|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
31-10-2014, 03:30 AM | #1 | |||
عضو نشط
|
مفاجأه لكل شخص مهلوع ويائس من الشفاء
السلام عليكم ورحمة الله وبركاته
اعذروني على قلة دخولي للمنتدى وقلة تفاعلي وردي على الاعضاء بس اشغال الدنيا والشكوى لله اخواني كتبت اكثر من موضوع ويمكن اغلبكم قراها وكتبت موضوع تطرقت فيه لطريقة العلاج اللي انهت شي اسمه هلع بعد الله سبحانه وتعالى ومن باب التذكير هذا مختصر القصه + طريقة العلاج القصه اخواني الغالين يامن تعانون من نوبات الهلع تفضلوا تجربتي من يوم كنت طفل في السادسه من العمر كنت اعاني من شي غريب كنت اقوم من بين الاطفال اثناء اللعب وانا في حالة بكاء هستيري حتى ارتمي في احضان الوالده الله يطول في عمرها يتجمعون علي الاطفال واقارب الوالده من النساء في حالة ذهول والوالد تبكي ولدي بيموت ولدي بيموت يصل الخبر للوالد ويقوم مفزوع من بين الرجال ويذهبون بي للمستشفى في الاخير (الولد مافيه الا العافيه) جميع الفحوصات والتحاليل سليم 100% مرت الايام وفجاه ومن دون سابق انذار ترجع لي الحاله من جديد ونفس الروتين بكاء الوالده وفزع الوالد وبعدها ب15 دقيقه ارجع طبيعي كان مافيني شي كنت استغرب ماللذي يحدث لي لماذا لست مثل الاطفال الاخرين المهم قرر الوالد ان يذهب بي لشيخ ليرقيني وكان تشخيص الشيخ انني مصاب بعين والحمد لله شفيت تماما بعد فتره وجيزه بفضل من الله ثم الرقيه الشرعيه مرت الايام والسنين دخلت المدرسه وتفوقت بامتياز حتى وصلت لمرحلة 6 ابتدائي كنت اجيد التحدث باللغه الانجليزيه وكان الجميع يستغرب من ذلك بحكم سني واني لم ادرس في معهد ولاكن بفضل من اله ثم حبي للغه الانجليزيه اتقتنتها بنسبة 60% هذا الكلام طبعا في 6 ابتدائي المهم في ليله من الليالي ومن دون سابق انذار واذا بالهلع يعود انتفضت صرخت بكيت لااعلم ماذا حل بي قام الاهل ورقوني وقرؤا علي بعض الايات ثم ارتحت ولله الحمد واختفت فجاه ولم اعرها اي اهتمام مرت الايام والسنين تخرجت من المرحله الثانويه بامتياز ولله الحمد دخلت في شركه مرموقه ولها صيتها توظفت فيها بمرتب مرتفع ولله الحمد وكنت في ذلك الوقت اتقن العزف على العود بشكل خيالي وكنت اسوي سمرات في ايام الاجازه المهم اخذت اجازه شهر وذهبت الى جده وكنا مجموعه من الشباب ساكنين في شقه في جده وفي يوم من الايام وبينما كنت اعزف على العود والشباب داخلين جو واذا بالهلع يعزف اوتاره الله لا يحطكم في مثل هذا الموقف قسم بالله حسيت اني بموت بجد تركت العود وسكت فجاه الشباب قاموا ينظرون لي مستغربين المهم مر الهلع وترك اثاره في نفسي سالوني وش فيك صرفتهم جبت لهم كلام من راسي ومن تلك الليله وانا احس اني متغير كليا مرت الايام رجعت للرياض ومازلت اشعر اني متغير ضربات قلب سريعه اكتئاب ومشاعر غريبه طبعا لم اذكر ايام طفولتي ومع ذلك لم اكن اعلم ماللذي يحدث لي قاومت حتى ذهبت فجاه كل هذه المشاعر اختفت ورجعت طبيعي مثل اول ولله الحمد مرت السنين وفي 10/1/1429 <<< هنا مربط الفرس كنت مع ولد عمي نتمشى في شوارع الرياض فجاه واذا بالهلع ياتي لكن هالمره غير حسيت ان عقلي انفصل عن جسمي والله يا اخوان في خلال 4 دقائق تغيرت حياتي كليا حسيت اني في حلم وان عقلي مو معي حسيت ان الدنيا غريبه لا اله الا الله وش اللي جاني وش صار فيني صرت اردد هالاسئله في نفسي طبعا كل هذا حدث وولد عمي مايدري وش السالفه مابينت له شي رغم اني كنت معه في السياره المهم قلت لولد عمي رجعني للبيت ابغى انام والله ياخوان رجعت البيت واحس اني في عالم ثاني مختلف كليا عن العالم اللي اعرفه انفصال غريب عن الواقع , دوار , خفه في الراس , رعب , واحاسيس غريبه استرجعت ذكريات الطفوله وتذكرت الاشياء