تذكرت مواقف صارت قديم !!

تذكرت مواقف صارت قديم !!

مرحبااااا يااخوان اليوم جلست اتذكر اشياء صارت لي من زمان ابي اخذ رايكم هل لها علاقه بحالتي او لا ايام الثانوي كنت دائما اشعر اني سأموت ويتوقف قلبي وكان اخوي الكبير يوديني الطوارئ ولكنها لم تجم طويلا تقريبا جتني شهر بعدين راااحت ... ومرت علي ايام كنت اتخيل اني اقتل نفسي وكانت متأكده اني راح ااذي نفسي بشي وفكرت اني اجرح احد بالسكين كنت ابكي واروح اكلم اختي المتزوجه وكانت تقولي مت الشيطان لدرجة اني كنت مااحب امسك السكين اتوتر .... واخاف وبعد ماصرت بالجامعه راااحت مني وصرت اضحك كل ماتذكرتها... بس صرت عصبيه حيييل ودايم اكبر المواضيع واسوي منها مشاكل وللحين اعاني من هالشي بسرعه اعصب مااتحمل شي .. مع ان علاقاتي طيبه مع الناس ولي صداقات كثير ومحبوبه بين قرايبي واهلي يعني عصبيتي مااثرت على علاقاتي الحمدلله.....الاحظ دايم اشد رقبتي على جهه وحده دايم اسكر على اسناني بقوه واشد حيييل

المصدر: نفساني

اعتذر الاخطاء الاملائيه لاني اكتب من الجوال

هلا ام شجاع احسج نفسي انا جدا اجتماعيه بس فيني مشكله وايد حساسه يعني اشلون ؟ بسرعه اصيح ماستحمل اشوف حد يصيح الا انا انزلت دموعي . بس انا ماعمري صادتني حاله بالعكس انا مرحه واحب الوناسه والضحك والطلعات بس من حملت وولدت وانا تغيرت 180 درجه .. مدري تهقين عين خخخخ . الحمدالله يمكن من كثر ما احنا حساسين 😍😍😍

انا مثلك تماما لي فترة استرجع ايام زمان وفعلا احس لها علاقه يعني انا اذكر لما كنت فالابتدائي دايم ابكي واخلي امي تحس نبضات قلبي اقولها يدق بسرعه وكمان كنت اخاف من يوم القيامه وتجيني كوابيس واصحى مرعوبه واجلس ابكي وخوووف يوم الجمعه بالذات رعب لي استنى الشمس تغرب والحروب هذا اكثر شي كان يتعبني وكمان الشخصيه الحساسه اكثر شي عرضه للخوف والقلق

بالنسبه لام سي في اتوقع انو الي فيك اكتئاب مابعد الولاده وممكن عين ليش لا ...ارقي نفسك واستمري ع سورة البقره اخذها بركه.والاستغفار مفاتح لك باب مغلق باذن الله لانو الواحد منا مايدري ممكن يكون بسبب ذنوب ا رتكبناها ضنناهاصغيره وهي عند الله كبيره .
اللهم ان كان مااصابنا بسبب ذنوبنا فاغفر لنا وارحمنا.

انا احس الحامل كثير يجيهم
يعني المفروض ماتخفون
احنا الي ماندوي وش نسوي

انا وايد حساسه و مزاجيه جداً و من يوم كنت ف المتوسط كله اوسوس و احس بضيق
تنفس و امي شخصية وسواسية كانت بس الحمدلله تغيرت و تغلبت على هالشي ودايما
تقولي لا تخلين الشيطان ايسيطر عليج حاربيه اتغلبي عليه ... اه يارب محد ايحس فينا والله
و على فكره انا اجتماعيه و محبوبه و دمي خفيف و مرحه بس من صارلي هالشي انعكست
الآيه صرت اتهرب من المناسبات و الطلعات و العزايم ... يارب رحمتك ياالله ♥

انا بعد ساره نفس الشي صرت اتهرب من كل شي في طلعه تجيني ضيقه سبحان الله لا وينتفخ بطني انزين ليش مدري عوامل داخليه هههه

والله يا ام سيف نفسي تحسين بطنج صار طبل هههههههه
اللع ايعينا يارب و تكون مجرد ذكرى عابره

اي والله طبل كبير هههه ،، امين يارب نتفاءل