|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
23-06-2017, 09:20 AM | #1 |
عضو فعال
تاريخ التسجيل: 12 2016
المشاركات: 36
|
قصتي مع حالة الاغماء
السلام عليكم ورحمة الله و بركاته
كيف الحال أن شاء الله بخير و كل عام و أنتم بخير -- أنا عندي مشكله و أعاني منها لي ٩ شهور و تعبت والله لدرجة أي أحد يقول مافيك شي تجاهل الي يجيك أمسك دمعتي لأني جالس أضحك على نفسي منذ ٩ شهور ببدأ بقصتي : يوم من الأيام كنت في أحد المطاعم و جالس اتعشى و طلعت و قابلت أحد الأصدقاء و أخذنا شاهي مغربي . هنا بدت الحاله لمن شربت الشاهي المغربي حسيت بكتمه و بعدين بديت أحس بخوف أني راح أموت و جلست أفكر أيش سبب الكتمه هذه ( طبعا الكتمه لها ثلاث سنوات تجيني قبل النوم و انا على الفراش ) < بس المره هذه جتني بعد الشاهي المغربي المهم , رحت و جلست مع الشباب و أنا أحس بشعور غريب في جسمي جلست ٥ دقايق شغلت السياره رحت الصيدليه أخذت بخاخ الربو و رحت البيت أخذت بختين و أحاول أنام ماقردت رحت للمستوصف على طول و عندي رجفه بسيطه , كشفت عليه الدكتوره تقول لي ماعندك شي سليم و مافي كتمه !!! قالت بس أحتياط أعطيك أكسجين و مغذي الكلام هذا الساعه ٣ الفجر و فعلا أخذت الأكسجين و المغذي لمن خلصت و وصلت لباب المستشفى حسيت بجسمي مثل الدبابيس تنميل على مدري أيش شعور غريب رجعت جلست على الكراسي و أقول للأمن أبغا أدخل عند الدكتوره تعبان , و أول مادخلت أغماء عليه جلست أقل من ثلاث دقايق و صحيت (( و والله ياناس أني أكلمكم الحين و الأعراض فيني أحس أن بيغمى عليه )) لمن صحيت من حالة الأغماء جسمي يرتجف جا أخوي أخذني و أعتقدو أني كنت ( سكران ) لأني عصبت و صرت أضرب الجدرا ( جالس اقول لو جلست بالبيت أحسن لي ) < أقصد لو مارحت المستوصف رجعت البيت صار عندي خوف من الأغماء صرت أتقلب في الصاله قدام أمي و أبوي - رحت أول مستشفئ الصباح على طول قال الدكتور حق الطواري السبب من المعده المهم رجعت البيت نمت و نومي متقطع خايف من شي بس مدري أيش - لدرجة نمت مع أمي و أبوي و انا عمري ٢٤ سنه في نفس اليوم طلعت لحالي و البيت فاضي الأهل طلعو و عندي شعور غريب في جسمي بس أتجاهل جاني ولد خالي و جالسين نسولف و هنا حالتي زادت شويه و جاء ابويه و زادت أكثر بس مابينت لهم أول ماطلع الوالد من البيت قلت لولد خالي راح يغمئ عليه و أصيح شالني وداني المستشفئ قال مافيك شي ؟؟ قاس الظغط قال مرتفع شي بسيط و أعطوني أبره فيتامين ب و مغذي رجعت البيت مرتاح أحسن من أول اليوم الثاني نفس الحاله بس ماقدرت أطلع من البيت خايف و تعبت و وداني الوالد المستشفئ تحاليل و كل شي قالو سليم رحت ٧ مستشفيات في ١٠ ايام كل شي سليم القلب سليم التحاليل سليمه الاعصاب سليمه نقص فيتامين د و أخذت حبوب لمدة شهرين و نفس الحال بعدين قالو عندك كهرباء في الجسم أعطوني علاج أسمه ديباكين جلست عليه ٧ شهور و رجعت فحصت و راحت مني الكهرباء و نفس الحال رحت للشيخ قال عندك ( نظرة جان = نفس ) أستمريت معه لمدة ٣ شهور و نهاية العلاج قال الحمد لله مافيك شي الحين و نفس الحاله عندي مارحت رحت لدكتور نفسي قال عندك نفسيه ١٠٠٪ و السبب كان من الأغماء و كل تفكيرك الحين خايف من الأغماء أعطاني حبوب . بس الوالده الله يحفظها أخذتها و رمتها قالت علاجك سورة البقرة جلست أقراها يوميا و حالتي تعبانه و خوف و كل شويه ارفع رجولي أقول خلاص بيغمئ عليه الحين لي ٤ شهور أطلع من