فضفضة رهابي

فضفضة رهابي

السلام عليكم ورحمة الله وبركاتة
انا م.م عمري 35 ولم اتزوج بعد ونتم عارفين ليش
اللقب: فتى البرحة او الخلا الخالي يعني ماعندك احد
مشروبي المفضل: سبريسو حيث انة يهدئ الاعصاب كما اعتقد
ومن ثم يقل عندي الرهاب
حكمتي بالحياة...مستوحاة من حكمة طبية تقول 1+1=2 اما انا فأقول 2*4 =8 الدنيا فانية ومن يزرع بصل يطلع لة بامية
هوايتي: الاسترخاء مع تشغيل ام كلثوم مساءا وفيروز صباحا وعيسى الاحسائي القايلة صيفا
الاشياء التي اكرهها... 1- عندما يضعون اهلي البخور في البيت حيث يذكرني بالمناسبات الاجتماعية 2- مشاهدت احذية كثيرة عند الباب عند دخولي البيت حيث يزداد قلقي
3- المناسبات الاجتماعية
مشروع مستقبلي افكر بة : الحرب النفسية والصراع ضد الاعاقة النفسية
الاسلحة : سيروكسات والله ماعندك احد والمواجهة
جدولك اليومي: اصحو صباحا اغسل وجهي بدون حليب ولا شي عالكفي شب24 ساعة اخذ منة سبريسو قبل لااروح انزل من غرفتي بالدور الاعلى انزل اتلفت يمين وشمال اتسمع اصوات عندنا احد ولا لا مافية احد اطلع برا بس قبل لااطلع اوايق مع خرم الباب فية احد سيارة شي ازرق لسيارتي وعلى الكفي شب وهكذا بعد المغرب اذا كنت مانمت الظهر فان اعصابي تتوتر لذلك اصبح قلق لذلك يشتد الرهاب وهكذا
ادري ان كلامي فاضي والله من الظيم اللي بصدري واخيرا استودعكم الله الذي لاتظيع ودائعة

المصدر: نفساني

حلوه كثير فكرة الموضوع

الفضفضه مريحه .. مسكنه لالم الروح المرهقه

ياليت كل عضو بهالقسم يكتب الفضفضه حقته هنا وبنفس طريقتك

لي عوده

اهلا اخي الهلفوت شافاك الله،

من متى تستخدم السيروكسات؟ وكم الجرعة؟،،، شي نتيجة الى الحين؟
السيروكسات ممتاز للرهاب وانا بديت بيه قريب واحس بتحسن ملحوظ ولله الحمد،

كلنا معا يدا واحدة لنهزم العدو ================= الرهاب الاختماعي

عدنا

الاسم : بنت الجوري :)

اللقب : يسموني الغاطسه لكثرة الغطس والاختفاء p:

مشروبي المفضل : هوت شوكليت

حكمتي بالحياة : الضمير المطمئن خير وسادة للراحة

هواياتي : القراءه والاطلاع _ التصميم والابتكار _ الرسم _ الشعر والنثر

الاشياء التي اكرهها :

1_2_3_ نفس اللي قالهم اخونا الهلفوت

4_ اكره اكون بمجلس وتجي وحده تقلي احكي لهم القصه اللي صارت او احكي لنا ايش اللي حصل بالموضوع الفلاني :(

5_ اكره صوت جرس الباب :(

مشروع مستقبلي افكر به : عندي اهداف كثيره بس اهمها القضاء على الرهاب

الاسلحه : الدعاء والتوكل على الله والاخذ باسباب الشفاء

الجدول اليومي : نظرا لاني عاطله عن العمل ف مافي شي مميز بيومي

امضي وقتي بين اهتماماتي وهواياتي واولوياتي

امنيه اتمناها : اتمنى اتوظف لانه بالوظيفه بيتحقق لي العلاج السلوكي من خلال الاختلاط اليومي بالمجتمع وهالشي يساعدني كثير بالشفاء

بالاضافه الى ذلك يتحقق رفع المعنويات من خلال الاحساس بالنجاح والثقه واثبات الذات والاعتماد على النفس


هذي الفضفضه حقتي :)

مين المفضفض اللي بعدي ؟

:)

الله عليك يالهلفوت وقمت تفضفض بعد
المهم ياجماعة الرجل هذا فتى البرحة صديقي الخاص منذ ثلاث سنوات مضت ونيف في هذا المنتدى وعلاقتنا متطورة الى مزيد من التقدم والطموح
ياسلام عليه قلبه طيب وحبيب كمان انا مسمي نفسي فتى العشة بسبب الافكار السلبية السوداء المعشعشة في راسي وماقدرت اطلعها

