|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
29-08-2006, 08:18 PM | #1 | |||
( عضو دائم ولديه حصانه )
|
حبيت يكون في اول مشاركه لى حبيبي
يبـه شلـونك
يبه شلونك...ملل هالــكــون من دونك .. يبه شلونك ؟؟وتمضي رحلة الدنيا.. بليا طلة عيونك..؟؟!! يبه شلونك ؟؟وشلون المرض وياك ؟؟ بعد ماهدك بدنياك..عساها تغمض جفونك ؟؟ تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟ .. يبه امي تخيلك دوم...تغني لك مع القمرا.. يبه واللي خذاك بيوم....خذا بنيتك بكرا.. خذا.. وياماخذا.. وياما..خذا ناس يحبونك يبه حنا صرنا كبار..توفقنا وتخرجنا.. يبه ماعاد فيه صغار..يموج بهالزمن كل شي.. وحنا ماتموجنا..على ذاك العهد نسري.. نبيع العمر والدنيا..ولا تخلف بنا ظنونك يبه شلونك ؟؟تبي تدري عن اخباري ؟؟ عن افكاري وتذكاري ؟؟ اشيلك داخلي جمره ..وبعيون الحزن عبره..تغرقني .. وتحرقني.. اشوفك نجمة تجبر..مراعيها .. يراعيها.. واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !! يبه تذكر زمان مر؟؟ يبه تذكر مجالسنا ؟ مقلطنا ومجلسنا ؟ وحارتنا ومسجدنا ؟ يبه تذكر هدايا العيد ؟ صلاة العيد؟ وبشت العيد؟ يبه تذكر سوالفنا ؟ لاجل هذا .. وكل هذا .. اقول اليوم يايبــه .. ملــــــــــــــل هالكون من دونك يبه وينك ؟؟ .... ولهت لنظره من عينك .... يبه وينك ؟؟ اشوفه طوّل غيابك !! ... و من ودّاك .... ما جابك !! قالوا ما يدوم الزين !! ... و انا عندي امل للحين .. و لكني اعرفك وين !! يبه وينك ؟؟ عسى الداعي يبه بس خير ؟!! عساك بخير .... مداين تكرم لعينك ... بس ارجوك علمني ... علمني .. يبه وينك ؟؟ سألت امي عن رجوعك ... ولا كني اعرفك وين !! و قالت .. ما يدوم الزين !! ... و انا .. عندي امل للحين .. في رجوعك !! .... يبه بس تكفى علمني .... متى رجوعك ؟؟ .... يبه بس تكفى علمني . وش احلى من طلوع اثنين ؟؟ طلوع الشمس .... و طلوعك يبه وينك ؟؟ سألت امي ...... غيابك طال ؟؟ ولا كنّي اعرفك وين !! و قالت مثل ما قالت .. حسافه ... ما يدوم الزين ... مع كل هذا صدقني .. انا عندي امل للحين !! سؤالي عنك يالوالد .. صار كما الموال و اشوفه طال ... والله طال .. حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه .. يبه .. ارجوك علمني ... تشوف اللي انا اشوفه ؟؟ انا اشوفك نهار و ليل ... في وسط المجلس تصلي .. و تدعي الرب ييسر لي .. يبه .. ما عاد بي من حيل .. وين الحيل ؟؟ و انا اشوفك نهار و ليل .. مع اني ادري ما ترجع !! غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !! يبه .... وينك ؟؟ و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك .. و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !! يبه.. كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!! ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم .. بس عندي امل للحين !! ... و لا كنّي اعرفك وين !! يبه .. ذكراك تفرحني .... في نفس الوقت تجرحني !! ... لا من جبت في طاريك ... دموعي غصب تفضحني .... يبه .. تذكر ليالي الصيف ؟؟ عرس الحي .. و رقص السيف ؟؟ و كرم قلبك معَ هـالناس .. كل ٍ كان في بيتك ضيف .. الا يا حيف .... الا يا حيف .. زمن قاسي .. زمن قاسي ... اخذ مني بلا رحمه ... اخذ مني اعز ناسي !! و خلاّ لي سهر هالليل .. في عيني ضيف .. الا يا حيف !! يبه وينك ؟؟ تعال و شوف ... كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف .. يبه وينك ؟؟ تعال و شوف .. صحيح الدنيا ما ترحم .. تجرعنا التعب انواع ... و لكن الأمل ما ضاع .. و انا عندي امل للحين !! ... و لا كني اعرفك وين !! يبه تذكر شطانـتـنا ؟؟ انا و اخواني و اخواتي ... معانا عيال حارتنا .. نلعب في زوايا البيت .. يبه ... والله انا حنيت .. لذاك الوقت في وجودك ... الا يا ريت ... الا يا ريت ... ترجع .. يا يبه حنيت .. حسافه الدنيا ما ترحم ... خذت منا سعادتنا ... خذتك بعيد .. و خلتنا !!! يبه امي تذّكرنا ... بأيامك قبل ما تروح ... تناديها.. يا روح الروح .. تغازلها و تنظر لك .. مثل طفله ... ملامحها عشق مفضوح ... في ذاك الوقت .. كنا صغار ... معَ هذا ... كنا نغار .. عليها .. او بعد منها ... كنا نغار نحبك يا يبه ... ارجع .. مثل شمس الفجر .. اطلع حزينه الشمس في غيابك .. و نفس الحزن في احبابك .. واخاف الشمس من حزني .. تغيب و ما بعد تطلع !! .. يبه ارجع !! ... اذا لي خاطر فـ قلبك .. تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم .. لكن قلّت الحيله ... و يمكن مـ البطا ضاعت .. و قلنا يوم !! يبه سامحني بترخّص ... قبل ينشف حبر الأقلام .. كلامي بعده ما خلّص .. و لكن موعد الأحلام .. حان .. ولازم اوفي له.. بعد ما ضاعت الحيله .. اشوفك والوعد باكر !! اذا فكّر يجي باكر ..!! .. و برجع اسألك وينك !! بس لازم تجاوبني .. ترى عندي امل للحين !! .. و لا كني اعرفك وين ..!! يبه شلونك ؟ ملل هالكون من دونك يبه شلونك ؟ وتمضي رحلة الدنيا ... بليا طلة عيونك لاجل هذا ... وكل هذا ... اقول اليوم يابـيـي ملل هالكون من دونك منقووول النص الذي في الاعلى هو احد أجمل نصوص الشاعر مسفر الدوسري هي قصيدة كتبها رثاء بوالده رحمة الله عليه أنا حبيت أنقل لكم هالقصيده لأنها تعبر عما في داخلى والله يرحمك يابوى المصدر: نفساني
|
|||
|
29-08-2006, 08:27 PM | #2 |
الرئيس
الرئيس
|
اختي فاتن
رحمة الله على والدك ووالد الشاعر ،، بكل صدق ،، هذه القصيده من أجمل ما قرأت ،،، عسى تكون آخر الأحزان ،،، ومثواه الجنان ،،، ان شاءالله تعالى ،،، دمتي لنا بكل الود ، سنقوم بنشر هذه القصيده الى كل اعضاء نفساني بالبريد الخاص . |
|
29-08-2006, 08:38 PM | #3 |
( عضو دائم ولديه حصانه )
|
اللهم اغفر له وارحمه واسكنه الفردوس الاعلى من الجنه
ووسع مدخله واغسله بالماء والثلج ونقه من الذنوب والخطايا اللهم امين |
|
29-08-2006, 08:44 PM | #4 |
عضـو مُـبـدع
|
غفر الله لوالدي ووالدك .. وجميع أموات المسلمين ..
