|
|
||||||||||
ملتقى أصحاب الرهاب هل تعاني من الرهاب ...؟ لست وحدك في ذلك!... |
|
أدوات الموضوع |
14-05-2014, 04:11 PM | #1 |
عضو نشط
تاريخ التسجيل: 05 2014
المشاركات: 112
|
جرثومه المعده ماذا فعلت بي ..
السلام عليكم ورحمه الله وبركاته ..
جرثومه المعده .. اول ما جتني جرثومه المعده اكلت قطعه من شاورمه كانت له يوم مجلسه فوق المايكرويف .. بعده احسست بضربات سريعه بالقلب يعني نوبه هلع وكانني بموت بل اعتقده انه الموت بنفسه بعده كتمه وضيق في التنفس ارتجاف وخصه بالحلق مع العلم اني اعاني من رومتيزيم في عضلات القلب منذ ان كان عمري 14 سنه ..رحت لمستشفي عملت تحاليل شامل وضغط وحراره واخذت اشاعه وتخطيط للقلب طلع كل شي سليم ..لاني سويت تحليل مثلث ما اعرف بظبط اسمه بالطب ايش بيسمونه ..هو عباره عن فحص يكون من القلب اذا سليم يكون من العضلات اذا سليم يكون من المعده ..استشار علي الطبيب ان اعمل تحليل للمعده وهو كيس تنفخ فيه هواء . وبعده اخبرني انه عندي جرثومه بالمعده ..هذي الجرثومه اتسبب قلق وتوتر واكتآب صداع حرقان حراره بالمعده غصه بالحلق بعض الاحيان كانك ودك اترجعين ..لو تاكل تحس بشبع لو كاست مويه وتحس كتمه ضيق تنفس وتوتر .. صرف لي علاج واحد احذه 3مرات باليوم والثاني 2 مرتين بعد الفطار والعشاء والثالث قبل العشاء بنص ساعه ..بعده رجعت للبيت ومزال الخوف يلازمني قلق وخوف قلق وخوف وسواس الموت ..استمريت علي العلاج لمده اسبوع واحس الاعراض الجسميه خفت بس الاعراض النفسيه احسها ملازمتني بكل ثانيه .تجيني ضيقه صدر فجأه وودي اصيح وخوف بشكل موب طبيعي .. يعني ما ارتاح الا اذا نمت وبعض الاحيان افز من نومي .. قلت مالي الا افتح النت وادور عن جرثومه المعده ..وبلفعل قريت عنه وعرفت انه الاعراض تختلف من شخص الي شخص آخر .. اخذت بنصيحه بعض الاخوات اللي كانو يعانون من هذي الجرثومه بكاس مويه وملعقه عسل علي الريق اذوبه واشربه بعد كذا افطر شئ بسيط واخذ علاجي والغداء والعشاء نفس الشئ وفصين ثوم تفرمينهم مع الزبادي قليل الدسم وتاكلينهم انا كنت اكل ولا ربع العلبه لاني اشبع بصرعه وحتي لو شربت بس كاس واحد مويه خلاص هنا احس كتمه وتجين ضيقه وتوتر وقلق ..يعني من يوم ما حللت وبعد العلاج لدرجه اني اجلس اسبوع كامل ما ادخل دوره المياه الا مرتين او ثلاث مرات تقريبا وانتم بكرامه حتي البراز في بعض الاوقات ما ابرز كثير يعني مره بالاسبوع وانتم بكرامه ..بعض الاحيان احس بحراره ببطني وا مغص .. الغازات اللي تطلع من الفم جدا مريحه لاني احس انه اطلع الهواء .. بس الاعراض النفسيه اه اه انا علي وجه اختبارات وصار لي اسبوع غايبه ..اخذ العلاج ارتاح من الناحيه الجسميه بس الإرتجاف والخوف لازال موجود .. لدرجه اني ما اعرف وش اكل ..يعني متعوده علي الحرار علي البهار علي االوجبات السريعه صرت ما ادري وش اكل ..بحثت بالنت عن الاكل المناسب واجمع انه يكون زي الحميه الغذائيه .. يعني مسلوق مسلوق مسلوق بس ابتعد عن الاشياء الله اتسبب انتفاخ بالبطن زي الخيار والملفوف والاأشياء اللي زي كذا ..بعدين داومت بالكليه اول ما سمعت ااصوات البنات حسيت بخوف او رهببه ..لاني تعودت انام واحوس حول امي ..الله يخليه لي ..بعدين سلمت علي صديقاتي وجلست معهم الحمد الله ان اختي معي بالكليه ولا كان صدق عشت بخوف .. المهم مع السوالف وكذا حسيت اني اشواء اشوي بس الاعراض النفسيه متعبتني للحين ..