|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
03-02-2011, 04:51 AM | #1 | |||
عضو
|
محتـآجة النصيحـة والمـشورة مشكلة بسيطة :)
بسم الله الرحمن الرحيم ..
كيف الحـآل ؟ أشكركم على هالمجهـود اللي تبذلونه هنـا .. الله يعطيكم الصحة والعافيـة .. أنا محتـاسـة بـ آمري .. وأبي الاستشـارة .. متأكدة إنكم مـا راح تخذلونـي .. أنـا جيتكم متـأخرة .. لأني كنـت متـرددة .. أنا متزوجـة ولد عمـي .. وحيـاتي من آروع ما يكون .. إلى إنـي قبل آسبوع تدخلت وتحمست وقلت له آخوي الصغـير يبي يخطب أختك اللي بنفس عمره .. فرح وإنبسط وكان شـاري آخوي .. لأن أخته كبرت وللأن ما تزوجت .. طبعا الموضوع كله يتعلق بـ آخوي .. آخوي رافض فكرة الزواج .. وما يبي ولي أكثر من ثلاث شهـور وأنا آحاول أقنعه وأنا وكل البيت وهو متردد يوم يقول إيه ويوم يقول لا .. هالتردد خلاني آروح وأتكلم مع زوجي وأخته وأقولهم آخوي جايكم .. أخوي زعل وعصب وآخذ الامور بعصبية .. طبعـا حتقولي ليش تغصبينه ؟ الزواج مو بالغصب .. معاك حق .. لكن أخوي له سنتين وهو متعلق بوحدة ما تسوى والمشكلة إنها إنخطبت وللأن تغيب شهر وترجع ترسل له مسج تقلب كيانه المشكلة هو حاول يبعد عنها لكن ما قدر الحب عماه وعماها .. وبنت عمي خيرة وناصحة ومصلية وحتى بحجابها تختلف عن هذيك .. زوجي بدأ يضغط عليا .. وبدأت تخرب حياتي .. وعمي وزوجته وبنته ينتظرون .. لأن البنت ناوية تطلع جدة تكمل دراستها .. مع آبوها وأختها .. فقدامي أسبوع أو أقل عشان أقنع أخوي يـأخذها .. وربي أنا أخته الكبيرة ولي نظرة أعرفه هو عصبي وحـار وهي عكسة بـاردة وتريحو طول عمره .. أخ يا دكتور والله تعبت من هالحيـاة .. وأخوي نفسيتو تعبانة له سنتين لا يضحك ولا يخرج والهم ذابخه وخاطري آغير له حياته للأفضل بوحدة تخاف ربها .. والمشكلة فيها كل المحاسن والجمال والاخلاق .. هو يقول عمرها قدي .. ما يصير نتزوج .. ويقول أخاف تطلع موب حلوة .. وإلا يقول أنا ممكن أتزوجها لكن مو الحين لا تغضظووا عليا إنتم ما تفهموا .. المشكلة حدها تنفتح السالفة يعصب ويهاوش .. يا دكتور نبي الحل وأنا إستشرت آبوي وآمي وقلت لهم الدكتور يدينا نصايح نتعامل معه ونتحايل عليه .. والله راح يكسب ويكون هو المحظوظ وأنا خايفة عليه لا يضيع من ورا هالسـراب اللي عايش فيه وأنا لو أعرف إنو ما يبيها بـ إقتناع وربي ما آفرب منها .. وخايفة من حياتي تنهدم زوجي بدأ يقول كلام مو حلو ويكذبني لأني فرحته وعشمته وعلى قد الفرحة أخاف تجيني المصايب .. منتظرتك بـ آحر من الجمر :rolleyes: والله ويوفقك ويسعدكـ :redface: المصدر: نفساني
|
|||
|
12-04-2011, 02:26 PM | #2 |
مراقب عام
|
الملتقى لا يتوفر به طبيب في هذا الوقت ، وسوف نقوم إن شاءالله بتوفير طبيب او اخصائي للقيام بالرد على المشاكل
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|