فضفضه :(

فضفضه :(

ki8ds4

السلام عليكم

انا اصابني وسواس الموت قبل ما يقارب سنه و نص طبعا كتمت في قلبي كل شيء و ما خبرت احد عن شعوري و الا اليوم محد يدري بهذا الشيء

المهم بعد ما اصابني الوسواس ب 6 او 7 شهور جاتني بعثه وسافرت و مع الانشغال و الغربه خف عني الوسواس تجيني حالات بس اخف من اول و بدون نوبات هلع

مشكلتي الان رجعت اجازه و من يوم ما رجعت و الوسواس راجع لي و الله تعبت اقول هذي المره حقيقه مو زي كل مره

اكره مشاوير السياره اكره اخرج من البيت احس كان يد ماسكه رقبتي وجالسه تخنق فيها هذي الحاله تصبني احيانا قبل النوم او اذا جيت رايحه مشوار بالسياره

و احيانا يجيني خوف من العين اخاف احط يعطيني عين ما ادري على ايش عاد لا مال و لا جمال :(

انا كتبت ابغا افضفض لاني ما اقدر اقول لاحد من الي حولي

الله المستعان

المصدر: نفساني

حاس فيك والله راجع دكتور ضروري يكتب لك علاج يريحك .

وعليكم السلام

حاسة فيك واعرف كيف ان هالوسواس متعب ..
بس ببقول لك شفتي يوم انشغلتي ورحتي بعثة حسيتي الوساوس خف .. ايووووه هذا علاج الوسواس التطنيش والانشغال ,
انا يوم جاني وسواس الموت كنت في فترة اختبارات وامتحانات .. فقلت خل هالاختبارات تكون هدفي بان انشغل عن هالوساوس وفعلاً نجحت معي ..
طيب تبين تتطمنين وتنهين هالوسواس ؟ ادعي ربك وتوكلي عليه .. انا دائما اقول هالدعاء وفعلا ريحني :

اللهم اطل اعمارنا في طاعتك واحسن اعمالنا وارزقنا الإنابة إليك في غير ضراء مضرة ولا فتنة مضلة وتوفنا وانت راضٍ عنا بعد عمر مديد في رضاك وطاعتك وعافيتك ..


خلاص انتي دعيتي هالدعاء وريحي نفسك .. الشيطان يوسوس لنا .. يقول ترا اذا ركبتي السيارة بتموتين .. ترا اذا كذا وكذا بتموتين .. بس مشتغل لنا يعكر لنا حياتنا
استعيذي منه ومن وساوسة وطنشششيييية هل الشيطان يعلم الغيب ؟ اكيد لا .. هل الانسان يعلم متى يموت ؟ اكيد لا والعلم عند الله .. شوفي اللي حولك ماوسوسوا مثلي ومثلك بالعكس عايشين حياتهم ويهتمون بدينهم وبصلاتهم وباشغالهم ..


وبخصوص الخوف من العين .. كنت مثلك والله بس فكرت بداخلي إلى متى وانا وهالمخاوف اللي تعكر صفو حياتي .. شوفي انا كنت قبل اسئل بنت جيراننا واقول ماقد خفتي من العين ؟ قالت ليش اخاف وربي الحافظ اللي يحفظني من كل سوء وليش اخاف وانا اقرأ اذكار الصباح والمساء اللي هي آلحصن الحصين للأنسان من كل ضر وسوء .. تكفي بسم الله الذي لا يضر مع اسمه شيء في الأرض ولا في السماء وهو السميع العليم ثلاث مرات <- مايضرك ولا يمسك أي شيء يعني الله حاااافظك حفظ ولا يضرك لا عين ولا مس ولا حتى أي شيء ..

افرحي وانا اختك .. ولا تخافين إلا من ربك وتوكلي عليه وحافظي على اذكار الصباح والمساء وافرحي : )


واذا عندك أي سؤال انا موجوده

تسلموون حبايب قلبي

انا و الله الحمد محافظه على الاذكار بس احيانا يغلبني الوسواس

الله يعين ما لنا غير الصبر وربي ياجرنا ان شاء الله

خذ فافرين والله الدواء ريحني كثيررررررررررررر لكن في بداية تناوله زاد عندي القلق والهلع مع كثر التثاؤب واصفرار الوجه بعدها ذهبت بعد شهر
ولي حاليا 4 شهور خف علي السواس بنسبة 50%
والمفترض للشفاء التام من 6 شهور الى سنة