البيت و أتجاهل الي يجيني بس ما أطلع لحالي يعني اذا بطلع اروح عند الشباب على طول مكانهم قريب اقل من دقيقه مقدر أروح بعيد عن البيت لحالي وقفت دراستي في المعهد أمي مقدر أوديها مكان لأن أول تفكير يجي في بالي لو طحت أو أغماء عليه و أنا أسوق كيف بتتصرف أمي أخر مره صار لي قبل ٣ ايام في السوق حسيت بحالة أغماء جسمي صار ثقيل و كنت بطيح و قلت لخويي مقدر أكمل وديني البيت ع فكره اذا جيت أروح لأماكان بعيده مع الشباب أغصب نفسي أقول انا مافيني شي المهم باشباب انا والله تعبت والله نفسي أبكي انا كل مارحت عند أحد قالي فيك كذا و فيك كذا انا مدري وش أسوي أفكر في الي حولي و أحسدهم على الي هم فيه أقول يالتيني بنفس صحتهم أحس راسي يدور و أكثر الوقت صداع مايفكني والله ياناس مدري وين أروح أحس أن راح أجلس كذا طول عمري تعبت والله نفسيا صرت أعصب بسرعه نفسيتي مسدوده عن الأكل مالي نفس أكل و اذا صرت جيعان أقول الحين بيغمئ عليه لأني ما أكلت و تبدأ الاعراض تجيني بالله عليكم فيه أحد مر بنفس حالتي والله أحس أني خلاص أخر أيام لي لأني أحس بشعور في جسمي ثقيل ما أعتقد أنها نفسيه و أعتذر عن الأطاله بس مدري أفضفض لمين أبغاء أتكلم تعبت والله تعبت و انا أكلمكم الحين أحس أن بيغمئ عليه والله و حتى المسجد مقدر أروح اصلي أخاف أروح البقاله لحالي لازم معايه أحد الله ييعين و يسهل المصدر: نفساني |
23-06-2017, 09:58 AM | #2 |
عضو فعال
تاريخ التسجيل: 12 2016
المشاركات: 36
|
نسيت اقولكم اني صار عندي نفسيه من شي لسمه مستشفى من كثر ما ادخلها
و الحاله ماتجيني الا اذا فكرت فيها و اذني احسها بتنفجر والله الموضوع طويل اتمنى انكم تعذروني والله بس من الي فيني |
23-06-2017, 12:11 PM | #3 |
مشرف ملتقى الهلع
تاريخ التسجيل: 05 2016
المشاركات: 4,357
|
هل تعلم ان اللي فيك نفسي 100٪
هذا قلق نفسي وانا كنت مثلك بس اتوقع اعظم منك بالنظر للمده لازم علاج نفسي وباذن الله كل اللي فيك راح يختفي بس اهم شي تاخذ قرار بالمحاربه اعرض نفسك على دكتور وخذ العلاج وعط العلاج وقته وباذن الله راح تشوف العافيه واي سؤال انا تحت امرك |
23-06-2017, 07:50 PM | #4 |
عضو فعال
تاريخ التسجيل: 12 2016
المشاركات: 36
|
والله اني خايف من العلاجات النفسيه
اعطوني سيبراليكس و ما رفضت استعملها لاني سمعت ان في البدايه راح تزود الاعراض عندي و انا في جدة تعرفون ذكتور كويس |
23-06-2017, 09:03 PM | #5 |
مشرف ملتقى الهلع
تاريخ التسجيل: 05 2016
المشاركات: 4,357
|
انا استخدم سيبرالكس 20 لي سنه
ولله الحمد بخير |
24-06-2017, 09:05 AM | #6 |
عضو فعال
تاريخ التسجيل: 12 2016
المشاركات: 36
|
طيب تعرفون لي دكتور كويس في جدة
و انا اخاف الي فيني مو نفسيه لان احس بألام في الاعصاب خلف الركبه احسها مشدوده و بعض الاحيان احس مقدر اشيل نفسي |
24-06-2017, 01:48 PM | #7 |
مشرف ملتقى الهلع
تاريخ التسجيل: 05 2016
المشاركات: 4,357
|
|
24-06-2017, 11:58 PM | #8 |
( عضو دائم ولديه حصانه )
تاريخ التسجيل: 06 2015
المشاركات: 2,848
|
انت اللي فيك نفس اللي فيني
خوووف من الاغماء والكتمه مره انخفض ضغطي وصرت اشوف اسود ومقدر اوقف وقعدت ابككككي واشهق خايفه ومن بعدها صرت اخاف من اي شي ومن كل شي اخاف يغمى علي واخاف انكتم ... الخ بس انا فيني فقردم فالتعب يجي منه انت حلل فقردم ممكن الاغماء بسببه دامه اعطاك فيتامين ب والله يشفينا ويشفيك يارب |
