اين انت يا غريبه

اين انت يا غريبه

السلام عليكم

لحظه هذي اليومين غياب اختنا الغريبه و انتبهت أن غيابه له أسبوع

أتمنى من الله أن يكون المانع خير و تكون في أتم الصحه و العافية يا رب

أرجو من يعرف عنها شيء يخبرنا

المصدر: نفساني

ربي معاها وإن شاء الله ترجع بالسلامة والعافية

ليش ما فيه تعديل 😭😭😭😭

شكرًا أخي الشاكر

وينك يا الغريبه كنت تواسيني 👭اليوم النفسيه زفت و الوسواس و اصل أقصى درجاته

و يقول اني باموت يوم الربوع 😭😭😭😭😭

المشاركة الأصلية كتبت بواسطة حبيبي زوزي

ليش ما فيه تعديل 😭😭😭😭


😭😭😭😭😭

التعديل بيكون في الخمس دقائق الاولى التي تلي اعتماد الرد

و ان كان فيه اي شيئ تريدي تعديله هنا خبريني و اعدل لك اياه ان شاء الله ..

و المرات الجاية ..

و ان كنتِ تريدي حذف او تعديل اي مشاركة افتحي موضوع في الاقتراحات و اطلبي من المشرفين و سيقومون بتنفيذ طلبك ان شاء الله..

هلا حبيبي زوزي انا بخير الحمد الله مشكوره ياقلبي على السؤال عني ومشكور اخي الشاكر
بس تعرفين انا اتصارع مع الوسواس بس الى الان مااعرف النتيجه عشان كذا انشغلت الله يعين بس

👭اليوم النفسيه زفت و الوسواس و اصل أقصى درجاته و يقول اني باموت يوم الربوع 😭😭😭😭😭
لالالالالالالالا وش هالكلام يكفي بلا خرابيط وبلا برابيط <<< وش برابيط بعد ههههههه
بسم عليك تعوذي بالله من الشيطان الرجيم مابك الا العافيه كل هالافكار من ابليس الله يكفينا شره
تعالي تعالي وعلى كيفه يحدد يوم بعد لاتخافين هالحاله مرت علي انا مجربه كل انواع الوسواس طلعت خبيره فيه هههههههه شوفي كان فيه يوم عندي موعد فيه وانا عندي احساس انه ذاك اليوم اللي باموت فيه ومر ذاك اليوم الحمد الله ولاصار شئ
هذي حركات الوسواس معروفه بسم الله عليك هدي اعصابك انتي توكلي على الله بس واتركي عنك هالافكار

شوفي زوزي انا وانتي وهي وهو وهم وهما وهؤلاء وهذا وذاك كلنا نعاني من هالافكار <<< وش ذا دخلنا درس في النحو هع هع هع
على طاري النحو كان فيه شئ اسمه ضمير متصل وضمير منفصل تعرفينه انا ودي اعرف الضمير المتصل
من زمان يتصل هل فيه احد رد عليه ههههههههههههههههههههه

ادري ادري منتي فاضيه للاستهبال ودك تجين وتعطين ذاك الطراق المحترم هع هع هع ههههههههه

بس معليش نحاول نضحك شوي والله انا بعد احس بخنقه وضيقه بس نواسي بعضنا
شوفي يازوزي ان مثلك ويمكن اشد منك ويمكن انتي اشد مني ويمكن فيه احد اشد منا هع هع هع
الاحساس لعب فينا والاشياء نفسرها على كيفينا ونظرات الناس و الاحلام و و و الخ

شوفي ياحببتي كل مايجيك الشيطان ويرمي في قلبك الهواجس المخيفه قولي طيب وظني بالله...
لا الله ماراح يخليني ... لاني توكلت عليه ...... لا الله مايعمل فينا كذا.... لا الله ارحم فينا من انفسنا
وبكذا لو كنا نحسن الظن بالله ماراح يضيعنا لان الله سبحانه مايخيب من رجاه
كذا تحاورين نفسك عرفتي وشلون خلي الثقه بالله عندك اقوى من كل شئ كل ماجاك الخوف قولي لنفسك لا الله مايضيعني انا توكلت عليه

يازوزي خلينا نتفاءل ونستبشر وكل مايجي الشيطان ويرمي عليك مخاوف (راح يحصل لك كذا وراح يصير كذا ويشتغل الخيال راح اموت ) قولي له اقلب وجهك انا عندي حسن الظن بالله والتوكل عليه

الشيطان حااااقد علينا ومايبغى اننا نجح في هذه العباده اللي هي حسن الظن بالله لان لو كل واحد كان ظنه بالله خير كان ماجانا وسواس ولا قلق ولاشئ لكن الشيطان خلى قلوبنا عمياء ماتشوف رحمه الله بس نفكر بالعذاب والخوف والقلق
لان الشيطان هو اللي راح يدخل النار وبيتعذب عشان كذا يبغى يجرنا معاه

