|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
22-08-2013, 03:47 PM | #1 | |||
عضو جديد
|
أبقى تشخيــص لـحالتــي
السلام عليكم ,, أتمنى أنكم بأحسن حال
بأدخل ف موضوعي أنا تعبت قبل كم شهوور وماكنت أدري عن نفسي ولا عرفت أنا وش آخذ علاج إلا بعد وقت بس اللي أبقى أعرفه وشو هي حالتي بداية تعبي تقريبا أول شهرين آخذ (( زيبركسا )) حبتين ف المساء وآخذ (( لاميكتال )) صباح ومساء وبعد فتره وقف لي الدكتور زيبركسا بالتدريج وصرت آخذ لاميكتال الحين آخذ لاميكتال 50 صباح و مساء يعني مرتين باليوم وشو هو المرض اللي عندي ؟ وشلون اعرف أعراضه ؟ والأثار الجانبيه للدواء .؟ لإن انا أحس اني ما أعرف أعبر عن اللي أحس فيه أو بعض الأشياء أقول لا هذي طبيعيه فيني يعني امكن ما ألاحظ وبسسس ياليتكم تساعدوني وتفيدوني أكن ممتنة لكم بالشكر . ايه نسيت سؤال عادي إذا تأخر وقت الدواء ولا فيه خطوره ؟ المصدر: نفساني
|
|||
|
05-10-2013, 10:09 AM | #4 |
عضو نشط
اخصائية نفسية
|
اذكري لي الاعراض الجسمية التي تشعرين فيها ؟؟ مثل هل يجيك كتمه في الصدر ضيق تنفس - زيادة في ضربات قلبك .. صداع .. دوخة عدم تركيز ؟؟
كل عرض جسمي اذكريه ؟؟ وكمان اذكري لي افكارك اللي تفكرين فيها باستمرار ؟؟ لما تجيك ضيقة اش الافكار اللي تخطر على بالك ؟؟ واش هي المشكلة الي تعانين منها وان شاءالله بشخص حالتك |
|
07-10-2013, 05:53 PM | #5 |
عضو جديد
|
والله ما أدري ايش هي اعراض جسميه بس الحمدلله ما عندي ضيق ف التنفس ولا صداع ولا من اللي قلتيه
بس تجيني فترات أكوون حزيينه وداخله جو حزن ومتضايقه كذا احس نفسيتي تعبانه ابقى ابكي من هموم وفترات أكون مبسووطه ومرتاحه وأتكلم مع الناس أستهبل واضحك وانكت وبعد فتره اكون متضايقه متشائمه وبعض من حالات اليأس قلق وخوف من الاخفاق ف الدراسه او مواجهة بعض المواقف مع الناس تفكير كيف أرد ع ذا وكيف أدافع عن حقوقي واحيانا احب اجلس بالبيت ماابقى اخرج للناس ولا ازور احد انا مدري ايش بس هم ودوني للطبيب النفسي لما تعبت فجأه والعلاج معه تمام بس اكثر شي بعد هم الدراسه حتى قبله هو اني افكر كثير بشخص دخل حياتي فتره وخرج شخص احبه واحس اني بدونه حزينه أجلس قبل النوم او لما اكون متضايقه افكر فيه اتخيله احكي معه واشكي له وتنزل دموعي حينما أغرق بالتفكير فيه و.و.. التفكير فيه عند النوم شي راحه وتنفيس عن المكتوم بس الغالب اني متعلقه فيه مو قادره انساه واعيش حياتي ودي اتكلم واقولها بجراءه انا ابقاااه |
|
02-11-2013, 08:19 PM | #7 |
عضو نشط
اخصائية نفسية
|
اختي اسفه على تأخير بالرد ..
اختي يتضح لي انك تعاني من اضطراب ثنائي القطب .. فترات من حياتك تكوني مكتئبة وحزينه وفترات تكوني مبسوطه وتتكلمي كثير وتضحكي كثير .. وهكذا انا توصلت لشيء هذا من الادوية التي صرفها لك الدكتور .. بالنسبة للعلاج اختي بحالتك جدا ضروري انك تلتزمي بالدواء بوقته .. جدا ضروري . عشان ما تجيك نوبات او انتكاسه .. لو صار لخبطة في دواء او تأخير ممكن تتعبي .. لذلك جدا مهم الله يخليك ان تهتمي بنفسك وصحتك وتأخذي الدواء بوقته .. انتي الأن اهتمي بصحتك .. حاولي تبتعدي عن المشاكل والضغوطات .. لا تفكري بأشياء في الماضي .. حاولي تشغلي وقتك بأشياء مفيدة .. لا تجلسي لحالك كثير .. هذا اختي للي ممكن اساعدك فية .. أي سؤال انا هنا معك .. |
|
05-11-2013, 05:20 PM | #8 |
عضو جديد
|
ممم صحيح ,, الحمدلله ع كل حال أختي سارهـ أشكرك بحق وجزاك الله خيرا
وإن شاء الله انتظم ع الدواء وأطبق نصائحك ممتنه لك ربي يبارك في جهدك |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|