نداء الى الرهابين ؟؟؟

نداء الى الرهابين ؟؟؟

بسم الله والصلاه على اشرف الانبياء والمرسلين انا حابه نتفق وننهي هالمشكله من تجارب بعضنا
احنا عارفين ان عندنا مخاوف معينه وكمان نعرف انها موصحيحه
ومتعبتنا ونبي نتخلص من حدتها بس موقادرين وطبعا كل شخص
له تعبير خاص فيه لمن تشتد الحاله معاه انا بحكي لكم عن تجاربي
اذا اشتدت الحاله معاي ومااصير اركز بأي شي حولي
اول شي اتعوذ من ابليس وانسى اني اصرخ او ابكي اواواو لان هالشي بيخلي الناس تجتمع حولي وتنزعج بدون فائده اذا كنت بالبيت وحاسه ان
مخاوفي بتجنني اطلع من غرفتي وهذا في الغالب لوكنت بغرفتي واذا كنت عند اهلي
ادخل غرفتي وابدأ اشغل نفسي
بأي شي مثلا ارتب شكلي وابدأ انشغل
في نفسي وشوي شوي تتلاشى الفكره لاني اكون مشغوله
واحيان ادخل المطبخ واطبخ العشاء مثلا واحيان امسك عيال
خواتي واهتم فيهم المهم انسى هالشي واقنع نفسي ان مخاوفي
مالها داعي وبعض الاوقات اطلع في التهويه وامشي ولو تأزمت الحاله ومانفع معاي شي اخذ لي دوش
بس مو اي دش لاازام يكون بمويه بارده والدليل
قوله تعالى (اركض برجلك هذا مغتسل بارد وشراب )
وهذا علاج ايوب عليه السلام
والله بالبدايه بتحسون بأانكماش بجسمكم لانه بيكون بارد
بس انا عن نفسي احسه يجدد نشاطي صبي على جسمك
وياليت مايكون بهدوء يعني يفضل لو يكون بطشت (سطل )واغرفوا
وانتوا واقفين وصبوا على راسكم وهو بيوصل لجسمكم مثل ماقلت بتحسون باازعاج بالبدايه بس بترتاحون واذا طلعتوا من الحمام الله يكرمكم خذوا كوب مويه بس يكون عادي موبارد والافضل دافي وحطوا عليه ملعقه عسل وحركوه واشربوه ولو كان حليب ساخن بعد افضل
والله بتحسون بهدوء واسترخاء وكرروا الاستغفار والذكر وكمان لاتنسون سوره الفاتحه لانها رقيه والقرأن شفاء ورحمه من جميع
الامراض موشرط المس والسحر والحسد وكمان لاتنسون الدعاء (واذا سألك عبادي عني فأني قريب أجيب دعوه الداع أذا دعان فليستجيبوا لي ولي وليؤمنوا بي لعلهم يرشدون )الله قريب منك ويسمع دعائكم
وشوي بتحسون ان ماعندكم مخاوف ولو كانت موجوده بتكون خفيفه مو مثل قبل بس انا مشكلتي لو كنت بالسياره وجاتني المخاوف مأاعرف اتصرف على طول استفرغ واحيان اصرخ مااقدر اطرد المخاوف
ياليت اللي عنده تجربه يذكرها لنا علشان نفيد ونستفيد من بعضنا
ونقضي على مشاكلنا النفسيه (الوهميه)

المصدر: نفساني

ليه مافي احد تفاعل مع موضوعي بس مشاهدات بدون ولارد
والله قهررر يالله براحتكم

هلا بالاخت همسات انثى

كانك تقصدين بالمخاوف نوبات فزع وهلع
بالنسبة لي انا ماتجيني الا بالسيارةوانا اسوق
وخاصة اذا كان هناك ازدحام في الطريق وتوقف متكرر
وكانت الحالة النفسية سيئة
لكني ولله الحمد احاول اقاومها بشدة واغصب نفسي
بمعنى اني مااستسلم
ولا تجيني الا اذا كنت متضايق من امر ما
او كان هناك ايقاف مفاجيء للسيارة تجنبا لحادث


