![]() |
|
![]() |
|
![]() |
||||||||
|
||||||||||
![]() |
![]() |
![]() |
ملتقى أصحاب الرهاب هل تعاني من الرهاب ...؟ لست وحدك في ذلك!... |
![]() |
|
أدوات الموضوع |
![]() |
#1 | |||
عضو جديد
![]() |
معاناة
السلام عليكم ورحمة الله وبركاته
مساكم الله بالخير جميعا أولا يا أخوان أشكركم جزيل الشكر وأدعو الله العلي القدير أن يجعل ما تقدمونه في هذا القسم من تجارب وحلول لمرض الرهاب في موازين حسناتكم يوم لا ينفع مال ولا بنون.. ثانيا أنا بحثت كثير ويوم لقيت هالمنتدى اللي بإذن الله راح ألقى حل لمشكلتي فيه ترددت في البدايه أن أطرح موضوعي لكن يوم لقيت كثير يعانون من نفسي مشكلتي قلت ماهو بس أنا لحالي ... أنا أعاني من هاالداء من صغري حتى في المدرسة كنت سكوت لدرجة خيالية . مستحيل أني أنبس بحرف واحد أو أكلم اللي بجنبي أو أطالع في أحد وإذا طالعني أحد تزيد نبضات قلبي وأرتعد ويتغير وجهي . وقلت لنفسي بس أخلص الدراسة تنتهي مشكلتي بأني أحبس نفسي في البيت وما أقابل أحد . لكن الوضع تغير بعد الدراسة أضطريت لظروف أني أتوظف على طول . طبعا توظفت والوظيفه هاذي مجتمعها سيء للغاية كأنك في غابه ماتعرف عدوك من صديقك ولا الصالح من الطالح حتى الملتزم فيها ماتثق فيه إلا من رحم الله وتحتاج إلى جرأة . وأنا عكس هذا كله ( أكيد تعرفون الوظيفه بدون ذكر أسمها ) طبعا كان هناك في الصبح بعد فترة الفطور جلسة يجتمعون فيها الزملاء كلهم ماكنت أقدر أدخلها كنت دائما أجلس برى وإذا قالولي ليش ماتدخل أقول لهم أني أدخن . تخيلوا جلست على هالوضع أكثر من سنه وبهالوظيفه كان الإختلاط ضروري جدا وهو العامل الأكبرلنجاح العمل وبعد هالفترة الطويله صرت أجلس عشر دقايق وتزيد نبضان قلبي وأرتبك وأطلع على طول . طبعا الزملاء شكوا وبعضهم عرف وضعي وأني مهما حصل لي من ظلم ماراح أخذ حقي لدرجة أن فيه زميل كان يدافع عني دائما وكان هذا الشيء يضايقني أحس أني طفل حتى أني صرت ضحيه للي يسوى واللي مايسوى . صبرت خمس سنوات وكل سنه يزيد الوضع سوء . حاولت أفصل لكن ظروفي صعبه جدا . واللي زاد الطين بله أني تعرضت لمواقف كثيرة زادت الوضع . حتى المناسبات والمآتم ماأقدر أحضرها والمشكلة الكبرى أني ما أقدر أسوق السيارة وأنا الآن لي قرابة سبع سنوات ومامعي سيارة حتى أني صرت عالة على زملائي واحد يوديني وواحد يجيبني تخيل أنك موظف طول هالفترة ولا معك سيارة والله معاناة تكفون الفزعه وما راح أنسى لكم من دعوه بظهر الغيب المصدر: نفساني
|
|||
![]() |
![]() |
#2 |
عضو نشط
![]() ![]() ![]() |
مســاك ربي بالنور..
