عندي سفره وخايفه من الضغط

عندي سفره وخايفه من الضغط

السلام عليكم ورحمه الله وبركاته
كيفكم جميعا
الحمد لله عندي بنتين جبتهم تحت الضغط العالي،الاولى كنت برا السعوديه وكان ضغطي عالي وعالجته بالدواء لكن نسيت اسمه ،الثانيه كنت في السعوديه وجاني ضغط وولدوني لكن ما اعطوني ادويه لانهم يقولو ضغطك نفسي وقت التوتر بس
لكن المشكله انا طول وقتي متوتره وضغطي الانقباضي هوا المشكله اوقات يوصل ل 109
واحس جسمي يتعب منه ومن التفكير ،دحين عندي سفره قريب سته ساعات طيران وانا عندي خوف من الطيارات وما اعرف ايش الحل ولو اجلتها ممكن يتدمر بيتي وما ابغى اكون انا السبب وخوفي وتعبي النفسي هوا السبب
ما اعرف ايش الحل
كمان عندي مشكلة الدوخه المستمره ما عرفتلها حل
صح انا كنت استخدم سيبرالكس لمده ثلاثه سنين وكنت مرتاحه فيها بس لما قللت الجرعه رجع قلقي وخوفي ,قللت الجرعه علشان الحمل

المصدر: نفساني

تفكيرنا في المشكلة راح يزيدهااا
حاولي تاخذي معك دفتر صغير وقلم وقولي لنفسك انه اول مانصعد الطيارة اريد اكتب قصه
وخلال 6 ساعات وقت السفرة اكون كتبت بعض الاوراق لقصه معينه .... اختبري نفسك شوفي موهوبه في القصص
صحيح الانسان اوقات ماله خلق لكن لازم يحاول يعمل شي يقلل من حالته

او حاولي يكون معك القران الكريم قولي راح ابدا فيه بشوف كم جزء اقدر اقراء
او تكون معك سبحه تستغفرين الله ... قولي اريد ان استغفر الله ما استطعت 1000 مرة او اكثر

يعني ادخلي مع نفسك في تحدي بعمل شي معين ...
راح توصلي وتتمني انك تتاخري شوي عشان تخلصي العمل اللي بيدك

الله يشفيك يارب ويشفي جميع المرضى ويشفيني

هلا حبيبتي لاتخافين انا كنت مثلج خايفه لما سافرت اوروبا لكن الحمدالله لاني اعاني من دوخه وعدم توازن فضيع . بس الحمدالله عدت دايما استغفري وتذكري اشياء حلوه واخذي نفس اعم شي التنفس . الله يسر امورك وطمنينا عليك ولاتفكرين بالمرضوع خليها على الله .

اخ غريب الله يعطيك العافيه على ردك
ما اقدر اكوم هادئه في الطياره معايا بنتين الصغيره لسه شهرين والكبيره ما كملت ثلاثه سنين يعني لازم اكون مركزه معاهم واهتم فيهم ،يمكن لو كنت لحالي تهون بس انا شايله همهم
ام سيوفي ريحتي قلبي الله يريحك انا كمان سفرتي ان شالله لبريطانيا ،بس انا شايله هم الضغط لانه لما يطلع يهد جسمي غير التفكير اللي يهد الجسم من دون ما نتحرك
الله ييسر امورنا ويخفف همومنا ويبعد عننا الوساوس

مثلي تمام ايام شهر سافرت تسع ساعات بالطياره وكنت بموت من الخوف ودوخه والتوازن معدوم وحالتي حاله ولا صار لي شي اختي حنا مرضنا انفسنا بأنفسنا.

يالله يا ام شجاع ليتني افرح بسفرتي زي باقي الناس، أهلي يقولولي أحد يكره السفر والوناسه، الله يعيننا على أنفسنا ويخفف عننا

الله يعينج يا حبيبتي و يشفيج مفروض تكون عندج مربيه تساعدج
عالاقل تمسك وحده من البنات ... حاولي تنومينهم و استغفري كثيراً
العبي العاب الفيديو حطي موفي فكري في السفره نفسها شو بتسوين فيها
خططي للمستقبل حاولي اول ما تفكرين بالتوتر شتتي تفكيرج خلال ثلاث ثواني و ان
شاءالله بيروح .... الحال من بعضه يا حبيبتي مالنا الا الصبر واحتساب الأجر