لكني كل مااطلع بالسيارة اخذ احتياطي
من ماء وعصير لاني اثناء و بعد الخوف اشعر بالارهاق

الشيء الثاني احاول اشغل اي بلوتوث معجبني
وخاصة الاهازيج الشعبية

اذا كانت النوبة قوية جدا
احاول اركن السيارة على جنب
واسدح المرتبة واسترخي تماما واتنفس بعمق
لان الاسترخاء يطرد الخوفويهديء النفس


بعد الموقف بيوم احاول وقت ماكون ريلاكس
اروح لنفس المكان الي جتني فيه
واحاول اكون طبيعي جدا

وامارس رياضة المشي فيه
عشان امسح الموقف من العقل الباطن

وبالنهاية الحمد لله على كل حال
هذا ابتلاء من الله وليس لنا الا الصبر
ففيه الاجر من الله
هناك غيرنا ابتلوا بما هواشد منا
فالحمد لله اولا واخرا وعلى كل شيء

اتمنى للجميع الصحة والعافية والسلامة الدائمة

كل الشكر اخوي ساهر مع الالم لطرح تجربتك لنا بس انت وش تفكرفيه لمن تركب السياره وش هي اعراضك وبعدين انت رجال والسياره بكيفك انا صعب اقول للي يسوق وقف تلقاني اصارع الخوف من اول مااركب السياره بس احيان مااتحمل فتره طويله لاني احس اني بموت لامحاله نفسي يضيق والدنيا اشوفها صفراء وعلى طول استفرغ حتى لو اني مااكلت شي والله حالتي مسببه لي احراج علشان كذا طلعاتي نادره او تكاد معدومه بس الشي الحلو اللي استفدته من تجربتك هو الاسترخاء انا احيان اقول حق ابوي ابي امشي شوي ومع المشي مايجيني ولاعرض من الاعراض ارجع طبيعيه الله ييسر لنا امورنا ويشفينا ويجعل مرضنا رفعا لدرجتنا وتكفير لسيائتنا

هلا حبيبتي
كيفك ياقلبي
والله انا مدري وش اسوي احس كاني مااحس بنفسي اتوقع اضطراب الواقعيه مأثر علي اكثر من الهلع والقلق ونوباته
فمثلا لما تجيني نوبة القلق تبدا الوساوس الحين بموت او يغمى علي وكانو جد بيصير لي هالشي
الحين صرت اقنع نفسي انه خوف فقط بس يجيني خوف اني اصرخ
او اني اصيح ويقولو عني مجنونه:(
تخيلي فجأه تصرخين والناس شايفينك طبيعيه وجالسه ومافيك شي يازينك فجأه آآآآآآآآآآآآآه خخخخخخخخخخ
والله صرت اخاف من فكرة اني اصرخ لا اراديا
عموما انا نوبات قلقي اسكت واجلس وتشوفين طول الوقت يدي على قلبي ع اساس اشوف النبض مدري اذا وقف بنقذ نفسي والا ايش هههههههههههه
بس بقووووة ايدي على قلبي اضغط عليها واليد الثانيه على رقبتي اشوف اتنفس او لا
<-دكتورة ع غفله
وخلاص شوي شوي اليين ماتروح نوبة القلق
بس ابقى بااضطراب الانيه مدري الواقعيه والحمدلله على كل حال

مشكوره ياقلبي على المرور والله مااحد مرتاح وانا والله كمان
هذه مشكلتي اخاف اصرخ لاارادي لان احنا تجينا الافكار والناس حولنا مايدرون انتي كم عمرك ومن متى جاتك هذه الاعراض وش سببها

مشكوره ياقلبي على المرور والله مااحد مرتاح وانا والله كمان
هذه مشكلتي اخاف اصرخ لاارادي لان احنا تجينا الافكار والناس حولنا مايدرون انتي كم عمرك ومن متى جاتك هذه الاعراض وش سببها

هلا حبيبتي
عمري 20
جتني فجأه حالة هلع وانا رايحه انام
ومن بعدها وانا ماذققت طعم الراحه

الحمدلله على كل حال الله يشفينا ويعافينا وش نسوي
لاازام نصبرونعيش واقعنا كيف ماكان

بإختصار : هذه قصتي .. هذه حكايتي .. هذه حياتي .. ألا من مجيب ؟

--------------------------------------------------------------------------------

السلام عليكم

اولا يجب ان اعرفكم بنفسي ..