قصيدة حزيـــــــــــنة ... مؤثرة ... معبِّرة !! رحم الله موتى المسلمين ،، ( ولكن في النفس شيء من هذا النص : الا يا حيف .... الا يا حيف .. زمن قاسي .. زمن قاسي ... اخذ مني بلا رحمه ... اخذ مني اعز ناسي !! و خلاّ لي سهر هالليل .. في عيني ضيف .. الا يا حيف !! ) هو قَدَر الله .. وكل أقدار الله رحمة ..! وإن بدا لنا غير ذلك ! ولا يظلم ربك أحدا .. حبذا التنبه لذلك عند إرساله أو نقلها ،، ولكم شكري .. وامتناني ،، |
|
29-08-2006, 08:48 PM | #5 |
( عضو دائم ولديه حصانه )
|
مساء الخير :
أختي فاتن عسيري أسمحيلي بدايتاً أن أرحب بكِ بيننا في نفساني بين أخوتك و أخواتك ... أختي الغالية : رحم الله والدك ووالد الشاعر و أسكنهم فسيح جناته ووسع الله في قبرهم و جعلهم مع الأنبياء و المرسلين ... قصيدة جداً مؤثرة أثرت بي كثيراً أسأل الله يعوض صبركم الجنة و يجمعكم بوالدكم في أعالي الجنان ... تقبلي تحياتي : سمية القحطاني ... |
|
29-08-2006, 10:44 PM | #6 |
عـضو أسـاسـي
|
ملــــــــــــــل هالكون من دونك
يبه وينك ؟؟ .... ولهت لنظره من عينك .... يبه وينك ؟؟ كلمات صادقة احسنتِ على هذا النقل وحقا رائعه ابكت مشاعري تحياتي لكِ |
|
30-08-2006, 07:34 AM | #9 |
مراقبه سابقه ( لديها حصانه )
|
روووووووووعه
الله يغفر لابانا وابائكم ووجميع المسلمين الاحياء منهم والميتين فتونه تدرين لم اسمع هالشريط اتمني اقفل المسجل لان ابوي كان يتيم واحس لما يسمعه يسجم بعيد عنا |
|
30-08-2006, 09:24 AM | #10 |
( عضو دائم ولديه حصانه )
|
قال تعالى (وقل رب ارحمهما كما ربيانى صغيرا)
وقال تعالى (رب اغفرلى ولولدى ولمن دخل بيتى مؤمنا وللمؤمنين والمؤمنت ) اللهم اغفر له وارحمه وعافه،واعف عنه وأكرم نزله،ووسع مدخله،واغسله بالماء والثلج والبرد،ونقه من الخطايا كما نقيت الثوب الأبيض من الدنس، وأبدله دارا خيرا من داره واهلا خيرا من اهله وزوجا خيرا من زوجه، وادخله الجنه ،واعذه من عذاب القبر وعذاب النار .اللهم لجميع موتا المسلمين . اشكر كل الى شاركنى بلا استثنا ودمتم في امان الله |
|
01-09-2006, 06:12 AM | #13 |
عضو نشط
|
لطالما احببت ان اكتب ما يختلج في نفسي وانسج خيوطا من كلمات في ذاكرتي لمصابي المؤلم
ولكن يقف القلم وتقف كل الافكار عندما افكر ان اكتب فقط عنك يا ابي وها انا ذا يراودني نفس الاحساس واقف عاجزة تماما عن الرد ولا يسعني إلا دمعتــــــــــــــــــــــــــــــــــــــــــــــ ــــــــــــــــــــــــــــي و دعوتــــــــــــــــــــــــــــــــــــــــــــــ ـــــــــــــــي و تصفيق ملئ السحاب على شجاعة من كتب ومن نقل ــــــــــــــــــــــــــــــــــــــــــــــــــ ـــــــــــــــــــــــــــــــــ ////////////////////////////////////////////////// |
|
01-09-2006, 09:37 PM | #14 |
عضو
|
السلام عليكم ورحمة الله وبركاته
اختى الغاليه اقرا قصيدتك وابى على فراش المرض ولا تدرى كم االمتنى ارجوكم جميعا ادعو له بالشفاء |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|