![]() |
|
![]() |
|
![]() |
||||||||
|
||||||||||
![]() |
![]() |
![]() |
ملتقى الفضفضة مساحة ليقول العضو كل ما يجول في خاطره ، فضفضات نفس . |
![]() |
|
أدوات الموضوع |
![]() |
#1 | |||
عضو نشط
![]() ![]() |
o0حطيـــــــــها حلقـــــــــة في ودنـــــــــــــكo0 حلقات ممتعة تبعوناااااااااااااا
السلام عليكم ورحمة الله وبركاته
أخواتي الكريمات في الله ,, كثيرا من الشابات الصغيرات تقعن في أخطاء في تعاملهن مع الجنس الآخر هذه الأخطاء تكون غير مقصودة على الإطلاق .. ولكنها تجعل الطرف الآخر يعزف عن الإرتباط بها أو يسيء فهمها . هذه سلسلة موضوعات التي من شأنها أن تعين الفتاة على كيفية التعامل والتصرف في المواقف المختلفة مع الجنس الآخر ,, الموضوعات منقولة ** سلسلة حلقات حطيها حلقة في ودنك الحلقة الأولى ارفعي شعار "لا للدلدقة!" حطيها حلقة في ودنك اتعاملي مع الشاب اللي إنت بتتمنيه لنفسك وكأنه شخص عادي.. ولاااا يهمك.. كنا قاعدين في الجامعة في فترة بين محاضرتين.. وهو كان قاعد في وسط الشلة.. حبيت أتكلم معاه قوي لوحدينا بعيد عن الدوشة لأني بارتاح في وجوده جدا.. فقلت له: إيه رأيك لو شربنا حاجة ساقعة في الكافيتريا.. الجو حر نار؟ ابتسم وقال لي: وماله؟ لسه عندنا وقت.. بدأت العلاقة اللي بينّا تاخد شكل تاني.. أخدت رقم التليفون منه وبقيت باتصل بيه بصفة دايمة. كان بيبقى مشغول في أحيان كتير في الكلية، وبالتالي كنت باتصل أنا.. يعني ماكنتش باعمل فرق.. بالتدريج حسيت إنه مسئول مني.. بقيت باتصل بيه أصحيه من النوم.. باتصل بيه لما آجي نازلة الجامعة عشان أشوف هنتقابل فين.. بنكون مع بعض طول اليوم.. ولما بيرجع باطمّن عليه بمكالمة برضه.. وأبعت له رسالة قبل ما أنام.. في الأول الوضع كان ماشي كويس قوي.. وكان هو مبسوط باهتمامي ده، وأنا كنت مبسوطة لأني قدرت أسعده. دلوقت بقالنا 5 شهور.. بس فيه مشكلة.. ساعات كتير باحس إنه زهقان مني، وبيبعد عني باستمرار.. بيتحجج بأي حاجة عشان ينهي ميعادنا بدري ومش بيحب يقضي وقته معايا زي الأول.. باتقتل بجد لما باحس إنه مش متحمس لي.. أو مش بيحبني قد ما أنا باحبه.. مش عارفة إيه اللي حصل! س سؤال يا ترى تفتكروا إيه ممكن يكون حاصل في العلاقة دي اتسبب في البرود اللي بتشعر بيه صاحبة الكلام اللي فات؟ ويا ترى هي عملت حاجة غلط في الموقف اللي فوق ده؟ الإجابة: أيوه طبعا! البنت خنقت الولد! خنقتني وصدت نفسي! منين ما كنت بالتفت حواليّ كنت بالاقيها.. بتكلمني في التليفون بشكل مستمر.. مانكرش إن ده كان بيرضي غروري كتير خصوصا لو رديت عليها قدام حد من صحابي.. كنت باكسل أتصل بيها الصراحة، لأني عارف إنها مش هتصبر وهتكلمني. أسمع إن صحابي بيحسوا إن خطيباتهم واحشينهم، لكن الموضوع قلب معايا بملل! كان نفسي أحس إنها واحشاني.. كان نفسي أعمل لها مفاجأة.. أشوفها صدفة.. أشتاق لها زي بقية الناس بس ده ماكانش بيحصل.. كانت هي دايما بتحدد كل حاجة وتعمل كل حاجة من غير ما تستناني. مش عارف حالة الملل اللي أنا فيها دي بسببها ولاّ بسبب طمعي؟ اوعي تبادري بالأفكار أو حتى تقترحي أي مكان تروحوه مع بعض. حطيها حلقة في ودنك.. في بداية العلاقة اوعي تبادري إنت بالأفكار أو حتى تقترحي أي مكان تروحوه مع بعض، حتى لو كانت نيتك صافية وماعندكيش رغبة في تطوير العلاقة بينكم وحتى لو كان هو نفسه معجب بيكِ. الراجل مش بيحب يحس إنه محاصر بيكِ أو إنك وراه وراه في كل حتة. كل إنسان من حقه مساحة من الحرية والخصوصية اللي ممكن يقضيها في العزلة لوحده أو مع أصحابه زي ما هو عاوز (والست كمان بالمناسبة). فيه نقطة كمان.. لما بتتصلي كتير كده أو بتحاولي التواجد في حياته أكتر من اللازم، بيحس إنك مستعجلة على الارتباط، والارتباط في حد ذاته مش موضوع سهل.. لأنه حاجة بتستمر العمر كله بإذن الله فبيخاف إنه يتقدم. بيحس إنك حاسة إنك "لازم" ترتبطي بيه.. للأبد.. للأبد.. للأبــــد (وده شيء مخيف زي ما إنت واخدة بالك ![]() مش خجول ولا حاجة! هي: تصدقي لقيت نفسي إذ فجأة كده باقول له تعالَ نشرب حاجة في الكافتيريا؟؟ صاحبتها: بتتكلمي جد؟ يا مجنونة! ليه عملتِ كده؟ دلوقت ممكن يفتكر إنك جريئة زيادة عن اللزوم.. هي: أصل إنت عارفة هو خجول قد إيه.. لما شفته بيبتسم لي من بعيد، قلت لنفسي أكيد عاوز يصارحني باللي في قلبه.. صاحبتها: حبيتِ تسهلي عليه يعني؟.. مش عارفة.. ماعتقدش إن فيه ولد بيتكسف.. وبعدين ما هو بيتكلم زي اللبلب مع كل البنات والولاد في الشلة.. هي: أصلك ماتعرفيش يابنتي لما باشوفه.. مش باقدر أمسك نفسي! حطيها حلقة في ودنك وامسكي نفسك.. أنا عارفة إنتِ بتفكري في إيه.. بتفكري إنه ممكن يكون عاوز يعزمك في حتة عشان يبوح لك بما في "معاميق" قلبه، والخجل هو اللي مانعه. ممكن كمان تكوني فاكرة إنك لما تعزميه على حاجة ساقعة أو تتكلمي معاه كتير تبقي بتحاولي تكوني لطيفة معاه مش أكتر، والحقيقة غير كده. الحقيقة يا عزيزتي إن معظم الرجالة –وده مش كلامي ده كلام علم النفس- مش بيكونوا خجولين قوي زي ما إنت فاكرة، وإن الراجل لو فعلا فعلا مهتم بيكِ وعاوز يرتبط بيكِ هيستجمع كل الشجاعة اللي عنده وهيفاتحك في الموضوع. وعندك واحد برشامة ثقة بالنفس ساعات كتير باحس إن مش من حقي إني أحلم بيه.. ساعات باحس إنه هو الإنسان الوحيد اللي ممكن يفهمني وعشان كده باحاول أحافظ عليه بأقصى ما عندي. باحس إن اللي باعمله معاه (سواء اتصالي بيه أو عزومتي ليه) هي الحاجة الوحيدة اللي ممكن تخليه مهتم بيّ! ممكن يتاخد عليك بعد كده –واعذريني في الكلمة- إنك إنت اللي جريتِ وراه! عارفة إن الانتظار للـ"نص التاني" صعب، خصوصا في الظروف الاقتصادية الجميلة اللي احنا عايشين فيها ومنحنى الأخلاق اللي في نزول مستمر.. وعارفة كمان إن صعب قوي إن الواحدة تلاقي حد فيه مواصفات فارس أحلامها لكن بجد موضوع إنك بادرتِ وعزمتيه وكلمتيه كتير في التليفون مش هيتنسي حتى لو ربنا وفقكم واتجوزتم.. والموقف اللي ممكن يتّاخد عليكِ بعد كده –واعذريني في الكلمة- إنك إنت اللي جريتِ وراه وخليتِ نفسك متاحة ليه لدرجة إنه مابذلش أي مجهود في إنه