الله يعين قسم بالله حالنا يبكي

اكلمكم من ارض الحدث اختي قبل ثلاث ايام جابت بيبي والله هالخبر يفرح كل انسان وانا بداخلي فرحانه ومبسوطه عشانها بس بسبب الرهاب من يوم مادريت بهالخبر وانا شايله هم
خاصةًً ان اختي الكبيره توظفت وخواتي الباقيين يداومون وانا الوحيده العاطله بينهم يعني اكلتها على راسي
حاليا اسلحتي الدعاء والاندرال احس ان قلبي راح يوقف بسببه
فكرت بالهروب بس خفت اختي تكرهني يعني لما احتاجت لي ماقمت فيها
انا عني مااابي خجلي يروح ولاابي اسولف مع احد بس ابي شي وحيد رجفة يديني تروح اهم شي يكون شكلي يوحي لهم اني واثقه ولو اني عكس كذا .هذا اهم شي هههههههه

والله يفرجها علي وعليكم

my فضفضة LTR
يعني فضفضتي ساحكيها لاحقاً وترى ممتعة انصحكم ماتفوتونها<<<< ثقة

اجلت الفصل الدراسي الاول بسبب الارهاق، والحين استخدمت سيروكسات وانتظر شو بيصير،،، باقي شهرين على الفصل الثاني واسأل الله من فضله العافية علشان اخلص الدراسة واريح بال اهلي،

احلى شي صار لي مؤخرا هو زوال الرهاب بشكل كبير والافكار التشاؤمية وهذا عطاني امل ( والامل بالله ) وراحة كبيرة والحمدلله وعقبال المرضى،،

اكبر مهمة عندي هو الوصول الى الشفاء، والطريقة هي الدعاء ثم تجربة الادوية النفسية،، وبعد الشفاء بدور شغل وبعد الشغل بنت الحلال :) ،،،،، بصراحة كنت يائس من حالتي لدرجة اني غير صالح للزواج بس الحمدلله الادوية سوت شغل وتحولت من متشائم الى متفائل!

الله يشافينا بفضله،،

بنت الجوري حلوة ذي جرس الباب راحت علي بس حنا ماعندنا جرس اذا طق الباب عندنا مصيبة يقولون لي اهلي افتح الباب مصيبة ومستانس الا اذا قابلت عند الباب البنقالي حق البقالبة موصل الطلبات

فتى البرحه او الخلا الخالي يعني ماعندك احد خخخخخخخخخخخخخخخخخخخخخخخخخخخخخخخخخخ وربي ضحكت ضحك الله يسعدك

الاشياء اللي تكرهها مثل كل رهابي ,, بالنسبه لي اكره المناسبات الاجتماعيه ولكني مجبر احضرهـا لان عندي ابوي الله يطول عمـره ( بالعكس ) اجتماعي لدرجه مرضيه << يمكن اشوفها كذا لاني مريض والا هو طبيعي مافيه الا العافيه واذا ماحضرت يزعل << نظامه قديم

انا مسميه حاتم الطائي ماشاء الله عليه كل يومين قهوه والا عشاء ومجبر احضر لاني الابن الاكبر مع الاسف

الشي الثاني اللي اكرهه ,, متى تتزوج ؟ ياصبر الارض ع ذا السؤال طيب وش دخل امك يوم تسأل ,, الحين كل من هب ودب يسأل قريب والا بعيد ,, ام الناس الفاضيه ,, مابي اتزوج (حاليا ) اطلعوا من راسي

الشي الثالث ,, انت وينك مانشوفك ليش ماتطلع ؟؟ ياليل الليل << في ناس احسها تتشمت بالسؤال ويحاولون يحرجوني ,, انت ماعندك اصدقاء ماتطلع وماتروح لاحد ,, حسبي الله ونعم الوكيل بس

الحيـاه في قريــه صغيره جحيم لكل رهابي ,, الناس متقاربه وفاضيه وماعندهـا الا الحش والقيل والقال والنفاق

طموحاتي المستقبليه ,, ان شاء الله اتوظف واتعين بمكـان بعيد ,, وابدأ حياتي من جديد

الهلفوت 234M4R32ED

هههههههه حلو الموضوع مرره

اسمي // ودي أقول اسمي الحقيقي من كثر مو انا صريحه بس المنتدئ مكشوف فا اسمي عضوة رهاب

الأشياء اللي أخافها // الصراخ .. احد يهاوشني .. موقف يصير قدامي طاح شئ انفجر شئ وهكذا ههههه

طموحاتي // ودي اصاحب كل الرهابيين اللي بالمنتدى werw;

