أبغى اموت

أبغى اموت

سلام
انا سبق وكتبت مواضيع هنا
انا معي رهاب اجتماعي من عمري 13
وأصابعي بعد الرهاب حركات لااراديه في وجهي لما كان عمري 15
لما أكون مع الناس وجهي مو طبيعي ابدددددا وحتى فالبيت نعمه ان وجهي مسترخي هذي فقدتها من عمر
الموقف اللي قهرني
قبل كم يوم كان عندنا زواج لقريبتي
أشتريت فستان غالي وتعبت ع نفسي
ولما ذهبت للمناسبة كان القلق سيد الموووووقف
كل الناس أكيد رهبانه من جوا
بس انا القلق طالع ع وجهي وفي قمة التوتر الرهاب يضغط من جنب والحركات المتوترة من جنب
كنت احاول مااكون فالمواجهة واهرب من الناس
واشوف البنات يضحكو وينطنطو وف قمة الجرأه وألوناسه
ماادري لمتى هالحاله. انا كبيرة وع وشك الثلاثين وشكلي كبير
انا اسكن ف محافظه وأقرب دكتور يبعد 400 كيلو
وامي وأبوي عمرهم ماحسوا بمعاناتي هم يرفضون الطبيب زي اغلب الناس ولما أكلم امي تقول مافيك الا العافيه
واخواتي يحتقروني امام الناس لما يشوفون التوتر طاغي علي
انا تعبت وأصابتني هالحركات من 2005
الى متى بظل كذا؟؟؟؟؟؟؟؟

المصدر: نفساني

حسبي الله ونعم الوكيل
اللهم أجرني في مصيبتي وأخلف لي خيرا منها

انتي بحاجة مراجعة دكتور يشخص حالتك ويصرف لك ادوية تخفف من حالتك لكن يبي لها اسابيع علشان تعالج الاعراض الي عندك واتركي سالفة الموت حاولي تكون ايجابيه متفائله اتمنى لك الشفاء

أهلين شكرا لك
لو كنت اقدر اروح دكتور ماكتبت هنا

كل عام و انت بخير ..

يقولون ما يحس بالنار الا واطيها و الجهل غربال .. فأهلك جاهلين في الي فيك .. حتى لو خبريتهم ما راح يستتوعبوا ..
في طريقة تقدرين تتواصلين فيها مع دكتور من دون زيارته ..
كثير من العيادات النفسية تقدم خدمة العلاج عن طريق الهاتف .. ترسلين لهم على حسابهم مبلغ الجلسة قبل ثم يحددوا لك موعد جلسة و تتواصلين مع الدكتور عن طريق الهاتف ..
شوفي عيادات ميدي كير و مركز مطمئنة يقدموا هالخدمة انت سوي بحث في النت و شوف الي يناسبك و يريحك ..
و الله يشفيك شفاء لا يغادر سقما و فيه هنا في نفس الملتقى برنامج متكامل كأنك رايحه للعياده من تمارين و تقنيات مررره جميل و فيه في أخر الموضوع تجارب الأخوان و الاخوات و انهم استفدوا منه استفاده حقيقة ..
شوفيه و أطلعي عليه و طبقي ..

اسم البرنامج برنامج متكامل لعلاج الرهاب و بشكل نهائي ..

و الله يسهل عليك و بشافيك

اهلين احتي
ماقد سمعت انه توجد عيادة عالهاتف راح ابحث عن هااشي

حاولي تعملين تخطيط للمخ يمكن معك زيادة كهرباء بالمخ
وعند وجود زيادة كهرباء بالمخ
الانسان يعمل حركات لا ارادية
هذه الحاله دائما تجيني ولكن مطنشها
وعملت تخطيط مخ وطلع معي زيادة كهرباء
عموما بكلا الحالتين حاولي تطنشي هذه الافكار قدر المستطاع

أنت شجع نفسك بالأفكار كون ناصحة لنفسك

تذكري أنك مو لحالك يعني حتى انا كنت اذا رجعت من حفله زواج اجلس ابكي عشان اشوف غيري يتصرف طبيعي وانا متجمده ماتحرك من الخوف yahoo
بس آخر الايام الحمد الله ماعادت تجيني حالة الاكتئاب هذي لأني تغيرت شوي
اذا فكرتي تروحين حفلة زواج تكلمي مع نفسك بصوت عالي ( العقل يسمع الكلام اللي تقولينه له ... الكلام مع النفس ضروري جدآ وكل الناس الطبيعيين الناجحين يكلمون نفسهم )
مثلا قولي لنفسك أنه ماله داعي التوتر لانه محد مركز معي ولا احد فاضي يدقق علي كل وحده مشغوله في نفسها وفي شكلها
وبعدين أي موقف يصير لك الناس بينسونه ( صداع الرأس كفيل بأنه يخلي اللي شافوك ينسون عن شكلك والتصرفات اللي سويتيها كلن مشغول في همومه ) #هذي من اقوال ديل كارنيجي
ولا تعطين الموضوع أكبر من حجمه شوفي المشاهير الاجانب ثلاثة اربعاهم يتعاطون حبوب مخدره ضد القلق
كل الناس لابد فيهم شي من القلق
وسوي رياضه الرياضه تخفف من التوتر وتفرز هرمون السعاده
وسوي هالشي
وشسممه كل الناس عندهم هموم محد راضي عن نفسه اللي عنده مشاكل صحيه واللي مشاكل اسريه واللي عندهم امراض نفسيه واللي مو راضي عن شكله أو وزنه
.. الخ
وحطي ببالك أن هالناس اللي تعطينهم أكبر من حجمهم يدخلون الحمام باليوم أقل شي خمس مرات DSSDDSDS
هذا الموضوع مع انه اخذ مني كم شهر بس فادني وتحسنت منه كثير واحمد الله أني عرفته http://www.nafsany.cc/vb/showthread.php?t=85021
يارب كلآمي أللي أضنه عشوائي يفيد أحد مآ ... وشكرآ DSSDDSDS

يا اختي انا حاسة بمعاناتك لكن عليكي ان تساعدي نفسكي لتجاوز هذا الخوف والتوتر تحدثي مع نفسكي وقولي لماذا كل البنات يتصرفن بتلقائية ولا يعانين من الرهاب مثلي ثقي في نفسكي وقوي عزيمتكي تشجعي وحاولي ان تهزمي خوفكي اتمنى لكي الشفاء العاجل

لاباس عليك اختي ،،

بشرينا هل من جديد ؟

أسأل الله لك الاجر و العافية ،،

سوي بحث بالانستقرام عن دكاتره نفسين ويطلعون لك وتواصلين مع احدهم وخليه يساعدك