|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب الرهاب هل تعاني من الرهاب ...؟ لست وحدك في ذلك!... |
 |
|
|
أدوات الموضوع |
31-05-2009, 02:01 AM
|
#1 | ||||
|
عضو مميز جدا وفـعال
|
ماذا فعلت اليوم.......؟
ماذا فعلت اليوم ..............هذا الصفحة .............أسمها ماذا فعلت اليوم ............ليدون فيها العضو الاعمال التي قام بها هذا اليوم
من صلاة وصيام وصدقة وبر بأحد وقراءة كتاب ........وغيرة من الاشياء المفيدة .................... ويبدأ العضو او المشارك بتقييم نفسة ويجعل الاخرين من المشاركين يقيمونة .......................مما يخلق نوع من الحماس بين الاعضاء ..........لجعل ايامهم سعيدة وجعل الوقت ثمين ................ وأيضا يختار المشارك اليوم الذي رأى نفسة قد أنجز فية .......وأخذ رأي المشاركين الاخرين في اختيار ذللك ................ وبعدها يتم التصويت ......على العضو النشيط ..........واليوم الذي انجز فية فهل أنتم .........مستعدون ؟ المصدر: نفساني
|
||||
|
|
31-05-2009, 02:03 AM
|
#2 | |
|
الرئيس
الرئيس
|
ما شاءالله عليك اخوي الساكن
برامجك كلها رائعه ، وفيها الكثير من الفائده ،،،، لك كل الدعم ،،،  t
|
|
|
|
|
02-06-2009, 07:15 AM
|
#4 | |
|
عضو نشط
|
كالمعتاد المحتاره ناطه بكل موضوع :)
اولا يسعد صباحكم جميعا:) الساعه الان 6:50 ص اليوم عندي مواجهه مع الرهاب اكيد انا مو قد هالمواجهه بس عموما لا بد منها وغصب عني مو برضاي... امس كان اول يوم في مشروعي الجديد وهالمشروع يتضمن كثير افراد ..الاشخاص اللي وياي كلهم يبون يظهرون انفسهم ويبرزون شخصياتهم و يخطفون الاضواء انا ك مريضه رهاب اكتفيت بالصمت والمشاهده ولم اتجراء حتى بالمشاركه بالرأي.بصراحه اللي حركني هو اني مشاركه هني بهالمنتدى وقلنا كلام واجد عن التحديات وطرق العلاج وانا انسانه ملتزمه جدا بكل شي اقوله ..عموما قلت يا بنت لا تظلي ساكته واول ما اتكلمت راح الصوت اتشتت الفكره حتى الكلمات طلعت بالعافيه لا وبعد لخبطت بالكلام والصوت يرتجف والاطراف بردت...ومن الخوف اللي اعتراني حسيت قلبي يبي يتوقف من الخفقان..اللي قهرني زود ان مدير المشروع ما التفت لكلامي اكتفاء بايماء راسه لي ووجه الحديث لشخص اخر واستمع له وناقشه:( طبعاهالشي جدا ضايقني وبالعافيه ماسكه نفسي ابي اصيح والحمدلله مااحد لاحظ الدموع اللي كل دمعه اتسابق الثانيه .. عنفت نفسي ليش اتكلمت يا زيني وانا ساكته على الاقل مسويه فيها هيبه ويوم تكلمت خربت كل شي... رديت البيت وانا مابين ليش وليش؟ لما دشيت اهني وشفت انه لازم اخذ خطوه جريئه بموضوع الرهاب قلت لا لازم اكمل بديت اتدرب على الكلام اللي ابي اقوله وسجلت النقاط اللي رايحه اناقش فيها ..ولا تضحكون ترى سويت بروفات واتخيلت المدير ورئيس المجموعه واعضاء المجلس الكلام هذا كله حتى تعابير وجهي ادربت عليها... بس مشكلتي الحاليه واللي اعاني منها بهذه الساعه وانا اكتب التنميل بالاطراف واحسها ثلج والرجفه وغير كذا حاسه نفسي مو مرتاحه عقلي مو راضي يوقف عن التفكير بشنو يبي يصير لي وكيف حتمر هالسالفه ..ارتبك مثل امس ام لا ...الخ تعرفون يا رهابيين الاحساس بعدم الراحه يعني تحس شي ثقييييل بقلبك مو قادر حتى تاخذ نفس منه حتى وانت مرتاح..هذا اللي مضايقني والارق بعد سالفه ثانيه مرتبطه بهالمشروع اللي من بداء وانا عقلي ما يوقف تفكير.. انا رايحه للدوام الساعه9ص وخايفه حدي. ما لقيت احد افضض له الا هني.