اللي حصلت لي بحذافيرها طبعا ماقدرت اداوم تركت الوظيفه كرهت حياتي رعب احس اني وحيد في ذا الدنيا دوار انفصال عن الواقع اشياء مرعبه جدا تخيلوا ياخوان صرت اتخيل ملك الموت وهو جاي بياخذ روحي وساوس عظيمه قاتله ومع ذلك لم اياس بحثت في النت وسبحان الله قادني البحث الى هذا المنتدى الرائع وعرفت ان اللي احس به شي يسمى هلع ارتحت قليلا عندما رايت ناس مثل حالتي ومع ذلك لم اقتنع قلت لازم اشوف لي حل ذهبت الى طبيب نفسي قال انت تعاني من نوبات هلع وصرف لي دواء السبرالكس استخدمته تقريبا فترة شهرين بشكل متقطع ولم استفد منه نهائيا رميته في سلة المهملات وانا طبعا اعتبر نفسي لم استخدم اي دواء لاني لم استفد منه نهائيا استمرت معاناتي لا ليلي ليل ولا نهاري نهار عايش في عالم آخر ملئ بالرعب والوساوس توكلت على الله واستخدمت الرقيه الشرعيه والماء المقري عليه وقاومت وصبرت والحمد لله والله اللذي لا اله الا هو حدث التغير فجاه في ليله وضحاها كما بدأفجاه رجعت نظرتي للدنيا رجع وعيي شممت رائحة الدنيا فسبحان الله دخلت الجامعه في قسم رائع وافضله والان ماشي في الجامعه ولله الحمد والمنه اخواني الغالين انا لم اذكر هذه القصه الا لفائده واحده فقط الا وهي لا تيأس يامن اصبت بهذا المرض الروحي ستشفى باذن الله مهما كانت الاعراض او المده وهذا انا بين ايديكم خير مثال اجعل املك بالله قوي وعليك بالرقيه الشرعيه --------------------------------------------------------------------------------------------------------------------------------------------------------------------------------------------------------------- طريقة العلاج اول شي السلام عليكم ورحمة الله وبركاته اعذروني على الانقطاع حبايب قلبي بس على فكره انا متابع لكم من زمان فحبيت اطرح هذا الموضوع لعل الله يفيد به الجميع بسم الله نبدا ياخوان ويا اخوات نلاحظ هالايام انتشار الهلع بشكل فضيع والله انه غطى على الزكمه صراحه وللمعلوميه ومعلومه مؤكده من اخ مجرب الهلع من اتفه الامراض اذا نظرنا اليه نظره صحيحه يعني المفروض مانعطي هالمرض فوق حجمه انا اتفق معكم انه مرعب واعراضه غريبه والانسان وقت الهلع يحس انه في سكرات الموت او انه قاعد يودع الاحباب والاقارب مع ذلك انا اقول لكم تراه والله العظيم تافه الهلع بكبره ومايصاحبه من اعراض وضيقه واكتئاب عباره عن (فكره) يمكن تستغربون من كلامي لاكن بالفعل هو عباره عن فكره احنا اللي نغذيها وناكلها ونشربها الين تكبر في روسنا وتصبح مرض يجلسنا في بيوتنا طيب اخواني اخواتي الغالين انا بقولكم وجهة نظري عن الهلع بشكل عام وبطرح نقاط لحل هذا المرض السامج التافه طبعا انا من وجهة نظري ان الهلع مرض روحي وليس مرض نفسي انا اقولكم ليش انسان عايش طول عمره مبسوط ماعنده ظغوط ولا مشاكل نفسيه وفجاه في خلال 5 دقايق تتغير حياته فوق تحت انتم عارفين ان الهلع يجي فجاه ويحوس الانسان ويلعب فيه لمده معينه ثما يروح وتبقى آثاره في النفس من خوف واختلال انيه وتغير في مجرى الافكار بشكل واضح ثما بعد كذا تتوالى النوبات منها ماهو خفيف ومنها ماهو قوي طيب في هالحاله انا جزمت انه مرض روحي 1- ياتي فجاه 2-اول تاثير في الانسان هو الابتعاد عن العبادات 3- ضيقه عند سماع القرآن وخوف بعد المرض النفسي معروف انه ينشأ نتيجة ضغوط في الحياه وبعدين ياتي بالتدريج مستحيل ياتي فجاه طيب جا واحد وقال انا من يوم اني صغير وانا فيني الهلع اقول له ارجع لماضيك شوي انا متاكد انك كنت موهوب في شي معين او ملفت للنظر وجاك واحد من هالانفس الخبيثه وصفقك في نفسك واستمرت معك المعاناه حتى الان انا بالنسبه لي ياخوان والله العظيم من يوم كنت في سادس ابتدائي وهالهلع لاعبن