كيفية التعامل ؟؟؟

كيفية التعامل ؟؟؟

السلام عليكم ورحمة الله وبركاته ..

اهلا وسهلا

صباحكم مساءكم معطر بذكر الله

حبيت اصارحكم بشي متعبني ومره وحده افضفض لكم باللي شاغلن بالي

الا وهو الصداقه

ابغى اعرف كيفية التعامل مع الصديقه

انا بالنسبه لي عندي صديقه سار لي فتره طويله معها بس ماعرف كيف اتعامل معها ..

صحيح اكلمها يوميا واسأل عنها دايم ورسايل انا ارسلها على طول الليوم طبعا الرسايل هي سوالف .. بيني وبينها

بس انا احس عاطفتي لها كثييره يعني احب اسال عنها كثيير احب استمع لها .. بس احس فيني انانيه ماحبها انها تكون صداقه مع غييري والله يشهد علي اني اطرد هالشي على طوول من بالي
واكييد هاذي الغيره تكون فطريه نوعا ماا ومااحبها تزيد عن حدها .
واحس حبيتها كثيير حاولت اخفف من هالحب تجاجهاا لكن انا اقول في نفسي هي صديقتي واكيد اني احبها .. وحب لامثييل له

صحيح تسال عني وتخاف علي وتحب تسمع لي بس انا ليه احس انها ماتحبني كثر ماانا احبها احس عادي عندها ادق عليها ارسل لها كله ماتهتم فيه

صدقووني انا حبيتها مثل اختي
ولايروح فكركم اني احبها حب شذوذ اعوذ بالله منه والله يكفينا من شره .. لاني ماحب هالشي وماحبه يوصل لهاذا الشي

وابغى اعرف اللي انا اسويه صح والا خطأ من ناحية مكالمتي ورسايلي
وكل هالشي انا اسويه بس ابغى اتقرب منها وابغاها تعرف اني معها على طوول وماانساها .. لو مهما صار ..

علوموني فهمووني وش اسوووي
تعبت من شي اسمه تفكيييير تعبت من الوهم وانا مابغى اوهم نفسي بااشيااء ..

وبصراحه هي اخت ماولدتها امي اخت وصديقه فتحنا قلوبنا لبعض وفضفضنا لبعض كثيير ومكالمتنا كثييره واذا شفتها يمر الوقت بسرعه واذا كلمتها ماحب اقفل << يعني انا وحده اصلح اكون صديقتها لاني ارتحت لها كثيير .

ماادري انا وش اتكلم عنه اللي بعقلي كتبته واتمنى انكم تتناقشون معي ونتحاور مع هالشي . لعل وعسى تساعدوني

اختكم .. في الله
العيون الحزينه = المتفائلهـ بالخيير بااذن الله

المصدر: نفساني

الى العيون الجريئه ....
تقبلى منى أولاً الترحيب بكِ فى أول لقاء يجمعنا على صفحات هذا المنتدى
الرائع ؛ مع كل التمنيات بأن يدوم التواصُل الراقى المفيد مع الجميع ...
لست خبيراً ولا متخصصاً ؛ لكنى إنسان ؛ أتكلم بلسان الإنسان العادى ؛
وأضع نفسى مكانكِ وأقول : لو كنتُ مكانك وأحمل لصديقِ ما هذا الشعور
المتوهج والمُتألق بأرقى المعانى وأسمى الغايات ؛ فسأقوم بهدهدة نفسى
قليلاً وتهذيب مشاعرى حتى لا تقودنى الى الرغبه فى ( التوحد ) مع هذا
الصديق ..
وسأُذكر نفسى دائماً بالمقوله ( أحبب حبيبك هوناً ما ؛ فعساه أن يكون
بغيضك يوماُ ما .... وابغض بغيضك هوناً ما ؛ فعساه أن يكون حبيبك يوماً
ما ) ولستُ أدرى أهى حديث نبوى أم مقولة اسلاميه مأثوره ....
المهم سأعمل حساب للتقلبات الطبيعيه التى تمر بالإنسان داخلى وداخل
صديقى ؛ وللظروف المُغايره التى قد تأتى بها الأيام ؛ وأترك مسافه معقوله تسمح لنا سوياً بحرية الحركه ؛ دونما
( فرض ) أو ( إقتحام ) أو ( خنقه ) من طرف للآخر ..
هذا ماجاد به القلم وفاضت به النفس أمام هذه الفضفضه الأخويه الراقيه..
مع أطيب التمنيات بالتوفيق دائماً ...

هلافيك اخووي ..اسعدتني على ترحيبك ..

فعلاانا الا حظ نفسي ان شعوري لها مو طبيعي احس زايد عن حده ..

وانا دائما اذكر نفسي بالمقوله اللي قلتها لان مادري وش بيصيير بعدين من تقلبات بالحياه سواء زواجي او زواجها . خصوصا اذا كان حب من بين طرف واحد

وانا ماحب احب شخص لدرجة مادري كيف لان احتمال يوصل هالحب للكره ..

وانا الحمدلله احس موازنه نفسي من هالشي لكن تجيني حالات ماقدر اسيطر عليها ماحب حد احسن مني يواصل معها

لكن كثير استغفر ربي وربي لايعلق قلبي على حد سوااهـ .. وربي يستجيب دعائي ويحقق مبتغاي ..

يعطيك ربي على العافيه لانك خففت بعض الشي من الحمل

اختي احس انك مكبرة الموضوع شوي

بالعكس الكل يتمنى انة تكون عندة صداقة قوية وعميقة وعلى فكرة

ترى هذا من علامات الصحة النفسية

وخير مثال صداقة الرسول علية الصلاة والسلام وابو بكر

بس انتي تحسين ان مشاعرك زايدة شوي واتوقع انك لسى ماتعديتي مرحلة المراهقة فالمشاعر هذي طبيعية بهذا السن

وتقبلي تحياتيc

العيون الحزينة .. أنا راح اضع بين يديك تجربتي

أولا انا اكتشفت ومن زمان إن فيني حب التملك .. وهذا ماتشعرين به الآن

وحب التملك هو انك تكونين أنانية وتتضايقين لما تشوفين ( صديقة ) مع صديقة أخرى

تظنين إنك تمتلكينها وتشعرين بالغيرة .. لكن هذا خطأ ومتعب لك جدا وعليك استبدال

هالصفة بـ صفة أجمل

وهي أن تتذكري دوما أن صديقتك هي ( انسان ) .. وليس شيء قابل للإمتلاك :)

وأن تشعري بالسعادة والفرح لها .. مادمتي تشاهدينها أمامك سعيدة

تقبلي تحيتي ، ،