ومرحبـآ فيك معنا بالمنتدى.. طيب ماجربت تزور طبيب...جربت العلاج السلوكــي.. (لاتقول مــاقدر) لما تروح لشغلك لاتتعذر انك تطلع برى وتدخن .. لا ..اجبر نفسك تقعد مع اصدقاك لو 2 دقيقه بعدين اطلع.. المره اللي بعدها 3 دقايق وخلك مستمر يوميــآ كذا حتى لو ماتسولف بس عود نفسك تجلس معهم وانت جالس معهم لاتفكر في الرهاب.. حاول تركز في سوالفهم واقطع تفكيرك بكل شئ.. حتى لو ترتبك ويصير لون وجهك احمر وتحس بضيق نفس..وتطلع لك اعراض الرهاب اللي مايحتاج ذكرها مافيها شئ تصير لك الاعراض مره مرتين ثلاث عشر مرات اهم شئ انك تتشافى كل الرهابيين اللي تشافوا كانوا كذا يمرون بهذه المواقف لاكن الرهابي اللي يبي يتشافى يستمر في العلاج السلوكي ولايتركه، افضل من ان تضيع عمرك مع هذا المرض اسال نفسك الرهابين اللي تشافوا بعد الله...كيف تشافوا.. اكيد ضغطو على انفسهم وتحملوا وبعد كم شهر تعالجوا .. واذا على العلاج السلوكي..كان فيه شخص قريب مني كثير يستحي ماياخذ حقه لدرجه انه يبكي من القهر ..صرت اقوله هالكلام ...وصرت اقوله لاتدخل في راسك اي فكره سلبيه...واقوله ترى سبب الرهاب إننا نعظم الامور ونكبره وهي ماتسوى ..فلاتعظم الناس وخلهم شئ عادي ..واقوله ردد الكلام الايجابي يوميــا ..وواجه مخاوفك يعني اي شئ تخاف منه سوه إذا صعب عليك تدرج فيه لين تسويه...واقوله لاتقول مااقدر وكلام كثيـر.ووووووووووالخ...وطبعا طبق السلوكيات يوميـا وكنت اشجعه ...(طبقت عليه السلوكيات اللي كنت اسويها يومني رهابي) تعال شفه الحين ...بجد بجد مدري كيف اوصف لك شخصيته ماشاء الله عليه الله يزيده ولايضره.. لاإله إلا الله.. وإذا على السيـاره ..بجد صعبه.. والله يجزا اخوياك خيــر.. لاكن رح للمخططات وابدء سوق مسافات قصيره .. بعدين في احياء مافيها زحمه وتدرج وهكذآ... اكيد راح تمر بصعوبات واوقات تحس انك خلاص معد تقدر تكمل وتسوق لاكن اضغط على نفسك وكل يوم رح وسوق مسافه قصيره بكره عندك زواج وعندك اسره..يعني راح تضل تحت رحمه اخويــاك.. لاياخوي اجبر نفسك واضغط عليها .. كلها فتره باذن الله وتلاقي نفسك تسوق عادي.. تخيل نفسك مثل ولد ابو 15 يعني توه بادي يسوق اكيد راح يتجنب الشوارع الرئيسيه والعامه تلاقيه يحوس في الاحياء لاين يتجراء.. انت سو نفسه..ومع الوقت راح تضبط امورك المشكله في افكارك لاتستصعب اي شئ..وراح تتسهل امورك.. يارب يشفيك ويشرح صدرك ويبعد هالرهاب عنــك.. اتمنى اكون افدتك يــارب اشفي مرضانا ومرضى المسلمين يــارب يسر امري..يــآكريم اللهم صلى على نبينــآ محمد |
![]() |
![]() |
#3 |
عضو جديد
![]() |
والله أثلجت صدري يامحال ... أنا مارحت دكتور لأن ماعندنا إلا مستشفى واحد وهو المعتبر .لكن طريقة الوصول للعيادة صعبة جدا . بحيث أنك تحتاج تشرح مشكلتك لطبيب ماهو مختص ويحولك ... وأنا بإذن الله بطبق العلاج السلوكي زي ماقلت لي عليه. ونصايحك هاذي بإذن الله تغنيني عن زيارة الطبيب . وما أحتاج له دامك موجود
ومن كل أعماقي يامحال أقولك يعطيك العافية يارب ........ |
![]() |
![]() |
#4 |
عضو نشط
![]() ![]() ![]() |
![]() ماسويت إلا الواجب.. وانا مثلك ماارحت لطبيب وكان صعب علي فلجات لسوكيات وتحسنت بشكل كبيـرررر والحمدلله... ونزلت موضوع في هذا القسم عن السلوكيات اللي مارستها..ومازلت امارسها.. مهما تمر بضغط والم الرهاب اضغط على نفسك ولاتستسلم ابدا ابدا الله يوفقك..ويسـر لك امورك اللهم اغفرلي ذنبي كله |
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|