طبعا نوبات الهلع لابد منها بس اللي مسيطر علي الخوف من الفشل والاحراج اللي ممكن احسه اذا فشلت بتقديم الافكار مالتي. ========اشرب نسكافيه حياكم======== الايجابي بالموضوع واللي انا بالفعل مستانسه عليه انه مسويه كونترول عدل على موضوع هوس نتف الشعر اللي اعاني منه الحمدلله من التزمت من اسبوع بالعلاج السلوكي والى هالحزه ما نتفت ولا شعره و زود انه انا بمثل هالحالات من التوتر والقلق يدي ماتنزل من شعري :) الحمدلله يا رهابيين ويا رهابيات ..ادعوا لي اعدي هاليوم واقدر اثبت نفسي والله قهر انا الوحيده فيهم اللي عندي خبره وعندي اللي يمزني عنهم جميع بس مااقدر اطلع مواهبي ..عموما اليوم يكرم المرء او يهان .. ======لا زال الخفقان مستمر-====== الساعه اللحين 7:15 ص استئذنكم رايحه ازهب عمري حق مواجهه اليوم ويا انا يا الرهاب .. ================= تابعوني دمتم بود |
|
|
|
|
02-06-2009, 11:04 PM
|
#11 | |
|
عضو نشط
|
اليوم كان تمام والحمدلله يمكن اللي شجعني فيه واحد مليق اليوم ما حضر الاجتماع هالشخص مستواه التعليمي وخبرته مثلي بالزبط بس انا اتميز عنه بمهارات ثانيه..الشخص هاذا يذبحني يوم يتكلم ينمق كلامه ولباقته بالحديث"وهو ماعنده سالفه" تجذب انتباه الرؤساء وحتى الاعضاء يعني يعر يسوق حق نفسه "خطيير" ..
امس ما قدرت اجاريه بالحديث واحسه الكل بالكل اما اليوم يارب لك الحمد مشى الموضوع تمام..بس يبي بعد اشد الهمه على بكره ... انا اليوم للاسف اتوترت بسبب موضوع ما للاسف مره ثانيه رديت وبلا وعي لمشكله النتف ..للاسف للمره الثالثه بغبائي وعدم قدرتي على التحكم بعصبيتي اكتسبت عدو مو اي عدو لا شخص بيده صلاحيا توديني ورى الشمس ..حمقاء :( اللحين اللي مضايقني هالشخص اللي وصلني على لسان احد الزملاء انه متحلف لي ..الله يستر شعور مو حلو انه فيه احد مترصد لك وبالذات اذ كنت موسوس ورهابي ولا بعد نوبات الهلع لاعبه يك لعب... كل ما اتذكر هالشخص و شنو ممكن يسوي لي ويدبر لي مكائد اتعب و تجي لي نوبه هلع لمجرد حتى ذكر اسمه... دعواتكم لاختكم ترى دوم فرحتي يتيمه:( الاسبوع الجاي فيه نزله للشرقيه وعقب للبحرين بموضوع يخص العمل بس خايفه اني انحذف كلي على بعضي من المشروع بسبب هالشخص.. دمتم بود |
|
|
|
|
04-06-2009, 03:02 PM
|
#13 | |
|
همس أنثى سابقا
|
ياقلبي المحتاره والله حاسه بشعورك لمن تترقبين عدو
ماتدرين متى بيلقاج الله يوفقج ويسهل لك وتعوذي من ابليس ولاتعطين الموضوع اكبر من حجمه قولي اللهم ان نجعلك في نحورهم ونعوذ بك من شرورهم |
|
|
|
|
04-06-2009, 10:09 PM
|
#14 | |
|
عضو نشط
|
محتاره .. حمستيني مشالله عليك احسك متفائله وعندك عزم بالامور الله يوفقك وين ماكنتي ويشفيكي ويشفيني يارب وكل تعبان.. الى الامام
|
|
|
|
|
09-06-2009, 06:03 AM
|
#15 | |
|
عضو
|
السلام عليكم
شلونك الساكن شلون السيبرالكس معاك . الله علي البروزاك بدا يبين مفعوله بالنسبه للاكتئاب اخوي الساكن البروزاك شي مو طبيعي من ناحية الاكتئاب بس اسولف ماسكت مرتاح حتى لو قاعد لحالي ماتضايق مع العلم لحد الان صارلي ماكل 13 حبه فقط اي انه للحين ماعطى مفعوله كامل اما من ناحية الرهاب فالحقيقه تقال فهناك تحسن بسيط من عيوبه ... التوتر والقلق واكتئاب شديد وزياده بأعراض الرهاب (هذه بالبدايه فقط ) كسل وخمول وتثاوب وامساك الاعراض اعلاه  ولله الحمد تلاشت الا عرضين هما التعرق وتأخر القذفسؤال ؟ ماتعتقد بأن الشخص الرهابي اذا كان مبسوط ومستانس يخف عند الرهاب |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