بعد 14 يوم رحت لمراجعه بالمستشفي لان اعلاجي خلاص وسويت تحليل للجرثومه عن طريق النفخ داخل كيس والحمد الله طلعت اخف من قبل اول تحليل كنت 14،8 والتحليل الثاني 0,8 .. صرف لي علاج بس اللي قبل العشاء بنص ساعه لانه يقول بطانه المعده للحين تعبانه ورجعت اخذ علاج نقص فيتامين د ..اللي هو حبه كالسيوم بعد الفطور وحبه فيتامين c بعد الغدا ..وحبه للمعده عن الجرثومه قبل العشاء بنص ساعه ..وامداومه عليه من اسبوعين ..بس الاعراض النفسيه تروح وتجي ..يعني اكون اكويسه بالنهار اقلب باليل .. والعكس ..بعض الاحيان من خوفي الشديد اصير ارتجف صرت انام اغلب الاوقات عند امي .. اول كنت احس برجفه وكتمه لما رحت لمستشفي حكومي عند دكتور ممتاز قالي انه هذي من النفسيه وصرف لي شراب هستوب اخذه 5 ملي قبل النوم ..بس عشان يهدين اشوي كنت قبل اذا خفت او جت اي حاله الخوف كان كل الخوف احسه ببطني حتي بعد ما خفيت بعد التحليل الثاني نفس الشئ احس الم ببطني وكتمه ودي بس اصيح احس زي الغصه 😔 .. مع اني احاول احاول اشغل نفسي اساعد امي واضحك مع اخواني بس ماش احس قلق من شدته راسي يثقل من التفكير ..لدرجه اجلس لحالي او افكر اني اروح لحالي مقدر ..حتي دوره المياه صرت اخاف اروح له ولا اتروش ولا افكر اطول له .. جو الجامعه احسه يلهين اشوي او يخلين انسئ اشوي .. حتي لو خفت بعض الاحيان انام عند اختي ..من يوم ماجتن الجرثومه ونا صايره كلمه او اي شي ينهرج لي او الم بسيط بجسمي خلاص كلي احس بعوار ودوخه وخوف .. الله يشفين يارب ويعافين وينزل علي لباس الصحه والعافيه وكل مرضئ المسلمين يارب العالمين .. بعد اسبوعين من التحليل ..حسيت بكتمه والم شديد من جهه القفص الصدري علي اليسار وحراره موب طبيعيه تجي وتروح ..رحت للأخصائي وقالي انو جرثومه المعده راحت نهائي بس فم المعده للحين مفتوح هنا يسبب حراره وكتمه للمرئ ويسبب لي ضيق بالتنفس وكتمه .. وصرف لي علاج وجد مرتاحه معه لاني اذا اخذته احس معدتي مرتاحه واكل بدون وجع ..وهي حبه قبل الفطور بنص ساعه وحبه قبل العشاء بنص ساعه واعلاج ثاني اكله بس قبل العشاء بنص ساعه .. بس حابه اعرف قريت كثير مواضيع عن جرثومه المعده بعضهم قال انه فتره وتروح وبعضهم قال بدايته كانت الم بمعدتي بس انا اب. اعرف اللي جتهم زي الخوووف او كذا فجأه .. وانا عرفت انه من اكل المطاعم 😔💔 .. بس الحين وس اسوي بحالتس النفسيه والله صايره اخاف مره يعني حالتي انتكست بعد الجرثومه .. ما اعرف وش اسوي !! والوسواس ذبحني وما ودي اتعود على مهدأت .. 💔 المصدر: نفساني |
15-05-2014, 04:49 PM | #2 |
عضـو مُـبـدع
تاريخ التسجيل: 10 2010
المشاركات: 579
|
هلا فيك اختي
حالتك بسيطه باذن الله جربي العلاج بالاعشاب مثل المليسا والبردقوش فيه موضوع هنا لاحدى الاخوات جزاها الله خير تتحدث فيه عن استفادتها من بعض الاعشاب واذا ما فادت معاك الاعشاب تعالجي بالحبوب عادي الحبوب النفسيه ماهي عيب بالعكس هي رحمه ونعمه من الله واي تعب نفسي يكون علاجه في بداياته سهل وانتي لا تقلقي ولا تشيلي هم باذن الله بتنحل الامور وكلو بيكون تمام |
17-05-2014, 03:28 PM | #3 |
عضو نشط
تاريخ التسجيل: 05 2014
المشاركات: 112
|
الله يسمع منك يا حبيبتي ويطمنك مثل ما طمنتيني .. الحين هي جتني فجأه زي الهلع من يومها وحياتي انقلبت فوق تحت .. صرت اخاف ومتوتره والحين اعاني من وسواس .. الله يشفيني ويشفي مرضي المسلمين ..