في حسبتي كان عندي موهبة اللغه الانجليزيه من يوم اني بزر واذكر الشياب والشباب يجتمعون علي ويعطوني كلمات واترجمها لهم لاني كنت اهوى اللغه وكان عندي خلفيه رغم صغر سني كنت ماعرف شي اسمه عين او حسد الين ذقته المهم ماعلينا اتوقع وضحت وجهة نظري عن الهلع الحين بطرح لكم الحل الشافي والكافي والنهائي باذن الله لهالمرض التافه 1- ماء زمزم او عادي مقري فيه رقيه شرعيه ( شربا واستحماما) 2-قراءة سورة البقره والمحافظه عليها بشكل يومي قدر المستطاع سواء وجه او وجهين كل يوم 3-الاستماع للرقيه الشرعيه على هذا الرابط(مكتوبه ومسموعه على شكل فيديو) http://www.4shared.com/file/95367994.../__online.html اذا تبغى تحملها اظغط على المربع الازرق مكتوب عليه (dawnload) بتفتح لك صفحه ثانيه فيها عد تنازلي اذا انتهى العد التنازلي اظغط على الرابط ويبدا التحميل 4- الشي اللي تخاف منه سوه مثلا تخاف تسافر لان الفكره اللي في راسك تقول لك بيصير فيك كذا وكذا او يمكن يغمى عليك او كلام فاضي انت ادعس على هالافكار وسافر (والله ثم والله مايصير لك شي من اللي في بالك) اذا استمريتوا على هالخطوات والله ثم والله بتشوفون كل خير وبتدعون لي ان شاء الله ملاحظه : يمكن يزيد عليك التعب بعد استخدام النقاط اللي ذكرتها اذا صار لك كذا تاكد انها بداية زوال المرض باذن الله واصبر واستمر وبتشوف كل خير ((ضاقت فلما استحكمت حلقاتها فرجت وكنت اظنها لا تفرج)) وفي الاخير مابي منكم الا دعوات صادقه في ظهر الغيب واعذروني على عدم ترتيب الموضوع بشكل جيد واعذروني على استخدامي للهجه العاميه لان اللغه العربيه عندي دمار ---------------------------------------------------------------------------------------------------------------------------------------------------------------------------------------------------------------- الخلاصه: تطمنوا مهما طالت المده ومهما كانت الاعراض مصيرها للزوال ان شاء الله آسف على الاطاله وفالكم العافيه جميعا دمتم بحفظ الله المصدر: نفساني
|
|||
|
31-10-2014, 04:15 AM | #2 |
عـضو أسـاسـي
|
يعطيك العافيه اخوي مااقصرت :::: سهله ان الواحد يصبر ع الافكار لكن الاعراض الجسديه مصييييييبه الله يعين بس
|
|
31-10-2014, 04:37 AM | #4 |
عضو فعال
|
اخوي فلها وربك يحلها
لو فيك منك اثنين بس بالنتدى صدقني كان مابقى احد مريض باذن الله يارجل والله انك صادق وكلامك عسل وع الجرح وكل اللي قلته ميه ميه وشفاء باذن الله وناوي انزل مواضيع مدعمه لموضوعك من خلال تجرتي بس بالتدريج باذن الله الله يوفقك دنيا وآخره |
|
03-11-2014, 02:47 PM | #6 |
عضو نشط
|
اذا ممكن اخي فلها اذكر لنا بالضبط الأعراض اللي كانت معك
والله نوبات الهلع ووسواس الموت ذمرني وصار لي 7 شهور على هاذ الحال |
|
13-11-2014, 11:44 PM | #9 |
عضو فعال
|
ممكن الرقيه بالتفصيل ...وفعلا انا مع القراءة يزداد القلق والتوتر والخوووووووف و ااتعب الجسدي اكثر شي متعب نفسيا .....يالمني راسي واروح مخ واعصاب ...و تالمني رقبتب وعمود فقري ...وتالني رجولي ووووووو بدوامة زيارة الاطباؤ ...........ويقولون سليم ....اخرها كسل الغده اخذ له علاج وصرت احللها كل شهر عشان ابي اسوف الجرعه قالوووو زينه و ش الحل
|
|
21-11-2014, 04:26 PM | #10 |
عضو جديد
|
ايام ما تنعاد ان شااء الله
الانسان لازم تجيه أوقات وأيام عصيبة وياما ناس شافو أشكال وأنواع من المشاكل بس إيمانهم بربهم خذهم الى بر الأمان الواحد بعد اذا جاءته النوبة لازم يردد في نفسه هههههههه عادي مرحباً يا نوبة الهلع البيت بيتك اذا خلصتي مني قولي لي ثواني ومافيك الا العافية |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|