يتكلم معاكِ. من حقك إن يكون عندك ثقة كبيرة في نفسك تخليكِ متأكدة إنك تستاهلي إنه يبذل شوية مجهود علشان يوصل لك. وصدقيني موضوع الثقة ده مالهوش علاقة بكونك أجمل بنت في الكلية أو أغنى بنت أو أذكى بنت. ربنا موزع الأرزاق على كل الناس بالتساوي.. ممكن تلاقي إنسان غني مايكونش وسيم، أو إنسانة ذكية لكنها مش جميلة، وهكذا. لازم تقدري النعم اللي ربنا اداهالك مخصوص دون عن أي حد تاني، وهتحسي فعلا بإنك مختلفة وبإنك تستحقي أي مجهود هو يعمله في سبيل إنه يوصل لك. مش بنتكلم على الغرور لا سمح الله، لكن بنتكلم عن تقديرك لنفسك واحترامك لذاتك اللي هيخليكِ تفكري بدل المرة ألف قبل ما ترفعي سماعة التليفون وتقولي "ألو".. حطيها حلقة في ودنك.. اتعاملي مع الشاب اللي إنت بتتمنيه لنفسك وكأنه زميل عادي واوعي تديله اهتمام زايد قبل ما تتأكدي من مشاعره ناحيتك.. طبيعة الرجل بتنفر من الدلدقة (ولا مؤاخذة).. الرجل –والرجل الشرقي على وجه الخصوص- بيحب الخيوط دايما تكون في إيده، ولو حس بإنك عاوزة تعملي حاجة هو شايف إنها دوره، هيبعد عنك بالتدريج لأنك هتبقي سهلة المنال بالنسبة له. في نفس الوقت حافظي على الشعرة الدقيقة بين التقل والتعامل بقلة ذوق! ماتبقيش سهلة أو متاحة أيوه.. غلبيه شوية أو شويتين، لكن ماتهجميش عليه بساطور أول ما تشوفيه وتقولي حاجة من نوعية "لازم أنتقم لنفسي منك يا سافـ... هع!" وتقومي سايبة ليه تذكار منك في شكل عاهة مستديمة! جمدي قلبك.. اتعاملي عادي بس مش بعنف.. ده هيوفر عليكِ إحراج كتير ووجع قلب إنتِ في غنى عنه ويخلي كل حاجة تمشي في سياقها الطبيعي. المصدر: نفساني
|
|||
![]() |
![]() |
#2 |
مراقبه إداريه سابقة
![]() ![]() ![]() ![]() ![]() ![]() ![]() |
كلام صحيح،،،،،،،،
شكراً لك،،،،،،،عزيزتي أ/ شيماء عشماوي،،،،، إن شاء الله،،،،،،،يكون،،،،،حلقة،،،،،وينحط في ودن كل واحدة،،،،،،، تحب لنفسها،،،،،،،الأشياء الصحيحة،،،،،،،، تقبلي تحياتي العطرة،،،،،،،، وشكراً لك،،،،،،،،، |
![]() |
![]() |
#4 |
مراقب إداري سابق
![]() ![]() ![]() ![]() ![]() ![]() ![]() |
نصائح في غاية الاهمية وهي مفيدة واتمنى ان تتحول الى واقع ملموس ...بحكم عملي في ( الجامعة ) نلاحظ الكثير من الاخطاء لدى البنات والانجرار وراء الشكل المبهر وعدم التركيز على الجوهر والمهم في حياة الدراسة والاهم ماهو هدف الفتاة وماطموحها المستقبلية ؟....شكرا أ/شيماء ...تقبلي تحياتي وسلامي
|
![]() |
![]() |
#5 |
عضومجلس إدارة في نفساني
![]() |
شكراً ياأُستاذه شيماء ....
فبالرغم من أن نصائحكِ موجهه للبنات ؛ إلا انها سيقت فى إطار تعليمى خفيف وظريف يُفيد كل من يقرؤه من الجنسين ... فشكراً جزيلاً لكِ ..... وفى انتظار بقية الحلقات فى هذا الموضوع الشيق .... |
![]() |
![]() |
#7 |
V I P
![]() |
شكرررا...الاستاذة شيماءءءءءءءءءء
نصائح قيمة............. اسف دخلت عرض...في الموضوع خاص بالشابات.... ولكن أعجبني الموضوع... |
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|