كيف اتصرف ؟ تعبت

كيف اتصرف ؟ تعبت

السلام عليكم ورحمة الله و بركاته

ذكرت قبل كمن يوم باني خايفه اروح و اختبر و هالاختبار مهم لان لو كتب لي الله النجاح فيه بقدر ارجع اكمل دراستي في الجامعه اللي عطوني فصل فيها.

والله من يوم ما سجلت وانا احاتي الامتحان و ادري اللي اسويه غلط الافكار هي اللي تتعبنا و تخوفنا
لكن ماقدر مافكر احس بخوف و كيف بتصرف و اذا صار شي كيف بطلع من القاعه
الناس بتضحك عليه و الخ

كان عندي امتحان اليوم و من الخوف و الضيق مارحت
لكن اتصلوا فيني و قالوا تعالي باجر يصير

في شي فيني يقول روحي لان هاي فرصتي
و الشي الاخر يقول شمعنه كل ما تاجلين يصير شي بمعنى يعني طنشت الامتحان بس عندي فرصه !

خايفه والله شو اسوي كيف اتصرف.

المصدر: نفساني

روحي هذي فرصتك
صدقيني لما بتفكرين فيها بعدين بتندميييييين انك مارحتي
بسبب الخوف
بتنقهرين من نفسك اذا فاتتك الفرصه و جلستي بالبيت بدون دراسه
وعلى فكره ترا لما تنفصلين من الجامعه "بعيد الشر" يصير بملفك زي الملاحظات
ولما تروحين تسجلين بجامعات ثانيه احتمال ما يقبلونك عشان مفصوله من جامعه حكوميه فهمتي
ما اقول هالكلام عشان اخوفك
بس عشان تعرفين ان الفرص ما تتضيع ولازم تستغلينها و تروحين
وان الوضع مو لعبه ولازم تضغطين على نفسك شوي و تروحين الاختبار و تختبرين وترتاحييييين
وشوفي كم مره صارت مناسبه او عزيمه وجمعه او اختبار وكنتي خاااايفه
ولما رحتي ما صار شي
هي كلها افكار تلعب بروسنا بس ان شاءالله انك تقدرين تتغلبين عليها

والله العظيم اذكرها كنت باختبار وجتني نوبة هلع وربي قلت بموت مقدر اختبر وطلعت وسحبت عليه ورجعت صرت اقول بروح المشفى بموت بعدين راحت وتندمت اني طلعت منه جبت نتيجة سيئة بسبب الوساوس والشياطين اعوذ بالله فانصحك تروحين وتتوكلي على الله احسن ما تندمين