![]() |
|
![]() |
|
![]() |
||||||||
|
||||||||||
![]() |
![]() |
![]() |
ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
![]() |
|
أدوات الموضوع |
![]() |
#1 | |||
عضـو مُـبـدع
![]() ![]() ![]() ![]() |
وسواس الموت
اللي كثير منا مايعرفه أن الوسواس مرض خطير جداً إذا ما حصل الشخص على العلاج المناسب له وإنه سبب رئيسي في حالات الاكتئاب وانفصال الشخصية والجنون ويصل إلى حد الانتحار .! طيب يا جماعة وشرايكم أقولكم قصة هالرجال وبعدين نتكلم عن مرض الوسواس بشكل أكثر تفصيل.. بسم الله نبدا السالفه .. هذا طول الله عمركم على الطاعة .. ولد توه متوظف وماله إلا فترة بسيطه كم شهر ويالله لك الحمد مستانس بهالوظيفه وجالس يخطط للمستقبل ويحاول يشتري نواقصه اللي كان محتاجها مع أول راتب له .. مالكم في الطويله اللي اقصده الولد كان مستانس بهالوظيفه اللي هو فيها وبعد كذا شهر الولد بدا يتغير كان بدا ما يحس بطعم الحياة يعني يقوم من النوم للدوام للبيت وساعات يطلع وساعات ابد يجلس يقول ماعد صرت أستمتع بأي شيء لا تلفزيون لا تلفون لا طلعات ولا جيات ولا أي شي ولا حتى سواليف مع الأهل ولا الشباب .. اللي سبب له هالشيء أنه فقد شخص عزيز على قلبه ومتعود عليه وكان يجلس معه أكثر من 5 ساعات باليوم يمكن .. ( قريب له ) ويقول مع دخول شهر ذي الحجة جاني خوف غير طبيعي وتفكير جنوني يقول كان قلبي يدق أكثر من 100 نبضه في الدقيقه !! ويحس أنه بيموت قريب .! صار يفكر وشلون بموت بتجيني سكته ولا جلطه ولاحظوا انه شاب ويفكر كذا .!" الأعمار بيد الله" يقول عشت في رعب غير طبيعي وكل ما قمت من النوم أحس أنه آخر يوم لي .! تمر الأيام والخوف مره يزيد ومره يخف حتى قربت بداية السنة الجديده وجاه خوف يقول خلاص منيب عايش لبداية السنة الجديده ! وبعد ما دخلت السنه الجديده جاه خوف ثاني قال منيب عايش الى عاشوراء !. جاء عاشوراء وانتهى والولد راح عنه جزء كبير من الخوف اللي كان عايشه .! والسبب بعد الله خلال الفترة الماضية من بداية دخول هالخوف له إلى الأيام هذي سوى هالأشياء : - ( والدته ) كانت تقرا عليه يومياً. - راح لشيخ يقرا عليه يحسب أن فيه عين.! - راح لمستشفى وقالهم عن اللي فيه وعطوه دواء مضاد للوسواس والاكتئاب.! الحين حالة الولد أفضل بكثير جداً من أول والحمدلله .. وياليت تدعون له : ) طبعا اللي ودي أقوله أول شيء الواحد منا لا يكتم أي شيء بنفسه ولا يجلس يخبي اللي فيه عن أهله بالخصوص ولازم يقولهم كل شي ولا يملاء قلبه بالهموم والخوف والوساوس .. ثاني شيء ياليت كل واحد فينا يحافظ على أذكار الصباح والمساء ويكون له ورد من القرآن يومياً. ثالث شيء لو جالك وسواس أو اكتئاب لا تستحي أو تخاف ورح للدكتور وراح يصرف لك العلاج المناسب اللي بعد إذن الله راح يفيدك كثير. انتهت القصه والحين أبي أتكلم عن مرض الوسواس القهري أنا أحب إذا كنت بتكلم عن مرض أحب في البداية أتكلم عن أعراضه عشان أعرف هو فيني أو لا وراح أختصر لكم بعض أعراض الوسواس: قبل ما أقول لكم الأعراض ودي أسوي تقسيمه بسيطه الوسواس القهري ينقسم في الغالب إلى قسمين وسواس يختص بالأفعال مثلاً تلاقي الشخص جالس يتوضأ وشوي يقول انا غسلت يدي ولا لاء ؟! وبعدين يقول برد ارجع اعيد الوضوء من جديد أخاف ربي مايقبل وضوئي وبعدين مايقبل صلاتي وبعدين أدخل النار .! << شوفوا وين الوسواس يوصلهم ؟! فاحمدوا الله .. وفيه نوع ثاني من الوسواس وهو وسواس الخوف من الأمراض والموت وفيه مثلا تلاقي الشخص يعوره راسه فتبداه الوسواس .. يقول مثلا هالوجع اللي فيني اكيد انه ورم وضاغط على دماغي واكيد انه ورم سرطاني واكيد انه سرطان خبيث وجالس يضغط على دماغي وراح ينتشر وراح أموت .! يعني شوفوا كيف الوسواس القهري من ألم رأس بسيط عادي وصله إلى السرطان والموت .! شفتوا خطورة هالمرض .!؟ الحين بتكلم عن الأعراض ولأن الموضوع طويل فـ راح أختصر على النوع الثاني من الوسواس لأن صاحبنا اللي في البداية تعرض له ومابي أطول عليكم أكثر من كذا وإذا شفت الموضوع مهم راح أنزل موضوع عن النوع الأول من الوسواس .. أعراض وسواس الخوف من الأمراض والموت: • تلاقي الشخص يجي عنده خوف من الموت أثناء الليل.! • تجي عنده هالفكره راح أموت ومحد عندي.! • تلاقيه يقول إذا صار كذا راح أموت مثلا لو صارت زحمه في الطريق راح أموت .! • إذا ولدي غاب عن المدرسه راح أموت ، إذا بنتي صاحت راح أموت.! • وش بيصير لعيالي لو مت .! • تلاقيه تجيه هالفكره إن الإنسان يشعر إذا اقترب الأجل.! طبعاً هذي جزء من أعراض هالمرض الخطير اللي يخلي الإنسان ميت وهو بأتم صحة وعافيه جسدية .! الحل لمثل هذي الأمراض أن الشخص المصاب بهذي الأعراض يقر داخل نفسه أنه إنسان فعلاً مريض ويحتاج للعلاج .. وهذي أول خطوة صحيحة نحو العلاج .. لازم يعترف الشخص بداخلة أنه مريض وأن اللي فيه مرض وله علاجه والحمدلله العلاج سهل وصحيح أنه مدته ممكن تكون طويلة شوي لكنه موجود .. والمشكلة الأكبر إن الشخص المصاب بالمرض هذا يبي حل سريع جداً لهذي الأفكار والوساوس وكل العلاجات المستخدمة لمثل هذي الحالات لازم تاخذ فترة من أسبوعين إلى ثلاث أسابيع عشان تبدا مفعولها .. لكن الشخص إذا اقتنع في البداية انه مريض فهالشي راح يخفف عنه كثير.. - اختيار الشخص للطبيب المعالج شيء مهم لأنه مو كل طبيب نفسي بنفس مقدرة الطبيب الآخر.. لكن صدقوني زيارة الطبيب النفسي شيء مهم جداً وخاصة في هالزمن هذا .. - فيه علاج اسمه CIPRAM 20ml هذا يستخدم لمثل هالحالات وزي ما قلت لكم يحتاج العلاج من أسبوعين إلى ثلاث أسابيع حتى تتحسن الحالة وطبعا العلاج لازم يوصف تحت إشراف الطبيب المختص. - والأهم من هذا كله الاعتماد على الله سبحانه وتعالى وقراءة أذكار الصباح والمساء والاستعاذة بالله من شر الشيطان الرجيم ووساوسه. المصدر: نفساني
|
|||
![]() |
![]() |
#2 |
( عضو دائم ولديه حصانه )
![]() |
مرحبا اخويه
انا احاول اطبق فكرة الابتعاد عن التفكير حاول تجلس مع مجموعه من الناس على طول ، ادري يمكن تحس كأنك غريب من بينهم، لانه حصل لي اليوم في الدوام الكل يضحك وانا احس 1بالخوف رديت البيت قلت لازم اتغير بحاول اضغط على عمري هالمره لاتنسى ذكر الله في كل وقت والاستغفار كل اللي فيك بيخوز بإذن الله وقول لاحول ولاقوة الا بالله وحاول تبتسم غصب ، اتصنع الابتسامه كم يوم وان شاء الله يطير الشر |
![]() |
![]() |
#4 |
( عضو دائم ولديه حصانه )
![]() |
اسمحي لي
المهم اختي انا اعاني نفس الشي بس في وحده قالت لي لازم تكون عندج اراده ووحده ثانيه قالت انتي تغيرتي ليش ماتعرضين نفسج على طبيب نفسي قلت الله لايحوجني لهم ، الله موجود وبدعي وانتي ادعي لنفسج باستمرار اسأل الله العظيم رب العرش العظيم ان يبعد عنج الوسواس وحاولي تلهين عمرج قد ماتقدرين وسجلي في نادي رياضي واندمجي مع الناس، ويلسي مع ناس كله يضحكون ومتفائلين وان شاء الله بترتاحين بالنسبه للي ياخذون ادويه اقول يمكن عندكم نقص في هرمون السعاده، فابحثوا عن مصدره عشان يرتفع الهرمون لعل الخوف والوسواس يتلاشى من غيرادويه |
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|