الاسم : رهابي كووول دايم هادئ وكول ومسترخي لين يجيني شي ينرفزني بزيادة واحط حرتي فيه
المشروب : القهوة الامريكية السوداء المقطرة BLACK COFFEE وكذلك اذوب في شي اسمه بيبسي او كوكا كولا وماستغني عنهم خاصة مع الاكل
مشكلتي : حساس بزيادة طيب مرة لدرجة ان لو يجيني واحد ياخذني بالكلام الزين ماقدر اناقشه واستحي منه وكذلك حقود واذا زعلت او غضبت ما امسك نفسي واتهور
العمل : موظف حكومي
الاشياء الي اكرهها : الاجتماعات والمناسبات العامة والخاصة وتسليط الاضواء علي او اني اشرح للناس كلام هنا اضيع وكذلك فيه شي يقهرني هو اني ماقدر اشرح كلام لاحد اذا كنت في حالة رهاب او غضب يعني لو يخطي علي احد يصير الحق معه وانا اسكت واعقب واكل هوى بعد
الهواية : السهر الانترنت متابعة الافلام الوثائقية والافلام الامريكية والعربية واستماع الاغاني ومتابعة الاخبار والسياسة والبقاء مسترخي في البيت طول اليوم



مرة قابلت الرهاب وقالي : اكدب عليك لو قلت بحبك لسى اكدب عليك واكدب عليك لو قلت نسيك هكدب عليك ، امال انا قلي انت انا ايه قلي انت انا ايه ، اخترلي بر وانا ارسي عليه

قلت له لايكثر عساك الذهاب

قال : انت حبيبي يعني لسى حبيبي ولا حبيبي عشان انت حبيبي قول يارهابي كول قول قول قول ياحبيبي

المشاركة الأصلية كتبت بواسطة متفائل ولكن

فتى البرحه او الخلا الخالي يعني ماعندك احد خخخخخخخخخخخخخخخخخخخخخخخخخخخخخخخخخخ وربي ضحكت ضحك الله يسعدك

الاشياء اللي تكرهها مثل كل رهابي ,, بالنسبه لي اكره المناسبات الاجتماعيه ولكني مجبر احضرهـا لان عندي ابوي الله يطول عمـره ( بالعكس ) اجتماعي لدرجه مرضيه << يمكن اشوفها كذا لاني مريض والا هو طبيعي مافيه الا العافيه واذا ماحضرت يزعل << نظامه قديم

انا مسميه حاتم الطائي ماشاء الله عليه كل يومين قهوه والا عشاء ومجبر احضر لاني الابن الاكبر مع الاسف

الشي الثاني اللي اكرهه ,, متى تتزوج ؟ ياصبر الارض ع ذا السؤال طيب وش دخل امك يوم تسأل ,, الحين كل من هب ودب يسأل قريب والا بعيد ,, ام الناس الفاضيه ,, مابي اتزوج (حاليا ) اطلعوا من راسي

الشي الثالث ,, انت وينك مانشوفك ليش ماتطلع ؟؟ ياليل الليل << في ناس احسها تتشمت بالسؤال ويحاولون يحرجوني ,, انت ماعندك اصدقاء ماتطلع وماتروح لاحد ,, حسبي الله ونعم الوكيل بس

الحيـاه في قريــه صغيره جحيم لكل رهابي ,, الناس متقاربه وفاضيه وماعندهـا الا الحش والقيل والقال والنفاق

طموحاتي المستقبليه ,, ان شاء الله اتوظف واتعين بمكـان بعيد ,, وابدأ حياتي من جديد

الهلفوت 234M4R32ED

سيم سيم كلام بس الفرق انا متزوج وعايش في الرياض بس الجماعة هنا كثير مرة لدرجة ترفع حصاة تحصلهم يقولون لابوي ولدك الكبير مطنشنا وفيه كبر ومايجينا في المناسبات :)
ودي اعيش في اوروبا ولا كندا ولا اي مكان رايق بعيد عن المجتمع الفصامي الغريب
تدري اني مثلك مسمي ابوي حاتم الطائي دايم ودي اروح للديرة بس ماقدر ابوي الله يجزاه خير يدور اي شي ويسوي له عشا ولا غدا ولا على الاقل قهوة على الريحة بس قله فلان من الناس جا للديرة
احيان استغرب اقول انا ليش ماني مثله :(

تدرون وش اكثر شي يقهر ويؤلم في الحياة بالنسبة لي
يجي واحد سلتوح بنص عقل طايش وشهادة مامعه شهادة ويجيك يكشخ في المجالس ويصف له كلمتين ويهايط ويطلع بنظرهم انه الرجل الي محد قده وماشا الله عليه وهو اصلاً ماعندك احد
وانا ينظرون لي بالعكس لاني انطوائي ورايح بحالي وغير اجتماعي او انه شاف الرعشة بوجهي الرهابي الحزين البائس