الله يسلمك ساره
معايا بس اهل زوجي حتى زوجي مو في وهما ما يعرفو حالتي
المشكله ما اقدر اسوي شي الا لما البنات ينامو خصوصا الكبيره جدا متعبه لاننا دلعناها زياده عن اللزوم الله يسامحنا
بس محد قالي ايش اسوي في الضغط انا شايله همه خصوصا انه يطلع فوق الميه

طيب اختي ما معك علاج للضغظ ...
إذا انتي تاخذين علاج وباشراف دكتور ممتاز الحمدلله لاتخافين بعد الدعاء لله سبحانه وتعالى ....
وحاولي اختي انه تمارسي رياضه المشي مفيدة لمرضى ارتفاع الضغط...
الله يسهل عليك مقدر وضعك ظروف مايحس فيها الا اللي يمررر فيهااا
المهم طمنينا عليك إذا وصلتي بالسلامه

الله يشفيك ويشفي جميع المسلمين ويشفينا يارب

خلي معاك ثمرة الكيوي وكل نص ساعه كولي لك حبه متااااااااااااز للضغط المرتفع

السلام عليكم
اختي الغاليه أسال الله العظيم رب العرش العظيم أن يشفيك
أمرك هييين بإذن الله وبسيط شوفي ياعمري الضغط عادي جداً وبإذن الله ولو الضغط بيضر كان ضر على الطيارين ومعروف مرض الضغط يصيب الطيارين وعلى الرغم من ذلك ٱنتـيے تعرفين سفرهم احيانا تكون عنده اكثر من رحله في أسبوع حياتهم كلها سف أما بالنسبة لبناتك الله يحفظهم حاولي تكون رحلتك بالليل علشان ينامون وحتى لو ماناموا صدقيني ان هم بيخلون الوقت يمر بدون ماتحسين وبتكونين مشغوله معهم والانشغال نعمه يصرفك عن التفكير أما اذا ناموا بعد بتكونين مرتاحه إن شاءالله ًتقدرين تنامين يعني في كلتا الحالتين بتكونين مستفيده واللي أهم من هذا كله وضرووري الدعااااااء وخاصه دعاء اللي مثل وضعك دعاء المضطر وانتي تعلمين بوعد الله لنا بإجابة دعاء المضطر في قوله سبحانه
( أمن يجيب المضطر إذا دعاه ويكشف السوء ويجعلكم خلفاء الأرض أإله مع الله قليلا ما تذكرون ( 62 ) ) .

ينبه تعالى أنه هو المدعو عند الشدائد ، المرجو عند النوازل ، كما قال : ( وإذا مسكم الضر في البحر ضل من تدعون إلا إياه ) [ الإسراء : 67 ] ، وقال تعالى : ( ثم إذا مسكم الضر فإليه تجأرون ) [ النحل : 53 ] . وهكذا قال هاهنا : ( أمن يجيب المضطر إذا دعاه ) أي : من هو الذي لا يلجأ المضطر إلا إليه ، والذي لا يكشف ضر المضرورين سواه .

عايشين السعادة الانسان هو اللي يقول الحمد الله لاني عندي فرصة اسافر خارج البلد و داخله اللهم لا حسد
ناس مثلي ما اقدر حتى اشتري ملابس انيقة تليق ببني ادم ... عموما اسال الله ان يشفي جميع المسلمين

اخ غريب ما عندي علاج الدكتور يقولي خففي توتر ويروح ، بالله كيف اخفف توتر وانا اخاف من الطياره وعندي اصلا توتر وهلع
ان شالله باروح اشوف دكتور ثاني والله ييسرها

ام شجاع اول مره اعرف انه الكيوي يخفف الضغط باشتري ان شالله منه دامه فاكهه ولا تضر

الخنساء ربي يعطيكي العاااافيه ريحتي قلبي انا شايله هم الضغط كله من الوسواس الله يمحي
السفر ما اقدر اخلي في الليل علشان الحجز لا يتقدم ولا يتاخر يعني لو مارحت بيروح حجزنا
ووبناتي يارب يكونو هادين ،الصغيره مقدور ان شالله عليها اما الكبيره هي اللي تطفش وتعصب بسرعه

اخ عقدة لا تظن بالفلوس او السفر تقدر تشتري السعاده وراحه البال ،بالطمئنينه والصحه والرضاء والقناعه كلها تخليك غني في هذي الدنيا
الله يرزقنا الصحه وراحه البال