لا حولنا مشراف ولا اقدر اطير*يالله قسمة خير لاتبتليني..

لا حولنا مشراف ولا اقدر اطير*يالله قسمة خير لاتبتليني..

شسمه بما اني جالسه اصيح والحاله زادت حبيت اقولكم هالابياات حسيتها تعبر عن حالتي 😭😭😭😭. EMFWWWFE
الضيقة اللـي دايـمٍ تالـي عصيـر
...وش حيلتـي وأردهــا لا تجيـنـي
لا طال ظل العود حزة عشـى الطيـر
....كنها على سجـن الحديـد تحدينـي
يضيق صدري كل ما جـات وأسيـر
....ولايخفـف سـوج رجلـي حنينـي
لا حولنا مشـراف ولا اقـدر اطيـر
....يالله قسـمـة خـيـر لا تبتليـنـي
وعقارب الساعة توقف عن السيـر
....ولاكن في الدنيا سواتـي حزينـي
والعبره اللي تاصل الحلـق وتحيـر
....يا قربها لو قيـل لـي يـا عوينـي
أمل شـوف النـاس ورد ومصاديـر
....واللي يقول اشفيـك كنـه يهجينـي
يعني على ما قيل من بـاب تصويـر
....(لاحدٍ أبي قربـه ولا أحـدٍ يبينـي)
أروح أدور خـط مـابـه دواويــر
....وأدور الـلـي هـادهـا تهتديـنـي
وآخذ مع الهاجـوس سجـة وتفكيـر
....وأراجع اللـي فـات بينـي وبينـي
وأحسـب ذنوبـي وأدور التكفـيـر
....عساي مـا قصـرت فـي والدينـي
وعساي ما قارنت من ينفـخ الكيـر
....واللي يحمل المسـك جعلـه قرينـي
صبرٍ جميـل وخابـر إنـه مقاديـر
....والله على تخفيـف حزنـي عوينـي
ذي حالتي لين اتغبا الشمس واصيـر
.....معطى سراحي عقب مانـا سجينـي
واذا امتلى جوف الشجر بالعصافيـر
....طلبـت مـن رب العبـاد يهديـنـي
يعتقني المذن عقب ضيقـة عصيـر
....اللي على سجـن الفـراق اتحدينـي

المصدر: نفساني

حتى انا اعشق هالابيات وتمثلني وصح لسان الشاعر ابن فطيس

وسلامتس من الحزززززن والهم اكثري من دعاء الهم والحزن و الكرب .

رووووووعه تعجبني الابيات ذي

سلامتك من الحززن انا ابي انام موقادره قلقل توتر خوووف

تدرين من امس العصر مانمت :)