مشكله الزوج مع الشغاله

مشكله الزوج مع الشغاله

السلام عليكم

يابنات بغيت استشيركم في امر صديقتي
-----------
صديقتي متزوجه من فتره وعندها بنات او اولاد كبار راحت للسوق مع ولدها

اوكي...زوجها رجع للبيت على باله انه هو بيوديهم للسوق شاف مافيه احد بالبيت غير الشغاله


تقول من بعد هذي الطلعه للسوق والشغاله متغيره..

قبل كانت تجيب لاكل لزوجها وتمر من عنده وتنظف قدامه عادي

لكن من بعد طلعه السوق

الشغاله تغيرت صارت تسكر باب المطبخ عليها بكل وقت ماتحب يكون مفتوح

ماتحب تجلس بالبيت وتقعد تصيح انها تبي تروح معهم

اذا قالت لها تعالي شيلي الاكل تقول اصبري لحتى بابا يقوم وعلى الحاله

صديقتي استغربت وحست فيه شي وسألت الشغاله ..والشغاله رفضت تقولها لكن
بعد اصرار وغصبتها الا تقولها


اعترفت الشغاله انه بهذاك اليوم اللي راحو للسوق ومافيه احد بالبيت ولما جاء زوجها

.. الشغاله كانت تحت ولما شافت الزوج جاء راحت فوق غرفتها وبعد شوي تقول انه جاء

وطق عليها الباب وقالها تعالي غرفتي تحت وتقول انا خفت وقفلت الباب ومانزلت وبعد شوي راح بابا


صديقتي انقهرت مو قادره تعيش لاليل ولانهار تعبانه مره

انا زوجها يسوي كل هذا لا والمشكله كبير فوق الخمسين يسوي تصرفات المراهق

والشغاله الله يجزاها خير رفضت وخايفه على نفسها

والمشكله انها ملاحظه على زوجها انه دايم نظراته عليها


صديقتي تستشيركم ايش تسوي تسكت وتقهر نفسها ولا تقول لزوجها ان الشغاله اعترفت

او تقول لزوجها وبنفس الوقت خايفه من المشاكل بعد هاالعمر وخايفه على البنات والاولاد

كيف تقول له وتخليه يعترف!!!!!!!!!

ايش راي الاخصايين بلييييييييييز ساعدوني اساعدها بااسرع وقت
لاني خايفه تخرب بيتها بنفسها

المصدر: نفساني

أختي الكريمة / جوري الحلوة حفظها الله

أنا أقترح عليهاأن تطلب من زوجهاأن يسفر الشغالة ، وعدم مناقشته في الموضوع واللبيب بالإشارة يفهم ، وتتكل على الله وتصبر بدون شغالة تخرب بيتها ، وتسبب لها مشاكل ، صحيح أن الشغالة تخدمنا ونرتاح جسميا ولكن التعب النفسي منها أصعب ، الله يهدي زوجها ويختم له بخير ، حاولي أن تقولي لصديقتك أن تكتشف أسباب إنصرافه ألى غيرها ، تحاول التجديد في حياتها ، ربما أن زوجها أحس منها إهمالا وعدم مبالاة به وانشغال عنه باطفالها وبيتها . فالزوج مهما كان كبيرا يحتاج لعناية ورعاية وعطف فهو طفل صغير ، المراة الذكية هي التي تهتم بزوجها من خلال إهتمامها بنفسها بنظافتها بكلامها الحلو الجذاب ، ولا تقول في نفسها كبرنا وهذا كلام صغار ، يجب أن تكون حياة الزوجين عسل إلى آخر العمر ، الكلام الحلو الجميل ، العبارات الرومنسية الجميلة ( الله يخليك لنا ، بارك الله فيك يا أبو فلان ، نحن لانسوى شيء بدونك ) هذه العبارات تفعل فعل السحر في نفس الإنسان فلماذا نبخل بها على أعز الناس ، وهي لاتكلفنا شيئا، والله يحفظك0