احياناً اتمنى اكون استشاري معرفي سلوكي

احياناً اتمنى اكون استشاري معرفي سلوكي

لكن اذا تذكرت ان اغلب اللي المراجعين ما عندهم رغبة حقيقية
في التعافي، لأنهم يتوقعون الإستشاري يبي يشخص حالتهم
و يعطيهم درس او نصيحة، لازم يكون من الطرفين.. تأكد دائماً
من رغبتك في التعافي؟ اذا لم تكن لديك رغبة فأنت بخير،،

تحياتي

المصدر: نفساني

ههههههههههه والله اني مثلك صرت احس اني معالج سلوكي ممتاز من كثر ماشفت من اكتئاب ونوبات هلع ووسواس

اهلا
اتوقع ان الاكتئاب اذا كان شديد لن يفيده العلاج السلوكي وكذلك الحال لباقي الامراض النفسية

المشاركة الأصلية كتبت بواسطة عبدالله ون

اهلا
اتوقع ان الاكتئاب اذا كان شديد لن يفيده العلاج السلوكي وكذلك الحال لباقي الامراض النفسية

غير صحيح بالعكس ، الإستشاري الماهر يقدر
يوصل للمشكلة و يحلها اذا لقى تعاون من المراجع،

المشاركة الأصلية كتبت بواسطة المنقرش

لكن اذا تذكرت ان اغلب اللي المراجعين ما عندهم رغبة حقيقية
في التعافي، لأنهم يتوقعون الإستشاري يبي يشخص حالتهم
و يعطيهم درس او نصيحة، لازم يكون من الطرفين.. تأكد دائماً
من رغبتك في التعافي؟ اذا لم تكن لديك رغبة فأنت بخير،،

تحياتي

هلا اخوي المنقرش

احس العلاج السلوكي يحتاج دراسة لكن الموهبة لازم تكون حاضرة عكس الطبيب الدراسة تكفيه

بعض الناس عنده قوة حجة ويقنعك في امور كثير

اذا شايف نفسك عندك الموهبة تعلم ونزل مقاطع يوتيوب

يمكن عندك موهبة الاقناع مع الخبرة راح اكيد تفيد ناس محتاجه

انت قلت حتى نتوصل للسبب , هل دائما الاكتئاب له اسباب ؟ او الامراض النفسية عامة ؟

صراحة ما فهمتك يا المقرش
لا تحسبني اقلل من الجلسات السلوكية بالعكس لها فائدة كبيرة في ادارة الذات والاخرين وقرات كتب عن الذكاء العاطفي
لكن يا منقرش لما يدخل واحد مزاجه مقفل مرة ومو مركز وعنده خمول مو طبيعي كيف تبغاه يستفيد من هذي الجلسات
لازم اول شيء يتخلص من الكآبة الشديدة
عشان تكون عنده رغبة
اقصد بالشيء الي ما فهمته منك انت كيف يوصل الدكتور لأصل المشكلة حتى لووصلت الى السبب الي جاني الاكتئاب بسببه وش بستفيد اغلبهم جاهم الاكتئاب بسبب الضغوط
طيب الي عنده اكتئاب من غير سبب وش وضعه
اغلب الي تحسنوا من الاكتئاب في الغالب ان شخصيتهم تطور
اتمنى ما تاخذ كلامي عناد لا بالعكس ابغى اوصل لنتيجة

المشاركة الأصلية كتبت بواسطة عندي امل

انت قلت حتى نتوصل للسبب , هل دائما الاكتئاب له اسباب ؟ او الامراض النفسية عامة ؟

غالباً الإكتئاب يكون له اسباب، اختلال كيمياء المخ
تحدث و لكن قليل، اقل بكثير من اللي يعتقدونه الناس.
ينطبق نفس الشيء على باقي الأمراض النفسية

المشاركة الأصلية كتبت بواسطة محمد البدراني

هلا اخوي المنقرش

احس العلاج السلوكي يحتاج دراسة لكن الموهبة لازم تكون حاضرة عكس الطبيب الدراسة تكفيه

بعض الناس عنده قوة حجة ويقنعك في امور كثير

اذا شايف نفسك عندك الموهبة تعلم ونزل مقاطع يوتيوب

يمكن عندك موهبة الاقناع مع الخبرة راح اكيد تفيد ناس محتاجه

محمد انا اعرف طريقة وحدة للعلاج المعرفي السلوكي
وهي اني اتحاور مع الشخص و اخلية يكتشف نفسه،
اعتقد هذا افضل نوع من العلاج المعرفي السلوكي فيه
اشياء يسوونها بعض الإستشاريين لكن اعتقد مالها اي تأثير،

