لا اعرف انا صح او غلطانه

لا اعرف انا صح او غلطانه

السلام عليكم و رحمة الله و بركاته يا اخواني و اخواتي انا عندي اخت متزوجه قبل عشرين سنه ,خلال ها عشرين سنه ما خلت فينا شي!هي مع ريلها مب متوافقين لا راضيه تيلس نفس الناس و لا راضيه تتطلق , شغلها الوحيد تتصل بيوت اهل ريلها و اتسبهم و اتحملهم مسؤولية فشلها في زواجها لان زوجها عنده ضعف الجنسي و هي ما تباه الطلاق عشان عيالها, فضهتنا قي كل المكان , ما عندنا سمعه بين الناس , الناس يقولون كل الاخوات نفس البعض ,لدرجه يخافون يتقدمون لنا , انا في ثلاثين من عمري , خلال ها السنوات كنت وياها و اعطيها النصائح و لاكن بدون الفائده اتقول انتو اعدائي و انا حره في تصرفاتي , طيب نقول ها التصرفاتج يتاثر علينا و الناس يقولون كل الاخوات نفس البعض و يخافون يرتبطون فينا !!!! ما تهتم الا لنفسها,و بعد صفه مب زينه فيها اتروح اتيب الكلام من عندها و اتقول ها الكلام فلانه قالتلي مع ان نحن ما عندنا خبر بها الكلام !!!!!!!!!!!!!!! انا عن نفسي تعبت وايد ما اقدر اتحمل اكثر كل يوم مشكله , المعروف اللي سويتها خلال ها سنوات من الاهتمام بها و باعيالها عندها لاشي دوم اتقول انتوا ما سويتوا لي شي !!!!!!!!!!ما تعترف بشي اتقول ما يهمني شي لا سمعه و لاشي , طيب نحن نباه سمعه عشان نعيش بين الناس اذا انتي ما تبين!!!!!!!!!!!! تعبنا من كلام الناس اللي يقولون لنا اختكم كذا و كذا. بعد ما نفع النصائح معها انا قررت و قلت لها ما اتشرف انج اتكونين اخت لي و انتي بطريقه او باخرى اتحطمينا جدام الناس و الناس ياخذون فكره مب زينه عننا , لا تكلميني و لا ابي اعرف عنج شي و الحين انا زعلانه عنها ثلاثة اشهر و الصراحه مرتاحه من مشاكلها و فضائها, سؤالي هنا هل تصرفي صح و هل حرام اني زعلت منها ,بصراحه تعبت ماني اعرف شو الصح و شو الغلط مع الاخت , بس كلام الناس وايد يزعلني لما يرمسون عنها و يقولون كل الاخوات نفس البعض و هي ما تهتم بسمعتنا جدام الناس.ارجوا من اصحاب الخبره و الدين ان اتردون علي.

المصدر: نفساني

أختي الكريمة : طيور مهاجرة

هذا موقع متخصص بالرد على مثل هذه الأسئلة فبالإمكان أن توجهين سؤالك ويردون عليكِ بإجابة شافية بإذن الله ,,

http://www.islam-qa.com/ar

ولاتنسين يا أختي الكريمة أختكِ من الدعاء لها بالهداية وتحري أوقات الإجابة واطلبي كذلك من والديكِ الدعاء لها ,,

اللهم ياحي ياقيوم أهدي أختها وردها إليك رداً جميلاً ,, آمين ,,