنساي نفسك هذه كذلك مجرد وساوس وحتى ولو انك بتحسي باعراض جسدية الا انها كلها سببها نفسي...ربنا يقدرك وتتعافاي ان شاءالله في اقرب وقت