|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
25-01-2005, 10:11 AM | #1 | |||
عضـو مُـبـدع
|
خروف العيد
في يوم الوقفه في عرفه كل يكون صائم ويكون كل مشغول في تجهيز لوازم العيد يعني( ربشه في ربشه) الحريم مشغولين في المطبخ وشغالات مشغولات في التنظيف الكل معتفس
سواقين مشغولين. صحيت من النوم صحيت من النوم حوالي الساعه9 صباحا فتحت التلفزيون اشاهد نقل المباشر في عرفه اتصلت جدتي (مديره البيت ) هيه معنا في البيت صباح الخير الغالي رديت عليها الله يستر صباح النور الغاليه ابويه لبيه جدتي ترا اليوم عمك بيسافر وين انشالله وحد يسافر اليوم. ترا الغالي عنده موعد عند الدختور هذا الي في لندن الي سوالي العمليه من سنتين . هها انزين شوالمطلوب روح سلم عليه وبلمره بتوصله المطار. ليش وين عياله .نايمين. ها انشالله جدتي. الله يستر سبحت وخلصت ونزلت عند جدتي. ابويه .نعم جدتي. ترا خالتك موصيه تشترلها 3 ضحايا وانا ابغي اضحتين عني وعن جدك الله يرحمه. ليش خالتي وين عياله. اتقول نايمين.ها ماشالله زين. رحت عند عمي ركب السياره وصلت المطار نزلنا الشنط . اشوف عمي يطلع لي فلوس خير عمي لا بس ابغي اعطيك تشتري لنا اضحيه.ها انشالله الاحول والاقول الابالالله الله يستر . سلام عليكم رفيق. باكستاني . ها كم ضحيه. والله ارباب الف درهم . والخيبه الف كثير الا ارباب هذا ويايد زين هذا في واجد كبير .ها اتخلص 700 ولا اروح عند غيرك. ارباب 800 زين. شوي اتصال من عند مديره العمليات يعني( جدتي) ابويه. نعم جدتي اشتريت والله يعني . زين الغالي لا تنسا ذبيحه الصبح علشان نسويه حق الضيوف. انشالله جدتي فالج طيب. فالك ميخيب الغالي وتحمل من من عمرك الاينطحك خرف. ريدينا الي البكستاني شوف رفيق انابغي 7 اضحيه 700درهم بس . الانا في خساره هذا واجد غالي انا ايشتري. بسك 750 زين.خلاص اوكيه بس مافي خبر نفر انته بشتري 750 خبر 800 درهم . الله يهديك وانا بمشي في الشارع وسوي اعلان. يالله حمل داخل وانيت. الحمد الله خلاصنا. وصلت المقصب علشان اذبح ذبيحه الصبح السلام عليكم رفيق.كم يذبح . خمسين درهم. اتوكل علي الله شوف رفيق انا يروح اصلي ويجي انته سوي خلاص جلديه واكيه. اوكيه ارباب. بعد ماخلصت من الصلاه اشوف الوانيت فاضي مافيه الضحايا . اعوذ بالله وين راحو دور منه اسال الباكستلنين الموجودين في المقصب ماشفتو خرفان داخل الوانيت ماحد رد عليه رحت داخل المقصب اسال الي اخذ الذبيحه اساله وين راحوا. قال ارباب مافي خوف ومجودين.وانااسال بعصبيه وينهم .انته مايشوف معلقات داخل مسلخ. انا سوي كلش ذبح مافي خوف.كلش .كلش. حسبا الله عليك هذيل ضحايا علشان بكره الله يسلخك قول امين الاحول ولا قوه الابالله العلي العظيم. شواسوي الحين. شوي (مديره العمليات) اتسوي تلفون تسال ليش اتاخرت. ابويه نعم جدتي خالتك تقوا اشتر خرفان مو غنم. ها غنم ولخرفان تم فيها غنم ولاخرفان الحين ماتدرين شوصاير. شو اسوي الحين. شوصاير ياولادي . تراالقصاب ذبح الخرفان كلهم مال الضحايا. جدتي والاخيبه اتخيبه كلهم . كلهم ياجدتي . والحين شو بتسوي بالحم. شوبسوي بعد بفتح دكان وببيع. انزين الاتنسا كبد مال الخرف. والله فاضيه. شوا . لا جدتي مافي شي جدتي روح الحين اشتري غيرهن . انشالله. اخواني ارجوالسموحه علي الاطاله المصدر: نفساني
|
|||
|
25-01-2005, 06:01 PM | #2 |
V I P
|
أضحك الله سنك
والله إنك نشمي ياأخوي مروان رجل المهمات الصعبة ماشاء الله عليك والله يعوضكم خير على الضحايا ألي ذبحو قبل العيد |
|
26-01-2005, 12:19 AM | #3 |
عضـو مُـبـدع
|
هههههههههههههههه شكلك بتحقد على عيد الاضحى بقووووووة يالله وسع صدرك وليتنا نعرف بيتك كان وصيناك تجيب لنا اضاحى
|
|
26-01-2005, 09:03 AM | #4 |
عضـو مُـبـدع
|
ههههههههه مشكوره اختي نور اي مهمات الاعذاب الله يستر بس
اختي دموع كل عام وانتي بخير بس وصي جدتي وهي بتقوم بالواجب العيد جاي مشكووووووووووووووووورين علي المرور |
|
26-01-2005, 08:12 PM | #5 |
عضـو شرف
|
عيدك مبارك اخي مروان
قصة طريفه بالفعل لكنها بالنسبة لك ......:( عوضك الله وخلف عليك بخير |
التعديل الأخير تم بواسطة قمر الدجى ; 26-01-2005 الساعة 08:15 PM
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|