|
19-05-2014, 02:49 AM | #4 |
عضـو مُـبـدع
تاريخ التسجيل: 10 2010
المشاركات: 579
|
لا تخافي من نوبات الهلع امرها بسيط باذن الله
انا اعتبرها مجرد زوبعه فارغه مثل ما قلت لك جربي الاعشاب وبالنسبه للوسواس اكثري من قراءة سورة الناس بصلاتك وبكل الاوقات واشغلي نفسك من وقت الاستيقاظ الى وقت النوم وخلال اسبوع باذن الله بيكون انتهى الوسواس |
10-09-2014, 12:17 AM | #5 |
عضو نشط
تاريخ التسجيل: 05 2014
المشاركات: 112
|
طبعا المرضوع اللي فوق انا كاتبته .. وحبيت اكمله بعد العلاج والحاله النفسيه .. وراح تلقون اغلب المواضيع اللي كاتبته انا في نفساني كله عن الجرثومه .. وخلفت لي الجرثومه القالون .. كرهت عيشتي ليل نهار ابكي حتي ما انام . .. كل اللي يقراء عن الجرثومه ابيك تعرف اشيااء وتحفضها كويس .. راح يجيك وسواس الموت .. وراح يجيك خفقان وخصه بالحلق وحموضه وارق وبكااء وتوتر وقلق .. بعدين العلاج استمر عليه ولا اتخليه .. واهم شي المشي لانه يشد الاعصاب .. وكمان الأكل صحي .. ووقت العشاء شربه بيضاء خفيفه .. قبل النوم بساعه او ساعتين .. لا تتدر ادراستك ولا شغلك .. ولا تجلس بروحك واسأل مجرب ولا تسال طبيب .. كله فتره وبتعدي .. واهم شي مويه زمزم اشربها علي الريق اذا ما عندك جيب مويه واقراء فيها ايات اترح النفس .. ممنوع تاكل المقلي والبهار والحوار والغازيات والشاهي والقهوه ... وحاول اتخلي طبيبك يعطيك قائمه بالأكل اللي مسموح تاكله سوره البقره لا تتنساها وقراءه القران كل ما تقراء انفث بمويه او علي نفسك .. وانتبه تسترسل بالأفكار انتبه .. الجرثومه راح اتصيبك بالجنون حاول تمسك نفسك .. نوبات الهلع طنشها واول ما تحس انه بتجيك امسك نفسك ولا تجري .. ( اجلس مكانك ) ضم نفسك وحاول انك ما تصارخ وتعوذ بالله من الشيطان الرجيم بعد ما تروح استرخي وكمل حياتك .. كنبت هذا عشان راح تقراء كثير ناس جتهم الجرثومه وسببت لهم حاله نفسيه .. يعني الزبده ماراح تبرد كبدك مواضيعهم .. انتظم علي العلاج وعلا الاكل الصحي السليم .. واذا حسيت بكتمه خذ لك بخار ماراح يضرك .. وصل علي الحبيب عشر مرات ..
