|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
24-12-2018, 09:40 PM | #1 | |||
عضو نشط
|
فهموني الان وش اسوي
السلام عليكم
اول شيء انا اسفه ازعجتكم بس ماعاد اعرف ايش اسوي مرا خايفه وتعبانه من كل شيء اخذت موعد من فتره بعيده عند عياده مطمئنه عند دكتور مكالمه وكلمته وقال لي اخذ حبوب Cipralex 10 mg نص حبة اربع ايام ثم حبة لمده اسبوعين ثم اخذ موعد انا وقتها قلت اشوف وضعي اطنش ثم بدات تجيني اعراض اقوى مريت بحاله نفسيه مع الم وتعب الان مدري وش اسوي اروح مسشتفى اسوي تحاليل او ايش تنصحوني اكمل في عياده مطمئنه اولا وعادي يصرفون لي علاج بدون وصفه الان او لا انا قلت لامي خلاص باكل حبوب نفسيه وقالت عادي بس اعراضي تخوفني ماقدر اطنش مع نبضات قلبي غريبه اتوتر ماعرف ايش اسوي زي طبل اذا هديت يجيني نبضات وراء بعض مو خفقان لا ضربه فاجاءه كذا بصيح تكفون وش اسوي الان اروح صيدليه اخذ حبوب او اروح واسوي تحاليل وتخطيط ماهمني الا نبضات وضربه هذا هذولا مخوفيني ومخليتني موسوسه ومجنونه طمنوني الله يخليكم اسفه اذا فيه اغلاط لانه اكتبت وانا خايفه ومتوتره المصدر: نفساني
|
|||
|
25-12-2018, 02:19 AM | #2 |
مشرف ملتقى الهلع
أنا معك ...
|
توكلي على الله وامشي على كلام الدكتور
اهم شي تحملي اول اسبوعين وبعدها باذن الله راح تتحسنين بالتوفيق |
|
25-12-2018, 02:42 AM | #3 |
مشرف ملتقى الوسواس
خادم القـــوم
|
وعليكم السلام ورحمة الله وبركاته
تطمني ي اختي ولا ازيد علي كلام الأخ بن دايم جزاه الله خير. علاج السيبراليكس مازلت استخدمه والحمد لله مرتاح معاه وبإذن الله ح تتحسني تمام التمام دام خذتي الدواء بوصف طبيب، المهم توكلي على الله وتأكدي إنك بخير ولاتزيدين على نفسك وسوسة بشأن نبضات القلب والله شفت اشكال الوان منها بهذلتني 😒 مرجعها النفسية إذا زانت تزول بإذن الله تعالى 🌹 |
|
25-12-2018, 02:55 AM | #4 |
عضو نشط
|
ليه اول اسبوعين وش الاعراض ممكن تقول لي
|
|
25-12-2018, 02:58 AM | #5 | |
عضو نشط
|
اقتباس:
يارب ياخوي مشكله حاله نفسيه الله يريحنا يارب ويبعد عنا الهم والحزن جميعآ طيب كيف اخذت علاج اسبوعين كافيه لاخذ موعد |
|
|
25-12-2018, 03:05 AM | #6 | |
مشرف ملتقى الوسواس
خادم القـــوم
|
اقتباس:
لا تخافي ي اختي من بداية العلاج اعراض عادية وممكن ماتحسي بيها، خمول وكسل ونوم ملخبط وتوتر خفيف بس يزول والله ويمكن ماتجيك الأعراض يفرق من شخص لآخر، تطمني الله يسعدك إجعلي بدايتك للعلاج حياة اجمل بإذن الله وفرج يارب 🌹 |
|
|
25-12-2018, 03:09 AM | #7 | |
عضو نشط
|
اقتباس:
موقادره انساها تعبني اكثر |
|
|
25-12-2018, 03:12 AM | #8 |
مشرف ملتقى الوسواس
خادم القـــوم
|
بإذن الله تعالى تزول طمني نفسك، كنت مثلك اول واكثر والحمد لله مع العلاج وتحسن النفسية خفت الحمد لله، لازم تطمني نفسك إنها مامنها ضرر عليك إن شاء الله
|
|
25-12-2018, 06:31 AM | #9 |
مشرف ملتقى الهلع
أنا معك ...
|
تبين تعرفين وش الاعراض او وش بتحسين من عافيه ؟
|
|
25-12-2018, 11:57 AM | #10 |
عضو نشط
|
باذن الله مشكور الله يعطيك العافيه
|
|
25-12-2018, 11:57 AM | #11 |
عضو نشط
|
اذا ممكن الاثنين الله يعافيك
|
|
25-12-2018, 12:48 PM | #12 |
عـضو أسـاسـي
|
حياه اجمل الاعراض عند الناس تختلف فيه ناس تجيهم اعراض قويه لمده تزيد عن شهر وناس اسبوعين وناس ماتجيهم اعراض بداية الدواء لكن نصيحتي انك تتحملين وتتأكدين انه مافيك ولا مرض جسدي كل اللي فيك اضطراب نفسي مع العلاج راح يتحسن شوي شوي .
انا قبل العلاج شفت المر من دوخه وقلق وخوف ورعشه وتعب بجسمي وحزن واستخرت الله واخذت العلاج وعانيت من اعراضه فتره تقريبا اسبوعين الى ثلاثه خفقان و دوخه وغثيان لكن كنت اقول لنفسي تحملي كلها من الدواء ايام وتعدي والحمدلله انا الان بأتم الصحه والعافيه . لاتخافين حبيبتي كلنا مرينا بهالنبضات الغريبه انا احيانا كنت احس ان قلبي يوقف ويشتغل فجأه بنبضه قويه جدا واحيانا كنه طاح بالارض واحيانا يرفرف كنه بيطير لكن كلها عدت . اصبري وبتشوقين نتيجه حلوه وترتاحين ان شاء الله |
|
25-12-2018, 07:21 PM | #13 |
عضو نشط
|
طيب قطرات الندا شفت كاتبه عن انه يسبب ميول انتحاريه و دوخه خوفتيني
فعلا نفس الاحساس اللى تقولينه كانه طاح بالارض ماعرفت اوصف ولفيت ع قوقل وجاب لي كئابه فوق كئابتي الله المستعان |
|
25-12-2018, 11:49 PM | #14 |
مشرف ملتقى الهلع
أنا معك ...
|
اول خطوه وانا اخوك الغي قوقل من حياتك نهائياً
اسالي نفسك سؤال : تتعبين اسبوعين او شهر ولاتتعبين طول عمرك ؟ القلق العالي اللي عندك مخلي نسبة الخوف عندك عاليه واكبر غلط تقرين ورقة العلاج لان اي شخص لو يقرا ورقة البانادول ماراح ياكله انتي تحتاجين للعلاج النفسي والله يشفيك ويعافيك |
|
26-12-2018, 12:16 AM | #15 |
عـضو أسـاسـي
|
شوفي حبيبتي اول شي قاله لي الدكتور لاتقرين روشتة الدواء وماقريتها توكلت على الله واخذته .
لاتخافين توكلي على الله وبتشوفين الراحه ان شاء الله |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|