25-06-2017, 02:43 AM | #9 |
عضو فعال
تاريخ التسجيل: 12 2016
المشاركات: 36
|
|
25-06-2017, 02:44 AM | #10 | |
عضو فعال
تاريخ التسجيل: 12 2016
المشاركات: 36
|
اقتباس:
و فيتامين ب للحين ما استخدمتها اعطاني ابر لان صرت اخاف من شي اسمه مستشفى و انت الحين الحاله فيك ؟ و هل استخدمت علاجات |
|
25-06-2017, 03:17 AM | #11 | |
( عضو دائم ولديه حصانه )
تاريخ التسجيل: 06 2015
المشاركات: 2,848
|
اقتباس:
ايوه اوسوس وابكككي اذا بذلت جهد لان اعرف الكتمه تجيني واخاف منها اوسوس اني بطيح ويغمى علي 😓 والمشكله تجي اعراض دوخه و عدم توازن وكأن اشوف اسود اخذ فيتامينات ب |
|
25-06-2017, 01:50 PM | #12 |
عضو مميز جدا وفـعال
تاريخ التسجيل: 01 2017
المشاركات: 1,749
|
|
25-06-2017, 02:54 PM | #13 |
( عضو دائم ولديه حصانه )
تاريخ التسجيل: 06 2015
المشاركات: 2,848
|
|
25-06-2017, 03:21 PM | #14 |
عضو نشط
تاريخ التسجيل: 09 2016
المشاركات: 95
|
فقر الدم لازم تعالجينه وحتى الفيتامينات ارفعيها بجسمك انا والله مثلك اي شغل اتعب منه وكاني اركض واحس جسمي مهدود ورحت فحصت طلع نقص حيل فيتامين د واذا معاك جرثومه ولا التهابات معده عالجيها وان شا الله بترجعين مثل اول واحسن انا بدايت التعب معاي من المعددددده كان يجيني حرقان قوي وطنشته وبدا انتفاخ معاي وغازات وبدت الافكار والوساويس والاعراض تجيني ورحت سويت منظار واتضح انا المعده عندي دمار الجرثومه حسبي الله عليها لعبت بمعدتي سببت لي التهابات وارتخاء بفم المعده وتمتص الفيتامينات واخذت علاج للجرثومه وكان قوي وتركته بس اهملت نفسي حييل ومااهتميت بالعلاجات حقت الجرثومه والالتهاب واستخدمت علاج نفسي مدت يومين وحذفته سبب لي افكار تخوف والحمد لله حلفت وان شا الله مااستخدم اي علاج لان بالاخير مهددددي مايعالج المشكله نفسها ونا هذي مشكلتي ولي الحين 11 سنه بس الحمد لله اطنش ومالتفت للافكار والاعراض واقاومها اختي اهتمي بفقر الدم وبالفيتامينات واكشفي على معدتك لاتجلسين كذا وتحطين كل شي ورا القلق الاعراض العضويه تسبب نفسيه من معده وقالون ونقص الدم وفيتامين د وربي يشفيك ان شا الله يارب
|
25-06-2017, 03:35 PM | #15 |
عضو نشط
تاريخ التسجيل: 09 2016
المشاركات: 95
|
اخوي ابو تركي اشوف اكثر ردودك تصرررر على العلاج النفسي مع انه مايفيد بس مهددددي ويسبب تلبد انت لحد الحين تاخذ العلاج وغيرك بعد بس مجرد ماتقطعه راح يروووح منك الهلع !!! ماتوقع شوف الاعضا اللي يقولك استخدم علاج من 6 و. 5 سنيين رجعو يشتكون ليش ماتشافو لان خلاص راح مفعوله انا اللي اشوفه العلاج النفسي مثل حبه البروفين لعوار الظرس اللي تهدي ولا عالج المشكله اللي هو الظرس يعني لو شاله بيرتاح ولا يستخدم العلاج والعلاجات النفسيه كذااا تهدي ولا تعالج المشكله نفسها انا تواصلت مع اعضا بالمنتدى كلهم يشتكون من معدتهم وقالونهم وانت بعد اول مواضيع لك كنت تكتب عن جرثومه المعده وتقول اناك مصاب فيها يعني حررام الواحد يجلس ويستخدم العلاج النفسي واماكشف وش مشكلته بالاساس اللي سببت له النفسيه وفي شي اسمه علاج سلووووكي كلام يريح الواحد ويطمنه مو اصدم الواحد واقوله استخدم علاج نفسي واخلي الدنيا تقفل بوجه المسكين في اامرض عضويه تسبببب اعراض نفسسيه واوالها الجهاز الهظمي ونقص الفيتامينات. اللي بالجسم. وربي يوفقك ان شا الله
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|