المشاركة الأصلية كتبت بواسطة عبدالله ون

صراحة ما فهمتك يا المقرش
لا تحسبني اقلل من الجلسات السلوكية بالعكس لها فائدة كبيرة في ادارة الذات والاخرين وقرات كتب عن الذكاء العاطفي
لكن يا منقرش لما يدخل واحد مزاجه مقفل مرة ومو مركز وعنده خمول مو طبيعي كيف تبغاه يستفيد من هذي الجلسات
لازم اول شيء يتخلص من الكآبة الشديدة
عشان تكون عنده رغبة
اقصد بالشيء الي ما فهمته منك انت كيف يوصل الدكتور لأصل المشكلة حتى لووصلت الى السبب الي جاني الاكتئاب بسببه وش بستفيد اغلبهم جاهم الاكتئاب بسبب الضغوط
طيب الي عنده اكتئاب من غير سبب وش وضعه
اغلب الي تحسنوا من الاكتئاب في الغالب ان شخصيتهم تطور
اتمنى ما تاخذ كلامي عناد لا بالعكس ابغى اوصل لنتيجة

وصلت فكرتك و اتفق معك في بعض اللي قلته
شوف زي ما قلت انه كل حاله و لها وضعها و الإستشاري
الجيد يقدر يسويلك بشهر واحد اكثر من اللي انت بتسويه
في سنوات، صدقني الإستشاري الماهر يقدر حتى
على أشد حالات الإكتئاب، احياناً تروح للإستشاري
عشان تعرف ان الإكتئاب اللي فيك مو خلل في كيمياء
المخ،

طريقة الإستشاري بإختصار هو انه يمشي معك
و يكون يراقبك عشان يحدد مكان المشكلة، اذا حدد
مكان المشكله يخليك بنفسك تجي و تشوفها و تحلها
احياناً اذا وصلت للأسباب اللي سببت لك الإكتئاب
تبداء تعرق و تتلخبط و يوضح انك وصلت للمشكلة
بعد ما توصل لأصل المشكلة و تحلها المشاكل الثانية
تنحل معها لأن هذي المشكلة هي السبب في المشاكل
الثانية،،

قليل اللي عنده اكتئاب بدون سبب و حتى لو كان السبب
هو اختلال في كيمياء المخ المكتئب يحتاج مسانده
و بعضهم يروح للإستشاري وهو يعتقد انه فيه اسباب
خلف اكتئابه و الإستشاري هو اللي يكتشف ان اللي فيه اختلال في كيمياء المخ ،،

فيه شي مهم هو ان المراجع لازم يكون عنده رغبة عالية
في التعافي، و يكون واثق من الإستشاري. احياناً الإستشاري
يخليك تقرب من مشكلتك و القرب هذا يسبب لك ازعاج
انت تحسبه من الإستشاري، وشلون تقرب اكثر للمشكلة
اذا كنت في كل مره اتتخاذل و ترجع ..!

أنا أول شي كنت أبحث عنه يوم رحة لأخصائي هو وش سبب إكتئابي
والغريب أن الأخصائي مصر إن إكتئابي من شي و أنا أحس ان هذا الشي ماهو السبب كل ما أشعر فيه أن الكتئاب طب علي فجأه
سبحان الله فيه أوقات قبل الاكتئاب مريت في ازمات شديده ونجية منها بدون ما أصاب بمرض الاكتئاب مجرد حزن شديد وبمجرد ما تنحل المشكله ارجع طبيعي أما ها المره يوم اصبت بمرض الاكتئاب وقتها صرت في حيره هل الماضي كان سبب أو اني من الناس الي فجأه وطب عليه الاكتئاب

تدرون عاد وبختصر الاكتئاب مازال لغز محير حتى الآن لم نصل لا مرضاء ولا أطباء إلى جذوره وإلى طريقة علاجه المثلا فقط عرفنا أعراضه وكل يوم تشوف اختلافات كثيره في معرفة مكنون الكتئاب سببه وعلاجه
اسأل الله السلامه الحمدلله أن العافيه في نهاية المطاف عند الرحمن الرحيم

أهلا منقرش إذا كذا أنا معك في كل كلمة لكن الأخصائيين الذين تتحدث عنهم قليل أن تجدهم
أخي صابر وراضي لا أستطيع سوى القول أن الاكتئاب مرض مثله مثل باقي الأمراض أسبابه البيولجية مجهولة وكل أسبابه نظريات فقط
أهم سبب للاكتئاب هو الضغوط النفسية بكافة أنواعهاوالقلق الكثير كذلك بعض أنواع الشخصيات يكونون أكثر عرضة للا صابة والوراثة تلعب دور أيضا