يااختي الله سبحانه وتعالى له اسماء كثيره منها الرحيم والرحمن الودود اسماء تدخل الطمئانينه الى القلب
الوكيل اسم من اسماء الله اسم جميل ومريح طمانينه وسكينه راحه نفسيه هدوء نفسي

خلينا نعيش مع اسماء الله يعني كيف اقولك كيف
ابكي ونادي باسماء الله الحسنى
انت السلام ادخل السلام الى قلبي
يارحيم ارحم حالتي
يارحمن ارحم ضعفي
ياشافي اشفني
ياكافي اكفني من هذا الوسواس
امرك بين كاف ونون يالله عجل بشفائي
وهكذا كل اسم ادعي به

لو ماقدرتي تدعين او تطلعين الكلام اللي بقلبك لان بعض المرات من الحزن والياس مااقدر اتكلم ولاادري وش اقول اسجدي وطلعي البكاء اللي بقلبك كله حتى لو ماكنتي تقدرين تقولين شئ
الله يشوفك وعارف وش بقلبك وعارف وش بتقولين وصدقيني يبداء الهدوء يدخل قلبك جربيها اذا حسيتي بضيق او خوف

انا عارفه انه غصب عنا نوسوس وغصب عنا نحس بالموت ولكن نحاول قولي لنفسك لقد حان الوقت لاتجاوز كل مخاوفي وظنوني حتى لو تعبت ساستمر بالبحث عن بدايه جديده
هذا لان ثقتي بالله كبيره


شوفي ياقلبي هذي رقيه شرعيه كامله رقية نافعة و مؤثرة من القرآن والسنه، اسمعيها وثقي بالله انك راح ترتاحين اجلسي بهدؤ واسترخي واسمعيها كلها

الله يوسع صدرك و يسعدك في الدنيا و الأخره يا رب

يقولون مطول الغيبات جاب الغنايم وين الغنايم حقتي 😁😁😁😜🎁🎁🎉

وين الغيبه و ربي فقدتك

الله يسعدك وين ما كنتي يا رب و يخليك لعين ترجيك يا رب

شفتي كيف الوسواس حقي يحدد مواعيد بعد << مستشفى حكومي ههههههههه😁

لان بكره عندي موعد في السفاره الأمريكية و مرره خايفه 😭😭 و الوسواس جالس يلعب
لكن. ربك وحده يعين

و ربي فرحت يوم شفت اسمك لا تقطعين يا دبا 😜😜

😘😘😘😘😘

ههههههه ضحكتيني اختي الغريبه

بس بصراحه كلامك يريح انا مثل الاخت حبيبي زوزي معاناه مع هالوسواس الي مو راضي يروح عني

ربي يشفيج اختي حبيبي زوزي ويشفيني يارب ويشفي جميع مرضى المسلمين .

هلا و الله أختي جامعه موسوسه

الله يسعدك و يشفيك من هذا الوسواس المتعب جداً يجعل الحياه بلا طعم


يا حبايب فقدت سويدي لها كم يوم ما نزلت موضوع عن وسواسها يا رب يكون المانع خير

مشكوره يازوزي على هالدعوات الحلوه الله يوسع خاطرك ويجعلك دايم بضحك وسعاده ياارب
الغنايم ماراح تجيك الا اذا تشافيتي من الوسواس وبعدها ابشري ههههههههههههههه

حلووه مستشفى حكومي هههههههههههههههههههه
ا نا افرح بك اكثر يازوزي وابشري يالنحفيه هههههههههههههههههه ماراح اقطع ان شاء الله

(جامعيه موسوسه ) عسى دوم الضحكه ان شاء الله
انتي موسوسه جديده هلا بك بين الموسوسين راح نتبادل خبرات صرنا خبراء في مجال الوسواس هههههههههههه

(((((انا مثل الاخت حبيبي زوزي معاناه مع هالوسواس الي مو راضي يروح عني))))))))

لالالا وش هالكلام الوسواس راح يروح عنك موب على كيفه مايرضى بالطيب ولا بالقوه ان شاء الله بيروح ويزول ويذهب ادراج الرياح بس نبي شوي قوه وتوكل على الله صح

السويدي بخير ان شاء الله بس الاحساس تعبها ياقلبي يالسويدي والله اعرف شعورها اااااااااخ ياذا الاحساس دوخنا كلنا حسبي الله عليه

(((((((بكره عندي موعد في السفاره الأمريكية و مرره خايفه 😭😭 و الوسواس جالس يلعب)))))))
لكن. ربك وحده يعين

