|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
 |
|
|
أدوات الموضوع |
13-06-2016, 01:36 PM
|
#1 | ||||
|
عضـو مُـبـدع
|
تبي تعرفون شنو صار بالضبط فيني وشلون تشافيت ؟
السلام عليكم ورحمه الله وبركاته
مبارك عليكم الشهر طبعا بلش الوسواس فجأه بعد ضغوطات ومشاكل بالحياه وعدم تقبل الواقع وفجأه كثره النوم والتعب الشديد رغم النوم الكثير وفقدان الوزن المفاجئ وسقوط الشعر ماتركت شي ماسويته تحاليل وبلاوي وشيوخ دين يقرون علي .. سدر .. سحر .. عين ..مس ..جن .. فري ..تنسيم .. حجامه .. صبخه .. وبلاوي وكل هذا عشان ماقول مرض نفسي .. وطبعا مع الايام حالتي قامت تسوء كثره النوم صار انعدام نوم وصعوبه وخوف بلا مبرر وتعب دايم وتفكير سلبي تفكير بالماضي شريط حياتي القديم يمر فبالي .. اخاف اتألم ويزيد الي فيني واظل اراقب نفسي قلبي يطق .. ضغطي .. سكري .. لا جسمي .. لا ريولي .. وطبعا كل شي اعتبره اشاره كل شي كنت اعتبره اشاره لي عن شي سيء .. ومرت 6 اشهر ماخليت تحليل وكنت اعاني من نقص فيتامين دال وطبعا بعد ال6 اشهر الي استمرضت فيها نزلت 25 كيلو شعري كله طاح ويهي صار شاحب وكله حب شباب يخرع شكلي الكل منصدم وكل طبيب يقولي نحولج طب نفسي وانا ابجي واقول لا راح ادمن لا اخاف اخذ دوا يصير شي .. ولا ولا ولا .. وعلى هالحاله وانا قاعده اتعذب يوم ورا يوم .. قريت عن المرض مافيه الكفايه وقريت عن ناس تألمو سنين .. هل راح يكون مصيري نفس مصيرهم وانا اتعذب سنين؟!! فجأه رحت الطبيب طلبت تحويل للصحه النفسيه.. يوم رحت .. كان عندي شجاعه اتكلم عن مرضي بكل صراحه وبكل قوه . . وسألني الدكتور انتي تبين تتعالجين ولا تجربين .. وكان جوابي وانا متأكده اني ماراح انطر اكثر عشان اتعالج.. وشرحت حالتي وكتب لي الدوا ... كنت خايفه اول يوم منه من كثر التحذيرات كنت مرعوبه وكل يوم طبيب .. احس من الخرعه سببت حق نفسي تعب ولا الدوا ماياب لي الا العافيه الصراحه ... بعد 15 يوم بالضبط!!! حسيت قمت اضحك!!!! حسيت اني بخاطري اطلع !!!! ابي اتسوق !!! طالعت نفسي كاني اعرف نفسي هذي انا بس ليش شكلي جذي !!! وقررت اني ارجع حياتي احسن من الدوا والحمدلله خلصت كورس علاجي ب 3 اشهر وقفت دواي فجأه والحمدلله ماله اي خطوره وطبعا الي يقول وسواس انا اقوله ان الوسواس عباره عن اكتئاب ثانوي وقلق بالمرحله بالاولئ فعلاجه باذن الله سهل ... ومن الاشياء الي سويتها : رياضه . اهتمام بالنفس. قطعت جميع انواع الاجبان والحليب واللحم والدجاج وخليت اكلي خضروات وفواكه وكثرت اسماك سلمون وتونه .. الالتزام بالصلاه .. قراءه اابقره على 3 ايام .. حب النفس والكلام الايجابي .. سماع صوت موج البحر يوميا قبل النوم ينظم قدره العقل .. اتمنى منكم انكم استفدتم وتشجعتو انكم تعالجون .. وحطو يقين ان العلاج يبدي من الانسان نفسه ... لان هذا مرض نفسي وعلاجي الساليباكس يستخدم للروماتيزم ..فهو مرخي للاعصاب فقط 👆😏😌 ... عرفتو ان الدواء شي مساعد والعلاج يكمن بالشخص نفسه المصدر: نفساني
|
||||
|
|
13-06-2016, 09:34 PM
|
#3 | |
|
عضـو مُـبـدع
قلب لايبآلي يعيش طويلآ
|
الله يديم عليك الصحه والعافيه والله اني فرحت لك من قلبي
ويارب تدوم لك راحة البال . |
|
|
|
|
13-06-2016, 09:47 PM
|
#4 | ||
|
عضـو مُـبـدع
|
اقتباس:
حبيبتي تسلمين .. كان عندي وسواس الموت والعقيده |
||
|
|
|
13-06-2016, 09:48 PM
|
#5 | ||
|
عضـو مُـبـدع
|
اقتباس:
اجمعين ياقلبي |
||
|
|
|
14-06-2016, 01:32 AM
|
#6 | |
|
عضو نشط
|
فرحتنى الحمدالله ربي شفكى وان شاءالله يارب يشفينى حت انا يارب انا كنت ف بداية اعانى كتير من الواسوس والحمدالله تحسنت بس مرة مرة ترجعلى افكر واخاف وابكى حت انا عندى نقص فى فيتامين دال مثلك واضرب فى ابره فيتامين دال هو يمكن حت من نقص فبتامين الانه يسبب اكتئاب وقلق مكتووب ع النت وحت دكتور قال ياررررب اشفينى حت انا يارب انسه كل شي شين يارررب هو الحمدالله تتحسنت بس مرات ترجعلى ااتجاهلها ومرات اصير ابكى واخاف يارب اتغلب عليهاااا يارب 👐👐👐 ادعيلى ربي يشفينى مثلك
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