|
10-09-2014, 12:32 AM | #6 |
عضو نشط
تاريخ التسجيل: 05 2014
المشاركات: 112
|
وانتبه تقراء مواضيع كثيره .. تاكد ان وسواس الموت بسبب الجرثومه .. كل الللي عندهن جرثومه وحتي قالون قالو انه اتسبب وسواس الموت وخوووف .. وعلاجه سهل ولا تخاف .. ملعقه عسل مع مويه مقري فيها واشربها علي الريق .. بعدين العلاج هذه بإنتضام .. والأكل طبيعي بس كله مسلوووق .. لو حسيت بنبض قوي روح للنشفي خذ لك تخطيط للقلب وبيطلع سليم 100٪ ان شاء الله .. لو خسيت نفسك منهار وما قدرت علي صحتك النفسيه روح عند شيخ يقراء عليك واشرح له وضعك القران يزيد الشفاء وان شاء الله ترتاح نفسياآ .. اهم شي اهم شي الراحه النفسيه .. لكل الأمراض ..
|
10-09-2014, 07:19 AM | #7 |
عضـو مُـبـدع
تاريخ التسجيل: 10 2013
المشاركات: 403
|
الله يشفيك ويعافيك
التعديل الأخير تم بواسطة مع اليأس ; 10-09-2014 الساعة 07:23 AM |
10-09-2014, 07:38 AM | #8 |
عضـو مُـبـدع
تاريخ التسجيل: 10 2013
المشاركات: 403
|
هل شفيت تماما أم الأعراض بعدها موجودة فيك؟؟؟
|
10-09-2014, 01:00 PM | #9 |
عضو نشط
تاريخ التسجيل: 07 2014
المشاركات: 185
|
راح اعطيك العلم
بس اول عندي سؤالين مهمين ؟ هل يجيكي الم في نهاية القفص الصدري ( فم المعده ) عند بلع الماء او الاكل ؟ هل يوجد عندك حموضه وارتجاع حموضه في المريْ بعد الاكل ؟ |
10-09-2014, 10:39 PM | #10 |
عضو نشط
تاريخ التسجيل: 05 2014
المشاركات: 112
|
|
10-09-2014, 10:41 PM | #11 |
عضو نشط
تاريخ التسجيل: 05 2014
المشاركات: 112
|
اي نعم اخي .. بس الحموضه تروح وتجي .. خاصه اذا اكلت شي فيه بهارات مع العلم اني احط نسبه بسيطه جدا .. والم فم المعده بعض الأحيان احس كنه مسكر وتصير مثل الغصه
|
11-09-2014, 08:44 AM | #12 | |
عضو نشط
تاريخ التسجيل: 07 2014
المشاركات: 185
|
اقتباس:
اختي عندي سؤال : لمن تجلسي في المحاضرة او مع الضيوف تتحرك بطنك وتسوي قرقرة تسبب لك الاحراج ؟ تجربة للتأكيد: جربي لمن تجيك الحموضة وتكون قوية اسجدي لمدة 30 ثانية الى دقيقتين ولاحظي هل يتوقف الحرقان والحموضة و تحسي ان المعدة تتحرك وتهضم ردي على السؤال والتجربة وبأذن الله يكون علاجك بسيط جدا و تزول كل معاناتك |
|
11-02-2015, 04:19 PM | #13 |
عضـو مُـبـدع
تاريخ التسجيل: 02 2015
المشاركات: 745
|
أسأل الله انه يشفيني ويشفيك وكل مسلم
|
11-02-2015, 11:50 PM | #14 |
عضـو مُـبـدع
تاريخ التسجيل: 02 2015
المشاركات: 745
|
اتمنى ان يثبت موضوعك لتعم الفائدة لنا ولك شخص مصاب
|
12-02-2015, 01:56 PM | #15 |
عضو نشط
تاريخ التسجيل: 04 2013
المشاركات: 58
|
فعلا انا كانت عندي جرثومة معدة وعالجت وراحت بس شاكه انها رجعت لي لان فعلا المعده سبب المشاكل النفسيه اللي احنا فيها .. وحاليا معي انتفاخ بالمعده وآلام واحس مااشتهي اكل كثير..
انا حاليا اخذ قشر رمان مع زبادي الصباح وبعده اخذ ملعقة عسل طبيعي ..ابعدت عن الاكل الحار والمقلي والقهوه صرت نادر اشربها .. الله يشفينا واياك يارب.. التعديل الأخير تم بواسطة عآتكه ; 12-02-2015 الساعة 01:57 PM |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|