وش هالكلام يازوزي لاتخافين ان شاء الله تروحين وترجعين بالسلامه وليش الخوف تراه مشوار عادي بس الشيطان لقى شئ يخوفك فيه
شافك خايفه من الموعد قال ياولد جت الفرصه خلني العب واخوفها فرصه لاتعوض وقام يرسل لك افكار وانتي قمتي تستقبلين
هالافكار وتصدقينها ولكن هي مجرد اوهام ووساوس صدقيني هالشئ صار معي عشت بخوف وقلق ولكن ماصار شئ حركات الشيطان صارت قديمه كح كح كح كح غباااااار هههههههههههههههه الوسواس اللي تعانين منه ماهو جديد كلنا جربناه

شوفي يازوزي اغلقي عينيك واسترخي استرخي خذي شهيق وزفير كرري شهيق وزفير لاتشغلين تفكيرك حاولي لاتفكرين بشئ
كذا تمام الحين قولي بصوت عالي (الله خير حافظ وهو ارحم الراحمين ) كرريها وانتي واثقه قوليها من قلبك اعيد واكرر من قلبك استشعري الكلمات
استرخي مره ثانيه قولي بصوت هادئ (حسبي الله لا ألـــــــه الا هــــــو عليه توكلت وهو رب العرش العظيم ) قوليها سبع مرات استشعري بكل حرف تقولينه
كذا تمام خلاص الحين انتي توكلتي على الله ولاراح يجيك مكروه ولاشئ بأذن الله لانك توكلتي عليه وهو سبحانه ماراح يضيعك
والشيطان الخبل خليه مع نفسه يوسوس حتى ينفقع راسه ههههههههههههههههههه
وكل ماحسيتي بالوسوسه بدت تشتغل قولي حسبي الله لا ألـــــــه الا هــــــو عليه توكلت وهو رب العرش العظيم )



وش رايك نغير السالفه نغير الجو طيب خلينا نطلع من سالفه الوسواس
شوفي زوزي جبت لك شيله حلووه مرررره ابغاك تشوفينها وتتخيلين نفسك بالامكان اللي بالفديو القصيده عن طلعه البر وعن ان الواحد لازم يطلع من همومه ويشوف الدنيا شيله حلووه
ترى شئ بسيط شغلي خيالك وتخيلي نفسك بالامكان الحلوه اللي راح تشوفينها
وحاولي ان شاء الله يعجبك الفديو ادري ادري تقولين وش هالفاضيه تجيب اناشيد وخرابيط بس ودي اغير الجو شوي ابغاك تنسين شوي ياويلك اذا ماشفتيه

مشكورة أختي غريبه المقطع جداً رائع

أشكرك على و قفتك معي

إذا رجعت أن شاء الله بكره من مشوار السفاره أطمئنك مع اني مرعوبه من شيء اسمه سياره

استودعتك الله الذي لاتضيع ودعائه
الله خير حافظ وهو ارحم الراحمين

توكلي على الله ولاتخافين

انتظرك وانتظر العلوم الطيبه ان شاء الله

يسلموووو غريبه

و الله اني جالسه اضحك على حالي هههههههه

في الطريق أقول ما راح أوصل السفاره و لما و صلت قلت أكيد فيه احد بيفجر ههههههههه مع انه تشديد امني مؤ طبيعي لدرجه اني دخلت بدون شنطه أو جوال و في طريق الرجعه نفس الحكاية

لكن الحمد لله مشت أموري بتيسير من ربي

اول ما وصلت البيت سجدت لربي شكر و الحمد لله

الحمدلله على سلامتج اختي حبيبي زوزي


ياريت والله هالوسواس يروح مثل ماقلتي اختي غريبه
انا ماسجلت بهالمنتدى الا لاني حبيت وقفتكم مع بعضكم البعض
واتمنى اني اطلع من اللي انا فيه قريبا بمساعدتكم لي


وربي محد يحس باللي فيه الوسواس الا اللي عايش التجربه والله حياتي تغيرت بس سبحان الله صح انه ابتلاء بس سبحان الله صارت علاقتي بربي اقوى حتى صلاتي صرت احافظ عليها اكثر واكثر والاغاني قطعتها
احمد ربي الف مره لاني تغيرت للاحسن احيانا اقول فخاطري ليش انا صابني هالوسواس بس اقول سبحان الله هالوسواس خير لي

بس احس اني مب قادره ارجع مثل اول يعني صارت نظرتي للحياه سوداويه مادري ليش يعني ماعدت اقدر امارس حياتي الطبيعيه بس الحمدلله على كل حال .

اسأل الله الشفاء لي ولكم يارب .

تصدقين الحسنه الوحيدة في الوسواس انك تعرفين ربك و طريق الحق

لكن العيش مع الوسواس صعب جداً انا من أصابني الوسواس ودعت النوم أنام 3 ساعات و اصحي و بعدين أنام 2 و الله اليوم كله و نومي مقطع

الله يشفينا جميعا يا رب

غريبه رجعتي و اختفيتي 😡😡😡