قسوة الطفوله والمرض النفسي

قسوة الطفوله والمرض النفسي

لا شك ولاريب ان التربيه السليمه تزرع الامل والتفاؤل عند الطفل ولو اصيب بالمرض
وقسوة الظروف المحيطه بالطفل تنمي عنده الكراهيه للمجتمع وتجعلة ارض خصبه للامراض النفسيه
فانا تعرضت لمشاكل كثيره من المجتمع واصبت برهاب شديد واصبح عندي كره للمجتمع وخاصه انا
االان ليس لي تفاعل مع المجتمع لاعمل ولا تطوع واخيرا لي ستة سنوات اكتئاب وضيقه وكتمه

المصدر: نفساني

الله يكون بعون الجيل الجديد مايشوف الشمس وانانيه ماهمهم اطفالهم خايف عليه ينخطف يندعس سوي خارج المدينة مكان عزبه خاصه للعائله محبوسين مساجين

اخوي مسافي،،،صدقني تقريبا يمكن مو الكل تعرض في طفولته للتهميش للعنف الاسري ،،،مع ذللك لماكبروا تناسوا ع الاقل وعاشوا حياتهم ولاخلوا الماضي يأثر فيهم ،،،فانت بإمكان تغير حياتك ولا تخلي الماضي يأثر عليك صفوه حياتك،،،شوفني كمثال انا امراه لم تكن حياة لي سعيده في طفولتي ،،،بسبب فقدي لابوي صارت الحياة لي تعيسه ومره ،،،لاني كنت ع قولتنا الجعده اصغر طفل في العائله وانا كنت متعلقه بابوي وين مايروح وكنت المفضله بين اخواني،،،حمد لله ع كل حال ،،،من وفاته وانا مصدومه مو مقتنعه انه مات،،،تخيل من عمر 8سنوات ليما 12وانا ابجي عليه بالليل لما الاكل نايم حيل تاثرت بوفاته واهتزت شخصيتي من كنت طفله سعيده الي طفله حزينه ،،،ومن بعدها تيقنت انه ابوي لا يمكن انه يرجع وانه بدار افضل من حياتنه فحمدت الله وصبرت،

ومع مرور الزمن اعترضت حياتي المشاكل وانا في فترة مراهقتي وحسيت بقيمة وجود ابوي بس مع ذلك كنت اخفف ع نفسي بالصبر والاهتمام بدراستي ،،،بس اللي مخفف علي كان اخوي الكبير الله يطول بعمره دايما يهتم فيني يعوضني ولا يحرمني من اي شي ،،،ولما تزوج زوجته بدت تغار مني ،،بكثرة اهتمامه لاني اضغر خواته بس حريم الغيره وما ادراك مالغيره ،،،فاحاولت اني ابتعد وماسبب لاخوي مشاكل مع زوجته لانه صج مريضه وغيوره،،،وبعدها انهيت ثانويه ومن بعدها تزوجت وياليتني ماتزوجت من بعد السنه هلت المشاكل ع راسي والسبب هم غيرة حريم ،،،سالفة طويله مابي اسرده لاني مابي اتذكر الماضي ابي اعيش حياتي اليوم بيوم سواء بحلوه ولامره ،،،وحمد الله نظرتي للحياة الان تغيرت اصبحت كلها نظرة تفاؤل ،،،واصبح روتيني ابتد يومي بصلاة فجر مع الاذكار والاستغفار ،، ،واديت اشغالي،،وفي نهاية يومي اصلي ركعتين الوتر والتحسين باذكار النوم ومن بعدها افكر بشي يسعدني وبعدها انام وانا مرتاحه .

فعلا قصة اختي زهور البنفسج ملهمه جدا .. اتمني تستفيد منها اخي مسافي فهي اختصرت للكثير مما كنت أودّ قولة

انا كنت اضن قليل اللي يتعرضون لمعاملة قاسية بطفولتهم بس لما سمعت كلام د ابراهيم الفقي وانه اتهزاء حتى هو واكتشفت عقب ان الاغلبيه مرو بهذي المعاملة مافي طفل ماتعرض لها الا نادر جدا
يعني لاتتضايق كلنا مرينا هذا شي الشي الثاني لو مريت بطفولتك بمواقف صعبه مره تألمك نفسيا انصحك عالج هالمواقف لان هي سبب اكتئابك