الأدوية النفسية

الأدوية النفسية

نبي مشاركتكم عن الادوية النفسية لان صراحة احترنا ناس ما تعترف ولا تحب الادوية ويعتبرونها أدمان وخطر وفية أثار جانبية وطبع بالجهة المقابلة فية ناس تستخدم الادوية والاطباء النفسيين دائما يمدحون الادوية وانها هي الحل بعد الله لأنها معناة المريض ياليت تشاركونا الرأي ودمت سالمين أعضاء المنتدى الغالين

المصدر: نفساني

مفيش ادوية ملهاش آثار جانبية ولكن على حسب الاحتياج

مضطر!

وبيقولوا في المثل

قال إيش رماك على المر قال اللى أمرّ منه

في الغالب اضرارها اكثر من منافعها

اهلا بك

اي صحيح الناس تختلف وكل شخص له اسبابه اما تجربه سواء ناجحه او فاشله، او سمع من فلان وعلان، او ك عادتنا اعرف واحد صار فيه كذا بسببها، او اعرف فلان تعالج بسببها وتختلف الاراء حسب التوافق او القبول او دعم وجهة نظر او الي هو.

الادوية الادمانيه هي المهدئات و ليست المعالجه

الادويه المعالجه هي الي عليها اللغط والكلام الكثير.
قبل كل شي حط ببالك ان مافي شي سحري بالموضوع قد تستفيد من دواء وقد لا تستفيد وتضطر تغيره. والادويه كلها لها اعراض جانبيه وتكاد تكون اصعب من ابمرض نفسه لانها تدبل المرض الي فيك، يعني على سبيل المثال لو كنت تخاف 4 ساعات باليوم خوف شنيع بتزيد عندك ل ثمان ساعات وكأن الدوا يعمل شي عكسي ويمكن يطول معاك هالشي ويوصل الى شهر كامل وانت ما غير تشوف مرضك زايد ما يتعالج. بالاضافه للصداع والدوخه والذي منه يعني خلطه حلوه.
هنا تختلف الناس ، ف منهم الي يتحمل هالاعراض ويستفيد، ومنهم ما تحملها بعد اسبوعين وغير الدوا والمفاجأه ان الوضع نفسه. ف صار الحكم ان الادويه مجرد انها تزيد ولا تعمل شي. وبعضهم يستخدم شهر وما نفع ويغير الدوا ويضبط معاه بعد كم يوم، لانه ببساطه الدوا الجديد يبني على القديم ولا صار شي غير انه كأنه كمل الموضوع وضبطت. ومنهم الي نفع معاه وتحسن اسبوع ثم انتكس، وهذا يحتاج رفع جرعه وليس اكثر. ومنهم تحسن اسبوع وجرعته صحيحه لكنه انتكس وهذي من تذبذب الدواء يسوي تذبذب بالحاله.

شوف ، الدواء يبين فعاليته ما بين 6 الى 8 اسابيع من الجرعه الصحيحه العلاجيه والحكم عليه قبل هالفتره غير مجدي ابدا.


النوع الثاني، طول مدة المرض. اذا شخص يعاني من شهرين مثلا ، ف هذا ياخذ الدواء لحد ما يتحسن، لما يصير يمارس حياته طبيعي، ياخذ الدواء هنا 6 شهور يعني 6 شهور من اليوم الي تحسن فيه وليس مدة العلاج. ويقدر ياخذ الى سنه مافي مشكله ثم بعدين يتدرج بتركه. اما اذا مدة المرض مثلا نقول بديت تعاني من 5 سنوات، ف تاخذ الدواء لين تتحسن وتصير مثل اول، ومن اللحظه الي رجعت فيها طبيعي تاخذ العلاج لنفس مدة مرضك يعني خمس سنوات من يوم التحسن وليس من بداية الاستخدام، وبعدها تتدرج بتركه. وهذي الطريقه تمنع الانتكاسات.

و ايضا العلاج السلوكي مع الدواء، يعني لما تتحسن تبدا تحلل افكارك الي كانت تسبب لك ازمه وتحقرها حتى تتلاشى وتسوي الامور الي كنت تخاف منها وانت متحسن طبعا.


ايضا، من اسباب الاختلاف انه لما تتركه يكون له اثار انسحابيه. مثل التدخين الي يتركه تجيه اثار ترك الدخان يتحملها لحد ما يتعود بدونها. الدواء نفس الشي تجيك اثار جلنبيه وقد تكون على هيئة قلق واحساس بكهربا براسك وتجلس من اسبوع الى اربع اسابيع وبعدها تختفي. ومرات نادرة تجلس الى شهرين. الان هذي الاعراض البعض يعتبرها انتكاسه والبعض ما يتحملها ف يرجع للدواء.

وهذا باختصار السولافه على قولتهم ههههههههههه

اسف للاطاله

شكرآ الجميع