انا شاب عراقي أبلغ من العمر 18 سنة .. اكملت الدبلوم وكنت سأنوي دخول الجامعة في بغداد الا انني ولسبب خارج عن إرادتي أجلت الجامعة لسنة اخرى .

لدي 4 إخوة كلهم أكبر مني .. أعيش في منزل مع ابي وامي فقط .. بقية اخواني اما لهم مسكن خاص .. او منتشرين في أرض الله الواسعة .

في عائلتي لا أعاني من أي مشاكل .. سواء مع إخوتي أو مع الوالدين أطال الله في عمرهما ... ولله الحمد .

في خضم المعركة العراقية الأمريكية ... وقعت قنبلة على منزلنا وكنت لوحدي فيه حيث كان اهلي خارج المنزل , اشكر ربي وأحمده لم أصب بأي أذى جسدي نظرا لسرعة خروجي من المنزل قبل تحوله الى ذرات في ثواني !

الاذى الذي اصابني هو اذى نفسي .. لا ادري إن كان من المفترض انه رهاب .. هو مرض التأتأة نظرا للرعب و الفزع الذي كان في قلبي في وقت الحادث !

حينما اتكلم مع والديٌ في بداية الكلام .. حينما اتجهز لقول شي ما .. يقف الكلام و اكون فاتحا لفمي لبرهة قصيرة .. من دون نطق شيء .. واما استسلم و أؤجل الكلام الذي أريد أن أقوله .. أو البقاء هكذا الى أن يخرج الكلام لوحده ...

حتى عندما اتكلم مع اصدقائي .... علما ان ذلك لا يشمل جميع الكلام بل بعضه ..

من أبرز اهتماماتي : سأقولها ولو بخجل ... الفتيات .. منحني الله شكلا لا بأس به .. أجلب ناظر و أعين اي فتاة تراني ... ولكن لا املك الجرأة للتكلم معها او اعطائها اي شيء .. من المؤكد ذلك من جراء التربية التي تربيت عليها .... السبب قد يكون مشكلة اللغة .. حيث انني في فترة قياسية تعلمت لغة اجنبية .. طبعا بعد الحادث مباشرة انتقلنا الى دولة اخرى لسان اهلها أجنبي ... لكن لا استطيع التحدث بها مئة بالمئة ! حتى في المسنجر لم اضف اي فتاة للان .. وحتى اصدقائي سواءا في الواقع أو على المسنجر قليلين جدا .. يعدون جميعا على أصابع اليد الواحدة

احافظ على الصلوات الخمسة وفي وقتها والحمد لله

طبعي هادئ و انطوائي تقريبا ... مشكلة التأتأة هي ما جعلتني كذلك .. اخشى قول اي شيء ..... مع العلم اني لو تعرفت على شخص امامي لا يعرف اي شيء عن مشكلتي .. سأتحدث معه بطلاقة ناسيا انني املك هذه المشكلة .. لكن شيئا فـ شيئا حينما يقتنع عقلي الباطني بأن هذه المشكلة موجودة .. أبدأ بالتأتأة في الحديث .........



ربما ما احتاجه هو نسيان أن لدي هذه المشكلة .. وربما انتم أدرى بمشكلتي مني ....

سأكون شاكرا لو تفضلتم و تكلمنا حول مشكلتي بالمسنجر .. طبعا لا تأتأة في المسنجر !!

eefa_bass على الياهو
him_abuali على الهوتميل

إلى اللقاء

اهلا وسهلا اخوي نوكيا انا ماعندي خلفيه عن حل اي مشكله
انا كنت اقصد انو نجتمع ونفكر كيف كل واحد قاعد يحل مشكلته لوحده
ونقتبس الشي المفيد من تجربته تقدر تنسخ مشكلتك كما هي مكتوبه وتلصقها في عياده مشاكل الكبار وهم يساعدونك وتلقى جوابك
ولامانع تترك مشكلتك هنا ويجابونك الاعضاء اللي عندهم الخبره